အကြမ်းဖက်အန္တရာယ်နှင့် နိုင်ငံတော်လုံခြုံရေး - လက်စောင်းထက်

အရှေ့အလယ်ပိုင်းဒေသတွင် အခြေမဟန်တော့သော အစ္စလာမ်မစ်အစွန်းရောက်များသည် သူတို့၏နောက်ထပ် ခြေကုပ်နေရာအဖြစ် အရှေ့တောင်အာရှကို မျက်စိကျလာကြသည်။ အထူးသဖြင့် အစ္စလာမ်မစ်နိုင်ငံများနှင့် ထိစပ်နေသော ထိုင်းတောင်ပိုင်းနှင့် ဖိလစ်ပိုင်နိုင်ငံတို့တွင် အစွန်းရောက်များ ခြေကုပ်ယူနိုင်ခဲ့ကြသည်။ မြန်မာနိုင်ငံ ဘူးသီးတောင်မောင်တောဒေသတွင်လည်း အစွန်းရောက်တို့သည် နှစ်ပေါင်းများစွာ စိမ့်ဝင်နေခဲ့ကြသည်။ အထူးသဖြင့် ၁၉၈၈ ခုနှစ် နိုင်ငံတော်၏ အုပ်ချုပ်ရေးယန္တရားပျက်ပြားချိန်တွင် ဘင်္ဂလားဒေ့ရ်ှမှ ဘင်္ဂါလီများသည် အစုလိုက်အပြုံလိုက် ၀င်ရောက်လာခဲ့ကြသည်။ လွတ်လပ်ရေးရပြီးချိန်မှစပြီး ရခိုင်တွင် အစ္စလာမ်မစ်အစွန်းရောက် မူဂျာမေဒင် သောင်းကျန်သူအဖွဲ့ရှိခဲ့သော်လည်း ထိုစဉ်က အရှေ့အလယ်ပိုင်းနိုင်ငံများမှာ မချမ်းသာသေးသဖြင့် ထိုသောင်းကျန်းသူအဖွဲ့ကို အစိုးရက ထိန်းချုပ်နိုင်ခဲ့သည်။ သို့သော် အရှေ့အလယ်ပိုင်းနိုင်ငံများ ရေနံကြောင့် ချမ်းသာလာသည်နှင့်အမျှ အကြမ်းဖက်ဝါဒကို ကမ္ဘာတစ်လွှားသို့ ပို့ကုန်အဖြစ် ဇောက်ချလုပ်ဆောင်လာခဲ့ကြသည်။

ပြီးခဲ့သည့်အပတ်က အရှေ့အလယ်ပိုင်းမှ လူဦးရေသုံးသိန်းသာရှိသော်လည်း သဘာဝဓာတ်ငွေ့သိုက်ဖြင့် လွန်စွာချမ်းသာနေသော ကာတာနိုင်ငံကို အိမ်နီးချင်းအာရပ်နိုင်ငံများက သံတမန်အဆက်အသွယ်အပြင် လေကြောင်း၊ ရေကြောင်း၊ ကုန်းကြောင်း ပိတ်ဆို့မှုများပါ လုပ်ခဲ့သည်။ အကြောင်းပြချက်မှာ ကမ္ဘာအနှံ့အကြမ်းဖက်အဖွဲ့များကို ထောက်ပံ့ပေးနေသောကြောင့်ဟုဆိုသည်။ အဆိုပါထောက်ပံ့မှုများသည် ဖိလစ်ပိုင်အစွန်းရောက်များ၊ ထိုင်းတောင်ပိုင်းမှ အစွန်းရောက်များ၊ မြန်မာနိုင်ငံမှ ဘင်္ဂါလီအစွန်းရောက်များထံ မည်မျှရောက်ရှိနေပြီကို မည်သူမျှ မသိနိုင်သော်လည်း ထိုင်းတောင်ပိုင်းတွင် နယ်မြေထိန်းချုပ်နိုင်ရန် ထိုင်းစစ်တပ်သည် မနည်းကြိုးစားနေရသည်။ ဖိလစ်ပိုင်တွင်လည်း မာရာဝီကျွန်းကို ISIS နှင့် ဆက်နွှယ်နေသော အစွန်းရောက်သူပုန်များက သိမ်းပိုက်ထားသဖြင့် ဖိလစ်ပိုင်စစ်တပ်သည် အကျအဆုံး များစွာဖြင့် ပြန်လည်တိုက်ခိုက်နေရသည်။ ဇွန်လ ၁၀ ရက်နေ့တွင် အမေရိကန်၏ နည်းပညာအကူအညီနှင့် အမေရိကန်အထူးတပ်ဖွဲ့ဝင်များ၏ အကူအညီကို စတင်ယူခဲ့ရသည်။ ဤသည်မှာ အရှေ့တောင်အာရှနှင့် အစွန်းရောက်တို့၏ အခင်းအကျင်းဖြစ်သည်။ မြန်မာနိုင်ငံကို ပြန်ကြည့်လျှင်လည်း အစွန်းရောက်ဘင်္ဂါလီ လူအုပ်စုများက နယ်ခြားစောင့် ရဲဌာနချုပ်အထိ ၀င်ရောက်စီးနင်း တိုက်ခိုက်မှုများ ပြုလုပ်လာကြသည်။ ပါကစ္စတန်အခြေစိုက် အကြမ်းဖက်အဖွဲ့အစည်းများက စစ်သင်တန်းလာရောက်ပို့ချခြင်း၊ ဗုံးပြုလုပ်သည့် သင်တန်းများပေးခြင်းများ ဆောင်ရွက်လာကြသည်။ အစိုးရနှင့် အဆင်ပြေသော ကျေးရွာအုပ်ချုပ်ရေးမှူးများ၊ မီဒီယာများအား အမှန်အတိုင်းပြောသည့် ဘင်္ဂါလီများကို ရက်ရက်စက်စက် သတ်ဖြတ်ပြခြင်းဖြင့် အဆိုပါဒေသတွင် အစိုးရဘက်မှ လူများမရှိရန် ဆောင်ရွက်လာကြသည်။

