တနင်္သာရီတိုင်း ၀န်ကြီးချုပ်၏ တောင်းဆိုမှု အရ ဆရာဝန် ၃၀၀ ကျော် စေလွှတ်ပေးဖွယ်ရှိ

တနင်္သာရီ တိုင်းဒေသကြီး အတွင်းရှိ မြို့ပေါ် ဆေးရုံများနှင့် တိုက်နယ် ပြည်သူ့ ဆေးရုံများတွင် လိုအပ်လျက် ရှိသည့် ဆရာဝန်များအား ကျန်းမာရေး ၀န်ကြီးထံ တောင်းခံထားကြောင်း တနင်္သာရီ တိုင်းဒေသကြီး ၀န်ကြီးချုပ် ဒေါက်တာ ဒေါ်လဲ့လဲ့မော်က ပြောသည်။

“ဆရာဝန် လိုအပ်ချက်က ပလောက် မြို့နယ်ခွဲ မှာတင် မဟုတ်ပါဘူး။ နေရာ တော်တော် များများမှာ ဆရာဝန် တော်တော် နည်းနေတယ်။ အဲ့ဒီတော့ ဒီလိုပဲ မြိတ်ကနေ လေယာဉ်နဲ့ပို့၊ ဘာပို့ညာပို့နဲ့ လုပ်နေရတာပါ။ အဲဒီအတွက်လည်း ပြီးခဲ့တဲ့ ပင်လုံ ညီလာခံတုန်းက ကျန်းမာရေး ၀န်ကြီးကိုလည်း ကျွန်မ တင်ပြပါတယ်။ ဒီလို လိုအပ်နေတာကို ကျွန်မတို့ကို အမြန်ဆုံး ဖြည့်ဆည်းပေးပါ ဆိုတော့ တနင်္သာရီ တိုင်းဒေသကြီး အတွက် ၃၃၀ လောက်တော့ ရမယ်ထင်တယ်။  သင်တန်းပြီးရင် ရမယ် လို့တော့ ၀န်ကြီးကတော့ အာမခံ လိုက်တယ်”ဟု ၀န်ကြီးချုပ် ဒေါက်တာ ဒေါ်လဲ့လဲ့မော်က ပြောကြားသည်။

ထိုသို့ တနင်္သာရီ တိုင်းဒေသကြီး အတွင်း ဆေးရုံနှင့် ဆေးပေးခန်းများတွင် ဆရာဝန်များ လိုအပ်လျက် ရှိသည့် အတွက်လည်း   ပုလော မြို့နယ်၊ ပလောက် မြို့နယ်ခွဲမှ ဒေသခံ ပြည်သူများက ပြင်ဘုကြီး တိုက်နယ် ပြည်သူ့ ဆေးရုံသို့ ဆရာဝန် ချထားပေးရန် တောင်းဆိုမှုများ ပြုလုပ်ခဲ့သည့် အပေါ် ဆောင်ရွက်ထားရှိမှုနှင့် ပတ်သက်၍ တိုင်းဒေသကြီး ၀န်ကြီးချုပ် ဒေါက်တာ ဒေါ်လဲ့လဲ့မော်က ပြန်လည် တုံ့ပြန် ဖြေကြားခဲ့ခြင်း ဖြစ်သည်။

ထို့အပြင် တနင်္သာရီတိုင်း ဒေသကြီးရှိ ပြည်သူ့ ဆေးရုံများနှင့် တိုက်နယ် ပြည်သူ့ ဆေးရုံများတွင် ဆရာဝန် လိုအပ်ချက်မှာ ယခင် အစိုးရ လက်ထက်မှ ယခု အချိန်ထိ ဖြစ်ပြီး ထိုသို့ ဆရာဝန် လိုအပ်ခြင်းမှာ တနင်္သာရီတိုင်း ဒေသကြီးသည် သွားလာရန် ခက်ခဲခြင်းနှင့် ရာသီဥတု ဆိုးရွာခြင်းတို့ ကြောင့် ဆရာဝန်များက ၄င်းတို့ တာဝန်ကျသည့် နှစ်နှစ် ပြီးနောက် ပြန်လည် ပြောင်းရွှေ့သွားသည့် အတွက် ဖြစ်ကြောင်း ၄င်းက ဆိုသည်။  
            
ကိုလူသစ်

Category: 

Share