အဓမ္မပြုကျင့်သူ၏ ငယ်ပါကို ဖြတ်ခဲ့သော အိန္ဒိယအမျိုးသမီး

အိန္ဒိယအမျိုးသမီးငယ်တစ်ဦးသည် ၄င်းအား အဓမ္မပြုကျင့်သူ၏ ငယ်ပါကို ဖြတ်ပစ်ခဲ့သဖြင့် သူမ၏သတ်္တိကို တာဝန်ရှိသူများက ချီးမွမ်းခဲ့ကြသည်။

အိန္ဒိယနိုင်ငံတောင်ပိုင်း ကီရာလာမှ အသက် ၂၃ နှစ်အရွယ် ဥပဒေကျောင်းသူတစ်ဦးသည် ၄င်းအား အဓမ္မပြုကျင့်သူ၏ အမျိုးသား အင်္ဂါ ၉၀ ရာခိုင်နှုန်းကို ဖြတ်ပစ်ခဲ့ပြီး သူမသည် ရဲတပ်ဖွဲ့ထံ ဖုန်းဆက် အကြောင်းကြားခဲ့သည်။

ပြစ်မှုကျူးလွန်သူ အသက် ၅၄ နှစ်အရွယ် ဆွာမီဂန်နီရ်ှအန်ဒါအမည်ရှိ အမျိုးသားသည် မိမိကိုယ်ကိုယ် ဘာသာရေးဆရာဂုရုအဖြစ် ခံယူထားပြီး ၄င်းသည် ရရှိထားသော ဒဏ်ရာများကြောင့် ဒေသအစိုးရဆေးရုံ၌ ဆေးကုသမှု ခံယူနေရသည်။

ကီလာရာပြည်နယ်ဝန်ကြီးက အမျိုးသမီးငယ်၏ သတိ်္တကို ချီးမွမ်းခဲ့သည်။ အမျိုးသမီးငယ်က ဆွာမီသည် နေအိမ်၌ လေဖြတ်ထားသော သူမ၏ဖခင်ဖြစ်သူကို ကုသရန် လာရောက်တိုင်း သူမကို အဓမ္မပြုကျင့်ခဲ့ကြောင်းနှင့် သူမမှာ အသက် ၁၆ နှစ်အရွယ်၌ပင် အဓမ္မပြုကျင့်ခံခဲ့ရကြောင်း ပြောကြားခဲ့သည်။

ရဲမှူးကြီးက အမျိုးသမီးငယ်၏ မိခင်သည်နေအိမ်၌ ခင်ပွန်းသည်ကို ကုသရန်အတွက် ဆွာမိကို ပင့်ခေါ်ခဲ့ကြောင်း၊ သမီးဖြစ်သူ လိင်ပိုင်းဆိုင်ရာစော်ကားခံနေရသည်ကို သိသော်လည်း ရဲတပ်ဖွဲ့ထံ တိုင်တန်းခြင်း မရှိခဲ့ကြောင်း၊ ထို့ကြောင့် မိခင်ကိုပါ ဖမ်းဆီးထိန်းသိမ်းထားကြောင်း ပြောကြားခဲ့သည်။ ရဲတပ်ဖွဲ့က ဆွာမီကို ကလေးသူငယ် လိင်ပိုင်းဆိုင်ရာ ကျူးလွန်မှုဖြင့် အမှုဖွင့်အရေးယူထားသည်။

 

Category: 

Share