ငွေကြေးအင်းအားကြီးမားသော အော်ရီဒူး နှင့် နည်းပညာ ကြွှယ်ဝသော တယ်လီနော် တို့ရဲ့ ဆက်သွယ်ရေး ပြိုင်ဆိုင်မူစတင်

မကြာမီ ကာလအချိန်က မြန်မာဆက်သွယ်ရေး လုပ်ငန်းတွေကို လုပ်ကိုင်ခွင့် ရရှိထားသော ပြည်ပ ဆက်သွယ်ရေး ၀န်ဆောင်မူ နှစ်ခုက ၀န်ဆောင်မူ နှင့် ဆက်သွယ်ရေး ကဏ္ဍတွေကို အပြိုင်အဆိုင် ၀န်ဆောင်မှု ပေးမည်ဟု သိရသည်။

ဆက်သွယ်ရေးနှင့် ပတ်သက်ပြီး ဆင်းကဒ်ကို ၁၅၀၀ကျပ် ၀န်းကျင်ဖြင့် လည်းကောင်း ၊ ဖုန်းခေါ်ဆိုခကို တစ်မိနစ်လျှင် ၂၅ ကျပ်အောက်ဖြင့် ၀န်ဆောင်မူ ပေးသွားမည် ဖြစ်ကြောင်း၊ ယခုအချိန်ထိ ဖုန်းဆောင်ခ တွေကို အသိအကျ သတ်မှတ် ပေးထားခြင်း မရှိသော်လည်း အနည်းဆုံး ဈေးနှုန်းဖြင့် ၀န်ဆောင်မူ ပေးသွားမည် ဖြစ်ကြောင်း သိရသည်။

Telenor Myanmarသည် ရန်ကုန်မြို့ရှိ ရုံးချူပ်အား ဖွင့်လှစ်လိုက်ပြီး ဖြစ်ကြောင်း မတ်လ ၂ရက် နံနက် ၁၀ နာရီတွင် ကြေညာခဲ့သည်။

Telenor  Myanmar အနေဖြင့် ဆက်သွယ်ရေး လုပ်ငန်းများကို Telenor House တွင် လုပ်ငန်း လည်ပတ် သွားမည်ဖြစ်ကြောင်း၊ အဆိုပါ ရုံးချူပ်တွင် ၀န်ထမ်းပေါင်း ၆၀၀ ကျော်ဖြင့် လည်ပတ် သွားမည် ဖြစ်ကြောင်း၊ ပြည်သူများ ဈေးနှုန်း သက်သာစွာဖြင့် ၀ယ်ယူနိုင်ရန် အရည် အသွေးမြှင့်ပြီး ၀န်ဆောင်မှု ပေးသွားမည် ဖြစ်ကြောင်း အဆိုပါပွဲတွင် Telenor Myanmar မှ တာဝန်ရှိ သူများက ပြောကြား ခဲ့သည်။

“Telenor ကို အခြားသူတွေနဲ့ မတူ ထူခြားစေတာ ကတော့ ကျွန်တော်တို့ရဲ့ မြန်မာ ၀န်ထမ်းတွေပါပဲ၊ အထက်မြက်ဆုံး ဒေသခံ ၀န်ထမ်းတွေ၊ နိုင်ငံတကာ ကျွမ်းကျင်သူတွေနဲ့ မြန်မာနိုင်ငံမှာ တစ်စုတစ်စည်းတည်း ပူပေါင်း လုပ်ကိုင်နေတာ ဖြစ်ပါတယ်၊ ပြည်သူ ဗဟိုပြု လုပ်ထုံးလုပ်နည်းနဲ့ လုပ်ငန်း ယဉ်ကျေးမှုကို တည်ဆောက်တဲ့ Telenor ရဲ့ လုပ်ထုံးလုပ်နည်းကို Telenor  Wayလို့ ခေါ်ပါတယ်၊ နောက်နှစ်တွေမှာဆို Telenorရဲ့ ၀န်ဆောင်မှု တွေက သိသိသာသာ မြင့်တတ်လာ မယ်လို့ ကတိပေး ပါတယ်၊ ကွန်ယက် အောင်မြင်စွာ ဖြန့်ကျက်နိုင်ရန်၊ ကုန်စည်နဲ့ ၀န်ဆောင်မှု စတင်ပေးနိုင်ဖို့ ကြီးမားတဲ့ အင်အား တစ်ရပ် ဖြစ်ပါတယ်၊ မြန်မာနိုင်ငံရဲ့ စီးပွားရေး ဖွံဖြိုး တိုးတတ်မှုများကို အကျိုးပြု နိုင်ရန်နှင့် ရေရှည် ရင်နှီးမြုပ်နှံသူ တစ်ဦးအဖြစ် ရည်စူးထားမှုကိုလဲ အထောက်အကူ ဖြစ်ပါတယ်”ဟု Telenor Myanamr၏ ဥက္ကဌနှင့် အာရှ ဒေသဆိုင်ရာ အကြီးအကဲ ဖြစ်သူ Mr.Sigve Brekkeက ပြောကြားခဲ့သည်။

ဆက်သွယ်ရေး အနေနဲ့ ပြည်သူတွေ လက်ထဲ ဖုန်းဆင်းကဒ်များ ဖြန့်ချီပေးသွားမှုနှင့် ပတ်သက်ပြီး အရောင်းဌာန ပင်ရင်း ၇သောင်းကျော်ဖြင့် ပြုလုပ်ထားပြီး ၊ လက်ခွဲ အရောင်းဆိုင် ၂သိန်းခွဲ ၀န်းကျင်ဖြင့် ၀န်ဆောင်မူ ပေးသွားမည် ဖြစ်ကြောင်း ၊ ဆက်သွယ်ရေး ကွန်ရက်မှာ 3G စနစ်ဖြင့် ၀န်ဆောင်မူ ပေးသွားပြီး ၊ ၀န်ထမ်း ၉၀၀ ကျော်ဖြင့် လည်ပတ် သွားမည်ဟု သိရသည်။

မြန်မာ့ ဆက်သွယ်ရေး လုပ်ငန်း အတွက် ကနဦး ကုန်ကျငွေမှာ အမေရိကန် ဒေါ်လာ သန်း ၅၀၀ကျော် ကုန်ကျမည် ဖြစ်ကြောင်း၊ အဆိုပါ ကုန်ကျငွေသည် ၃ နှစ်တာ ကာလအတွင်း အရင်း ကျေနိုင်ကြောင်း ဆက်သွယ်ရေးနှင့် ပတ်သက်သည့် ကုမ္ပဏီ တစ်ခုက ဖော်ပြထားသည်။

 

Category: 

Share