သီရိလင်္ကာ၌ ရေကြီးမှုများကြောင့် လူ ၉၀ ကျော် သေဆုံးပြီး အများအပြားပျောက်ဆုံးနေ

မိုးသည်းထန်စွာ ရွာသွန်းမှုများကြောင့် ရေကြီးရေလျှံဖြစ်နေသော သီရိလင်္ကာနိုင်ငံတွင် လူ ၉၀ ကျော်သေဆုံးပြီး မြေပြိုမှုများကြောင့် လူပေါင်းတစ်ရာကျော်မှာလည်း ပျောက်ဆုံးနေသဖြင့် အစိုးရသည် နိုင်ငံတကာမှ အကူအညီတောင်းခံထားသည်။

ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၏ ထုတ်ပြန်ကြေညာချက်အရ လူပေါင်း ၆၅၀၀၀ မှာ သဘာဝဘေးအန္တရာယ်ဒဏ်ကို ခံခဲ့ရပြီး လူပေါင်း ၂၀၀၀ ကျော်ကို ဘေးလွတ်ရာသို့ ရွေ့ပြောင်းပေးခဲ့ရသည်။ အိမ်ခေါင်မိုးပေါ်များနှင့် သစ်ပင်ထိပ်များပေါ်သို့ တက်ရောက်နေရသူများကို ရေတပ်နှင့် လေတပ်တို့မှ ရဟတ်ယာဉ်များဖြင့် ကယ်ဆယ်ခဲ့ရကြောင်း ဒုတိယ၀န်ကြီး ဒူနက်ရ်ှကန်ကန်ဒါက ပြောကြားခဲ့သည်။ သီရိလင်္ကာနိုင်ငံခြားရေးဝန်ကြီးဌာနကလည်း ကုလသမဂ္ဂထံမှ အကူအညီများ တောင်းခံထားသည်။ သီရိလင်္ကာတွင် နောက်လာမည့်ရက်များတွင်လည်း မိုးသည်ထန်စွာ ဆက်လက်ရွာသွန်းမည်ဖြစ်သောကြောင့် မြစ်၊ ချောင်းများနှင့် တောင်ခြေ၌ နေထိုင်သူများကို ဘေးလွတ်ရာသို့ ရွှေ့ပြောင်းကြရန် အမိန့် ထုတ်ပြန်ထားသည်။ နိုင်ငံအတွင်း၌ ကောက်ပဲသီးနှံနှင့်ရာဘာပင်များ တိုးချဲ့စိုက်ပျိုးရန်အတွက် သစ်တောများ အလွန်အကျွံခုတ်ထွင်ခဲ့သောကြောင့် မြေပြိုမှုများ မကြာခဏဖြစ်ပွားလေ့ရှိသည်။ လွန်ခဲ့သောမေလကလည်း မြေပြိုမှုများ ဖြစ်ပွားခဲ့သောကြောင့် လူပေါင်း ၁၀၀ ကျော်သေဆုံးခဲ့သည်။

 

Category: 

Share