မြိုလူမျိုးတွေကို သတ်ဖြတ်နေသည့် နောက်ကွယ်က အနောက်ခြံစည်းရိုးကို ချိုးဖျက်နေသူများ - လူသစ်

ရခိုင်ပြည်နယ်တွင် ပြီးခဲ့သည့် ၂၀၁၆ ခုနှစ်အတွင်းမှ စတင်ကာ အကြမ်းဖက်တိုက်ခိုက်မှုများ စတင်ဖြစ်ပွားလာခဲ့သည်မှာ တစ်နှစ်ပြည့်တော့မည် ဖြစ်သည်။ ထိုသို့ ဖြစ်ပေါ်လာသည့် အခြေခံ အကြောင်းတရားများမှာ ရခိုင်တိုင်းရင်းသားများနှင့် ဘင်္ဂါလီလူမျိုးများသည် ယုံကြည်ကိုးကွယ်မှု၊ ယဉ်ကျေးမှုအစဉ်အလာနှင့် လူမှုပေါင်းသင်းဆက်ဆံရေးများ သိသာစွာ ကွဲပြားခြားနားလျက်ရှိခြင်း၊ လူမျိုးတစ်မျိုးနှင့်တစ်မျိုးကြား ရောစပ်၍မရဘဲ သီးခြားစီ နေထိုင်လျက်ရှိခြင်း စသည့်အချက်များသည် ရခိုင်ပြည်နယ်တွင် ပဋိပက္ခဖြစ်ပွားစေရန် အခြေခံအကြောင်းအရင်းတစ်ရပ် ဖြစ်လာခဲ့သည်။
ထို့ပြင် ဘင်္ဂါလီလူမျိုးများက အချိန်အခါအခြေအနေနှင့် ကိုက်ညီမှုမရှိသည့် မူဆလင်ပြည်နယ်တောင်းဆိုမှုများ၊ ထိုမှတစ်ဆင့် နိုင်ငံသားအဖြစ် သတ်မှတ်ပေးရေး တောင်းဆိုမှုများနှင့်အတူ ဘင်္ဂါလီလူမျိုးများအပေါ် ဘာသာရေး၊ လူမျိုးရေးအရ ဖိနှိပ်မှုများအပြင် လူ့အခွင့်အရေး ချိုးဖောက်မှုများ ရှိသည်ဆိုသည့်  ဗန်းပြမှုများနှင့်အတူ  အကွက်ကျကျ  ဖြစ်ပေါ်လာခဲ့သည့် နိုင်ငံတော်ဆန့်ကျင်မှု (သို့မဟုတ်) စိုးရိမ်ဖွယ်ရာ ဖြစ်ပေါ်လာသည့် မြန်မာနိုင်ငံ အနောက်တံခါးကျိုးပေါက်မှုမှာ လက်ရှိတွင် နိုင်ငံတော်အတွက် စိုးရိမ်ဖွယ်ရာ အခြေအနေတစ်ရပ်သို့ ရောက်ရှိနေပြီလားဆိုသည်ကို မေးခွန်းထုတ်ဖွယ် ဖြစ်နေတော့သည်။

ရခိုင်နွယ်ဖွား မြိုလူမျိုးတွေကို အကြမ်းဖက်ခြင်းနောက်ကွယ်
ဘင်္ဂါလီအကြမ်းဖက်သမားများသည် ပြီးခဲ့သည့် ၂၀၁၆ ခုနှစ်၊ အောက်တိုဘာလအတွင်းက ပြုလုပ်ခဲ့သည့် အကြမ်းဖက်မှုဖြစ်စဉ် ဖြစ်ပွားခဲ့သည့်နောက်ပိုင်းတွင်လည်း ၄င်းတို့အပေါ် စိုးရိမ်ကြောက်ရွံ့မှုများ ဖြစ်ပေါ်စေပြီး၊ နေရပ်စွန့်ခွာ ထွက်ပြေးတိမ်းရှောင်မှုများ ဖြစ်ပေါ်လာစေရန် ဒေသခံတိုင်းရင်းသားများအပြင် အစိုးရနှင့် နီးစပ်သည့် မူဆလင်အချို့အား အကြမ်းဖက်သတ်ဖြတ်ခြင်း၊ ခြိမ်းခြောက်ခြင်းနှင့် ဖမ်းဆီးခေါ်ဆောင်ခြင်းအား လုပ်ဆောင်ခဲ့ရာ ပြီးခဲ့သည့် သြဂုတ် ၃ ရက်ကလည်း မောင်တောခရိုင်ရှိ၊ ကိုင်းကြီးကျေးရွာမှ ရခိုင်မျိုးနွယ်စုဝင်များဖြစ်သည့် မြိုလူမျိုး ခြောက်ဦးအား ရက်စက်စွာသတ်ဖြတ်မှုများ ပြုလုပ်ခဲ့သည့်အပြင် အမျိုးသမီးနှစ်ဦးကိုလည်း ဖမ်းဆီးခေါ်ဆောင်မှုများ ပြုလုပ်ခဲ့သည်။ အကြမ်းဖက်အဖွဲ့အနေဖြင့် ၄င်းတို့၏ ခြေကုပ်စခန်းရယူနိုင်ရန် မျှစ်ချိုးဝါးချိုး ရှာဖွေလာသည့် ဒေသခံများအား သတ်ဖြတ်ခြင်းဖြင့် ခြောက်လှန့်မှုများ ပြုလုပ်ကာ ယင်းဒေသရှိ ဒေသခံများ နေရပ်စွန့်ခွာ ထွက်ပြေးတိမ်းရှောင်ရန် အကွက်ကျကျ ဆောင်ရွက်နေခြင်းပင် ဖြစ်ဖွယ်ရှိနေသည်။

