နိုင်ငံတကာ တင်းနစ်ကစားသမားများ ပါဝင်မည့် မြန်မာအိုးပင်း တင်းနစ်ပြိုင်ပွဲ ကျင်းပမည်

နိုင်ငံတကာ တင်းနစ် ကစားသမားများ ပထမဦးဆုံး ၀င်ရောက် ယှဉ်ပြိုင်မည့် မြန်မာ အိုးပင်း တင်းနစ် ပြိုင်ပွဲကို ဧပြီလ ၂ရက်နေ့မှ ၆ ရက်နေ့ အထိ သိမ်ဖြူ တင်းနစ်ကွင်းတွင် ကျင်းပ ပြုလုပ်သွားမည် ဖြစ်ကြောင်း တင်းနစ် အဖွဲ့ချုပ်မှ သတင်း ထုတ်ပြန်ခဲ့သည်။

ပြိုင်ပွဲတွင် အလွတ်တန်း တစ်ဦးချင်း ပြိုင်ပွဲနှင့် နှစ်ယောက်တွဲ ပြိုင်ပွဲ နှစ်မျိုး ပါဝင်မည် ဖြစ်ပြီး အမျိုးသမီး ပြိုင်ပွဲ ပါဝင်ခြင်း မရှိကြောင်း သိရှိရသည်။ အလွတ်တန်း တစ်ဦးချင်း ပြိုင်ပွဲတွင် ချန်ပီယံဆု ရရှိသူအား အမေရိကန် ဒေါ်လာ ၅၀၀၀၊ ဒုတိယဆုအား ဒေါ်လာ ၂၅၀၀၊ တတိယဆုအား ဒေါ်လာ ၁၂၅၀ ၊ စတုတ္ထဆုအား ၆၂၅ ဒေါ်လာတို့ ချီးမြှင့်မည် ဖြစ်သည်။

နှစ်ယောက်တွဲ ချန်ပီယံဆု အတွက် ဒေါ်လာ ၂၀၀၀၊ ဒုတိယဆု ဒေါ်လာ ၁၀၀၀၊ တတိယဆု ဒေါ်လာ ၅၀၀ ချီးမြှင့်သွားမည် ဖြစ်သည်။ ပြိုင်ပွဲတွင် ပြည်တွင်း တင်းနစ် အားကစားသမား ၃၂ဦးနှင့် ကမ္ဘာ့အဆင့် ဂရင်းစလင်း ပြိုင်ပွဲဝင် ထိုင်း၊ အင်ဒိုနီးရှား၊ စလိုဗက်ကီးယား ကစားသမားများ အပါအ၀င် ၁၁ ဦးခန့် ၀င်ရောက် ယှဉ်ပြိုင်ရန် စာရင်း ပေးသွင်းထားသည်။

 

Category: 

Share