ခရိုင်၂၄ ခုတွင် FDA က ဓာတ်ခွဲခန်းများ တည်ဆောက်သွားမည်

အစားအသောက်၊ ဆေးဝါး နှင့် အလှကုန်များကို စစ်ဆေးစမ်းသပ်နိုင်ရန် ခရိုင် ၂၄ ခုတွင် ယခု နှစ်အတွင်း ဓာတ်ခွဲခန်းများစတင်တည်ဆောက်သွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန အစားအသောက်နှင့် ဆေးဝါးကွပ်ကဲမှုဦးစီးဌာနမှ သိရသည်။

“အစားအသောက်၊ ဆေးဝါး၊ အလှကုန်တွေနဲ့ ပတ်သက်ပြီးတော့ ဓာတ်ခွဲခန်းတွေက မရှိမဖြစ် လိုအပ်နေပါတယ်။ ဒါကြောင့် ခရိုင် ၇၅ ခရိုင်ကနေ ၂၄ ခရိုင်ကို စတင်ပြီး ဒီနှစ်ထဲမှာ တည်ဆောက်မှာပါ။ တိုင်းဒေသကြီးနဲ့ ပြည်နယ်တွေအားလုံးမှာတော့ ဓာတ်ခွဲခန်းတွေက ဆောက်လုပ်ပြီးပါပြီ”ဟု ၄င်းဦးစီးဌာန (နေပြည်တော်)မှ တာဝန်ရှိသူတစ်ဦးက ပြောကြားသည်။

ပြည်သူများအတွက် လုံခြုံစိတ်ချရသည့် အစားအသောက် ဆေးဝါးနှင့် အလှကုန်များဖြစ်စေရန် သင်တန်းများလည်း စီစဉ်ထားကြောင်း၊ ယင်းအပြင် ခရိုင် ၇၅ ခရိုင်မှ ၂၄ ခရိုင်ကို ယခုနှစ်အတွင်း ဓာတ်ခွဲခန်းများ စတင်တည်ဆောက်သွားမည် ဖြစ်ကြောင်း သိရသည်။

မြန်မာနိုင်ငံတွင်ရှိသည့် ဓာတ်ခွဲခန်းများထဲမှ အစားအသောက်နှင့် ပတ်သက်သည့် ဓာတ်ခွဲခန်းများမှာ ရန်ကုန်၊ နေပြည်တော်နှင့် မန္တလေးတို့တွင်ရှိပြီး ဆေးဝါး၊ အလှကုန်များနှင့် ကာကွယ်ဆေး စစ်ဆေးသည့် ဓာတ်ခွဲခန်းများမှာ နေပြည်တော်တွင်သာ ရှိကြောင်း သိရသည်။

ကိုဇင်

Category: 

Share