ယခုအခါ ဘင်္ဂါလီအကြမ်းဖက်အဖွဲ့၏ ရက်စက်စွာဖမ်းဆီး ခေါ်ဆောင်သတ်ဖြတ်မှုများကြောင့် အကြမ်းဖက်မှု စတင်ဖြစ်ပေါ်သည့် ၂၀၁၆ ခုနှစ်၊ အောက်တိုဘာလမှ ၂၀၁၇ ခုနှစ်၊ ဇူလိုင်လကုန်အထိ အကြမ်းဖက် သတ်ဖြတ်ခံရသူ ၄၈ ဦးရှိပြီး ဖမ်းဆီးသဖြင့် ပျောက်ဆုံးသူ ၂၄ ဦးရှိကြောင်းနှင့် ယင်းဖြစ်စဉ်များကြောင့်လည်း ဒေသခံ တိုင်းရင်းသားများအနေဖြင့် နေရပ်စွန့်ခွာ တိမ်းရှောင်ခဲ့ရမှုများရှိခဲ့ကြောင်းလည်း သိရသည်။

“အခုကတော့ ကျွန်တော်တို့ တိုင်းရင်းသားဒေသခံတွေအနေနဲ့ စားဝတ်နေရေးအတွက် ဖားရှာ၊ ငါးရှာဖို့တောင် မသွားရဲတဲ့ အနေအထား ဖြစ်နေတယ်။ အဲ့ဒီလို သွားရှာရင်လည်း လုံခြုံမှုကမရှိတော့ ဘယ်သူကမှမသွားရဲဘူး” ဟု မောင်တောဒေသခံတစ်ဦးဖြစ်သူ ဦးစိန်လှဖြူက ပြောကြားသည်။

ထိုသို့ ဒေသခံများအပေါ် အကြမ်းဖက်သတ်ဖြတ်မှုများကြောင့်လည်း ပြည်နယ်အစိုးရအဖွဲ့၊ ၄င်း ကိုင်းကြီးကျေးရွာနှင့် လုံခြုံရေးရဲတပ်ဖွဲ့ဝင်များကို တိုးမြှင့်ချထားပေးသော်လည်း လုံခြုံရေးအခြေအနေအရ ဒေသခံကျေးရွာသားများကပါ လုံခြုံရေးရဲတပ်ဖွဲ့ဝင်များနှင့်အတူ လုံခြုံရေးတာဝန်အား ထမ်းဆောင်နေရကြောင်းလည်း သိရသည်။ ထို့အပြင် ၄င်းကျေးရွာ၌ တပ်မတော်စစ်ကြောင်းများ လုံခြုံရေး တာဝန်ထမ်းဆောင်ပေးရန်ကိုလည်း ဒေသခံပြည်သူများက လိုလားလျက်ရှိကြောင်းလည်း သိရသည်။

အနောက်တံခါးလုံခြုံရေး ကျိုးပေါက်မှု
ရခိုင်ပြည်နယ်ရှိ မူဆလင်လူမျိုးအများစုမှာ ၁၈၂၄ ခုနှစ်၊ အင်္ဂလိပ်-မြန်မာစစ်ပွဲအပြီး ရခိုင်ကမ်းရိုးတန်း ကမ်းမြောင်ဒေသ ဗြိတိသျှ လက်အောက်ရောက်ချိန်၌ စစ်တကောင်းနယ်မှ မူဆလင်များအား လယ်ယာအလုပ်သမားများအဖြစ် အလုံးအရင်း ၀င်ခွင့်ပြုခဲ့ရာမှ အခြေချနေထိုင်ခြင်းများကို ပြုလုပ်ခဲ့ပြီးနောက် ရခိုင်တိုင်းရင်းသားများနှင့် ဘင်္ဂါလီလူမျိုးများကြား ပဋိပက္ခများသည် မြန်မာနိုင်ငံလွတ်လပ်ရေးမရရှိမီ ၁၉၄၂ ခုနှစ်မှစတင်ကာ ဖြစ်ပွားခဲ့ကြောင်း သိရသည်။ သို့သော် ၄င်းပဋိပက္ခများအား ယခင်အစိုးရအဆက်ဆက်က ထိန်းသိမ်းဆောင်ရွက်မှုများ ပြုလုပ်ခဲ့သည့်အပြင် ယခင်စစ်အစိုးရလက်ထက်များတွင်လည်း ထိုသို့နိုင်ငံ၏ အနောက်ဘက်တံခါး ကျိုးပေါက်မှုမရှိစေရန်နှင့် လူမျိုးတစ်မျိုးနှင့်တစ်မျိုးကြား ပဋိပက္ခများဖြစ်ပွားခြင်းနှင့် ဆန့်ကျင်မှုများ ဖြစ်ပေါ်လာခြင်းမရှိစေရန် ၁၉၉၁ ခုနှစ်တွင် ရခိုင်ပြည်နယ်အတွင်း၌ တပ်မတော် ထောက်လှမ်းရေး၊ မြန်မာနိုင်ငံရဲတပ်ဖွဲ့၊ အကောက်ခွန်ဦးစီးဌာနနှင့် လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနတို့ဖြင့် ပေါင်းစပ်ဖွဲ့စည်းထားသည့် နယ်စပ်ဒေသ လူဝင်မှုစစ်ဆေးရေး ကွပ်ကဲမှုဌာနချုပ်(နစက)ကို မောင်တောမြို့နယ်တွင် ဖွင့်လှစ်ပြီး ဘူးသီးတောင်မြို့နယ်၊ ရသေ့တောင်မြို့နယ်တို့ကိုလည်း နစကကွပ်ကဲရေးမှူးနှင့်အတူ အရပ်ဘက်အုပ်ချုပ်ရေးအဖွဲ့များဖြင့် အုပ်ချုပ်စေခဲ့ပြီး ၄င်းအဖွဲ့အား အဓိက လုပ်ငန်းစဉ်အဖြစ် ဘင်္ဂါလီလူဦးရေ စစ်ဆေးခြင်းကို တစ်နှစ်လျှင် နှစ်ကြိမ်နှုန်းဖြင့် လုပ်ဆောင်စေခဲ့သည်။

