အခမဲ့ကျန်းမာရေးပြုစုစောင့်ရှောက်မှုများ မြို့နယ် ၇၅ မြို့နယ်တွင် စတင်မည်

အမျိုးသားကျန်းမာရေးစီမံကိန်းအရ လူထုလက်လှမ်းမီသော ကျန်းမာရေးပြုစုစောင့်ရှောက်မှု အမျိုးအစားပေါင်း ၁၉၀ အား မြို့နယ် ၇၅ မြို့နယ်တွင် စတင်လုပ်ဆောင်မည်ဖြစ်ကြောင်းသိရသည်။
မေ ၂၄ ရက်တွင် ကျင်းပခဲ့သော ပြည်သူ့ကျန်းမာရေးညီလာခံတွင် တိုင်းဒေသကြီး ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာညီညီလွင်က အခမဲ့ကျန်းမာရေး ပြုစုစောင့်ရှောက်မှုနှင့် ပတ်သက်၍ အထက်ပါအတိုင်းပြောကြားခဲ့ခြင်းဖြစ်သည်။

“အခြေခံကျတဲ့ ကျန်းမာရေးစောင့်ရှောက်မှုပုံစံတွေ လူတိုင်းရအောင် စတင်မှာဖြစ်ပါတယ်။ ဒီထဲမှာ အစိုးရ ဆေးရုံ၊ ဆေးခန်းတွေလည်းပါမယ်။ အရပ်ဘက်အဖွဲ့အစည်း၊ အသင်းအဖွဲ့တွေနဲ့ ပုဂ္ဂလိက ဆေးရုံတွေလည်း ပါမယ်။ မြို့နယ်တွေကစပြီး ၀န်ဆောင်မှုပေးမှာဖြစ်တယ်။ ၂၀၁၇ စက်တင်ဘာမှာ စဖြစ်မှာပါ” ဟု တိုင်းဒေသကြီးပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူးဒေါက်တာညီညီလွင်ကပြောသည်။

ကျန်းမာရေးစောင့်ရှောက်မှုတွင် ရန်ကုန်တိုင်းဒေသကြီးမှ ၁၀ မြို့နယ်ပါဝင်ပြီး လှိုင်သာယာ၊ ကော့မှူး၊ ဒလ၊ ရွှေပြည်သာ၊ ဒဂုံမြို့သစ်တောင်ပိုင်း၊ ကွမ်းခြံကုန်း၊ ဒဂုံဆိပ်ကမ်း၊ မင်္ဂလာဒုံတို့ပါဝင်ကြောင်း သိရသည်။

အဆိုပါမြို့နယ်များတွင် ရရှိမည့် ကျန်းမာရေးစောင့်ရှောက်မှုများမှာ ကူးစက်ရောဂါကုသမှုနှင့်ဆေးဝါးများ၊ ကျောင်းကျန်းမာရေး၊ မိခင်နှင့် ကလေးကျန်းမာရေးစသည်တို့ဖြစ်ကြောင်း သိရသည်။

မင်းသီဟန်

Category: 

Share