ပုဂ္ဂလိကပညာရေးဥပဒေနှင့် ပတ်သက်၍ အကြံပြုချက်များကို ပညာရေးဝန်ကြီးဌာနသို့ တင်ပြမည်

ပုဂ္ဂလိပညာရေးဥပဒေနှင့် ပတ်သက်၍ အကြံပြုထားချက်များအား မကြာမီအချိန်အတွင်း ပညာရေးဝန်ကြီး ဌာနသို့ တင်ပြသွားမည်ဖြစ်ကြောင်း အမျိုးသားပညာရေးမူဝါဒကော်မရှင်ဥက္ကဋ္ဌဦးမျိုးမြင့်က မေလ ၂၅ ရက်တွင် ပြောကြားခဲ့သည်။

“ဆရာတို့ကော်မရှင်က အရေးတကြီး ဆောင်ရွက်နေတဲ့ဥပဒေ၊ အခြေခံပညာရေးဥပဒေ၊ တိဘက်လို့ခေါ်တဲ့ အသက်မွေးဥပဒေ၊ အဆင့်မြင့်ပညာဥပဒေတွေ ၀န်ကြီးဌာနကို တင်ပြပြီးပြီ။ အခုပုဂ္ဂလိကပညာရေးဥပဒေ လုပ်နေတယ်။ ဆရာတို့က ဥပဒေရေးဆွဲတာမဟုတ်ဘဲ အကြံပေးတာပါ။ တကယ့်ပိုင်ရှင်က လွှတ်တော်နဲ့ ၀န်ကြီးဌာနဖြစ်ပါတယ်။ အခုပုဂ္ဂလိကပညာရေးဥပဒေကို အကြံပြုသုံးသပ်ဖို့ လုပ်နေတယ်”ဟု ၄င်းက ပြောကြားခဲ့သည်။

အမျိုးသားပညာရေးမူဝါဒ ကော်မရှင်အနေဖြင့် အမျိုးသားပညာရေးဥပဒေနှင့် ဆက်စပ်သည့်ဥပဒေများ ဆက်လက်ထွက်ရှိရန် ကြန့်ကြာသည်ဟု မယူဆကြောင်း၊ ဥပဒေတစ်ခုတွင် ပါဝင်သင့်၊ ပါဝင်ထိုက်သူများ၏ အမြင်များ၊ အကြံဥာဏ်များ လိုအပ်ကြောင်းလည်း ဆက်လက်ပြောကြားခဲ့သည်။

ယင်းနှင့်စပ်လျဉ်း၍ ဥက္ကဋ္ဌ ဦးမျိုးမြင့်က “ကော်မရှင်က ဥပဒေအရ တာဝန်ပေးထားတဲ့လုပ်ဆောင်ချက် ၉ ချက်ထဲမှာ အကျဉ်းသဘောရှိနေတာကို အကျယ်ချဲ့ဆောင်ရွက်နေတယ်။ နောက်ဝန်ကြီးဌာနမှာ မူပိုင်းဆိုင်ရာ မူဟောင်း၊ ဥပဒေဟောင်းတွေကို အခုခေတ်နဲ့ ဘယ်လောက်ညီသလဲ၊ မူပြင်ဖို့ လိုရင်လည်းပြင်ဖို့ လေ့လာနေ တယ်။ ဆရာ၊ ဆရာမတွေ ရာထူးတိုးဖို့ကိစ္စက အစပေါ့”ဟု ပြောကြားခဲ့သည်။     

မင်းသီဟန်

 

Category: 

Share