ထို့နောက် ၂၀၀၄ ခုနှစ်တွင် ထောက်လှမ်းရေးတပ်ဖွဲ့များနှင့်အတူ ၄င်းနစကအဖွဲ့ကိုလည်း ဖျက်သိမ်းခဲ့ပြီးနောက် ၂၀၁၂ ခုနှစ်၊ ဇွန်လဆန်းပိုင်းခန့်တွင်မူ ရခိုင်အမျိုးသမီးငယ်တစ်ဦးအား အဓမ္မပြုကျင့် သတ်ဖြတ်ခံရမှုမှ စတင်ကာ ပဋိပက္ခဖြစ်စဉ်များ ပြန်လည်ဖြစ်ပွားလာခဲ့သည်။

“အရင်တုန်းက ဒီနယ်ခြားစောင့်ရဲတပ်ဖွဲ့နေရာမှာ နစကအဖွဲ့ရှိတယ်။ သူတို့က မောင်တော၊ ရသေ့တောင်၊ ဘူးသီးတောင်မြို့နယ်တွေမှာရှိတယ်။ အဲ့ဒီတုန်းကတော့ ဒီလိုပဋိပက္ခ ကြီးကြီးကျယ်ကျယ် ဖြစ်တယ်ဆိုတာ နည်းတယ်။ သူတို့အဖွဲ့ကို ဖျက်လိုက်ပြီးနောက်ပိုင်း ၂၀၁၂ မှာ ပဋိပက္ခတစ်ခါ ဖြစ်တယ်။ အဲ့ဒီနောက်မှာ တစ်ခါ နစကကို ပြန်ဖွဲ့တယ်။ ၂၀၁၃ ခုနှစ်လောက်မှာ။ အဲ့ဒီအချိန်မှာလည်း ဒီလိုပဋိပက္ခဖြစ်ပွားမှု သိပ်မဖြစ်ဘူး။ ဒါပေမဲ့ သူတို့ကိုလည်း သိပ်မကြာလိုက်ဘူး။ ထပ်ပြီးဖျက်ခံလိုက်ရတယ်။ ဒီနောက်ပိုင်းမှာတော့ အခုလို အကြမ်းဖက်မှုတွေ ဖြစ်လာတာပဲ”ဟု မောင်တောဒေသခံတစ်ဦးဖြစ်သူ ဦးထွန်းလှက ပြောသည်။

ထို့နောက် နစကအဖွဲ့ကို သမ္မတဦးသိန်းစိန် အစိုးရလက်ထက်ဖြစ်သည့် ၂၀၁၃ ခုနှစ်ဆန်းပိုင်းတွင် အသစ်ထပ်မံ ဖွဲ့စည်းခဲ့သော်လည်း ၂၀၁၃ ခုနှစ်၊ ဇူလိုင် ၁၂ ရက်စွဲဖြင့် နစကအဖွဲ့အား ပြန်လည်ဖျက်သိမ်းခဲ့သည်။

ထိုသို့ ဖျက်သိမ်းခဲ့သည့်အတွက်လည်း ရခိုင်ဒေသခံများအနေဖြင့် စိုးရိမ်မှုများ ဖြစ်ပေါ်ခဲ့သည့်အပြင် ယင်းစိုးရိမ်မှုနှင့်အတူ ရခိုင်ပြည်နယ် စစ်တကောင်းတောင်တန်းတွင် အကြမ်းဖက်အဖွဲ့အစည်းများက ကြိုးကိုင်ထားသည့် RSO အကြမ်းဖက်အဖွဲ့များ စစ်သင်တန်းနှင့် စစ်ရေးလေ့ကျင့်မှုများ ပြုလုပ်နေကြောင်း နိုင်ငံတကာသတင်းများတွင် ဖော်ပြမှုများရှိလာသည်။ အိနိ်္ဒယနိုင်ငံရှိ ဗုဒ္ဓဂယာတွင်လည်း အကြမ်းဖက် ဗုံးဖောက်ခွဲမှုများ ဖြစ်ပေါ်ခဲ့မှုများနောက်တွင် ကချင်လက်နက်ကိုင်အဖွဲ့ (KIA) ထိန်းချုပ်ရာ နယ်မြေအတွင်း၌ RSO အကြမ်းဖက်အဖွဲ့အား ဖွဲ့စည်းရန် တွေ့ဆုံဆွေးနွေးမှုများ ပြုလုပ်ခဲ့ကြောင်း သတင်းများ ထွက်ပေါ်လာခဲ့သည်။ ထို့နောက် ၂၀၁၆ ခုနှစ်၊ အောက်တိုဘာလတွင် အကြမ်းဖက်တိုက်ခိုက်မှုများ လုပ်ဆောင်ခြင်းဖြင့် နိုင်ငံတော်အားပုန်ကန်ခြင်း (သို့မဟုတ်) မြန်မာနိုင်ငံ၏ အနောက်ဘက်တံခါးကျိုးပျက်မှုကို စတင်ဖြစ်ပေါ်လာစေခဲ့သည်။

လူမျိုးရေးပဋိပက္ခလား၊ နိုင်ငံတော်ပုန်ကန်မှုလား
၂၀၁၆ ခုနှစ်၊ အောက်တိုဘာ ၉ ရက် နံနက် ၁ နာရီ မိနစ် ၃၀ ခန့်အချိန်တွင် မောင်တောမြို့နယ်၊ အမှတ်(၁)နယ်ခြားစောင့် ရဲကွပ်ကဲမှုဌာနချုပ် (ကျီးကန်းပြင်)အား ဘင်္ဂါလီအကြမ်းဖက်သမား ၁၀ ဦးခန့်က လည်းကောင်း၊ ၁ နာရီ မိနစ် ၅၀ ခန့်အချိန်တွင် အင်အား ၉၀ ခန့်ဖြင့်လည်းကောင်း၊ ရသေ့တောင်မြို့နယ်ရှိ ကိုးတန်ကောက် နယ်မြေရဲကင်းအားအင်အား ၃၀ ခန့်ကလည်းကောင်း၊ ငါးခူရနယ်မြေရဲစခန်းသို့ အင်အား ၅၀ ခန့်ဖြင့် အလစ်အငိုက် ၀င်ရောက်တိုက်ခဲ့ရာ ယင်းသို့တိုက်ခိုက်မှုကြောင့် နယ်ခြားစောင့်ရဲတပ်ဖွဲ့ဝင် ကိုးဦး သေဆုံးခဲ့ပြီး ခြောက်ဦးဒဏ်ရာရရှိခဲ့သည့်အပြင် လက်နက်ငယ်မျိုးစုံ ၆၅ လက်၊ ကျည်မျိုးစုံ ၁၀၁၄၀ တောင့်၊ လှံစွပ် ၄၇ လက်၊ ကျည်အိမ် ၁၇၃ ခု ယူဆောင်သွားခဲ့သည့် ဖြစ်စဉ်မှစတင်ကာ ဘင်္ဂါလီ အကြမ်းဖက်သမားများသည် နိုင်ငံတော်အား ပုန်ကန်မှုများပြုလုပ်ခဲ့ကြောင်း စုံစမ်းစစ်ဆေးရေးအဖွဲ့၏ အစီရင်ခံစာအကျဉ်းချုပ်တွင် ဖော်ပြမှုများအရ သိရသည်။

