သမ္မတ ဦးသိန်းစိန် အစိုးရအဖွဲ့၏ ငါးနှစ်သက်တမ်းအတွင်း လူထုလက်ခံနိုင်သော လုပ်ဆောင်ချက်များနှင့် လူထုဝေဖန်ခဲ့သော လုပ်ဆောင်ချက်များ

သမ္မတဦးသိန်းစိန်  ဦးဆောင်သော အစိုးရအဖွဲ့ လက်ထက်တွင် လူထုထောက်ခံမှု ရရှိခဲ့သည့် လုပ်ဆောင်ချက်များနှင့်  လူထုဝေဖန်ခဲ့သော လုပ်ဆောင်ချက်များ တချို့ကို စုစည်း ဖော်ပြလိုက်ရပါသည်။

လူထုထောက်ခံခဲ့သော အချက်များ

(၁) တိုင်းရင်းသား လက်နက်ကိုင်အဖွဲ့ ၁၅ ဖွဲ့နှင့် ပြည်နယ်အဆင့်၊ ပြည်ထောင်စုအဆင့် သဘောတူ စာချုပ်ပေါင်း ၃၉ခု သီးခြား လက်မှတ်ရေးထိုးနိုင်ခဲ့ပြီး  တစ်နိုင်ငံလုံး အပစ်ခတ်ရပ်စဲရေး သဘောတူစာချုပ်ကို တိုင်းရင်းသား လက်နက်ကိုင် အဖွဲ့ရှစ်ဖွဲ့ဖြင့်၂၀၁၅ခုနှစ် အောက်တိုဘာလ ၁၅ ရက်နေ့တွင် လက်မှတ်ရေးထိုးနိုင်ခဲ့သည်။ ထို့ပြင် ၂၀၁၆ခုနှစ် ဇန်န၀ါရီလ ၁၂ရက်နေ့တွင် ပထမဦးဆုံးအကြိမ် ငြိမ်းချမ်းရေး ညီလာခံကို ကျင်းပနိုင်ခဲ့သည်။

(၂) ဆယ်သွယ်ရေး ကဏ္ဍတွင်လည်း မိုဘိုင်းဖုန်း သုံးစွဲနိုင်မှုသည် ၂၀၁၁ခုနှစ်က ငါးရာခိုင်နှုန်းခန့်သာ ရှိခဲ့သော်လည်း ယခုအချိန်တွင် ၈၀ရာခိုင်နှုန်းကျော်အထိ ရှိလာခဲ့ကာ ယခင်က ဆင်းကဒ် တစ်ကဒ်၏ ပေါက်ဈေးနှုန်းမှာ ၄၅သိန်းထိ ရှိခဲ့သော်လည်း ၁၅၀၀ကျပ်ထိ လျှော့ချနိုင်ခဲ့သည်။  ပြည်ပဆက်သွယ်ရေး အော်ပရေတာများကို ၀င်ရောက်လုပ်ကိုင်ခွင့် ပေးခဲ့သဖြင့် ဆင်းမ်ကဒ် ဈေးနှုန်းများ ယခုလို ကျဆင်းလာခဲ့ခြင်းဖြစ်သည်။

(၃) လျှပ်စစ်ဓာတ်အား လုံးဝမရရှိခဲ့သော ချင်းပြည်နယ်နှင့် ရခိုင်ပြည်နယ်တို့ကိုလည်း လျှပ်စစ်ဓာတ်အားများ စတင်ရရှိအောင် ဆောင်ရွက်ပေးနိုင်ခဲ့သည်။ မြို့ပေါင်း ၄၂၂ မြို့၊ ကျေးရွာပေါင်း ၂၉၁၀၉ရွာတွင် လျှပ်စစ်မီး အသုံးပြုနိုင်ပြီး လာမည့် ၂၀၁၉ခုနှစ်တွင် ငါးနှစ်စီမံကိန်းဖြင့် အိမ်ထောင်စုပေါင်း ၁.၇သန်းကို လျှပ်စစ်ဓာတ်အား ပေးနိုင်ရေး လျာထားနိုင်ခဲ့သည်။

