ဘီးလင်းမြို့ရှိ ငါးပိရည်ကျိုအချို့၌ ထရိုင်ကလိုတိုဖောင်းပိုးသတ်ဆေးသုံးထားသည်ကို တွေ့ရှိရ

မွန်ပြည်နယ်၊ ဘီးလင်းမြို့တွင် ငါးပိရည်ကျိုအချို့၌ ထရိုင်ကလိုရိုဖောင်းပိုးသတ်ဆေးတစ်မျိုးသုံးသည်ကို တွေ့ရှိရကြောင်း မြန်မာနိုင်ငံ စားသုံးသူများ ကာကွယ်ရေးအသင်းဥက္ကဋ္ဌ ဦးဗအုပ်ခိုင်က ဇူလိုင် ၁ ရက်တွင် ပြောသည်။

“တရုတ်ဘက်က ၀င်လာတဲ့ ဆေးရည်၊ မန္တလေး မူဆယ်ဘက်က လာတယ်လို့ သိရတယ်။ ငါးပိရည်ကျိုထဲမှာ လောက်မတက်အောင်သုံးတယ်လို့ ကျွန်တော်တို့ ဘီးလင်းရုံးခွဲကနေ လှမ်းအကြောင်းကြားထားတယ်” ဟု ၄င်းက ဆိုသည်။

အဆိုပါ ငါးပိရည်ကျိုအချို့၌ လောက်မတက်အောင်သုံးသော ထရိုင်ကလိုတိုဖောင်း ပိုးသတ်ဆေးသည် ဈေးကြီးများတွင် သုံးသဖြင့် လက်လီဆိုင်များတွင် တွေ့ရှိရခြင်းဖြစ်ကြောင်း ဦးဗအုပ်ခိုင်က ပြောသည်။

လက်ရှိ အခြေခံပညာကျောင်းအချို့တွင် ရောင်းချသော သာကူ၊ အုန်းနို့အချို့တွင် အုန်းသီးအနည်းငယ်သာ အသုံးပြု၍ ကယ်မီကယ်ပေါင်ဒါကို အသုံးပြုနေကြောင်း စားသုံးသူများကာကွယ်ရေးအသင်းမှ သိရသည်။

လက်ရှိဈေးများတွင် မြန်မာနိုင်ငံအစားအသောက်နှင့် ဆေးဝါးကွပ်ကဲရေးဦးစီးဌာနက လိုက်လံ စစ်ဆေးနေလျက်ရှိပြီး ဆိုးဆေးသုံးနေသော ကုန်ပစ္စည်းများကို တားမြစ်ခြင်း၊ သိမ်းယူခြင်းတို့ ပြုလုပ်လျက် ရှိသည်။

မင်းသီဟန်

Category: 

Share