ထို့အပြင် ၄င်းအကြမ်းဖက်တိုက်ခိုက်မှုသည် နိုင်ငံတော်အား ပုန်ကန်မှုဖြစ်စဉ်ဖြစ်သည့်အပြင် ပြင်ပနှင့် ဆက်စပ်နေသည့် ကွင်းဆက်များလည်း ပေါ်ပေါက်ခဲ့သည့်အတွက် ရခိုင်ပြည်နယ်အတွင်း ဖြစ်ပွားသည့် အကြမ်းဖက်မှုဖြစ်စဉ်သည် ရှုပ်ထွေးနက်ရှိုင်းလျက်ရှိကြောင်း ရခိုင်ပြည်နယ်၊ မောင်တောဒေသ စုံစမ်းစစ်ဆေးရေး ကော်မရှင်ဥက္ကဋ္ဌ နိုင်ငံတော် ဒုတိယသမ္မတဦးမြင့်ဆွေက ၄င်းသတင်းစာရှင်းလင်းပွဲတွင် ပြောကြားခဲ့သည်။

“မောင်တောဒေသ၊ ၂၀၁၆ ခုနှစ်၊ အောက်တိုဘာလ ၉ ရက်နေ့ ဖြစ်စဉ်ဟာ ရခိုင်ပြည်နယ်အတွင်း ယခင်ကဖြစ်ပွားခဲ့တဲ့ ပဋိပက္ခများနှင့်မတူဘဲ နိုင်ငံတော်အတွင်း တရားဥပဒေစိုးမိုးရေးအတွက် အဓိက တာဝန်ယူထားသော အမှတ် (၁) နယ်ခြားစောင့်ကွပ်ကဲမှုဌာနချုပ် (ကျီးကန်းပြင်)၊ ငါးခူရနယ်မြေရဲစခန်းနှင့် ကိုးတန်ကောက်နယ်မြေရဲစခန်းများကို တိုက်ခိုက်ပြီး လက်နက်ခဲယမ်းမျိုးစုံတို့ကို ရယူသွားတဲ့ နိုင်ငံတော် ပုန်ကန်မှုဖြစ်စဉ်ဖြစ်တဲ့အပြင် ပြင်ပနှင့်ဆက်စပ်နေသော ကွင်းဆက်များလည်း ပေါ်ပေါက်ခဲ့တဲ့အတွက် ဖြစ်စဉ်သည် ပိုမိုရှုပ်ထွေးနက်ရှိုင်းလျက်ရှိကြောင်း ပြောကြားလိုပါတယ်”ဟု ရခိုင်ပြည်နယ်၊ မောင်တောဒေသ စုံစမ်းစစ်ဆေးရေး ကော်မရှင်ဥက္ကဋ္ဌ၊ ဒုတိယသမ္မတဦးမြင့်ဆွေက ပြောကြားသည်။

ဘင်္ဂါလီအကြမ်းဖက်အဖွဲ့၏ အကွက်ကျကျဖန်တီးမှု
၎င်းအကြမ်းဖက်တိုက်ခိုက်မှုများသည် ရခိုင်ပြည်နယ်တွင် လူမျိုးတစ်မျိုးနှင့် တစ်မျိုးကြား၊ ဒေသခံအချင်းချင်း ဖြစ်ပွားသည့် ပဋိပက္ခမျိုးမဟုတ်ဘဲ ဘင်္ဂါလီအကြမ်းဖက်အဖွဲ့များက အကွက်ကျကျ ဖန်တီးခဲ့ခြင်းဖြစ်ပြီး နှစ်ရှည်ကြာစွာ ဖြေရှင်းနိုင်ခြင်းမရှိသည့် အကြောင်းတရားမျိုးစုံအား အခြေပြုကာ ပြင်ပနိုင်ငံများရှိ အစွန်းရောက် အဖွဲ့အစည်းများ၊ လူမျိုးရေးအရ သွေးထိုးလှုံ့ဆော်သူများ၏ ထောက်ပံ့မှုများ၊ စည်းရုံးမှုများ၊ ငွေကြေး ထောက်ပံ့မှုများနှင့်အတူ ဒေသခံမူဆလင်များ၏ အထွေထွေ မကျေနပ်မှုများအား အသုံးချခဲ့ကြောင်းလည်း ရခိုင်ပြည်နယ်၊ မောင်တောဒေသ စုံစမ်းစစ်ဆေးရေးကော်မရှင်အတွင်းရေးမှူး ဦးခင်ဇော်မြင့်က ပြီးခဲ့သည့် သြဂုတ် ၆ ရက်က ရန်ကုန်မြို့၊ ကမာရွတ်မြို့နယ်ရှိ နိုင်ငံတော်ဧည့်ဂေဟာတွင် ပြုလုပ်သည့် သတင်းစာ ရှင်းလင်းပွဲတွင် ပြောကြားခဲ့သည်။

“ဒီရခိုင်ပြည်နယ်မှာ ဒေသခံပြည်သူအချင်းချင်း ဖြစ်ပွားခဲ့တဲ့ ယခင်ကပဋိပက္ခမျိုး မဟုတ်ကြောင်းကိုလည်း သုံးသပ်တွေ့ရှိပါကြောင်း တင်ပြရှင်းလင်းလိုပါတယ်”ဟု ကော်မရှင်အတွင်းရေးမှူး ဦးခင်ဇော်မြင့်က ပြောကြားသည်။

