အိမ်ထောင်ရေးဖောက်ပြန်သော အမျိုးသမီးကို ရင်ခွဲရုံ၌ ၂ နှစ်တိတိ လူသေအလောင်းများ ဆေးကြောရန် အီရန်တရားရုံး အမိန့်ချ

အိမ်ထောင်ရေးဖောက်ပြန်သော အီရန်အမျိုးသမီးတစ်ဦးကို တရားရုံးက ကြာပွတ်ဖြင့် အရိုက်ခံရန်နှင့် ရင်ခွဲရုံ၌ လူသေအလောင်း များကို ဆေးကြာသန့်စင်ပေးရသည့် တာဝန်ကို ၂ နှစ်ခန့် ထမ်းဆောင်ရန် အမိန့်ချမှတ်ခဲ့သည်။

အသက် ၃၅ နှစ်အရွယ် အမျိုးသမီးသည် အစောပိုင်း၌ သူမအနေဖြင့် အိမ်ထောင်ရေးဖောက်ပြန်မှုမရှိကြောင်း ငြင်းဆန်ခဲ့သော်လည်း စုံစမ်းစစ်ဆေးရေးသမားများက သက်သေအထောက်အထားများနှင့် ပြသသည့်အခါ ၀န်ခံခဲ့သည်။

သူမ၀န်ခံမှုကြောင့် သူမ၏ချစ်သူကိုပါ ဖမ်းဆီးပြီး တရားရုံး၌စွဲချက်တင်ခဲ့သည်။ လွန်ခဲ့သောအပတ် စနေနေ့တွင် တရားရုံးက အမှုနှင့်ပတ်သက်သော ဆုံးဖြတ်ချက်ကို ကြေညာခဲ့သည်။ တရားသူကြီးများက အမျိုးသမီးကို ကြာပွတ် ဒဏ် ၇၄ ချက်နှင့် ၂ နှစ်တိတိ ရင်ခွဲရုံ၌ လူသေအလောင်းများကို ဆေးကြောသန့်စင်ပေးရသည့် တာဝန်ကို ထမ်းဆောင်ရန်နှင့် အမျိုးသားကို ကြာပွတ်ဒဏ် ၉၉ ချက် ချမှတ်ခဲ့သည်။ ထို့အပြင် ၄င်းတို့နှစ်ဦးကို နိုင်ငံအတွင်းရှိ ဝေးလံခေါင်းပါးသော အရပ်သို့ နယ်နှင် ဒဏ်လည်း ပေးခဲ့သည်။ ယခင်က အီရန်၌ အိမ်ထောင်ရေးဖောက်ပြန်သော အမျိုးသမီးကို ကျောက် ခဲများဖြင့်ပစ်ပေါက်သတ်သည့် ဥပဒေကို လိုက်နာကျင့်သုံးခဲ့သော်လည်း နိုင်ငံတကာက ၀ိုင်းဝန်း ကန့်ကွက်ရှုတ်ချသဖြင့် ၂၀၁၂ ခု နှစ်တွင် အီရန်က အဆိုပါဥပဒေကို ဖြေလျှော့ပေးခဲ့ပြီး အိမ်ထောင် ရေးဖောက်ပြန်မှု ကျူးလွန်သူများကို အခြားသောနည်းများဖြင့် ပြစ်ဒဏ်ပေးရန် ပြင်ဆင်ခဲ့သည်။

 

Category: 

Share