မန္တလေးမြို့တော်ကို အစိမ်းရောင်မြို့တော် (Green City) အဖြစ် တည်ဆောက်ရန် စီစဉ်

မန္တလေးမြို့တော်ကို အစိမ်းရောင်မြို့တော် (Green City)အဖြစ် တည်ဆောက်ရန် အတွက်  ဆပ်ကော်မတီ၊ ကော်မတီ (၆)ရပ် ဖွဲ့စည်းပြီး အလုပ်ရုံ ဆွေးနွေးပွဲများနှင့် စာတမ်းပြုစု ဆောင်ရွက်သွားမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီ ဥက္ကဋ္ဌ မြို့တော်ဝန် ဦးအောင်မောင်းက Tomorrowအား ပြောကြားသည်။

“ဘက်ပေါင်းစုံကနေ အကြံဉာဏ်တွေယူပြီး မန္တလေးမြို့ကို အစိမ်းရောင်မြို့တော် ဖြစ်အောင် တည်ဆောက်သွားမှာ ဖြစ်ပါတယ်။ စာတမ်းတွေ ပြုစုပြီး စာတမ်းဖတ်ပွဲ ပြုလုပ်မယ်၊ ကဏ္ဍအလိုက်ပေါ့ အဓိကကျတဲ့ မန္တလေးမြို့ပေါ် မန္တလေးမြို့ ဧရိယာ အတွင်းက မြေယာတွေကို စည်းကမ်း နှင့်အညီ အသုံးပြု ဆောင်ရွက်ရေး၊ ပြီးတော့ အိမ်ယာမဲ့တွေ အတွက် နေရာချထား ပေးနိုင်ဖို့ နှစ် (၃၀) စီမံကိန်းတွေမှာ ပါရှိတဲ့ ဇုန်များအတိုင်း အကောင်အထည် ဖော်ဆောင်ရွက်ဖို့ Long Term အတိုင်း ဆောင်ရွက်ခြင်းတွေ လုပ်ထုံးလုပ်နည်း စည်းကမ်းနဲ့အညီ ကိုက်ညီတဲ့ အိမ်ယာတွေ တည်ဆောက်နိုင်ဖို့ စာတမ်းတွေ ပြုစုပြီး လုပ်ကိုင် ဆောင်ရွက်သွားမယ်”ဟု မြို့တော်ဝန်က ပြောကြားသည်။

ထိုပြင် ပြင်သစ် အဖွဲ့အစည်း တစ်ခုဖြစ်သည့် AFDမှ မန္တလေးမြို့ ရေပေးဝေရေး စနစ်အတွက် အမေရိကန် ဒေါ်လာ (၃)သန်းခန့်နှင့် မန္တလေး ပြည်ကြီးတံခွန် မြို့နယ် အတွင်းရှိ ရေမရရှိသေးသော ရပ်ကွက်အချို့ အတွက် ဂျပန် အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ JICAမှ အမေရိကန် ဒေါ်လာသန်း (၂၀)ခန့် ထောက်ပံ့မည် ဖြစ်ကြောင်းနှင့် ပြီးခဲ့သည့် စက်တင်ဘာလ (၁၁) ရက်နေ့က မန္တလေးမြို့တော် စည်ပင်သာယာရေး ကော်မတီနှင့် ပြင်သစ် အဖွဲ့အစည်း တစ်ခုဖြစ်သည့် FASEPတို့သည် မန္တလေးမြို့၏ ရှေ့လာမည့် အနာဂါတ် ပုံဖော်ဆောင်ရွက်နိုင်ရန် ရေရှည် စီမံကိန်းများ အတွက် စာတမ်းများ ကောက်ယူ၍ အမေရိကန် ဒေါ်လာ (၁.၃)သန်း ငွေကြေး ထောက်ပံ့ခြင်းနှင့် နည်းပညာများ ကူညီ ထောက်ပံ့သွားမည် ဖြစ်ကြောင်း သိရသည်။

