အကြမ်းဖက်တိုက်ခိုက်သူ ၁၀၀ ခန့် လက်နက်ကိုယ်စီဖြင့် မြန်မာနိုင်ငံသို့ ယခုလအတွင်း ၀င်ရောက်တိုက်ခိုက်ရန်ရှိနေဟုဆို

၂၀၁၇ ခုနှစ် ဇန်န၀ါရီ ၂၀ ရက်ခန့်တွင် အကြမ်းဖက်တိုက်ခိုက်သူ ၁၀၀ခန့် လက်နက်ကိုယ်စီ ဖြင့်မြန်မာနိုင်ငံအတွင်းသို့ တစ်ဖက်နိုင်ငံမှတစ်ဆင့် ၀င်ရောက်လာမည်ဟု သတင်းရရှိထားကြောင်း နိုင်ငံတော်အတိုင်ပင်ခံရုံး သတင်း ထုတ်ပြန်ရေးကော်မတီ၏ ထုတ် ပြန်ချက်အရသိရသည်။

အဆိုပါသတင်းများအား ရခိုင်ပြည်နယ်အတွင်း ဖမ်းဆီးရမိခဲ့သော သူများ၏ထွက်ဆိုချက်များမှ သိရှိခဲ့ရခြင်းဖြစ်ကာ ထိုအကြမ်းဖက်သမားများ ၀င်ရောက်လာမည့်နေ့မတိုင်ခင် ကြိုတင်စီစဉ်မှုများအနေဖြင့် တစ်ဖက်နိုင်ငံသား အကြမ်းဖက်သမားနှစ်ဦးတို့က လုပ်သေနတ်များကို ရခိုင်ပြည်နယ် မောင်ကြီးတောင် ဒေသခံများကို တပ်ဆင်ပေးခဲ့ပြီး ၂၀၁၆ ခုနှစ် ဇူလိုင်လအတွင်း၌ ဒေသခံအကြမ်းဖက်သမားနှစ်ဦးသည် မောင်ကြီးတောင်ကျေးရွာ မာမက်ကာယာထံသို့ လုပ်သေနတ် ၁၆  လက် လာရောက်ပို့ဆောင်ခဲ့ပြီး မောင်ကြီးတောင်ကျေးရွာနှင့် ပတ်ဝန်းကျင်ကျေးရွာများမှ လူငယ်များအား စုစည်းထားရှိရန်နှင့် ၂၀၁၇ ခုနှစ် ဇန်န၀ါရီ ၂၀ ရက်ခန့်တွင် အကြမ်းဖက်တိုက်ခိုက်သူ ၁၀၀ခန့် လက်နက်ကိုယ်စီဖြင့် မြန်မာနိုင်ငံအတွင်းသို့ စီစဉ် ထားကြောင်းနှင့် ၄င်းအကြမ်းဖက်သမား ၁၀၀ ခန့်ရောက်ရှိလာပါက စားဝတ်နေရေးအတွက် မာမတ်ကာယာ၊ မာမတ်ရှားနှင့် လာလူးတို့က တာဝန်ယူပေးရမည်ဖြစ်ပြီး ဘူးသီးတောင်ရှိ တပ်စခန်းများကို လူ တိုင်းလက်နက်ကိုင်ဆောင်ပြီး ၀င်ရောက်စီးနင်းတိုက်ခိုက်မည်ဖြစ်ကြောင်း  ယင်းထုတ်ပြန်ချက်တွင် ဖော်ပြထားသည်။

