ရန်ကုန် ဆေးရုံကြီးဝင်းမှ ဆေးဆိုင်များ ဖယ်ရှားလိုက်၍ လူနာများ ဒုက္ခကြုံ

ရန်ကုန် ဆေးရုံကြီးတွင် လူနာများအား ဆေးများ လုံလောက်စွာ ထောက်ပံ့ပေးခြင်း မရှိသေးသော်လည်း ဆေးရုံကြီးဝင်း အတွင်းရှိ ဆေးဆိုင်များအား ယခုလတွင် စတင်ဖယ်ရှားလိုက်ပြီ ဖြစ်ကြောင်း သိရသည်။

“ဆေးဆိုင်တွေ မရှိတော့ ဆေးတွေဝယ်ရတာ အရမ်းခက်ခဲသွားပါတယ်၊ တစ်ခါတစ်လေ အချိန်အခါ မဟုတ် သွားဝယ်ရတာတွေဆို ဆေးရုံအပြင်ထိ ထွက်ရတော့ အဆင်မပြေဘူးပေါ့၊ နယ်ဘက်ကလာလို့ လမ်းမကျွမ်းတော့ ပိုဆိုးနေတယ်”ဟု ရန်ကုန်ဆေးရုံကြီး အဆောင် ၁၁၊၁၂ ဖျားနာဆောင်တွင် လာရောက် ဆေးကုသနေသူ တစ်ဦးက ပြောကြားခဲ့သည်။

အဆိုပါ ဖယ်ရှားခဲ့သော ဆေးဆိုင်များမှာ ရန်ကုန်ဆေးရုံကြီးမှ သုံးဆိုင်၊ ဦးနှောက်နှင့် အာရုံကြောမှ လေးဆိုင်ဖြစ်ကြောင်းလည်း သိရသည်။

“ကျွန်တော်တို့ ဆိုင်တွေကို ဇူလိုင် ၁၀ရက်မှာ ရွေ့ပြောင်းခိုင်းခဲ့ပါတယ်၊ အခုချိန်မှာတော့ အပြင်မှာ ဆေးဆိုင်ပြန်ဖွင့်နိုင်ဖို့ စီစဉ်နေပါတယ်”ဟု ရန်ကုန် ဆေးရုံကြီးဝင်းအတွင်း ဆေးဆိုင် ဖွင့်လှစ်နေသူ တစ်ဦးက ပြောကြားခဲ့သည်။

ယင်းကဲ့သို့ ဆေးရုံဝင်း အတွင်းမှ ဆေးဆိုင်များ ဖယ်ရှားခြင်းမှာ ရန်ကုန်ဆေးရုံကြီးတွင် ဆေးဝါးအလုံအလောက် ထောက်ပံ့မှု့ရှိကြောင်း ပြသလိုသည့် သဘောဖြစ်သည်ဟုလည်း သုံးသပ် ဝေဖန်မှုများ ရှိနေကာ လက်တလော အချိန်တွင်တော့ လူနာများ အတွက် လုံလောက်သော ဆေးဝါး ထောက်ပံ့မှု မရသေးကြောင်းလည်း လူနာအချို့ထံမှ သိရသည်။

ဆေးရုံကြီးဝင်း အတွင်းမှ ဆေးဆိုင်များ ဖယ်ရှားလိုက်သကဲ့သို့ပင် အခြားသော အစိုးရ ဆေးရုံကြီးများမှ ဆေးဆိုင်များကိုလည်း လာမည် ခြောက်လ အတွင်း ဖယ်ရှားသွားမည်ဖြစ်ကြောင်း သတင်းများ ထွက်ပေါ်လျက် ရှိနေသည်။

 

 

Category: 

Share