လက်တစ်စုံ မျက်ဝန်းတစ်စုံမှသည် ဆရာကြီးမောင်လင်းယုန် (ရှမ်းပြည်) သို့ အမှတ်တရ - အနီမှိုင်း (ကေတု)

ကျွန်တော်ရန်ကုန်ရောက်ပြီး မရောက်တာကြာပြီဖြစ်တဲ့ တက္ကသိုလ်မြေကို ခဏသွားခဲ့ပြီး ကျွန်တော် လှည်းတန်းက အ၀ိုင်းကြီးနားက လက်ဖက်ရည်ဆိုင်မှာ ခဏထိုင်ဖြစ်ခဲ့တယ်။ အဲဒီမှာ အမှတ်မထင် ၅(ည)နဲ့ ထောင်ထဲမှာ အတူနေခဲ့တဲ့စာတွေကဗျာတွေရေးဖို့ အင်္ဂလိပ်စာသင်ပေးခဲ့တဲ့ ဆရာကြီးမောင်လင်းယုန် (ရှမ်းပြည်)နဲ့ဆုံလို့ အားရ၀မ်းသာ နှုတ်ဆက်ပြီး ဆရာကြီးနဲ့လက်ဖက်ရည်ဆိုင်မှာ စကားပြောဖြစ်ခဲ့တယ်။ ထောင်ထဲမှာနေတုန်းကအကြောင်းတွေ သက်ဇော်(ဇော်သက်ထွေး)တို့အကြောင်း၊  ညီညီလှိုင် (တော်ကီလှိုင်) အကြောင်း၊ ကျီးကန်း(မင်းလွင်)အကြောင်း၊ အခုဆရာကြီးက ကျူရှင်ပြနေတယ်။ အဲဒီမှာ ဆရာကြီးသင်နေတဲ့ တပည့်တွေထဲမှာ အင်မတန်လှပတဲ့ လက်လေးတစ်စုံပိုင်ရှင် တပည့်ကောင်မလေးတစ်ယောက်ကို တွေ့ခဲ့တယ်။ ဆရာကြီးသတိထားမိတာက စာတွေစစ်ဖို့၊ စာအုပ်တွေ လာထပ်တဲ့အချိန်မှာ လက်ကလေးက သွယ်သွယ်ဖြူဖြူနဲ့ လက်ကလေးတစ်စုံကို သတိထားမိခဲ့တယ်။ လက်ကလေးတစ်စုံက အင်မတန်လှတဲ့ လက်ကလေးပိုင်ရှင်ပေါ့။ ဆရာကြီးပေါ်လည်း ယဉ်ကျေးပျူငှာသလို ဆက်ဆံရေးပြေပြစ်တဲ့ ကျောင်းသူတစ်ဦး ဖြစ်သလို ချိုချိုသာသာနဲ့ စကားပြောတတ်သလို စာတော်တဲ့ ကျောင်းသူတစ်ဦး။ ကျောင်းသားကျောင်းသူတွေ ကြားမှာ အင်မတန်မှလှပတဲ့ လက်ကလေးပိုင်ရှင်ဖြစ်တဲ့အတွက် ဆရာကြီးက သတိထားမိခဲ့တယ်။ ရက်မှလ၊ လမှနှစ်ရာသီတွေ အလီလီပြောင်းခဲ့တယ်။ ဒါနဲ့ အဲဒီကျောင်းသူလည်း ဘွဲ့ရပြီး မတွေ့တာငါးနှစ်လောက် အကြာမှာ ဆောက်လုပ်ရေးလုပ်ငန်းတစ်ခုအနီးက အဖြတ်မှာ ဆရာလို့လှမ်းခေါ်တဲ့အတွက် လှည့်အကြည့်မှာ အုတ်သယ်နေတဲ့ ကလေးမတစ်ဦးမျက်နှာက ရွှင်ရွှင်လန်းလန်းနဲ့ လာနှုတ်ဆက်ကြတယ်။ ဆရာ ကျွန်မကို မှတ်မိလားတဲ့။ ကျွန်တော်လည်း အဲဒီကြမှ သိပ်လှတဲ့လက်တစ်စုံပိုင်တဲ့ ကျောင်းသူမှန်းသိခဲ့တယ်။ ဆရာ ကျွန်မ ဒီမှာပန်းရံလုပ်နေတာလေ။ မျက်နှာလေးက ရွှင်လန်းနေပေမယ့် လက်လေးတွေကတော့ အလုပ်ပင်ပန်းပြီး နေလောင်ထားတဲ့အတွက် လက်ကလေးတွေ ညိုမဲနေတယ်။  အရင်လို မလှပတော့ဘူး။ ဆရာကျွန်မ အုတ်သယ်ရအုံးမယ်ဆိုပြီး အုတ်ဆက်သယ်နေတယ်။ ဒါပေမဲ့ မျက်ဝန်းလေးက တောက်ပြီး တက်ကြွနေခဲ့တယ်။ နောက်လေးနှစ်လောက်ကြာတော့ ကျူရှင်ကအပြန်မှာ ဆရာဆိုပြီး ခေါ်သံကြားလို့ လှည့်အကြည့်မှာ ဆရာကျွန်မကို မှတ်မိလားတဲ့။ လှပတဲ့လက်တစ်စုံပိုင်ရှင်ပါလား။ အ၀တ်အစားက ခေတ်ဆန်ဆန်နဲ့ အသားလေးတွေကဖြူပြီး လက်ကလေးတွေက ဖြူစွတ်ပြီး ပြန်လှပနေပြီလေ။ ဒါပေမဲ့ မျက်နှာလေးက ညှိုးငယ်နေတယ်။ ဆရာ ကျွန်မအလုပ်ရနေပြီလေ။ ဒီကေတီဗီမှာ ကျွန်မအလုပ်လုပ်နေတယ်။ အလုပ်တော့ မပင်ပန်းပါဘူး ဆရာရယ် ၀င်ငွေလည်းကောင်းပါတယ်။ မျက်နှာညှိုးညှိုးလေးနဲ့ ပြောရှာတယ်။ ညှိုးငယ်တဲ့ မျက်ဝန်းလှပတဲ့ လက်ကလေးနဲ့။ ဆရာအလုပ်ရှိလို့ သွားလိုက်အုံးမယ်တဲ့။ ကျွန်မ အလုပ်ဝင်ရအုံးမယ်ဆရာ။ ဆရာကြီးက စိတ်မကောင်းစွာဖြင့် လက်ကလေးတစ်စုံအကြောင်းကို ပြောပြတယ်။

