ရုပ်ရှင်ရုံများ၌ နိုင်ငံတော်သီချင်းကို မတ်တပ်ရပ် အရိုအသေ မပြုသူများကို အိန္ဒိယတွင် ဖမ်းဆီး

အသစ်ပြဋ္ဌာန်းထားသော ဥပဒေကို ချိုးဖောက်မှုဖြင့် အိနိ်္ဒယနိုင်ငံတောင်ပိုင်းတွင် ရုပ်ရှင်ကြည့် ပရိသတ် ၁၉ ဦး အား ဖမ်းဆီးခဲ့သည်ဟု သတင်းများတွင် ဖော်ပြခဲ့သည်။

ယင်းဥပဒေသစ်တွင် ရုပ်ရှင်မပြသမီ ထုတ်လွှင့်သော အိနိ်္ဒယနိုင်ငံတော် သီချင်းဖွင့်စဉ်တွင် ရုပ်ရှင်ကြည့်ပရိသတ် (မည်သူမဆို)သည် မတ်တပ်ရပ်၍ အရိုအသေပေးရမည်ဟု ပါရှိထားသည်။
အိနိ်္ဒယနိုင်ငံတောင်ပိုင်း ကီရာလာတွင် ပြုလုပ်ခဲ့သော နိုင်ငံတကာ ရုပ်ရှင်ပွဲတော်တစ်ခုတွင် လူ ၁၂ ဦးသည် နိုင်ငံတော် သီချင်းလာစဉ်တွင် မတ်တပ်ရပ်ရန် ငြင်းဆိုခဲ့ရာမှ အခြားသူများနှင့် စကားများ၊ လုံးထွေးသတ်ပုတ် ရသည့် ဖြစ်ရပ်ဖြစ်ခဲ့သည်။ ထို ၁၂ ဦးကို ဖမ်းဆီးခဲ့ပြီး တရားရုံးများအား မထီမဲ့မြင်ပြုမှု စွဲချက်ဖြင့် စွဲဆိုကာ အာမခံပေး ပြန်လွှတ်ပေးခဲ့သည်။ ၄င်းတို့နှင့် ထိုးကြိတ်လုံးထွေးခဲ့သောသူများကိုမူ အရေးယူခဲ့ခြင်းမရှိဟု သိရ သည်။

ထိုဖြစ်ရပ်များ မတိုင်ခင် တစ်ရက်ကလည်း ချနိုင်းမြို့ (ယခင်မဒရပ်စ်)တွင်လည်း နိုင်ငံတော်သီချင်းဖွင့်စဉ်တွင် မိုဘိုင်းဖုန်းဖြင့် ဆဲလ်ဖီဓာတ်ပုံ ရိုက်နေသည့် လူခုနစ်ဦးကို ရဲတပ်ဖွဲ့က ဥပဒေသစ်ကို မလိုက်နာမှုကြောင့် စွဲချက် တင်ခဲ့သည်။

 

Category: 

Share