အင်းစိန် GTI ကျောင်း ၂၀၁၇ ဒီဇင်ဘာတွင် ဖွင့်လှစ်မည်

နှစ်ပေါင်း ၁၂၀ သက်တမ်းရှိ ရန်ကုန်မြို့ အင်းစိန် GTI စက်မှုလက်မှုသိပ္ပံကျောင်းကို ဇွန်လမှစ၍ အကြီးစားပြင်ဆင်မှု စတင်မည်ဖြစ်ရာ ၂၀၁၇ ဒီဇင်ဘာတွင် ဖွင့်လှစ်မည်ဖြစ်သောကြောင့် သင်တန်းသားများ လျှောက်ထားနိုင်ကြောင်း ဇွန် ၁၅ ရက်က ပြုလုပ်ခဲ့သည့် သတင်းစာရှင်းလင်းပွဲအရ သိရသည်။

“ဇွန်လအတွင်းမှာ အကြီးစား မွမ်းမံသွားမယ်။ အဆောက်အအုံကို ဒီဇင်ဘာအမီ ဖွင့်လှစ်သွားမယ်။ သင်တန်းကာလ သုံးနှစ်နဲ့ GTI အသိအမှတ်ပြု ဒီပလိုမာလက်မှတ်ပေးမယ်။ ဆယ်တန်းအောင်တဲ့ သိပ္ပံဘာသာတွဲ မည်သူမဆို တစ်နိုင်ငံလုံးလျှောက်ထားလို့ရတယ်”ဟု စက်မှုလက်မှုနှင့် သက်မွေးပညာ ဦးစီးဌာနမှ ညွှန်ကြားရေးမှူးချုပ် ဒေါက်တာအေးမြင့်က ပြောသည်။

လက်ရှိတွင် ဂျာမနီ ပူးပေါင်းဆောင်ရွက်ရေးအဖွဲ့နှင့် GIZ တို့ အပါအ၀င် ပညာရေးဝန်ကြီးဌာနက အင်းစိန် GTI ကျောင်း ပြန်လည်ဖွင့်လှစ်နိုင်ရေး သင်ရိုးညွှန်းတမ်းများနှင့် ဆရာ၊ ဆရာမများအား လေ့ကျင့်သင်တန်းပို့ချမှုတို့ စီစဉ်ဆောင်ရွက်ပေးလျက်ရှိကြောင်း သိရသည်။

“မြို့ပြအင်ဂျင်နီယာ၊ စက်မှုအင်ဂျင်နီယာ၊ လျှပ်စစ်အင်ဂျင်နီယာ၊ လျှပ်စစ်နှင့် ဆက်သွယ်ရေး၊ သတင်း အချက်အလက်နှင့် နည်းပညာ စုစုပေါင်းဘာသာရပ်ငါးခုမှ တစ်ခုစီကို သင်တန်းသားအယောက် ၄၀ နှုန်းနဲ့ ငါးခုအတွက် ကျောင်းသားကျောင်းသူ ၂၀၀ ခေါ်မယ်။ လျှောက်ထားသူတွေကို ရေးဖြေ နှုတ်ဖြေနဲ့ အဆောက်အအုံ ဆံ့သလောက် လက်ခံဆောင်ရွက်သွားမယ်”ဟု ဒေါက်တာအေးမြင့်က ဆိုသည်။

အင်းစိန် GTI ကျောင်းအား အကြီးစား ပြုပြင်မွမ်းမံရန် ငွေကျပ် ၂ ဘီလီယံကို နိုင်ငံတော်က ကျခံသုံးစွဲသွားမည် ဖြစ်သည်။ ၂၀၁၇ ခုနှစ် ဒီဇင်ဘာအမီ ဆရာ၊ ဆရာမ ၇၁၀ ဦးအား လုပ်ငန်းခွင် အကြိုသင်တန်းကို ရန်ကုန်နှင့် ကျောက်ဆည် ဘဲလင်းလေ့ကျင့်ရေးကျောင်းများတွင် သင်တန်း ပို့ချသွားမည်ဖြစ်ပြီး သင်ရိုးများကို အခြား GTI ကျောင်းများနည်းတူ ပို့ချသွားမည်ဟု သိရသည်။

မင်းသီဟန်

Category: 

Share