မြန်မာနိုင်ငံ ဆရာ၊ ဆရာမများအဖွဲ့ချုပ်သို့ ရောက်ရှိလာသောတိုင်စာများတွင် ရာထူးတိုးပြောင်းရွှေ့ ပြဿနာများ အများစုဖြစ်နေ

မြန်မာနိုင်ငံ ဆရာ၊ ဆရာမများအဖွဲ့ချုပ်သို့ ၂၀၁၇ ခုနှစ်တွင် ရောက်ရှိလာသော တိုင်စာ ၁၅ စောင်တွင် ရာထူးတိုးပြောင်းရွှေ့ပြဿနာများ အများစုဖြစ်နေကြောင်း ဆရာ၊ ဆရာမများအဖွဲ့ချုပ်ဥက္ကဋ္ဌ ဒေါက်တာသက် နိုင်ဦးက ပြောသည်။
“များသောအားဖြင့် ရာထူးတိုးပြောင်းရွှေ့ကိစ္စတွေမှာ ဆရာဆရာမတွေက သူတို့ မတရားခံရတယ်ဆိုတာ တင်ပြကြတယ်။ ပွင့်လင်းမြင်သာမှုမရှိဘူးပေါ့။ ကျွန်တော်တို့လည်း ပညာရေးဝန်ကြီးဌာနနဲ့ ဒီကိစ္စတွေကို ညှိနှိုင်းနေပါတယ်” ဟု ဒေါက်တာသက်နိုင်ဦးက ပြောသည်။

တင်ပြသော တိုင်ကြားစာ ၁၅ စောင်တွင် ၅ စောင်မှာ အထွေထွေကိစ္စရပ်များဖြစ်ပြီး တချို့ကိစ္စရပ်များမှာ ဆန္ဒပြမှုများတွင်ပါဝင်သောကြောင့် ပြစ်မှုဖြစ်ပွားဖြင့် ပြစ်ဒဏ်ကျခံရခြင်းများ ဖြစ်ကာအများစုမှာ ရာထူးတိုး အပြောင်းအရွှေ့ကိစ္စရပ်များဖြစ်ကြောင်း သိရသည်။

ရာထူးတိုးပြောင်းရွှေ့မှုတွင် နှစ်ပြည့်သော်လည်း မပါဝင်သော ဆရာ၊ဆရာမများ တိုင်ကြားခြင်းမှာ လူကြီးနှင့်နီးစပ်သည့် ၀န်ထမ်းများသာပါရှိသည်ဟုဆိုကာ ဆရာ၊ ဆရာမအများစုမှာ ခံစားရ၍ တိုင်ကြားခြင်းဖြစ်ကြောင်း ဆရာ၊ ဆရာမများအဖွဲ့ချုပ် အတွင်းရေးမှူး ဒေါက်တာအာကာမိုးသူက ပြောကြားသည်။

“ရာထူးတိုးအပြောင်းအရွှေ့စာရင်းတွေ အခြေခံပညာမှာဆိုရင် လူကြီးတွေကိုအားလုံး တင်ပြပြီးသွားပါပြီ။ ဆုံးဖြတ်ဖို့ပဲ လိုပါတော့တယ်။ ဆုံးဖြတ်ချက်ကျရင်တော့ ထုတ်ပြန်မှာပါ”ဟု ရန်ကုန်တိုင်းဒေသကြီးပညာရေး မှူးရုံးမှ ဒုတိယညွှန်ကြားရေးမှူး (စီမံ) ဦးအောင်ကျော်ဦးက ပြောသည်။

မြန်မာနိုင်ငံဆရာ၊ ဆရာမများအဖွဲ့ချုပ်ကို ၂၀၁၄ ခုနှစ်တွင် ယာယီဖွဲ့စည်း၍  ၂၀၁၅ ခုနှစ် တွင် စတင်ခဲ့သည်။ စတင်ဖွဲ့စည်းချိန်၌ ဆရာများ သမဂ္ဂတို့ ပူးပေါင်းကာ ဖွဲ့စည်းခဲ့ခြင်းဖြစ်ပြီး လက်ရှိတွင် အသင်းဝင်ပေါင်း သုံးထောင်ဝန်းကျင်ရှိသည်။

မင်းသီဟန်

Category: 

Share