စင်ကာပူနိုင်ငံတွင် ကျင်းပသည့် ဥာဏ်ရည်မမီ ဖိတ်ခေါ်အားကစားပြိုင်ပွဲ၌ မြန်မာအားကစားသမားများ ရွှေသုံးခု၊ ငွေသုံးခု၊ ကြေးသုံးခု ရယူနိုင်ခဲ့

ဥာဏ်ရည်မမီ ဖိတ်ခေါ်အားကစားပြိုင်ပွဲကို မေလ ၁၈ ရက်နေ့ မှ ၂၃ ရက်နေ့အထိ စင်ကာပူနိုင်ငံတွင် ကျင်းပခဲ့ရာ မြန်မာနိုင်ငံမှ ဥာဏ်ရည်မမီသူ အားကစားသမားများသည် ရွှေသုံးခု၊ ငွေသုံးခု၊ ကြေးသုံးခု ရယူနိုင်ခဲ့ကြောင်း သိရသည်။

အဆိုပါပြိုင်ပွဲသို့ မြန်မာနိုင်ငံ ဥာဏ်ရည်မမီသူများ အားကစားအဖွဲ့ချုပ် အတွင်းရေးမှူး ဦးပီတာဦးဆောင်သော အုပ်ချုပ်/နည်းပြလေးဦး၊ အားကစားသမား အမျိုးသားလေးဦး၊ အမျိုးသမီးလေးဦးတို့က ပြေးခုန်ပစ်နှင့် ဘိုချီပြိုင်ပွဲသို့ ၀င်ရောက်ယှဉ်ပြိုင်ခဲ့ရာ ပြေးခုန်ပစ်ပြိုင်ပွဲ မီတာ ၈၀၀ တွင် ထွန်းသာယာက ရွှေတံဆိပ်ဆုတစ်ဆု၊ မီတာ ၄၀၀ တွင် ဟိန်းထက်ဇော်က ကြေးတစ်ခုနှင့် မီတာ ၂၀၀ ပြိုင်ပွဲတွင် ငွေတစ်ခု၊ မီတာ ၁၀၀ ပြိုင်ပွဲတွင် အိမွန်ကျော်က ရွှေတစ်ခု၊ မီတာ ၂၀၀ တွင် လင်းလင်းထက်က ကြေးတစ်ခုနှင့် မီတာ ၁၀၀ တွင် ငွေတစ်ခုရယူနိုင်ခဲ့သည်။

ဘိုချီပြိုင်ပွဲ၌ ဇော်မျိုးနိုင်က ရွှေတစ်ခု၊ ဇော်မျိုးဇော်က ငွေတစ်ခု၊ မေမြတ်မော်က ကြေးတစ်ခု စုစုပေါင်းရွှေသုံးခု၊ ငွေသုံးခု၊ ကြေးသုံးခုရယူနိုင်ခဲ့သည်။ ထို့ပြင် အဆိုပါပြိုင်ပွဲတွင် ဒေသတွင်းငါးနိုင်ငံမှ အားကစားသမားများ ပါဝင်ယှဉ်ပြိုင်ခဲ့ကြပြီး အိမ်ရှင်စင်ကာပူနိုင်ငံက ၂၉ သင်း ၀င်ရောက်ယှဉ်ပြိုင်ခဲ့ကြောင်းလည်း သိရသည်။

 

Category: 

Share