“မန္တလေးမြို့တော်ရဲ့ ရှေ့လာမယ့် အနာဂတ် Road Tomorrow Dayကို Green City ဖြစ်ပေါ်လာဖို့ဆိုတာ ကျွန်တော်တို့ စည်ပင်သာယာရေး ကော်မတီ တစ်ခုတည်းနဲ့ လုပ်လို့မရဘူး ဘက်ပေါင်းစုံက အမြင်သဘောထား အကြံပြုချက်တွေ လိုအပ်ပါတယ်။  မြန်မာနိုင်ငံမှာတော့ ကျွန်တော်တို့ မန္တလေးမြို့ဟာ ပထမဆုံး ရည်ရွယ်ချက် ကြီးကြီးထားပြီး လုပ်ကိုင်မယ့်မြို့ ဖြစ်တာကြောင့် ဘက်ပေါင်းစုံက အကြံဉာဏ်တွေနဲ့ လုပ်ကိုင်ရင် အောင်မြင်မှာ ဖြစ်ပါတယ်။ ဒီနေရာမှာ အဓိကကျတဲ့ ငွေကြေး ပိုင်းဆိုင်ရာ ကိစ္စပေါ့ ကျွန်တော်တို့ စည်ပင်က ၀င်တဲ့ငွေနဲ့ တတ်နိုင်သလောက် မန္တလေးမြို့တော်ကို အစိမ်းရောင်မြို့တော် (Green City) အဖြစ် တည်ဆောက်ရန် အတွက် ခေါင်းစဉ် (၅)ခုဖြင့် စာတမ်းပြုစု ဆောင်ရွက်သွားမယ်။ လုပ်တာတွေ လုပ်နေသလို အခု ဒီကိစ္စမှာ AFDရဲ့ အထောက်အပံ့ကိုလည်း ရရှိမှာ ဖြစ်တာကြောင့် အောင်မြင်စွာ အကောင်အထည်ဖော် ဆောင်ရွက်နိုင်မှာ ဖြစ်ပါတယ်”ဟု မန္တလေးမြို့ စည်ပင်သာယာရေး ကော်မတီ ကော်မတီဝင် (၁) ဦးထွန်းကြည်က Tomorrowအား ပြောကြားသည်။

အစိမ်းရောင်မြို့တော် (Green City) အဖြစ် တည်ဆောက်ရန် အတွက် မြို့ပြဖွံ့ဖြိုးရေး လုပ်ငန်းများကို ဆောင်ရွက်နိုင်ရန် မြို့ပြဖွံ့ဖြိုးမှု တိုးတက်မှုဆိုင်ရာ အလုပ်ရုံ ဆွေးနွေးပွဲ ကျင်းပရေး ဦးစီးကော်မတီ၊ မြို့ပြနေရာ အသုံးပြု စီမံခန့်ခွဲမှု ကော်မတီ မြို့တွင်း ယာဉ်ကြောရှုပ်ထွေးမှု ဖြေရှင်းခြင်းနှင့် အနာဂတ် မြို့တွင်း သယ်ယူ ပို့ဆောင်ရေးစနစ် ဆပ်ကော်မတီ၊ မြို့ပြ စိမ်းလန်းစိုပြေရေး စီမံခန့်ခွဲမှု ဆပ်ကော်မတီ၊ ယဉ်ကျေးမှုကို ကာကွယ် ထိန်းသိမ်းစောင့်ရှောက်သည့် မြို့ပြဖွံ့ဖြိုးမှု ထိန်းသိမ်းရေး စီမံခန့်ခွဲမှု ဆပ်ကော်မတီ၊ မြို့တွင်းရေမြောင်းများ ရေစီးရေလာ ကောင်းမွန်ရေးနှင့် ရေလျှံမှု ကာကွယ်ရေး စနစ်များ အကြောင်း စာတမ်းဖတ်ကြားသွားမည် ဖြစ်ကြောင်း သိရသည်။

ဆွေနိုင်စစ်

Category: 

Share