ဒါနဲ့ဆရာကိုလည်း မျက်ဝန်းတစ်စုံအကြောင်း ပြောပြရအုံးမယ်။ ကျွန်တော်ကြုံခဲ့ရပုံလေး ပြောပြခဲ့တယ်။ ကျွန်တော်(၅ည)နဲ့ ထောင်ထဲကထွက်တော့ လှည်းတန်းကို ရောက်ခဲ့တယ်။ ကျွန်တော်တို့ ကျောင်းတက်တော့ ၁၉၈၂ ခုနှစ်လောက်ကပေါ့။ ကြက်ရှာစွန်းလေးမှာ ရဲစခန်းရှိတယ်။ အဆောက်အဦးတွေကလည်း နှစ်ထပ်အမြင့်ဆုံးပဲ။ ၁၉၉၄ ခုနှစ်ကြတော့ တော်တော်လေးကွာနေပြီ။ အထပ်မြင့် အဆောက်အဦးတွေနဲ့ လမ်းမကျယ်ကြီးတွေ။ ကျွန်တော်ဖြင့် ရုပ်ရှင်တွေထဲကလို၊ ဟောင်ကောင်ဇာတ်လမ်းထဲကလို အဆောက်အဦးတွေ သိပ်လှနေတယ်။ အဲဒီမှာ စုံတွဲလေးတွေ လက်လေးတွေတွဲ၊ တစ်ယောက်နဲ့တစ်ယေက် ပုခုံးပေါ် တစ်ယောက်မီနဲ့ အရာရှိကြီးတွေကလည်း တိုက်ပုံတွေ၊ ကားအကောင်းစားကြီးတွေ စီးရင်းဖြတ် သွားဖြတ်လာလုပ်နေတယ်။ ဖျတ်လတ်သွက်လက်တဲ့ အမျိုးသမီးတွေကလည်း ဈေးဝယ်ထွက်နေကြတယ်။ နေညိုညိုတိမ်တောက်ချိန် အကျဉ်းတန်လှချိန်လို့ ပြောရမလား အင်မတန်လှပနေတယ်။ ကြီးမားတဲ့ အဆောက်အဦးတွေ ရုပ်ပိုင်းဆိုင်ရာတိုးတက်မှုတွေက တအားတိုးတက်နေတယ်။ အရာရာဟာ လှပနေတယ်။ ဒါနဲ့ အမှတ်မထင် မီးပွိုင့်ကို လှမ်းကြည့်လိုက်တော့ မီးနီတော့ ကူးလို့မရ။ မီးစိမ်းတော့လည်း တုန်ချိချိနဲ့ ဖြတ်မကူးရဲဘူး။ ဒါနဲ့ကျွန်တော်တို့လည်း လက်ဖက်ရည်ဖိုးရှင်းပြီး လမ်းဖြတ်ကူးခဲ့တယ်။ မီးစိမ်းတော့ အဖွားအိုရဲ့ လက်ကိုဆွဲပြီး လမ်းဖြတ်ကူးပေးလိုက်တော့ ဒီဘက်လမ်းလည်းရောက်ရော ကျွန်တော်ကို ပြုံးပြတယ်။ သားရယ် ကျေးဇူးတင်ပါတယ်။ ငါ့သားကြီး ကျန်းမာပါစေ၊ ချမ်းသာပါစေဆိုပြီး မျက်ရည်တွေဝဲနေတယ်။ နှုတ်ခမ်းလေးတွေက တစပ်စပ်တုန်နေရှာတယ်။ သားရယ် အဘွားဒီလမ်းကူးဖို့ စောင့်နေတာ တစ်နာရီကျော်ပြီး သူ့လွယ်အိတ်ထဲကနေ ငါးဆယ်တန်နှစ်ရွက်ဆွဲထုပ်ပြီး လက်ဖက်ရည်ဖိုးတဲ့ ထုတ်ပေးတယ်။ နေပါစေ အဘွားရယ်။ သူ့လွယ်အိတ်ထဲမှာ ခွက်လေးတစ်လုံးနဲ့ ကျွန်တော် အဲဒီမျက်ဝန်းလေးကို အခုချိန်ထိ မမေ့ပါဘူး။ ရုပ်ပိုင်းဆိုင်ရာတွေ တိုးတက်နေပေမယ့် စိတ်ပိုင်းဆိုင်ရာမှာတော့ သူတောင်းစားအဘွားအိုတစ်ယောက်ကို လက်ဆွဲပြီး လမ်းဖြတ်ကူးရမှာကို သိက္ခာကျမှာ စိုးလို့လား ဂုဏ်ငယ်မှာကြောက်လို့လား ဆရာကြီးကို အဲဒီမျက်ဝန်းလေးတစ်စုံအကြောင်းကို ပြောပြပြီး လမ်းခွဲခဲ့ကြတယ်။ အခုတော့ ဆရာကြီးက ကျွန်တော့်ကို အပြီးအပိုင်ခွဲသွားပါပြီ။ ကျွန်တော်တို့ကို နှုတ်မဆက်ဘဲ ထွက်ခွာသွားသလို ကျွန်တော်တို့ကလည်း တစ်ချိန်မှာတော့ နှုတ်မဆက်ဘဲ ထွက်ခွာသွားရမှာ မဟုတ်ပါလားခင်ဗျာ။
အနီမှိုင်း (ကေတု)

 

Category: 

Share