အာရှမှာ လူလည်လာလုပ်နေတဲ့ သြဇီ - ဦးမျိုးကြီး

ဒီတစ်ပတ်တော့ သမုဒ္ဒရာပိုင်းဒေသကနေ အာရှမှာ လူလည်လာလုပ်နေတဲ့ သြစတြေးလျဘောလုံးအဖွဲ့ချုပ် အကြောင်းကို ဦးမျိုးကြီးက နည်းနည်းဆွေးနွေးကြည့်ချင်ပါတယ်။

သိကြတဲ့အတိုင်း ဘောလုံးနဲ့ ပတ်သက်လာရင် သြဇာအာဏာ အကြီးဆုံးအဖွဲ့အစည်းကြီးဖြစ်တဲ့ ဖီဖာဟာ ကမ္ဘာ့ဖလား ၀င်ရောက်ယှဉ်ပြိုင်ခွင့်ရဖို့ ခြေစစ်ပွဲတွေကို ယှဉ်ပြိုင်ကစားတဲ့နေရာမှာ သူ့သတ်မှတ်ထားတဲ့ တိုက်ကြီးများအလိုက် ယှဉ်ပြိုင်စေပြီး ၀င်ခွင့်ခွဲတမ်းကိုလည်း တိတိကျကျ သတ်မှတ်ထားခဲ့တာဖြစ်ပါတယ်။ ဥပမာအားဖြင့် ဦးမျိုးကြီးတို့နေထိုင်တဲ့ အာရှတိုက်ဆိုပါတော့၊ လာမယ့်နှစ် ရုရှားမှာလုပ်မယ့် ၂၀၁၈ ကမ္ဘာ့ဖလားပြိုင်ပွဲမှာ လေးသင်းက တိုက်ရိုက်ခြေစစ်ပွဲအောင်မယ်၊

နောက်တစ်သင်းက တိုက်ကြီးများအလိုက် ထပ်ဆင့်ခြေစစ်ပွဲကစားပြီးနိုင်ရင် နောက်ထပ်နေရာတစ်နေရာ ထပ်ရမယ်။ ရှုံးသွားရင်တော့ လေးသင်းပဲရမယ်။ ဦးမျိုးကြီးတို့ အာရှတိုက်က ကမ္ဘာ့ဖလားပြိုင်ပွဲမှာ အဲဒီလိုခြေစစ်ပွဲအောင်ခွင့် အသင်းအရေအတွက် လေးသင်းဒါမှမဟုတ် ငါးသင်းရနေချိန်မှာ သြစတြေးလျဘောလုံးအသင်းပါဝင်နေတဲ့ သမုဒ္ဒရာပိုင်းကတော့ တစ်နေရာတောင် တင်းပြည့်ကျပ်ပြည့်မရဘူး။ ဆိုလိုတာက သူတို့အသင်းပါဝင်တဲ့ သမုဒ္ဒရာပိုင်းခြေစစ်ပွဲမှာ ပထမရတဲ့အသင်းဟာ ကမ္ဘာ့ဖလားပြိုင်ပွဲရှိရာကို တိုက်ရိုက်သွားခွင့်မရသေးဘူး။ နောက်ထပ် တိုက်ကြီးများအလိုက် ထပ်ဆင့်ခြေစစ်ပွဲကို ကစားရသေးတယ်။

အဲဒီခြေစစ်ပွဲမှာနိုင်မှ ကမ္ဘာ့ဖလားခြေစစ်ပွဲ အောင်မှာ။ သူတို့နဲ့ကစားရမယ့်ဇုန်ကလည်း ဘရာဇီးတို့ အာဂျင်တီးနားတို့မှာ ပါဝင်နေတဲ့ တောင်အမေရိကဇုန်၊ အဲဒီဇုန်မှာ အဆင့် ၅ နေရာရတဲ့ အသင်းနဲ့ ကစားရမှာဆိုပေမယ့် ဘောလုံးအဆင့်အတန်းချင်းက ကွာလေတော့ သမုဒ္ဒရာပိုင်းဒေသက အသင်းတစ်သင်း ကမ္ဘာ့ဖလားပြိုင်ပွဲရှိရာကို ခြေစစ်ပွဲအောင်လာတယ်ဆိုတာ တစ်သက်မှာ တစ်ခါတောင် ဖြစ်နိုင်ခဲတဲ့ကိစ္စတစ်ခုလို ဖြစ်နေတာပေါ့။ ဥပမာ လက်ရှိသမုဒ္ဒရာပိုင်းမှာ ထိပ်ဆုံးအသင်းအဖြစ် ရပ်တည်နေတဲ့ နယူးဇီလန်ဆိုပါတော့။ ၁၉၃၀ ပြည့်နှစ်က စတင်ကျင်းပခဲ့တဲ့ ကမ္ဘာ့ဖလားပြိုင်ပွဲကြီးမှာ နှစ်ကြိမ်ပဲ ခြေစစ်ပွဲအောင်ခဲ့ဖူးတယ်။