ယခုအခါ ရခိုင်ပြည်နယ်တွင် အကြမ်းဖက်တိုက်ခိုက်မှုများ တိုးမြှင့်ဆောင်ရွက်ရန် ရည်ရွယ်ချက်ဖြင့် လက်နက်ကိုင်အကြမ်းဖက် တိုက်ခိုက်မှု သင်တန်းပို့ချသူနှင့် သင်တန်းတက်ရောက်ပြီးသူ ၁၄ ဦးတို့ကို ဘူးသီးတောင်မြို့နယ်တွင် ဇန်န၀ါရီ ၅ ရက်က ဖမ်းဆီးရမိခဲ့ကြောင်း ထုတ်ပြန်ခဲ့ပြီး ဖမ်းဆီးရမိသူများကို စစ်ဆေးရာ ၄င်းတို့သည် ၂၀၁၆ ခုနှစ် ဇူလိုင်လအတွင်း၌ ဘူးသီးတောင်မြို့နယ် ဒါးပိုင်ဆရာကျေးရွာ၏ အနောက် ဘက် တောင်ကုန်းတစ်ခုတွင် ပတ်ဝန်းကျင်ကျေးရွာများမှ မွတ်စလင် ၃၀ ဦးခန့်နှင့်အတူ အကြမ်းဖက်တိုက်ခိုက်ရေးသင်တန်းအား ၁၄ ရက်ကြာဖွင့်လှစ်ခဲ့ကာ ၄င်းတို့အား တစ်ဖက်နိုင်ငံသားတစ်ဦးမှ အကြမ်းဖက်တိုက်ခိုက်နည်းများ လေ့ကျင့်သင်ကြားပေးခဲ့ကြောင်း၊ သင်တန်းတွင် သေနတ်ပစ်နည်းများ၊ အခြေခံသိုင်းပညာများကို ချင်းသမားကျေးရွာအုပ်စု၊ ပုလဲတောင်ကျေးရွာနေ မော်လ၀ီ အဒူရော်ဇောက်နှင့် တစ်ဖက်နိုင်ငံသား နှစ်ဦးတို့က သင်ကြားပေးခဲ့ကြောင်း သိရသည်။

ထို့ပြင် သင်တန်း၌ အကြမ်းဖက်တိုက်ခိုက်နည်းသင်တန်းများကို မောင်တောမြို့နယ်၊ ဂေါ်ဒူသာရကျေးရွာအနီး တောင်ခြေရှိ လယ်ကွင်းတွင် မွတ်စလင် ၁၅ ဦးခန့်နှင့် မောင်ကြီးတောင်ကျေးရွာ၏ အနောက်ဘက်တောင်ကြားတွင် မွတ်စလင် ၁၀ ဦးခန့်တို့ကို ဇွန်လအတွင်း၌လည်းကောင်း၊ ဒါးပိုင် ဆရာကျေးရွာရှိ ဆူနာလီ၏ ဥယျာဉ်ခြံဝင်း၌ မွတ်စလင် ၅ ဦးခန့်နှင့် ဂေါ်ဒူသာရကျေး အရှေ့ကျေး ရွာတွင် မွတ်စလင် ၁၀ ဦးခန့်တို့ကို ဇူလိုင်လအတွင်းကလည်းကောင်း၊ ဆင်အိုးပြင်ကျေးရွာရှိ မာမတ်ရှား၏ ဥယျာဉ်ခြံဝင်း၌ မွတ်စလင် ၅ ဦးခန့်တို့ကို နိုဝင်ဘာလအတွင်းကလည်းကောင်း သင်တန်းများ အသီးသီး ဖွင့်လှစ်သင်ကြားပေးခဲ့ကြောင်း သိရသည်။

သင်တန်းတက်ရောက်နေစဉ်အတွင်း တစ်ဖက်နိုင်ငံသားနှစ်ဦးအား သင်တန်းတက်ရောက်သူ မောင်ကြီးတောင်ကျေးရွာနေ ဆာဒတ်တို့က လုပ်သေနတ် ပြုလုပ်ရန်အတွက် အကူညီတောင်းခဲ့ကြောင်း သိရသည်။
ယခုအခါ ဖမ်းဆီးရမိသူများကို စစ်ဆေးဖော်ထုတ်ချက်များအရ မောင်ကြီးတောင်ကျေးရွာ တာဝန်ခံ မာမတ်ရှားနှင့် ၄င်း၏ဖခင် အီဗရာဟိန်းတို့သည်လည်း အကြမ်းဖက်တိုက်ခိုက်မှု သင် တန်းတက်ရောက်ပြီးသူများဖြစ်ကြောင်း သိရှိရပြီး ဆက်စပ်တရားခံများကိုလည်း ဖမ်းဆီးရမိရေးအတွက် ဆက်လက်စုံစမ်းဖော် ထုတ်လျက်ရှိကြောင်း သိရသည်။      

          
ပိုင်လေး

Category: 

Share