ရခိုင်ပြည်နယ်လွှတ်တော် ဒုဥက္ကဋ္ဌအဖြစ် တင်မြှောက်ခံရသူအား အရေးယူနိုင်ရန် ANP ပါတီစီစဉ်

ရခိုင်ပြည်နယ် လွှတ်တော်ဒုဥက္ကဋ္ဌ နေရာရရှိသွားသည့် ရခိုင်အမျိုးသားပါတီ (ANP)မှ မြေပုံမြို့နယ် လွှတ်တော်ကိုယ်စားလှယ် ဦးမြသန်းအား ပါတီ၏ စည်းမျဉ်းစည်းကမ်းကို ချိုးဖောက်သည်ဟု စစ်ဆေးတွေ့ရှိပါက ပါတီအနေဖြင့် အရေးယူဆောင်ရွက်မှုများ ပြုလုပ်သွားမည်ဟု ANP ပါတီမှ အတွင်းရေးမှူး ဦးထွန်းအောင်ကျော်က ပြောသည်။

“ပြည်နယ်လွှတ်တော် ဒုဥက္ကဋ္ဌဆိုတာက လစာသိန်း ၂၀ ရတယ်။ ကားသုံးစီးရတယ်။ ၀န်ကြီးအိမ်ရာရတယ်။ အာဏာရှိတယ်။ လုပ်ပိုင်ခွင့်ရှိတယ်။ ဒီလို အဆောင်အယောင်တွေနဲ့ ရာထူးရဖို့အတွက် မျက်နှာပြောင်တိုက်ပြီး ပါတီရဲ့ စည်းမျဉ်းစည်းကမ်းတွေကို ဖောက်ဖျက်ပြီး ကိုယ်ကျိုးဆန်စွာ လုပ်သွားတာပါ။ ပြီးတော့ သူအခုအနိုင်ရရှိသွားတယ်ဆိုတဲ့ မဲတွေကလည်း ကျွန်တော်တို့ပါတီက သူတွေမဲကြောင့် မဟုတ်ပါဘူး။USDP  ၊တပ်မတော်၊ NLD က မဲတွေနဲ့ နိုင်သွားတာပါ။ ပါတီက မဲကြောင့် နိုင်တာမဟုတ်ပါဘူး။ ပါတီက မဲတွေကတော့ ကျွန်တော်တို့ အမည်စာရင်းတင်သွင်းတဲ့ ဦးအောင်ဝင်းက အပြည့်အ၀ရရှိခဲ့ပါတယ်”ဟု ဦးထွန်းအောင်ကျော်က ပြောသည်။
ရခိုင်ပြည်နယ်လွှတ်တော် ဒုဥက္ကဋ္ဌ ဦးဖိုးမင်းကွယ်လွန်သွားပြီးနောက် ယင်းနေရာအစားထိုးရန် ANP ပါတီမှ ပြည်နယ်လွှတ်တော်ကိုယ်စားလှယ်များအား ပါတီအတွင်း မဲပုံးထောင် ရွေးချယ်ခဲ့ရာတွင် မြေပုံမြို့နယ်မှ လွှတ်တော်ကိုယ်စားလှယ် ဦးအောင်ဝင်းက ၁၃ မဲဖြင့် အနိုင်ရရှိခဲ့သည့်အတွက် လွှတ်တော်သို့ ဒုဥက္ကဋ္ဌရွေးချယ်ခံရန် ဦးအောင်ဝင်း၏ အမည်စာရင်းကို ပေးပို့ခဲ့ကြောင်း သိရသည်။