တစ်ကြိမ်က ၁၉၈၂ ခုနှစ်ကဖြစ်ပြီး နောက်တစ်ကြိမ်ကတော့ ၂၀၁၀ ခုနှစ်က၊ ဒီလို ခြေစစ်ပွဲအောင်ဖို့ ခက်ခဲတဲ့ အနေအထားတွေကြောင့် သြစတြေးလျအသင်းဟာ ခြေစစ်ပွဲဝင်ခွင့် အသင်းအရေအတွက် ပိုမိုရပြီး ခြေစွမ်းချင်းယှဉ်မယ်ဆိုရင်လည်း သူတို့ထက် တစ်ပန်းနိမ့်နေတဲ့ အာရှဇုန်ရှိရာကို ပြောင်းရွှေ့လာပါတော့တယ်။ ဒီနေရာမှာ သက်ဆိုင်ရာ ဇုန်အလိုက် သတ်မှတ်ထားတဲ့ တိုက်ကြီးအတွင်းမှာပါပေမယ့် တခြားတိုက်တစ်တိုက်ရှိရာကို သွားကစားနေတဲ့နိုင်ငံတွေ မရှိဘူးလားဆိုတော့ ရှိပါတယ်။ အစ္စရေးပါ။ အစ္စရေးဟာ အာရှတိုက်အတွင်းမှာ ပါဝင်ပေမယ့် ဘောလုံးပြိုင်ပွဲတွေ၊ အားကစားပြိုင်ပွဲတွေကိုတော့ ဥရောပတိုက် ခေါင်းစီးအောက်ကနေပဲ ပြိုင်ပါတယ်။

ဘာကြောင့် အဲဒီလိုသွားပြိုင်နေရတာလဲ ဆိုတာကလည်း အထွေအထူး ရှင်းပြနေစရာ လိုမယ်မထင်ပါဘူး။ ကျောင်းတော်က ရန်စတွေက ကြီးလွန်းတာကြောင့် အာရှမှာ အစ္စရေးပါရင် တက်လာမယ့် ဇာတ်တွေက ထိန်းမနိုင်သိမ်းမနိုင်ဖြစ်လာဖို့ ရာခိုင်နှုန်းများတဲ့အတွက်ပဲ ဖြစ်ပါတယ်။ နောက်တစ်နိုင်ငံကတော့ ကာဇက်စတန်ပါ။ သူကလည်း မြေမျက်နှာသွင်ပြင်အရ အာရှမှာရှိပါတယ်။ ဒါပေမဲ့ ဥရောပဘောလုံးအဖွဲ့ချုပ် လက်အောက်မှာ သွားပြိုင်ပါတယ်။ သူတို့ကလည်း ရှင်းပါတယ်။ ရုရှားက ခွဲထွက်လာတဲ့နိုင်ငံဖြစ်တာကြောင့် အာရှနဲ့စာရင် ဥရောပနဲ့ ထိတွေ့နီးစပ်မှု ပိုများတာကြောင့်ပဲ ဖြစ်ပါတယ်။

