မန္တလေးတိုင်း ဒေသကြီးအတွင်း သံဃာတော်များ လှည့်လည် ဆန္ဒဖော်ထုတ်

ဘင်္ဂလားဒေ့ရှ် နိုင်ငံထုတ် သတင်းစာ ဒါကာထရိုင်ဗြန် သတင်းစာအား ကန့်ကွက် ရှုပ်ချမှု နှင့်အတူ သန်းခေါင်စာရင်းတွင် ရိုဟင်ဂျာ၊ ဘင်္ဂါလီ လူမျိုးအဖြစ် ထည့်သွင်းမှုကို လက်သင့်မခံရေးအတွက်ဖြစ်

 

သန်းခေါင်စာရင်း အတွင်းသို့ ရိုဟင်ဂျာ၊ ဘင်္ဂါလီ လူမျိုးအဖြစ် ထည့်သွင်းခြင်းကို လက်သင့် မခံရေးနှင့် ဘင်္ဂလားဒေ့ရှ် နိုင်ငံထုတ် နေ့စဉ်ထုတ် သတင်းစာ ဖြစ်သော ဒါကာထရိုင်းဗြွန်း သတင်းစာအား ကန့်ကွက် ရှုပ်ချကြောင်း ဆန္ဒ လှည့်လည် ဖော်ထုတ်ပွဲကို မတ်လ ၂၇ရက်နေ့တွင် သံယာတော်များက ပြုလုပ်ခဲ့ကြသည်။

အဆိုပါ ဆန္ဒပြပွဲအား မန္တလေး၊ ချမ်းမြသာစည် မြို့နယ်၊ ဦးပွား ဘုရားမှ စုရပ်အဖြစ် သတ်မှတ်ကာ အထက် မြန်မာပြည် သံဃသမဂ္ဂ အဖွဲ့ချုပ် (မန္တလေး)မှ ဦးဆောင်လျှက် ဒါကာထရိုင်းဗြွန်း သတင်းစာ ရေးသားမှုကို ကန့်ကွက်ရှုပ်ချ ခဲ့ကြကြောင်းနှင့် ယင်းဆန္ဒပြရာတွင် မြန်မာနိုင်ငံသည် ရိုဟင်ဂျာ၊ ဘင်္ဂါလီမရှိ၊ သန်းခေါင် စာရင်း ထည့်သွင်းခြင်းကို လုံးဝ ကန့်ကွက်ကြောင်း၊ ရခိုင် တိုင်းရင်းသားများ တောင်းဆိုချက်များကို အထူး ထောက်ခံခြင်း စာသားပါ ဗီနိုင်များကို ကိုင်ဆောင်ကာ ဦးပွားဘုရားမှ ဦးပွား ခုံးကျော်၊ ၈၄လမ်း၊ ဘုရားကြီး တောင်ဘက်မုခ် ၈၂ လမ်း၊ ဘုရားကြီး ရှေ့ဘက်မုခ် ၇၈ လမ်း၊ ဦးပွားခုံးကျော်ထိ စီတန်း လှည့်လည်ကာ ဆန္ဒ ဖော်ထုတ်ခဲ့ကြောင်းလည်း သိရသည်။

သံဃာတော် အရှင် သူမြတ်များအား ဦးကာဝိယ (ဂဠုန်နီ ဆရာတော်) ဦးစိန္တတ (သန္တိဥာကျောင်း) ဦးအဂ္ဃ (ရတနာပုံ စလင်းကျောင်း)၊ ဦးသောမန၊ ဦးပညာနန္ဒ (မဟာမင်းထင်တိုက်)တို့မှ စနစ်တကျ ဦးဆောင်လျှက် ကြွေးကြော် သံများဖြင့် စီတန်းလှည့်လည် ဆန္ဒဖော်ထုတ်မှု ပြုကြကြောင်း သိရသည်။

 

Category: 

Share