ထို့အပြင် ပြင်ပအဖွဲ့အစည်းများ၏ အစီရင်ခံတချို့တွင် ရခိုင်ပြည်နယ်ရှိ ဘင်္ဂါလီလူမျိုးများအပေါ် ဘာသာရေး၊ လူမျိုးရေးအရ ဖိနှိပ်ချုပ်ခြယ်ခြင်းများအပြင် ၄င်းတို့အနေဖြင့် ငတ်မွတ်ခေါင်းပါးမှုများ ရှိနေကြောင်းနှင့် ပဋိပက္ခဖြစ်ပွားမှုများ၌ လုံခြုံရေးတပ်ဖွဲ့ဝင်များအနေဖြင့် ဘင်္ဂါလီလူမျိုးများအား လူမျိုးတုံးသတ်ဖြတ်ခြင်း၊ ဘင်္ဂါလီအမျိုးသမီးများအား အဓမ္မပြုကျင့်မှုများ ပြုလျက်ရှိကြောင်း အစီရင်ခံစာများတွင် ထည့်သွင်း ရေးသားမှုများ ပြုလုပ်ခဲ့ကြောင်းနှင့် ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (OHCHR) ၏ ၂၀၁၇ ခုနှစ်၊ ဇန်န၀ါရီ ၃၁ ရက် အစီရင်ခံစာတင်ပြမှုတွင် ဘင်္ဂလားဒေ့ရ်ှနိုင်ငံသို့ ထွက်ပြေးရောက်ရှိနေသည့် မူဆလင်ကျေးရွာသားများအား သွားရောက်မေးမြန်းမှုများကို ဖော်ပြခြင်းများ ပြုလုပ်ခဲ့ကြောင်း သိရသည်။

လူမျိုးတုံးသတ်ဖြတ်သည်ဆိုသည့် စွပ်စွဲမှုအပေါ် ကော်မရှင် တွေ့ရှိချက်
သို့သော် ပြင်ပအဖွဲ့အစည်းများ၏ စွပ်စွဲမှုများ၊ မဟုတ်မမှန် သတင်းထုတ်လွှင့်မှုများအပြင် ရခိုင်ပြည်နယ်တွင် ဖြစ်ပွားသည့် အကြမ်းဖက်ဖြစ်စဉ်နှင့်ပတ်သက်၍ နိုင်ငံတော်သမ္မတက ၂၀၁၆ ခုနှစ်၊ ဒီဇင်ဘာ ၁ ရက် နိုင်ငံတော်ဒုတိယသမ္မတ(၁) ဦးမြင့်ဆွေ ဦးဆောင်သည့် အဖွဲ့ဝင် ၁၃ ဦးပါဝင်သော ရခိုင်ပြည်နယ်၊ မောင်တောဒေသ စုံစမ်းစစ်ဆေးရေးကော်မရှင်ကို ဖွဲ့စည်းပြီးနောက် စုံစမ်းစစ်ဆေးမှုများ ပြုလုပ်ရာတွင် လူမျိုးတုံး သတ်ဖြတ်မှုဖြစ်ရပ်မျိုး မတွေ့ရှိခဲ့ကြောင်း ဒုတိယသမ္မတဦးမြင့်ဆွေက ပြောကြားသည်။

“အချို့သော ပြင်ပပုဂ်္ဂိုလ်များက ၄င်းဒေသ၌ လူမျိုးတုံးအောင် သတ်ဖြတ်ခြင်းရှိသယောင် စွပ်စွဲပြောဆိုခြင်း၊ မဟုတ်မမှန်သတင်းဖြန့်ခြင်းများကိုလည်း တွေ့ရှိခဲ့ရပါတယ်။ ကျွန်တော်တို့ကော်မရှင်ရဲ့အချိန်ယူ စုံစမ်းစစ်ဆေးချက်အရ ဒီလိုဖြစ်ရပ်မျိုး လုံးဝမရှိကြောင်း တွေ့ရှိခဲ့ရပါတယ်” ဟု ဒုတိယသမ္မတဦးမြင့်ဆွေက ပြောကြားသည်။

ဘာသာရေးဖိနှိပ်သည်ဆိုသည့် စွပ်စွဲမှုအပေါ် ကော်မရှင်တွေ့ရှိချက်
ထိုအပြင် စုံစမ်းစစ်ဆေးမှုများအရ တွေ့ရှိချက်တွင် ရခိုင်ပြည်နယ်ရှိ ဘင်္ဂါလီလူမျိုးများအား ဘာသာရေးအရ ဖိနှိပ်မှုများရှိနေကြောင်းနှင့် ပတ်သက်၍ ရခိုင်ပြည်နယ်တွင် ဗုဒ္ဓဘာသာ၊ ဟိန္ဒူဘာသာ၊ ခရစ်ယာန်ဘာသာနှင့် အစ္စလာမ်ဘာသာ ကိုးကွယ်ယုံကြည်သူများ နေထိုင်ကြပြီး လက်ရှိ၌ ဘုန်းတော်ကြီးကျောင်း ၂၂၂ ကျောင်း၊ ရဟန်း၊ သံဃာ၊ သာမဏေ ၄၈၆ ပါး၊ ဟိန္ဒူဘုရားကျောင်း ၁၇ ကျောင်း၊ ခရစ်ယာန်ဘုရားကျောင်း ခုနစ်ကျောင်းသာရှိပြီး ဗလီ ၁၂၇၈ လုံး၊ အာရ်ဗီကျောင်း ၁၁၄၃ ကျောင်း၊ မော်လ၀ီဆရာ ၁၆၅၉ ဦးရှိကြောင်း ရခိုင်ပြည်နယ်၊ မောင်တောဒေသ စုံစမ်းစစ်ဆေးရေးကော်မရှင်၏ အစီရင်ခံစာအကျဉ်းချုပ်တွင် ဖော်ပြထားသည်။
“ဒီအခြေအနေဟာ မူဆလင်ဦးရေနဲ့ အချိုးအစားချကြည့်ရင် လိုက်လျောညီထွေမှုရှိတယ်။ စနစ်တကျ တကယ်ထပ်ပြီးတော့ တွက်ကြည့်မယ်ဆိုရင် ဒီရှိနေတဲ့ဘာသာရေးဆရာ၊ ဗလီ၊ ကျောင်းစတဲ့ ဦးရေဟာ အချိုးအစားအရ လူဦးရေနဲ့ နှိုင်းယှဉ်ရင် ပိုမိုနိုင်ကြောင်းကို တွေ့ရှိရပါတယ်”ဟု ကော်မရှင်အတွင်းရေးမှူး ဦးခင်ဇော်မြင့်က ၄င်းသတင်းစာရှင်းလင်းပွဲတွင် ပြောကြားသည်။