(၄) ယခုအစိုးရ သက်တမ်းတွင် သတင်းမီဒီယာ အထိုက်အလျောက် လွတ်လပ်ခွင့်ရခဲ့သည်။

(၅) ယခင်က နိုင်ငံရေး အဖွဲ့အစည်းများ၊ အရပ်ဘက် လူမှုအဖွဲ့အစည်းများ အနေဖြင့် လှုပ်ရှားဆောင်ရွက်ခွင့် မရရှိခဲ့သည့် အခြေအနေမှ သမ္မတ ဦးသိန်းစိန် လက်ထက်တွင် နိုင်ငံရေး အဖွဲ့အစည်းများ အနေဖြင့် ယခင်ထက် ပိုမို လှုပ်ရှားဆောင်ရွက်ခွင့်များ ရရှိခဲ့သည်။

(၆) ၁၈နှစ်ပြည့်ပြီးသော နိုင်ငံသားတိုင်း ကားတင်သွင်းခွင့် ပါမစ်တစ်စောင် ထုတ်ပေးခြင်းနှင့် ပြည်တွင်း၊ ပြည်ပမှကား အရောင်းပြခန်းများ ဖွင့်လှစ်ခွင့်ပေးခဲ့သဖြင့် ယခင်က ကားစီးရေ နှစ်သိန်းကျော်သာ ရှိခဲ့ရာမှ လက်ရှိအချိန်တွင် ကားစီးရေငါးသိန်းကျော်အထိ မြင့်တက်လာခဲ့သည်။

လူထုဝေဖန်ခဲ့သော အချက်များ

၁။ ၂၀၀၈ အခြေခံ ဖွဲ့စည်းပုံ အခြေခံ ဥပဒေက ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် ဆိုင်ရာ လွတ်လပ်စွာ ဆန္ဒထုတ်ဖော်ခွင့် ပေးထားသော်လည်း နည်းဥပဒေအရ ဆန္ဒထုတ်ဖော်မှုများတွင် သက်ဆိုင်ရာ အာဏာပိုင်များက ခွင့်ပြုချက်ရယူခြင်း မရှိသည့်အတွက်ဟုဆိုကာ ပုဒ်မ ၁၈ဖြင့် အရေးယူမှုများက လူထုကြားတွင် ဝေဖန်ခံခဲ့ရသည်။
 
၂။ အမျိုးပညာရေး ဥပဒေကြမ်းကို ဆန္ဒဖော်ထုတ်ခဲ့သည့်  ကျောင်းသားများနှင့် ၀န်းရံပြည်သူများအား ရိုက်နှက်ဖမ်းမှု ပြုလုပ်ခဲ့သည့်အတွက် အစိုးရအပေါ် ဝေဖန်မှုမြင့်တက်ခဲ့သည်။

၃။ မျိုးစောင့်ဥပဒေအား အလျင်အမြန် အတည်ပြု ပြဋ္ဌာန်းလိုက်သည့်အပေါ် အစိုးရအား ပြည်သူ ကြိုက်နှစ်သက်ခြင်း မရှိသည့် အချက်တစ်ချက်ဖြစ်သည်။

၎။ တစ်နိုင်ငံလုံး အတိုင်းအတာဖြင့် သိမ်းဆည်းခံ လယ်မြေ ဧကပေါင်း ခြောက်သောင်းနီးပါး ရှိနေပြီး တောင်သူလယ်သမား ပြည်သူများ ပြန်လည်ရရှိသည့် လယ်မြေဧကမှာမူ ထောင်ဂဏန်းခန့်သာ ရှိခဲ့သောကြောင့် ဝေဖန်ခံခဲ့ရသည်။

၅။ နိုင်ငံ၏ တိုးတက်ပြောင်းလဲလာမှုနှင့်အတူ ကုန်ဈေးနှုန်းများမှာလည်း အဆမတန် မြင့်မားလာခဲ့ပြီး နိုင်ငံတော် အစိုးရမှလည်း ထိန်းချုပ်နိုင်ခဲ့ခြင်း မရှိခဲ့ပေ။ ထို့အပြင် ဒေါ်လာဈေးနှင့် ရွှေဈေးများလည်း တက်လာခဲ့ပြီး မကြာခဏဆိုသလို ဈေးအတက်အကျ ပြောင်းလဲမှုကြောင့် စီးပွားရေး လုပ်ငန်းများလည်း တည်ငြိမ်မှုမရှိဖြစ်ခဲ့ရသည်။

