ANP ပါတီဥက္ကဌ၊ ပြည်သူ့လွှတ်တော်ကိုယ်စားလှယ် ဒေါက်တာအေးမောင် အင်တာဗျူး

“လက်ရှိ အစိုးရအုပ်ချုပ်တဲ့ တစ်နှစ်ခွဲကျော်ကာလမှာ အစိုးရနဲ့ သိပ်အဆင်မပြေပါဘူး။ သူကရွေးကောက်ပွဲမတိုင်ခင်တုန်းက အပြောကတော့ သိပ်ကြီးတာ”

တပ်မတော်ကာကွယ်ရေး ဦးစီးချုပ်နှင့် ရခိုင်အမျိုးသားပါတီ ANP မှ လွှတ်တော်ကိုယ်စားလှယ်များသည် သြဂုတ် ၉ ရက် ညနေ ၃ နာရီတွင် တပ်မတော် ကာကွယ်ရေးဦးစီးချုပ်ရုံး၊ ဘုရင့်နောင်ခန်းမ၌ တွေ့ဆုံပြီး ရခိုင်ပြည်နယ်တွင် လက်ရှိဖြစ်ပွားနေသော အကြမ်းဖက်မှုများအပေါ် ဒေသခံများ၏ လုံခြုံရေးနှင့်ပတ်သက်ပြီး ဆွေးနွေးခဲ့ကြောင်း သိရသည်။ ယင်းသို့ တွေ့ဆုံဆွေးနွေးမှုနှင့် ပတ်သက်၍ ANP ပါတီဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါက်တာအေးမောင်အား ယခုလိုဆက်သွယ်မေးမြန်းခဲ့သည်။