ရခိုင်ပြည်နယ်ရှိ မူဆလင်လူမျိုးများ၏ စီးပွားလုပ်ကိုင်ဆောင်ရွက်နေမှု
ထို့အပြင် ရခိုင်ပြည်နယ်တွင် အခြေခံစီးပွားရေးလုပ်ငန်းများဖြစ်သည့် လယ်ယာလုပ်ငန်း၊ ရေလုပ်ငန်း၊ ငါး၊ ပုစွန် မွေးမြူရေးကန်တို့ရှိပြီး လယ်ယာဧကပေါင်း ၁၅၇၇၀၈ ဧကရှိသည့်အနက် မူဆလင်များ လုပ်ကိုင်လျက်ရှိသည့် လယ်ယာဧကသည် ၁၂၅၄၀၁ ဧကရှိကြောင်း၊ ငါး၊ ပုစွန်ကန် ၁၅၆၄၀.၄၆ ဧကအနက် မူဆလင် လူမျိုးများလုပ်ကိုင်မှုမှာ ၈၉၈၂. ၉၂ ဧကအား လက်ရှိ လုပ်ကိုင်လျက်ရှိကြောင်း စုံစမ်းစစ်ဆေးရေး ကော်မရှင်၏ အစီရင်ခံစာတွင် ဖော်ပြထားသည်။

ရခိုင်ပြည်နယ်အတွင်း မူဆလင်လူမျိုးလူဦးရေ တိုးပွားလာမှု
ထို့အပြင် မောင်တောခရိုင်အတွင်း၌ တိုင်းရင်းသားလူမျိုးနွယ်စုများနှင့် မူဆလင်လူမျိုးများ နေထိုင်လျက် ရှိရာတွင်လည်း စုစုပေါင်း လူဦးရေ ၈၃၄၆၃၇ ဦးအနက် မူဆလင်ဦးရေမှာ ၇၅၅၃၇၁ ဦး၊ ရာခိုင်နှုန်းအရ ၉၀.၅၀ ရာခိုင်နှုန်းရှိပြီး မူဆလင်ကျေးရွာ  ၄၄၇ ရွာ၊ တိုင်းရင်းသားကျေးရွာ ၂၄၀ ရွာနှင့် ရောနှောရွာ ၁၂ ရွာ၊ အခြားရွာလေးရွာတို့ရှိကြောင်းနှင့် မူဆလင်လူဦးရေမှာလည်း ၁၉၇၃ ခုနှစ်တွင် ၅၁၅၄၈၄ ဦး၊ ၁၉၈၃ ခုနှစ်၌ ၆၀၄၆၃၆ ဦး၊ ၁၉၉၃ ခုနှစ်တွင် ၇၁၈၅၆၉ ဦး၊ ၂၀၀၃ ခုနှစ်၌ ၈၇၅၀၀၅ ဦး၊ ၂၀၁၃ ခုနှစ်၌ ၁၀၅၂၁၆၃ ဦးနှင့် ၂၀၁၆ ခုနှစ်တွင် ၁၀၅၄၇၉၀ ဦးအထိ လူဦးရေတိုးပွားမှုများရှိကြောင်းလည်း ယင်းအစီရင်ခံစာအကျဉ်းချုပ်တွင် ဖော်ပြထားသည်။

စွပ်စွဲပြောဆိုမှုများအပေါ် ကော်မရှင်၏စိစစ်တွေ့ရှိချက်
ထို့အပြင် စုံစမ်းစစ်ဆေးရေးကော်မရှင်အနေဖြင့် မောင်တောခရိုင်သို့ လေးကြိမ်တိုင် ကွင်းဆင်းစစ်ဆေးမှု၌ ကြက်ရိုးပြင်ကျေးရွာနေ ဘင်္ဂါလီအမျိုးသမီးတစ်ဦးက ၄င်း၏အမျိုးသားအား လုံခြုံရေးတပ်ဖွဲ့ဝင်များက ရက်စက်စွာ သတ်ဖြတ်သည်ဟုဆိုကာ လူဦးခေါင်းရိုးနှင့် အရိုးနှစ်ချောင်းအား မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စရန်ဟီးလီကို ပြသမည်ဆိုသည့် စွပ်စွဲချက်နှင့်ပတ်သက်၍ ၄င်းဦးခေါင်းရိုးနှင့် အရိုးနှစ်ချောင်းအား စစ်ဆေးမှုများ ပြုလုပ်ခဲ့ရာတွင် ယင်းအရိုးစုများသည် အမျိုးသားဦးခေါင်းရိုးနှင့် အရိုးများမဟုတ်ဘဲ အမျိုးသမီးအရိုးစုများသာဖြစ်ကြောင်း စိစစ်တွေ့ရှိခဲ့ရကြောင်း စုံစမ်းစစ်ဆေးရေး ကော်မရှင်၏အတွင်းရေးမှူးဖြစ်သူ ဦးခင်ဇော်မြင့်က ပြောကြားသည်။

