သဘင် အစည်း အရုံးမှ သဘင် ပညာသည်များ အတွက် ထုတ်ချေးသည့် ချေးငွေ ကျပ်သိန်း ၇၀၀၀ ကျော် ရှိလာ

မြန်မာ နိုင်ငံ သဘင် ပညာရှင်များ အစည်းအရုံး (ဗဟို) သည် သဘင်ဖြင့် အသက်မွေးကြသူများကို သက်သာ ချောင်ချိစေရန် ရှေးရှု၍ တစ်နိုင်တစ်ပိုင် ချေးငွေများ ထုတ်ချေးပေးခဲ့သည်မှာ ကျပ်သိန်းပေါင်း ၇၀၀၀ ကျော်ရှိပြီ ဖြစ်ပြီး သဘင်တည်ထောင်ခွင့် လိုင်စင် ရရှိသူများသာ ထုတ်ချေးခြင်းဖြစ်ကြောင်း ချေးငွေ စိစစ်ခွင့်ပြုရေး ကော်မတီဝင် ဖြစ်သူ ဗဟို သဘင် ပြန်ကြားရေး ဒေါ်ပတ္တမြားကေခိုင်က ပြောသည်။

“ချေးငွေမှာ ဇာတ်နဲ့ အငြိမ့် ဘယ်လောက် ဆိုပြီး သတ်မှတ်ချက်တော့ ရှိတယ်။ ချေးတဲ့ အပေါ်မှာ အတိုးနှုန်းက ၂ ကျပ်နဲ့ ၁၀ လ ဆပ်ဆိုပြီး သတ်မှတ်ထားတယ်။ လက်ရှိမှာက တည်ထောင်ခွင့် ရှိတဲ့သူတွေကိုသာ ထုတ်ချေးပေးတာပါ။ လောလောဆယ်မှာတော့ ဘတ်ဂျက် အနေအထားအရ တစ်ယောက်ချင်း ထုတ်ချေးဖို့ ဆိုတာ မရှိသေးဘူး။ ချေးငွေ စိစစ်ရေး ကော်မတီက ချေးငွေ တင်တိုင်းကို အပြည့်အ၀ ရလိမ့်မယ်လို့တော့ မမျှော်လင့်စေချင်ဘူး”ဟု ၄င်းက ပြောသည်။

ထိုသို့ ချေးငွေများ ထုတ်ချေးခြင်းကို သဘင် အစည်းအရုံး၏ ရန်ပုံငွေဖြင့် ထုတ်ချေးခြင်းမျိုး မဟုတ်ဘဲ သဘင် ဥက္ကဋ္ဌ ဦးဖိုးချစ်၏ ပိုင်ဆိုင်မှုကို ဘဏ်၌ ချိတ်ဆက်ထားပြီး ထုတ်ချေးပေးခြင်းဖြစ်ကာ ချေးငွေများ စနစ်တကျ ထုတ်ပေး နိုင်စေရန် ချေးငွေ စိစစ်ရေး ကော်မတီမှ ခွင့်ပြုပေးလျက်ရှိရာ ချေးငွေကြောင့် ရရှိလာသည့် ¬¬¬¬¬¬¬¬¬ သဘင် အစည်းအရုံး၏ ရန်ပုံငွေအဖြစ် ထည့်ဝင် သုံးစွဲသွားမည် ဖြစ်ကြောင်း သိရသည်။
ထို့ပြင် ချေးငွေ စိစစ်ရေး ကော်မတီမှ ပြည်နယ်နှင့် တိုင်းဒေသကြီး သဘင်အစည်း အရုံးတို့တွင် အဆင့်ဆင့် စိစစ်တင်ပြလာသော ချေးငွေ တင်ပြချက်များကို ထပ်မံ စစ်ဆေး၍ အရစ်ကျ ဖြစ်စေ၊ အသုတ်လိုက်ဖြစ်စေ စိစစ် ခွင့်ပြု ပေးလျက်ရှိကြောင်း သိရသည်။

စက်တင်ဘာလ ၁ ရက်နေ့မှ စတင်ကာ ယခု အချိန်အထိ မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ စစ်ကိုင်းတိုင်းဒေသကြီးသဘင် အစည်းအရုံးတို့မှ တာဝန်ယူ တင်ပြလာသည့် ချေးငွေ ပမာဏ စုစုပေါင်း ကျပ်သိန်းပေါင်း ၇၈၄၆၀၀၀၀၀ ကျပ် ခွင့်ပြုထုတ် ချေးထားကြောင်း မြန်မာသဘင် ပညာရှင် များ အစည်းအရုံး(ဗဟို)၊ ချေးငွေ စိစစ်ခွင့်ပြုရေး ကော်မတီမှ ထုတ်ပြန် ကြေညာထားသည်။                   

ဇင်မင်း

Category: 

Share