ဆိုတော့ကာ ဒီကနေ့အချိန်မှာ တိုက်ပြောင်းပြီး ဘောလုံးကန်နေတဲ့ နိုင်ငံသုံးနိုင်ငံထဲမှာ နှစ်နိုင်ငံကတော့ ရှင်းတယ်။ အစ္စရေးက အခြေအနေအရ အာရှမှာ လုံး၀၀င်ပါလို့မရတာကြောင့်၊ နောက်တစ်နိုင်ငံကတော့ ထိတွေ့မှု နီးစပ်တာကြောင့်ဖြစ်ပြီး သြစတြေးလျရဲ့ ရည်ရွယ်ချက်ကတော့ ကမ္ဘာ့ဖလားခြေစစ်ပွဲအောင်ဖို့ပဲ ဖြစ်ပါတယ်။ ဒီလိုရည်ရွယ်ချက်နဲ့ တိုက်ပြောင်းကစားခဲ့တဲ့ သြဇီဘောလုံးအဖွဲ့ချုပ်ရဲ့ဆန္ဒက ပြည့်မြောက်ခဲ့တယ်လို့ ဆိုရမှာဖြစ်ပါတယ်။ သြစတြေးလျဟာ သမုဒ္ဒရာပိုင်းကနေ အာရှကိုပြောင်းဖို့ ၂၀၀၅ မှာ အဆိုပြုလွှာ တင်ပါတယ်။ ၂၀၀၆ မှာ အဖွဲ့ဝင်ဖြစ်လာခဲ့ပါတယ်။ ၂၀၀၆ မတိုင်ခင် သြစတြေးလျအသင်းဟာ ကမ္ဘာ့ဖလား ခြေစစ်ပွဲတစ်ကြိမ်သာ အောင်ခဲ့ပေမယ့် ၂၀၀၆ ကနေ ဒီကနေ့အချိန်အထိ သုံးကြိမ်ဆက် ခြေစစ်ပွဲအောင်ထားခဲ့ပြီ ဖြစ်ပါတယ်။ ၂၀၀၆၊ ၂၀၁၀၊ ၂၀၁၄ ပါ။ အခုတစ်ကြိမ်လည်း ခြေစစ်ပွဲအောင်ဖို့ တော်တော်လေး အလားအလာကောင်းနေပြီး ဒီတစ်ကြိမ်သာ အောင်မယ်ဆိုရင် လေးကြိမ်ဆက်အောင်တဲ့အသင်း ဖြစ်လာမှာပါ။ သမုဒ္ဒရာအနေနဲ့မဟုတ်ဘဲ အာရှအနေနဲ့ အောင်မှာပါ။

ဒီနေရာမှာ ဆွေးနွေးစရာရှိလာတာက သြစတြေးလျအသင်းကို အဲဒီလိုနေရာတစ်နေရာ ပုံမှန်လိုလို ပေးနေရတဲ့အတွက် အာရှကအသင်းတွေရဲ့ ကမ္ဘာ့ဖလားခြေစစ်ပွဲအောင်ခွင့်နေရာ ဆုံးရှုံးနေမှုပါ။ အထက်မှာ တင်ပြခဲ့တဲ့အတိုင်း သြစတြေးလျရဲ့ ကစားသမားစုဖွဲ့မှုနဲ့ ခြေစွမ်းက ကျန်တဲ့ ဥရောပ၊ အာဖရိက၊ တောင်အမေရိက၊ ကွန်ကာကက်ဖ်ဒေသက အသင်းတွေနဲ့ နှိုင်းယှဉ်ရင် မသိသာလှပေမယ့် အာရှက အသင်းအများစုနဲ့ ယှဉ်ရင်တော့ သိသိသာသာကို သူတို့က သာနေတာကို တွေ့ရမှာဖြစ်ပါတယ်။ ဒါကြောင့်လည်းပဲ ကျင်းပပြီးစီးခဲ့တဲ့ ကမ္ဘာ့ဖလားနှစ်ကြိမ်ဆက်ကို အလွယ်တကူ ခြေစစ်ပွဲအောင်ထားခဲ့တာ ဖြစ်ပါတယ်။ ဒါတင်ပဲလားဆိုတော့ မဟုတ်သေးပါဘူး။