“ကြက်ရိုးပြင်ကျေးရွာမှာ မစ္စရန်ဟီးလီ လာရင်ပြရမယ်ဆိုပြီး သူ့ယောက်ျားရဲ့ဦးခေါင်းရိုးနဲ့ အရိုးနှစ်ချောင်းကို မိန်းမတစ်ယောက်က ထုတ်လာတယ်။ တကယ် စစ်ကြည့်လိုက်တဲ့အခါကျတော့ အရိုးခေါင်းဟာ ယောက်ျားဦးခေါင်းရိုးမဟုတ်ဘဲနဲ့ မိန်းမဦးခေါင်းရိုး ဖြစ်နေတယ်ဆိုတဲ့ ဒီလိုလွဲမှားတဲ့ စွပ်စွဲချက်တွေကလည်း ရှိနေတယ်ဆိုတဲ့ အခြေအနေမျိုးကို တွေ့ခဲ့ရပါတယ်” ဟု စုံစမ်းစစ်ဆေးရေးကော်မရှင်၏ အတွင်းရေးမှူးဖြစ်သူ ဦးခင်ဇော်မြင့်က အစီရင်ခံစာအကျဉ်းချုပ်နှင့်ပတ်သက်၍ ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

ထို့အပြင် ဘင်္ဂါလီအမျိုးသမီးများအား လုံခြုံရေးတပ်ဖွဲ့ဝင်များက မုဒိမ်းကျင့်ကြောင်း ပြည်ပသတင်းမီဒီယာများ ဖြစ်သည့် ဂါးဒီးယမ်းသတင်းစာနှင့် South China Morning Post သတင်းမီဒီယာတို့က ဖော်ပြခဲ့မှုနှင့် ပတ်သက်၍ ကော်မရှင်တာဝန်ရှိသူများက ကြက်ရိုးပြင်ကျေးရွာသို့ရောက်ရှိစဉ် စုံစမ်းပြုလုပ်ရာ၍ ၄င်းသတင်းများတွင် ဖော်ပြထားသည့် ကြက်ရိုးပြင်ကျေးရွာနေသူ ဒေါ်အေရှားဆိုသူအား ကျေးရွာဒေသခံများက မသိရှိခြင်းများစသည့်တို့ကို တွေ့ရှိခဲ့ရကြောင်း စုံစမ်းစစ်ဆေးရေးကော်မရှင်၏ အတွင်းရေးမှူးဖြစ်သူ ဦးခင်ဇော်မြင့်က ဆက်လက်ပြောကြားသည်။

ထိုအပြင် လက်ရှိဖြစ်ပေါ်နေသည့် အကြမ်းဖက်မှုဖြစ်စဉ်များနှင့်ပတ်သက်၍ လုံခြုံရေးတပ်ဖွဲ့ဝင်များ၏ နယ်မြေရှင်းလင်းမှု လုပ်ဆောင်မှုကြောင့် နစ်နာဆုံးရှုံးသူရှိပါက သက်ဆိုင်ရာ နယ်မြေရဲစခန်းများနှင့် တာဝန်ရှိသူများအပြင် တရားရုံး၌ တရားစွဲဆိုနိုင်ရန် တိုင်ကြားရန် စုံစမ်းစစ်ဆေးရေး ကော်မရှင်က ကမ်းလှမ်းမှုများ ပြုလုပ်ခဲ့သော်လည်း လက်ရှိအချိန်အထိ နစ်နာဆုံးရှုံးကြောင်း တိုင်ကြားမှု တစ်စုံတစ်ရာ မရှိခဲ့ကြောင်း ကော်မရှင်ဥက္ကဋ္ဌ၊ နိုင်ငံတော်ဒုတိယသမ္မတ (၁) ဦးမြင့်ဆွေက ယင်းသတင်းစာရှင်းလင်းပွဲတွင် ပြောကြားခဲ့ကြောင်း သိရသည်။

“သူတို့ရဲ့ နစ်နာဆုံးရှုံးနေရမှုများအား တရားရေးလမ်းကြောင်း အရတရားရုံးမှာ တရားစွဲဆိုနိုင်ကြောင်း ကော်မရှင်က ကမ်းလှမ်းထားပြီး ဒီနေ့အထိ စောင့်ဆိုင်းနေပါတယ်။ သို့သော်လည်း ဒီနေ့အထိ လာရောက်ခြင်း မရှိတဲ့အတွက် ဒီနေ့မှာ နိုင်ငံတော်သမ္မတကို တင်ပြပြီးဖြစ်တဲ့အတွက် သတင်းစာရှင်းလင်းပွဲပြုလုပ်ခြင်း ဖြစ်ပါတယ်” ဟု ကော်မရှင်ဥက္ကဋ္ဌ၊ နိုင်ငံတော်ဒုတိယသမ္မတ (၁)ဦးမြင့်ဆွေက ယင်းသတင်းစာရှင်းလင်းပွဲတွင် ပြောကြားခဲ့သည်။

အကြမ်းဖက်မှုဖြစ်စဉ်အပေါ် အစိုးရနှင့် တပ်မတော် ဘာတွေလုပ်နေလဲ
သို့သော် တပ်မတော်စစ်ကြောင်းများနှင့် နယ်ခြားစောင့် ရဲတပ်ဖွဲ့ဝင်များက လုံခြုံရေး ဆောင်ရွက်ပေးလျက်ရှိသည့်အတွက် လက်ရှိတွင် ယင်းနေရပ်စွန့်ခွာတိမ်းရှောင်သူ ဒေသခံတိုင်းရင်းသားများ အနေဖြင့် မူလနေထိုင်ရာကျေးရွာများသို့ ပြန်လည်ရွှေ့ပြောင်းနေထိုင်ခဲ့ကြကြောင်းနှင့် ကိုင်းကြီးကျေးရွာတွင်လည်း လုံခြုံရေးရဲကင်းစခန်းများအား ပြည်နယ်အစိုးရက စီစဉ်ဆောင်ရွက်ပေးခဲ့သည့် အပြင် ဒေသခံတိုင်းရင်းသားများ စိုးရိမ်ပူပန်မှုမရှိစေရန် တပ်မတော်၊ နယ်ခြားစောင့်ရဲတပ်ဖွဲ့၊ မြန်မာနိုင်ငံရဲတပ်ဖွဲ့တို့အား တိုးမြှင့်တာဝန်ချထားပေးကြောင်းလည်း သိရသည်။

