ကမ္ဘောဇဘဏ် လီမီတက်(ကမ္ဘောဇအုပ်စု အနာဂတ် အလင်းတန်း မြန်မာဖောင်ဒေးရှင်း)မှ မြန်မာနိုင်ငံတစ်ဝန်းရှိ ရေဘေးသင့်ဒေသများ အတွက် စုစုပေါင်းကျပ် သိန်းပေါင်း ၁၆၇၀၀ကျော် လှူဒါန်းပြီးဖြစ်

မကွေးတိုင်းရေဘေး အတွက် ကမ္ဘောဇဘဏ်မှ Tomorrowသို့ ကျပ်သိန်း၁၀၀၀ လှူဒါန်းနေစဉ်

မြန်မာနိုင်ငံအတွင်း လက်တလော ဖြစ်ပေါ်နေသော ရေဘေးသင့်ဒေသများရှိ ရေဘေးသင့် ပြည်သူများ အတွက် ကမ္ဘောဇဘဏ် လီမီတက်(ကမ္ဘောဇအုပ်စု အနာဂတ် အလင်းတန်း မြန်မာဖောင်ဒေးရှင်း) သည် နိုင်ငံတော် အစိုးရ အဖွဲ့အအစည်းများ၊ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI)တို့နှင့် ပူးပေါင်း၍ ကယ်ဆယ်ရေးနှင့် ကူညီထောက်ပံ့ရေး ပစ္စည်းများ၊ အသက်ကယ် အကျီ (Life Jacket)များ၊ အစားအစာများ အရေးပေါ် ထမင်းထုပ်များ၊ ဆေးဝါးများ၊ သောက်ရေသန့်များ၊ ငွေကြေးများကို ရေဘေးသင့် ဒေသများသို့ ထောက်ပံ့ပေးပို့လျက် ရှိပါသည်။

ရေဘေးသင့် ဒေသများရှိ ကမ္ဘောဇဘဏ်ခွဲ အသီးသီးမှ ၀န်ထမ်းများမှလည်း အစားအသောက်များ ချက်ပြုတ်၍ ထမင်းထုတ်များ ဝေငှခြင်း၊ ကယ်ဆယ်ရေး ပစ္စည်းများနှင့် အလှူငွေများ ထောက်ပံ့ လှူဒါန်းပေးခြင်းများကို ဆောင်ရွက်ပေးလျက် ရှိပါသည်။

အထက်ပါ ကယ်ဆယ်ရေး ပစ္စည်းများကို ရေဘေးသင့် ဒေသများသို့ ပေးပို့လှူဒါန်းလိုသော အလှူရှင်များ အနေဖြင့်လည်း ရန်ကုန်မြို့ရှိ ကမ္ဘောဇဘဏ်လီမိတက်၊ ကမာရွတ်ဘဏ်ခွဲ(၂)နှင့် မန္တလေးမြို့တွင် ကမ္ဘောဇဘဏ် လီမိတက် အထက်မြန်မာပြည်ရုံးတို့တွင် ဖွင့်လှစ်ထားသော ရေဘေးသင့် ပြည်သူများအား ကယ်ဆယ်ရေးနှင့် ကူညီထောက်ပံ့ရေး စခန်းများသို့ လာရောက်ပေးပို့ လှူဒါန်းနိုင်ပြီး ယင်းလှူဒါန်းပစ္စည်းများကို ရေဘေးသင့် ဒေသများသို့ Air KBZနှင့် MAI အထူးလေယာဉ်များဖြင့် အခမဲ့ ဆက်လက်ပို့ဆောင်ပေးလျက် ရှိပါသည်။

ထို့အပြင် အကူအညီ လိုအပ်လျက်ရှိသော ရေဘေးသင့် ပြည်သူများရှိရာ ဒေသများသို့ ကိုယ်တိုင်ကိုယ်ကျ သွားရောက်၍ လုပ်ငန်းများကို လက်တွေ့ထိရောက်စွာ ဆောင်ရွက်နေကြသော လူမှုရေးဆိုင်ရာ ပရဟိတ အဖွဲ့အစည်းများအား ကမ္ဘောဇဘဏ် လီမီတက်(ကမ္ဘောဇအုပ်စု အနာဂတ် အလင်းတန်း မြန်မာဖောင်ဒေးရှင်း)မှ ငွေကြေးထောက်ပံ့ လှူဒါန်းပေးလျက်ရှိပြီး ယင်းအဖွဲ့အစည်းများမှ ကူညီကယ်ဆယ်ရေး လုပ်ငန်းများကို ပိုမို ထိရောက်အောင် ဆောင်ရွက်ပေးလျက် ရှိပါသည်။

ကမ္ဘောဇဘဏ် လီမီတက်(ကမ္ဘောဇအုပ်စု အနာဂတ် အလင်းတန်း မြန်မာဖောင်ဒေးရှင်း)နှင့် အလှူရှင်များမှ လှူဒါန်းသော ကူညီကယ်ဆယ်ရေး ပစ္စည်းကို သြဂုတ်(၁) ရက်နေ့နှင့် ၂ရက်နေ့များတွင် Air KBZနှင့် MAI အထူးလေယာဉ်များဖြင့် မန္တလေးမြို့မှတဆင့် ကလေးမြို့သို့ ၅ကြိမ် ပျံသန်းပို့ဆောင်ပေးခဲ့ပြီး၊ ကလေးမြို့ရှိ ရေဘေးသင့် ပြည်သူများအား အသက်ကယ် အကျီများ၊ အစားအသောက်များ၊ အ၀တ်အထည်များ၊ ဆေးဝါးများနှင့် သောက်ရေသန့်များကို ကမ္ဘောဇဘဏ် လီမိတက် အမှုဆောင် ဒါရိုက်တာ ကမ္ဘောဇအုပ်စု အနာဂတ် အလင်တန်း မြန်မာ ဖောင်ဒေးရှင်း ဥက္ကဌ ဒေါ်နန်းလိုင်းခမ်းမှ ဦးဆောင်၍ ပေးအပ်လှူဒါန်းခဲ့ပါသည်။

အထက်ပါ ကူညီကယ်ဆယ်ရေးဆိုင်ရာ ပစ္စည်းများ လှူဒါန်းခြင်း သယ်ယူပို့ဆောင်ပေးခြင်း၊ လိုအပ်သည်များ ဆောင်ရွက်ပေးခြင်းတို့အပြင် ယခုအခါ ကမ္ဘောဇဘဏ် လီမီတက်(ကမ္ဘောဇအုပ်စု အနာဂတ် အလင်းတန်း မြန်မာဖောင်ဒေးရှင်း) အနေဖြင့် ရေဘေးသင့် ပြည်သူများအတွက် အလှူငွေ စုစုပေါင်း ကျပ်သိန်း(၁၆၇၀၀)ကျော် လှူဒါန်းခဲ့ပြီး ဖြစ်ကြောင်း သိရှိရပါသည်။

ဆက်လက်၍လည်း မြန်မာနိုင်ငံတွင် လတ်တလော ဖြစ်ပေါ်နေသော ရေဘေးသင့် ပြည်သူများအတွက် ကယ်ဆယ်ရေးနှင့် ပြန်လည်နေရာချထားရေး လုပ်ငန်းများကို ဆက်လက်ပူးပေါင်း လုပ်ဆောင်ပေးသွားမည် ဖြစ်ကြောင်း သတင်းရရှိပါသည်။

 

 

 

Category: 

Share