“၂၀၁၆ ရခိုင်ပြည်နယ်မှာ အစိုးရဖွဲ့တုန်းကလည်း တစ်ခါ ဖြစ်ခဲ့ဖူးတယ်။ အဲဒါက ၂၀၀၈ ဖွဲ့စည်းပုံအရ ရခိုင်ပြည်နယ်မှာ ANP ပါတီက အများဆုံးနိုင်ခဲ့တဲ့အတွက် အစိုးရဖွဲ့ဖို့ တောင်းဆိုခဲ့သော်လည်း ငြင်းပယ်ခံခဲ့ရပါတယ်။ အဲဒီမှာ ပါတီအနေနဲ့ ၁/၂၀၁၆ ဖြစ်တဲ့ သဘောထားကြေညာချက်တစ်စောင်ကို ထုတ်ပြန်ခဲ့တယ်။ အဲဒီကြေညာချက်မှာ ရခိုင်ပြည်နယ်မှာ အစိုးရဖွဲ့ရင် ANP ပါတီအနေနဲ့ မည်သည့်ရာထူးကိုမှ မယူဘူးဟုဆိုတာ ထုတ်ပြန်ခဲ့တယ်။ အဲဒီမှာ ရမ်းဗြဲကိုယ်စားလှယ် ဦးကျော်လွင်က ပါတီရဲ့ စည်းမျဉ်းစည်းကမ်းတွေကို ဖောက်ဖျက်ပြီး ၀န်ကြီးရာထူးကို ယူခဲ့တယ်။ အဲဒီလိုမျိုးမဖြစ်အောင် အခု သေချာစနစ်တကျလုပ်ပြီး ပါတီအနေနဲ့ ဆောင်ရွက်ခဲ့တာတောင် ပါတီရဲ့စည်းမျဉ်းစည်းကမ်းကို ချိုးဖောက်ခဲ့သူတွေရှိလို့ အခု စည်းကမ်းထိန်းသိမ်းရေ အဖွဲ့က ပြန်လည်စိစစ်ပြီး အရေးယူမှု လုပ်ဖို့ စီစဉ်ထားပါတယ်”ဟု ANP ပါတီမှ အတွင်းရေးမှူး ဦးထွန်းအောင်ကျော်က ပြောသည်။
ANP ပါတီအနေဖြင့် ဒုဥက္ကဋ္ဌနေရာအတွက် ပါတီအတွင်း လမ်းညွှန်ချက်ဖြစ်သော ရွေးချယ်ခံမည့်သူသည် ပါတီအတွင်း CEC ဖြစ်ရမည်၊ သင့်တော်သည့် ပညာအရည်အချင်းရှိရမည်၊ ပါတီအပေါ် သစ္စာရှိရမည်၊ ပါတီမှ ထုတ်ပြန်သည့် လမ်းညွှန်ချက်များကို တိကျစွာ လိုက်နာရမည်ဟူသော လမ်းညွှန်ချက်လေးချက်ကို သတ်မှတ်ပေးခဲ့ပြီး ယင်းအချက်များနှင့် ကိုက်ညီသော ပြည်နယ်လွှတ်တော်ကိုယ်စားလှယ်လေးဦး ရှိနေသဖြင့် ပါတီအတွင်း မဲပုံးထောင် ရွေးချယ်ခဲ့ပြီး အမည်စာရင်း တင်သွင်းခဲ့ကြောင်း သိရသည်။

သို့သော်ရခိုင်ပြည်နယ်၏ ပြည်နယ်လွှတ်တော် ဒုဥက္ကဋ္ဌရွေးချယ်ခြင်းကို ဇူလိုင် ၁၄ ရက်တွင် ပြုလုပ်ခဲ့ရာ ယှဉ်ပြိုင်ရွေးချယ်ခံသည့်သုံးဦးဖြစ်သည့် ANP ပါတီမှ ဦးအောင်ဝင်း၊ ဦးမြသန်း နှင့် NLD ပါတီမှ ဦးဖိုးမြတ်တို့ အနက် ဦးမြသန်းမှာ  ၁၉ မဲဖြင့် အနိုင်ရရှိပြီး ပြည်နယ်လွှတ်တော်ဒုဥက္ကဋ္ဌ နေရာရရှိသွားကြောင်း သိရသည်။ 

          
ပိုင်လေး

Category: 

Share