သရက်မြို့နယ်တွင် ပြုလုပ်သည့် တပ်မတော်နေ့ ဂုဏ်ပြုပွဲ ရန်ပွဲဖြင့်အဆုံးသတ်

(၆၉)နှစ်မြောက် တပ်မတော်နေ့ကို ဂုဏ်ပြုသော အားဖြင့် သရက်မြို့နယ်တွင် ပြုလုပ်ခဲ့သော လက်ဝှေ့ပွဲ ကျင်းပရာ ပွဲကွင်းအတွင်း ပြည်မြို့နယ်မှ ပြည်သူများနှင့် သရက်မြို့နယ်မှ ဒေသခံများ ရိုက်နှက်မှုများ ဖြစ်ပွားခဲ့ ၍ လက်ဝှေ့ပွဲပါ ပျက်ခဲ့ရကြောင်း သိရသည်။

အဆိုပါ လက်ဝှေ့ပြပွဲမှာ (၆၉) နှစ်မြောက် တပ်မ တ်ာနေ့ကို ဂုဏ်ပြုသောအားဖြင့် မတ်လ ၂၇ ရက်နေ့တွင် သရက်မြို့နယ် သတ္တဋ္ဌာန ဘုရားဝင်းထဲတွင် မြန်မာနိုင်ငံ သိုင်းအဖွဲ့ချုပ်နှင့် သိုင်းစွမ်းရည် ပြပွဲအဖွဲ့မှ ကြီးမှူး ကျင်းပခဲ့သည့် လက်ဝှေ့ပွဲ ဖြစ်ကြောင်း သိရသည်။

“ပွဲစနေတာ တစ်ချိန်လုံး ဘာမှမဖြစ်ဘူး၊ ပွဲပြီးခါနီး ကြတော့မှ ပြည်မြို့နယ်က ပြည်သူတွေနဲ့ သရက်မြို့နယ်က ဒေသခံတွေ တစ်ဖက်နဲ့တစ်ဖက် အားပေး လွန်ကဲကြပြီး ရန်တွေဖြစ်ကြတယ်၊ ပွဲခင်းထဲက ခုံတွေနဲ့ ရိုက်နှက်ကြလို့ ခုံတွေ ကျိုးကုန်တယ်၊ ကန်တော့ပွဲ ပေးထားတဲ့ အုန်းသီးတွေ နဲ့ထုတယ်၊ နောက်ဆုံး ဆိုင်းဝိုင်းထဲက ဗုံတွေပါယူပြီး တစ်ဖက်နဲ့ တစ်ဖက် ပစ်ကြတယ်၊ ရဲနဲ့ စစ်တပ် ရောက်လာပြီး အဆိုးဆုံး ပုဂ္ဂိုလ် တစ်ဦးကို ဖမ်းပြတော့မှပဲ သရက်က ဒေသခံတွေ ငြိမ်သွားတော့တယ်” ဟု လက်ဝှေ့ပွဲ သွားကြည့်သော သရက်မြို့နယ်မှ ဒေသခံ တစ်ဦးက ပြောသည်။

ပြည်မြို့နယ်မှ ပြည်သူများ နှင့် သရက်မြို့နယ်မှ ဒေသခံများ ရိုက်နှက်မှုတွင် ပြည်မြို့နယ်မှ ပြည်သူများမှာ လူနည်းစု ဖြစ်နေ၍ ခံခဲ့ရသည်ဟုလည်း သိရသည်။

 

Category: 

Share