သို့သော် ၀မ်းနည်းဖွယ်ကောင်းသည်မှာ NLD အစိုးရက ဒီမိုကရေစီစံနှုန်းဖြင့် မညီဟုဆိုကာ ကျေးရွာရပ်ကွက်များအတွင်း ဧည့်စာရင်းတိုင်သည့်စနစ်ကို လွှတ်တော်မှတဆင့် ပယ်ဖျက်လိုက်ခြင်းဖြစ်သည်။ ထိုစဉ်က တပ်မတော်သားကိုယ်စားလှယ်များက အကြိမ်ကြိမ်ကန့်ကွက်ခဲ့သော်လည်း ယခုခေတ်စားနေသော စကားအရ ဒီမိုကရေစီအနိုင်ကျင့်ခြင်းပုံစံဖြင့် မဲခွဲဆုံးဖြတ်လိုက်သည်။ ထို့နောက်တွင်ကား အများပြည်သူများ သိရှိသည့်အတိုင်း ရန်ကုန်မြို့အတွင်းသို့ ခိုးဝင်ဘင်္ဂါလီများ နေ့စဉ် အဆက်မပြတ် ရောက်ရှိလာခဲ့ကြသည်။

ထိုအထဲတွင် လက်နက်ကိုင် ဆူပူသောင်းကျန်းမည့် အစွန်းရောက်များ မည်မျှပါသည်ကို မည်သူမျှမသိနိုင်ပေ။ အင်ဒိုနီးရှားနိုင်ငံ၏ ပြုပြင်ပြောင်းလဲမှုများနှင့် မာလူကူပြည်နယ်တွင် ဖြစ်ပွားခဲ့သော ပဋိပက္ခများကို လေ့လာခဲ့သူတစ်ဦးကမူ အရှေ့အလယ်ပိုင်းမှ အစွန်းရောက်တို့သည် အရှေ့တောင်အာရှအတွက် အစွန်းရောက်စစ်သင်တန်းကျောင်းနေရာကို မြန်မာနိုင်ငံတွင် အခြေပြုရန်  ၁၉၉၄ ခုနှစ်က လာရောက်ကြည့်ရှုခဲ့သေးကြောင်း၊ နောက်မှ တောတောင်ထူထပ်သည့် အင်ဒိုနီးရှားကို ရွေးချယ်ခဲ့ကြောင်း ရေးသားခဲ့ဖူးသဖြင့် နိုင်ငံရေးမတည်ငြိမ်သော မြန်မာနိုင်ငံသည် အစွန်းရောက်တို့ ခြေကုပ်ယူရန် စဉ်းစားထားသည့် နိုင်ငံတစ်ခုတွင်ပါဝင်နေကြောင်း သိနိုင်သည်။ စစ်ဘက်သုတေသီတစ်ဦးကလည်း ထိုင်းတောင်ပိုင်းနှင့် ဖိလစ်ပိုင်တွင် အစွန်းရောက်များ အရှိန်မြှင့် ထိုးစစ်ဆင်နေသည့်အတွက် မြန်မာနိုင်ငံတောင်ပိုင်းတွင်လည်း တိုက်ခိုက်မှုတစ်ရပ် ဖြစ်ပေါ်နိုင်ကြောင်း ဖေ့စ်ဘွတ်ခ်တွင် သတိပေး ရေးသားခဲ့သည်။ ထိုအချိန်တွင် ဇွန်လ ၇ ရက်နေ့၌ ထားဝယ်အနီး တပ်မတော်(လေ)မှ Y-8 လေယာဉ်တစ်စီး ထူးဆန်းစွာ ပျက်ကျသွားခဲ့သည်။ ဇွန်လ ၁၀ ရက်နေ့တွင်မူ တပ်မတော်ကာကွယ်ရေးဦးစီးချုပ်၏ လေယာဉ်ပျက်ကျမှုနှင့် ပတ်သက်သည့် Source ကို လေယာဉ်ပျက်ကျသည့်နေရာတွင် ရရှိထားပြီဖြစ်ကြောင်း၊ မကြာမီ ထုတ်ပြန်ပေးမည်ဟု ပြောကြားခဲ့သည်။ တပ်မတော်ကာကွယ်ရေးဦးစီးချုပ်က မိန့်ခွန်းတစ်ခု၌ နိုင်ငံတော်လုံခြုံရေးဥပဒေသည် နိုင်ငံတော်အတွက် အရေးကြီးသဖြင့် ပြဋ္ဌာန်းပေးရန် လွှတ်တော်ကို မေတ္တာရပ်ခံခဲ့ကြောင်း ပြောကြားခဲ့ဖူးသည်။ ထိုအချက်များကို ထောက်ရှုပါက သောင်းကျန်းသူများနှင့် အဆက်မပြတ် တိုက်ပွဲဝင်ခဲ့ပြီး သောင်းကျန်းသူတို့၏ လုပ်ကွက်ကို သိနေသော တပ်မတော်သည် သောင်းကျန်းသူတို့၏ ရှေ့လာမည့် အခင်းအကျင်းအတွက် ပူပန်မှုရှိနေကြောင်း မှန်းဆနိုင်သည်။ ပြည်တွင်းတွင် ညီညွတ်မှုမရှိသော ယခုလိုအချိန်အခါသည် တိုင်းပြည်ကို ဒုက္ခပေးလိုသူများအတွက် အခွင့်ကောင်းတစ်ခုပင် ဖြစ်သည်။ အမှန်မှာ ဧည့်စာရင်းတိုင်ကြားမှုဥပဒေအပေါ် အမြတ်ထုတ်နေသော ရပ်ကွက်နှင့် ကျေးရွာ အုပ်ချုပ်ရေးမှူးများကို ဥပဒေအရ ထိန်းကျောင်းရန်သာ ဖြစ်သော်လည်း ယခုကဲ့သို့ နိုင်ငံရေး အင်အားပြသည့်အနေဖြင့် ဧည့်စာရင်းတိုင်ကြားမှုစနစ်ကို ဖျက်သိမ်းလိုက်ခြင်း၊ ထိုနေရာတွင် မည့်သည် လုံခြုံရေးဥပဒေနှင့်မှ အစားမထိုးဘဲ လျစ်လျူပြုထားခြင်းသည် မြန်မာနိုင်ငံကို အကြမ်းဖက်သမားတို့ ခိုနားရာ နေရာတစ်ခုအဖြစ် ဆွဲဆောင်နေကြောင်း သက်ဆိုင်သူတာဝန်ရှိသူအပေါင်း မြင်နိုင်ကြပါစေ၊ နိုင်ငံတော်လုံခြုံရေးအတွက် သင့်တော်သည့် ဥပဒေတစ်ခု အချိန်မီ ပြဋ္ဌာန်းပေးနိုင်ပါစေဟုသာ ပြည်သူတစ်ဦး အနေဖြင့် တိုက်တွန်းလိုက်ရပါသည်။ မြန်မာနိုင်ငံရှိ ရွှေတိဂုံဘုရားအပါအ၀င် ဘာသာပေါင်းစုံတို့၏ အထွတ်အမြတ်ထားရာနေရာများ တိုက်ခိုက်ဖျက်ဆီးခံရခြင်း၊ မြန်မာနိုင်ငံ၏ အချုပ်အခြာအာဏာအောက်မှ နယ်မြေတစ်စိတ်တစ်ပိုင်း ပဲ့ပါသွားခြင်း၊ ပြည်သူများ ကျီးလန့်စာစားဖြင့် ဘ၀မလုံခြုံခြင်းများကို မည်သည့်အစိုးရမှဖြစ်စေ လိုမည်မဟုတ်ပါ။ ထို့ကြောင့် လက်ရှိတိုင်းပြည်ကို အုပ်ချုပ်နေသော အစိုးရအနေဖြင့် ဒီမိုကရေစီညောင်သီးလည်း စားသလို အကြမ်းဖက်သမားတို့၏ လေးသံကိုလည်း နားစွင့်နေသင့်ပါကြောင်း တင်ပြလိုက်ရပါသည်။
လက်စောင်းထက်

 

Category: 

Share