၆။ မြန်မာနိုင်ငံတွင် လက်လုပ်လက်စား အခြေခံလူတန်းစားများ၏ ရာခိုင်နှုန်းသည် တိုင်းပြည်၏ လူဦးရေနှင့် နှိုင်းယှဉ်လျှင် တစ်ရာတွင် ၇၀ရာခိုင်နှုန်းရှိပြီး ထိုအခြေခံလူတန်းစား၏ သာမက နိုင်ငံတကာရှိ မြန်မာရွှေ့ပြောင်း အလုပ်သမားများ၏ အခွင့်အရေးနှင့် ရပိုင်ခွင့်များကို ဖန်တီပေးနိုင်မှု မရှိသည့်အပြင် အကာအကွယ် ပေးနိုင်မှုများ မရှိခြင်းကလည်း လူထုကြား ဝေဖန်ခံနေရသော အချက်တစ်ချက်ဖြစ်သည်။

၇။ အစိုးရက ဒီမိုကရေစီ ပြုပြင်ပြောင်းလဲရေး လမ်းစဉ်ကို ပြောင်းလဲနေပါပြီဟု ကြွေးကြော်မှုများစွာဖြင့် လုပ်ဆောင်ခဲ့သော်လည်း ၀န်ကြီးဌာနများတွင် တပ်မတော်မှ အရာရှိများ၊ ၄င်းတို့နှင့် နီးစပ်သူများကိုသာ ၀န်ကြီးဌာနများ၏ အဆင့်မြင့် အရာရှိများ နေရာတွင် လက်သိပ်ထိုး ခန့်အပ်မှုများ၊ ရပ်ကွက် အုပ်ချုပ်ရေးမှူးများ ရွေးချယ်ရာတွင် ဒီမိုကရေစီနည်းကျ မဲစနစ်ဖြင့် ရွေးချယ်ရာတွင်လည်း ၄င်းတို့၏ ပါတီဝင်များကိုသာ နည်းလမ်းမျိုးစုံဖြင့် အနိုင်ရရှိစေရန် ဖန်တီးမှုများသည်လည်း ပြည်သူလူထုမှ အစိုးရအား နှစ်သက်ခြင်းမရှိသည့် အချက်များတွင် တစ်ချက်အပါအ၀င်ဖြစ်ခဲ့သည်။

၈။ အစိုးရသက်တမ်း ငါးနှစ်တာတွင် နိုင်ငံတော် သမ္မတ၏ လုပ်ပိုင်ခွင့်ဖြင့် မြန်မာနိုင်ငံရှိ အကျဉ်းထောင် အသီးသီးမှ အကျဉ်းသားများအား လွတ်ငြိမ်းချမ်းသာခွင့် ပေးအပ်ရာတွင်လည်း အကျင့်စာရိတ္တပိုင်းအရ ရာဇ၀တ်မှုကြီးများဖြင့် အကျဉ်းကျခံရသူများအပြင် နှစ်ရှည်အကျဉ်းကျခံစေရန်  အမိန့်ချမှတ်ခြင်း ခံထားရသည့် နိုင်ငံခြားသားများအား ယင်းလွတ်ငြိမ်းချမ်းသာတွင် အများအပြား ထည့်သွင်းလွှတ်ပေးခဲ့သော်လည်း အများပြည်သူ တောင်းဆိုနေသည့် နိုင်ငံရေး အကျဉ်းသားများကိုမူ ယင်းလွတ်ငြိမ်းချမ်းသာတွင် ထည့်သွင်းလွှတ်ပေးမှု နည်းပါးခြင်းသည်လည်း အစိုးရအား ပြည်သူ ကြိုက်နှစ်သက်ခြင်း မရှိသည့်အချက် ဖြစ်သည်။

၉။ အစိုးရမှ ကျောင်းသားများနှင့် နိုင်ငံရေး တက်ကြွလှုပ်ရှားသူများအား နိုင်ငံတော် အကြည်ညိုပျက်စေမှု ပုဒ်မ ၅၀၅(ခ) ကဲ့သို့သော ပုဒ်မများဖြင့် ဖမ်းဆီးတရားစွဲဆိုမှုများ ရှိခဲ့သည့်အတွက် တရားစီရင်ရေး အပိုင်းတွင်  အစိုးရအား ပြည်သူနှစ်သက်ခြင်း မရှိသည့် အချက်များတွင်လည်း ပါဝင်ခဲ့သည်။

လူသစ်၊ လျှမ်းလူ

 

Category: 

Share