ပြည်ပ အခြေစိုက် ရုပ်သံလိုင်းများမှ ထုတ်လွှင့်မှု အစီစဉ်များ MNTVတွင် အခမဲ့ ကြည့်ရှုနိုင်ရန် စီစဉ်

သတင်း အချက်အလက်များနှင့် စိတ်ဝင်စားဖွယ်ရာများကို အချိန်နှင့် တပြေးညီ ထုတ်လွှင့် တင်ဆက်ပေးမည့် MNTV အခမဲ့ ရုပ်သံလိုင်း အနေဖြင့် ပြည်ပ အခြေစိုက် နာမည်ကြီး ရုပ်သံများနှင့် ပူးပေါင်း ထုတ်လွှင့်သွားမည် ဖြစ်ကြောင်း သိရသည်။

အဆိုပါ MNTV ရုပ်သံလိုင်းမှာ Infortainment TV Channel အဖြစ် ရပ်တည်သွားမည် ဖြစ်ကာ Media Partnership လုပ်ငန်း သဘော သဘာဝအရ MNTV၏ ရုပ်သံ အစီအစဉ်များတွင် ဂျပန် နိုင်ငံ အခြေစိုက် NHK နှင့် ထိုင်းနိုင်ငံ အခြေစိုက် Cartoon Clubတို့မှ ရိုက်ကူးထားသည့် အစီအစဉ်များ၊ ဗြိတိန် အခြေစိုက် BBC ရုပ်သံလိုင်း၊ မြန်မာပိုင်း အစီအစဉ်မှ ရိုက်ကူးထားသည့် အစီအစဉ်များကို ထည့်သွင်း ထုတ်လွှင့်သွားမည် ဖြစ်ကြောင်း သိရသည်။

ယခု လက်ရှိ အနေဖြင့် MNTV ရုပ်သံလိုင်းသည် စစ်ကိုင်းတိုင်းနှင့် မန္တလေးတိုင်း ဒေသကြီး  တို့တွင် ဖမ်းယူ ကြည့်ရှုနိုင်ပြီ ဖြစ်ကြောင်း သိရသည်။

အဆိုပါ ရုပ်သံလိုင်းအား အခမဲ့ ရုပ်သံလိုင်း အဖြစ် ရန်ကုန်မြို့နှင့် နေပြည်တော် အနီး ၀န်းကျင် ဒေသများတွင် ထုတ်လွှင့် ပြသနိုင်ရေး အတွက် အခြေခံ အဆောက်အဦးများနှင့် နည်းပညာ ဆိုင်ရာ လိုအပ်ချက်များကိုလည်း အမြန်ဆုံး ဖြည့်ဆည်း ဆောင်ရွက်သွားမည် ဖြစ်ကြောင်း သိရသည်။

ယင်းနှင့် ပတ်သတ်သော စာနယ်ဇင်းရှင်းပွဲအား Sky Star ဟိုတယ်တွင် မတ်လ (၂၉)ရက်နေ့၌ ပြုလုပ်သွားခဲ့သည်။

 

Category: 

Share