ထို့အပြင် ပြီးခဲ့သည့် သြဂုတ် ၉ ရက်တွင် နိုင်ငံတော်အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်က ဦးဆောင်ကာ ရခိုင်ပြည်နယ်အတွင်းလုံခြုံရေးဆိုင်ရာ ဆောင်ရွက်ထားရှိမှု အခြေအနေနှင့် ပတ်သက်သည့် အစည်းအဝေးတစ်ရပ်ကို နိုင်ငံတော်သမ္မတ အိမ်တော်အစည်းအဝေးခန်းမ၌ ကျင်းပခဲ့ပြီး ၄င်းအစည်းအဝေးတွင် အကြမ်းဖက်အဖွဲ့လှုပ်ရှားမှုများ ထိန်းချုပ်နိုင်မှုအစီအစဉ်နှင့် လုံခြုံရေးဆိုင်ရာ ဆောင်ရွက်ထားမှုအခြေအနေ၊ လတ်တလော လုံခြုံရေးတပ်ဖွဲ့ဝင်အင်အား ဖြည့်တင်းဆောင်ရွက်နိုင်မှုအခြေအနေနှင့် ရေရှည်ကာကွယ်ရေးနှင့် လုံခြုံရေးဆိုင်ရာ အစီအမံလျာထားမှု၊ နိုင်ငံသားစိစစ်ရေးလုပ်ငန်းစဉ်များ ဆောင်ရွက်ရာတွင် တွေ့ကြုံရသည့် အခက်အခဲနှင့် ဖြေရှင်းဆောင်ရွက်နိုင်မည့်အခြေအနေ၊ ဘဂ်လားဒေ့ရ်ှနိုင်ငံနှင့် ပူးပေါင်းဆောင်ရွက်မှု အခြေအနေများအား ဆွေးနွေးမှုများ ပြလုပ်ခဲ့သည့်အပြင် တိုင်းရင်းသားပြည်သူများ၊ နိုင်ငံရေးပါတီများ၊ အစိုးရမဟုတ်သော အဖွဲ့အစည်းများ၊ မိတ်ဆွေနိုင်ငံများနှင့် နိုင်ငံတကာ အသိုင်းအ၀ိုင်းတို့မှ ၄င်းအစွန်းရောက် အကြမ်းဖက်ဆန့်ကျင်ခြင်းဖြင့် ထောက်ခံမှုအားပြသရန် တိုက်တွန်းကြောင်း သတင်းထုတ်ပြန်မှုများ ပြုလုပ်ခဲ့သည့်အပြင် ဒေသဆိုင်ရာလုံခြုံရေးနှင့် ပတ်သက်၍လည်း တပ်မတော်နှင့် ရခိုင်အမျိုးသားပါတီ တာဝန်ရှိသူများက တွေ့ဆုံဆွေးနွေးမှုများ ပြုလုပ်ခဲ့ကြောင်းသိရသည်။

နောက်ထပ်အကြမ်းဖက်တိုက်ခိုက်မှုများ ဖြစ်ပေါ်လာနိုင်
သို့သော် ရခိုင်ပြည်နယ်၊ မောင်တောဒေသ စုံစမ်းစစ်ဆေးရေးအဖွဲ့၏ လေ့လာတွေ့ရှိချက်များအရ လက်ရှိတွင် လုံခြုံရေးတပ်ဖွဲ့ဝင်များနှင့်  ဘင်္ဂါလီအကြမ်းဖက်အဖွဲ့ကြားတွင် ရင်ဆိုင်တိုက်ခိုက်မှုများ ဖြစ်ပွားခြင်း မရှိသည့်တိုင် ပြီးခဲ့သည့် ၂၀၁၆ ခုနှစ်၊ အောက်တိုဘာလ အတွင်းက ဖြစ်ပွားခဲ့သည့် နယ်ခြားစောင့် ရဲတပ်ဖွဲ့ဌာနချုပ်အပါအ၀င် နယ်မြေရဲစခန်းအချို့မှ ဘင်္ဂါလီအကြမ်းဖက်သမားများ ယူဆောင်သွားသည့် လက်နက်များ ပြန်လည်ရရှိခြင်း မရှိသေးသည့်အပြင် လျှို့ဝှက်အကြမ်းဖက်သင်တန်းနေရာ၊ အကြမ်းဖက် အဖွဲ့ဝင်များအား ဖော်ထုတ်ဖမ်းဆီးရမိနေခြင်း၊ လက်လုပ်မိုင်းများနှင့် လက်နက်ပစ္စည်းများ၊ ရိက္ခာများ ဖော်ထုတ်သိမ်းဆည်း ရရှိနေခြင်း၊ ဒေသခံမူဆလင်များအပြင် ရခိုင်တိုင်းရင်းသားများကိုပါ ခြိမ်းခြောက်လုပ်ကြံ သတ်ဖြတ်မှုများ ဆက်တိုက်ရှိနေခြင်းတို့သည် လုံခြုံရေးအရ စိတ်ချရသည့် အခြေအနေဟု ပြောဆိုနိုင်ခြင်း မရှိသည်သာမက ထပ်မံအကြမ်းဖက်တိုက်ခိုက်မှုများ ပြုလုပ်ရန် စနစ်တကျ ကြံစည်ဆောင်ရွက်နေမှု ဖြစ်စဉ်များအရ ထိုင်းနိုင်ငံတောင်ပိုင်း၌ ဖြစ်ပွားခဲ့သည့်အကြမ်းဖက်အဖွဲ့၏ စီးနင်းတိုက်ခိုက်မှု၊ ဖိလစ်ပိုင်နိုင်ငံတောင်ပိုင်း၌ အကြမ်းဖက်သမားများ လုပ်ဆောင်လျက်ရှိသည့် မြို့သိမ်းတိုက်ပွဲများသဖွယ် ဖြစ်ပေါ်လာနိုင်မည်လား ဆိုသည်ကို စိုးရိမ်ဖွယ်ရာပင်ဖြစ်တော့သည်။
လူသစ်

 

Category: 

Share