ကြောင် ၂၁ ကောင်ကို သတ်ဖြတ်ခဲ့သော အမျိုးသားထောင်ဒဏ် ၁၆ နှစ် ချမှတ်ခံရ

 

အမေရိကန်နိုင်ငံ၌ ကြောင် ၂၁ ကောင်ကို သတ်ဖြတ်ခဲ့ပြီး ကြောင်သေတစ်ကောင်ဖြင့် ကာမဆက်ဆံခဲ့သော အမျိုးသားတစ်ဦးကို တရားရုံးက ထောင်ဒဏ် ၁၆ နှစ် ချမှတ်ခဲ့သည်။

အသက် ၂၅ နှစ်အရွယ် ရောဘတ်ရွိုင်ဖားမားကို ကယ်လီဖိုးနီးယားပြည်နယ် ဆန်တာခလာရာ တရားရုံးက တိရစ္ဆာန်ညှဉ်းပန်းနှိပ်စက်သတ်ဖြတ်မှုဖြင့် လွန်ခဲ့သောအပတ် သောကြာနေ့က ပြစ်ဒဏ်ချမှတ်ခဲ့ခြင်း ဖြစ်သည်။

တရားသူကြီးရှယ်ရွန်အေချက်မန်းက ဖားမားကို တိရစ္ဆာန်အပေါ် လိင်ပိုင်းဆိုင်ရာကျူးလွန်သူစာရင်း၌ ထည့်သွင်းမည်မဟုတ်ဟု ပြောကြားခဲ့သည်။ ဆန်ဂျူးစ်မြို့ အငြိမ်းစားရဲမှူးကြီးတစ်ဦး၏သားဖြစ်သူ ဖားမားသည် တစ်လအတွင်း ကြောင် ၂၁ ကောင် သတ်ဖြတ်မှုဖြင့် ၂၀၁၅ ခုနှစ် အောက်တိုဘာလ ၈ ရက်နေ့တွင် ရဲတပ်ဖွဲ့၏ ဖမ်းဆီးခြင်းခံခဲ့ရသည်။ သူ၏ရှေ့နေက ဖားမားသည် ပြစ်မှုကျူးလွန်ချိန်တွင် မက်သာဖက်တမိန်း မူးယစ်ဆေးသုံးထားကြောင်း ပြောကြားခဲ့သည်။

ရဲတပ်ဖွဲ့သည် ဖားမားကို ကားပါကင်၌ ဖမ်းဆီးခဲ့ပြီး သူ၏ကားအတွင်းမှ ဂျင်ဂျာတက်ပီအမျိုးအစား ကြောင်သေတစ်ကောင်၊ ကြောင်အမွေးများ၊ သွေးကွက်များ၊ ကြောင်မွေးကပ်နေသော လက်အိတ်များ၊ အမဲလိုက်ဓားတစ်ချောင်းနှင့် ကြောင်လည်ပတ်များကို ရှာဖွေတွေ့ရှိခဲ့သည်။

တိမွေးကုဆရာဝန်များ၏စစ်ဆေးချက်အရ ဖားမားကားအပေါ် တွေ့ရသော ကြောင်သေသည် လိင်ပိုင်းဆိုင်ရာ စော်ကားခံခဲ့ရကြောင်း သိရသည်။ သို့သော် ဖားမား၏ ရှေ့နေကမူ သူ၏အမှုသည်အနေဖြင့် ထိုသို့မလုပ်ခဲ့ကြောင်း ငြင်းဆန်ခဲ့သည်။ တရားသူကြီးချက်မန်းသည် ဖားမားကို ထောင်ဒဏ် ၁၆ နှစ်ချမှတ်ခဲ့သည့်အပြင် ထောင်မှလွတ်ပါကကြောင်များနှင့် ၁၀ နှစ်တိတိ ကင်းကွာစွာ နေထိုင်ရန်လည်း အမိန့်ချမှတ်ခဲ့သည်။

Category: 

Share