သြစတြေးလျဟာ အာရှဖလားဘောလုံးပြိုင်ပွဲရဲ့ လက်ရှိချန်ပီယံပါ။ တရုတ်နိုင်ငံမှာ ကျင်းပခဲ့တဲ့ ၂၀၁၆ AFF ယူ ၁၉ ချန်ပီယံပြိုင်ပွဲမှာလည်း လက်ရှိချန်ပီယံပဲ ဖြစ်ပါတယ်။ တစ်ခါ AFC ယူ ၁၉ ပြိုင်ပွဲမှာလည်း ၂၀၀၆ ကစပြီး အကြိမ်တိုင်း ၀င်ပြိုင်ခွင့်ရထားတဲ့ နိုင်ငံလည်းဖြစ်ပါတယ်။ ယူ ၂၃ ဘက်ကို ကြည့်မယ်ဆိုရင်လည်း လက်ရှိမြန်မာနဲ့အတူ ခြေစစ်ပွဲဝင်နေတဲ့ AFC ယူ ၂၃ ချန်ပီယံရှစ်ပြိုင်ပွဲမှာ နှစ်ကြိမ်ဆက် ခြေစစ်ပွဲအောင်ထားခဲ့သလို AFF ယူ ၁၆ ချန်ပီယံရှစ်ပြိုင်ပွဲရဲ့ လက်ရှိချန်ပီယံပါ။ ဆိုတော့ကာ သြစတြေးလျအနေနဲ့ အာရှဘောလုံးအဖွဲ့ချုပ်လက်အောက်ကို ရွှေ့လာတာကြောင့် ကမ္ဘာ့ဖလားလည်း ခြေစစ်ပွဲအောင်ခွင့်တွေ ရနေသလို အာရှဘောလုံးအဖွဲ့ချုပ် လက်အောက်ခံ သက်တမ်းအလိုက် ပြိုင်ပွဲတွေသာမက လက်ရွေးစင်အဆင့်ပြိုင်ပွဲတွေမှာလည်း အောင်မြင်မှုတွေ အလီလီ ရယူနေနိုင်ခဲ့တာကို တွေ့ရမှာ ဖြစ်ပါတယ်။

သူတို့အသင်း အဲဒီလို ခြေစစ်ပွဲအောင်ခွင့်အတွက် အာရှက အသင်းတစ်သင်းမဟုတ် တစ်သင်းက နေရာဖယ်ပေးနေရသလို ဘောလုံးတိုးတက်ရေးအတွက် အားကြိုးမာန်တက် ကြိုးပမ်းနေတဲ့ နိုင်ငံတချို့ဟာလည်း သူတို့နဲ့အတွေ့မှာ နေရာဖယ်ပေးလိုက်ရတာကြောင့် အဖိုးမဖြတ်နိုင်တဲ့ အတွေ့အကြုံကောင်းတွေကို လက်လွှတ်နေရတာဟာ ဖြစ်သင့်ရဲ့လားဆိုတာ ဒီအချိန်မှာ ပြန်သုံးသပ်သင့်ပြီလို့ ဦးမျိုးကြီးကတော့ ယူဆပါတယ်။ တကယ်တော့ ဒီကိစ္စတွေဟာ ဘောလုံးအဖွဲ့ချုပ်ဥက္ကဋ္ဌဟောင်းကြီး ဆပ်ဘလတ္တာနဲ့ ဘင်ဟာမန်းတို့ လူတစ်သိုက် လုပ်ချင်သလိုလုပ်ထားခဲ့တဲ့ ဆိုးမွေတွေပဲ ဖြစ်ပါတယ်။ ဆိုးမွေဆိုတာထက် စည်းမဲ့ကမ်းပျက် လုပ်ချင်တာလုပ်ထားခဲ့တဲ့ အရှုပ်ထုပ်တွေမို့ အခုချိန်မှာ ပြန်လည်စိစစ်မယ်ဆို စိစစ်ဖို့ အချိန်ကျရောက်နေပြီ ဖြစ်ပါတယ်။

အဲဒီလိုမှမဟုတ်ဘူးဆိုရင်တော့ ဦးမျိုးကြီးတို့ မြန်မာနိုင်ငံအပါအ၀င် အာရှဘောလုံးအသင်းတွေ အထူးသဖြင့် အရှေ့တောင်အာရှက ဘောလုံးအသင်းတွေအတွက် နစ်နာပြီးရင်း နစ်နာနေဦးမှာဖြစ်ပါတယ်။ အခုပဲကြည့်လေ ဦးမျိုးကြီးတို့က အနိုင်ရဖို့ ခက်ခက်ခဲခဲကစားထားရတဲ့ စင်ကာပူလို အသင်းကို သူတို့က ၇ ဂိုးပြတ်အနိုင်ရအောင် ကစားပြီး AFC ယူ ၂၃ ချန်ပီယံရှစ်မှာ ခြေစစ်ပွဲအောင်ဖို့ သေချာသလောက်ရှိသွားခဲ့ပြီ မဟုတ်ပါလားခင်ဗျာ။

ဦးမျိုးကြီး

Category: 

Share