ဆေးအမျိုးအစားသစ် ခြောက်မျိုးကို ဆေးဝါးစက်ရုံ(အင်းစိန်)တွင် စမ်းသပ်ထုတ်လုပ်ရန် စီစဉ်

အစာအိမ်ရောဂါ၊ အသည်း၊ နှလုံးနှင့် ကျောက်ကပ်ရောဂါများအတွက် ဆေးဝါးများအပါအ၀င် ဆေးဝါးသစ်အမျိုးအစား ခြောက်မျိုးကို ဆေးဝါးစက်ရုံ(အင်းစိန်)တွင် စမ်းသပ်ထုတ်လုပ်ရန် စီစဉ်နေကြောင်း စက်မှုဝန်ကြီးဌာန၊ မြန်မာ့ဆေးဝါးလုပ်ငန်းမှ သိရသည်။

“ဆေးဝါးသစ် ခြောက်မျိုးကို စမ်းသပ်မှုတွေကတော့ ဒီနှစ်အတွင်းမှာပဲ ပြီးမှာပေါ့။ ပြီးရင် FDA ထောက်ခံချက် ယူရမယ်။ ပုံမှန်ဆိုရင်တော့ FDA က ခွင့် ပြုလိုင်စင်ရဖို့ ခြောက်လ ဒါမှမဟုတ် တစ်နှစ်လောက်တော့ ကြာမှာပေါ့”ဟု ဆေးဝါးစက်ရုံ(အင်းစိန်)မှ ဒုတိယအထွေထွေမန်နေဂျာ ဒေါက်တာအောင်ဇော်က ပြောကြားခဲ့သည်။

အဆိုပါဆေးဝါးများမှာ ဗိုင်းရပ်စ်ရောဂါကုသဆေး၊ အစာအိမ်ရောဂါကုသဆေး၊ အကိုက်အခဲပျောက်ဆေး၊ နှလုံးရောဂါကုသဆောင်များတွင် အသုံးပြုသည့်ဆေးဝါး၊ အသည်းရောဂါ၊ နှလုံးရောဂါ၊ ကျောက်ကပ်ရောဂါများအတွက် ရုတ်တရက် သွေးပေါင်ကျချိန်တွင် သွေးပေါင်ချိန် ပြန်လည်တိုးရန် အသုံးပြုနိုင်သည့် ဆေးဝါးနှင့် သွေးတွင်းအဆီချဆေးတို့ဖြစ်ကြောင်း သိရသည်။

ဆေးဝါးသစ်များကို တီထွင်ထုတ်လုပ်ရာတွင် ပုံမှန်အားဖြင့် အချိန်အနည်းဆုံး လေးလခန့် ကြာမြင့်ပြီး ဆေးဝါးဖော်မြူလာအမျိုးမျိုးစမ်းသပ်ခြင်း၊ ကြာရှည်ထားခံနိုင်မှုစစ်ဆေးရာတွင်လည်း ခြောက်လခန့်ကြာမြင့်နိုင်ပြီး အတည်ပြုခြင်းအဆင့်အမျိုးမျိုးကို ကျော်ဖြတ်ရကြောင်း သိရသည်။

ဆေးဝါးစက်ရုံ(အင်းစိန်)တွင် ၁၉၅၈ခုနှစ်မှစတင်၍ ထိုးဆေး၊ သောက်ဆေးနှင့် ပဋိဇီဝဆေးဝါးများကို ထုတ်လုပ်ဖြန့်ချိခဲ့ပြီး လက်ရှိတွင် ဆေးတောင့် ဆေးပြားများအပါအ၀င် ဆေးအမျိုးအစားပေါင်း ၁၈၀ကျော်ကို ထုတ်လုပ်လျက်ရှိကြောင်း သိရသည်။
ရွှေရင်ငြိမ်းအေး

Category: 

Share