Tomorrow  ။   ။ တပ်မတော်ကာကွယ်ရေးဦးစီးချုပ်ကို တွေ့ဆုံခွင့်တောင်းခဲ့ပြီး တွေ့ဆုံခဲ့တယ်လို့ သိရပါတယ်။ ဘာကြောင့်လဲ။
အေး ။    ။ ကျွန်တော်တို့က တပ်မတော်ကာကွယ်ရေးဦးစီးချုပ်ကို တွေ့ခွင့်တောင်းတာပါ။ ဘာကြောင့် တွေ့ခွင့်တောင်းရလဲဆိုရင် ၂၀၁၆ အောက်တိုဘာ ၉ ရက်ကစပြီးတော့ ရခိုင်ပြည်နယ်မောင်တောဒေသမှာရှိတဲ့ ရဲစခန်းတွေကို အကြမ်းဖက်အဖွဲ့တွေက ၀င်တိုက်ခဲ့တယ်။ အဲဒီကနေ ၂၀၁၇ ဇွန်လ ၂၇ ရက် မှာ မောင်တောဒေသမြောက်ပိုင်းမှာရှိတဲ့ ကျေးရွာတစ်ခုမှာ ရခိုင်လူမျိုးနှစ်ယောက်အသတ်ခံရတယ်။ အဲ့ကာလ မတိုင်ခင်အထိကလည်း အသတ်ခံရတာ အများကြီးပါ။ အဲဒီထဲမှာ အစိုးရရဲ့ ယန္တရားအဖွဲ့ထဲမှာပါတဲ့ကျေးရွာ အုပ်ချုပ်ရေးမှူးတွေ ဆယ်အိမ်မှူးတွေ၊ ရာအိမ်မှူးတွေလည်း အသတ်ခံရတဲ့အထဲမှာ ပါပါတယ်။ အသတ်ခံရတဲ့ လူဦးရေက ဇွန်လ ၂၇ ရက်ထိ ၄၀ ကျော်သွားပါပြီ။ အဲဒီဖြစ်စဉ်နဲ့ ပတ်သက်ပြီး ဇွန် ၂၉ ရက်မှာ ပြည်သူ့ လွှတ်တော်မှာ ဒေါ်ခင်စောဝေကို အရေးကြီးအဆိုတစ်ခုတင်ဖို့ ကြိုးစားခိုင်းတယ်။  အဆိုတင်တဲ့အခါမှာ ပြည်သူ့ လွှတ်တော်ဘက်က ကျွန်တော်တို့ရဲ့ အသုံးအနှုန်းတွေကို ပြန်စိစစ်ခိုင်းတယ်။ အဲဒါက အကြမ်းဖက်ဆိုတဲ့ ဝေါဟာရကို ပယ်ဖျက်ခိုင်းတာပါ။ ဒါကြောင့် ကျွန်တော်တို့က အဲဒီနေရာမှာ အကြမ်းဖက်လို့ မသုံးဘဲ အစွန်းရောက်ဆိုတဲ့ ဝေါဟာရကို ပြောင်းလဲပြီး တင်ခဲ့ပါတယ်။ ဒါကို ပြည်သူ့လွှတ်တော်က ယနေ့အချိန်ထိ ဆွေးနွေးခွင့် မရသေးပါ ဘူး။ အဲဒီအချိန်မှာ သြဂုတ် ၃ ရက်မှာ မောင်တောမြို့နယ်ရဲ့ တောင်ပိုင်း၊ ကိုင်းကြီးကျေးရွာမှာနေတဲ့ ရခိုင်မျိုးနွယ်စုဝင်၊ မြိုလူမျိုးရှစ်ဦး ထပ်မံသတ်ဖြတ်ခဲ့ပါတယ်။ အဲဒီမှာ ကျွန်တော်တို့က စဉ်းစားစရာ ဖြစ်လာတယ်။ ဇွန်လ ၂၇ ရက်က ပြည်သူ့လွှတ်တော်ကို တင်တယ်။ လွှတ်တော်ဘက်က အကြောင်းပြပြီး နေ့ရွှေ့ညရွှေ့လုပ်ခဲ့တယ်။ အခုတစ်ခါ ထပ်မံသတ်ခံရတဲ့အတွက် ပြည်သူ့လွှတ်တော်ဘက်ကို အရေးကြီးအဆိုနဲ့တင်ရင် ပယ်ခြင်းခံရလိမ့်မယ်။ သာမန်အဆိုအဖြစ်တောင် ဆွေးနွေးခွင့်ရပါ့မလားဆိုတာ မကျိန်းသေဘူး။ ဒါကြောင့် ပြည်သူ့လွှတ်တော်ဘက်ကို မရွေးတော့ဘဲ အမျိုးသား လွှတ်တော်ဘက်ကို ရွေးခဲ့ပါတယ်။ အမျိုးသားလွှတ်တော်မှာ အဆိုတင်သွင်းမယ်ပေါ့။ ဒါကြောင့် ဖြစ်စဉ်ကို စာရေးတယ်။ သြဂုတ် ၇ ရက် မနက်ပိုင်းမှာ အမျိုးသားလွှတ်တော်ကို စာတင်တယ်။ အဲဒီလိုတင်တဲ့ အချိန်မှာပဲ ကျွန်တော်တို့ စဉ်းစားတယ်။ ဒီအဆိုကို အမျိုးသားလွှတ်တော်မှာ အရေးကြီးအဆိုတင်မယ်။ အဲဒီမှာ အရေးကြီးအဆိုက သာမန်အဆိုလည်း ဖြစ်သွားနိုင်တယ်။ ဆွေးနွေးခွင့်မရဘဲနဲ့လည်း ဖြစ်သွားနိုင်တယ်။ ဆွေးနွေးခွင့်ရရင်တောင်မှ အစိုးရက ဆောင်ရွက်နေပါတယ်ဆိုပြီး မှတ်တမ်းဖြစ်သွားမှာလည်း စိုးရိမ်ရတယ်။ ဒါကြောင့် တခြားလမ်းကြောင်းတစ်ခုကို ထပ်မံစဉ်းစားလိုက်တော့ လုံခြုံရေးနဲ့ပတ်သက်လို့ အထူးသဖြင့် အမျိုးသားကာကွယ်ရေးနဲ့ အမျိုးသားအကျိုးစီးပွား၊ တိုင်းရင်းသားတွေရဲ့ အသက်အိုးအိမ်စည်းစိမ်တို့ကို ကာကွယ်တဲ့နေရာမှာ ကာကွယ်ရေးဦးစီးချုပ်ကို သွားမြင်တယ်။ ဒါကြောင့် ကျွန်တော်တို့က ဌာနေတိုင်းရင်းသား တွေနေရပ်ကို ဘယ်လိုစွန့်ခွာပြီး လက်ရှိဘယ်လိုရင်ဆိုင်နေရတယ်ဆိုတာကို ကာကွယ်ရေးဦးစီးချုပ်နဲ့ ဆွေးနွေးရင် ပိုအဆင်ပြေမယ်ဆိုပြီး အဲဒီလမ်းကြောင်းကို ရွေးချယ်ပြီး သြဂုတ်လ ၇ ရက်မှာပဲ အမျိုးသားလွှတ်တော်ကိုလည်း တင်တယ်။ အဲဒီစာကိုလည်း ANP ပါတီမှ လွှတ်တော်အမတ်အားလုံး လက်မှတ်ထိုးပြီး ကာကွယ်ရေးဦးစီးချုပ်ကို တင်ခဲ့ပါတယ်။ သြဂုတ် ၈ ရက်၊ ညနေပိုင်းမှာ ကာကွယ်ရေး ဦးစီးချုပ်ထံကို ရောက်ရှိခဲ့ပါတယ်။ ကာကွယ်ရေးဦးစီးချုပ်က စာကိုဖတ်ပြီး ချက်ခြင်း အကြောင်းပြန်ခဲ့ပါတယ်။ နောက်တစ်နေ့တွေ့မယ်ဆိုတဲ့အကြောင်းပါ။ ဒါကြောင့် သြဂုတ် ၉ ရက်၊ ညနေ ၃ နာရီမှာ တွေ့ဆုံခဲ့တာပါ။

Tomorrow  ။   ။ တပ်မတော်နဲ့ တွေ့တဲ့အချိန်မှာ အဓိက ဘာတွေဆွေးနွေးဖြစ်ခဲ့လဲဆိုတာ သိချင်ပါတယ်။
အေး ။    ။ အခုတွေ့ဆုံပွဲက တံခါးပိတ်ဆွေးနွေးပွဲဖြစ်တဲ့အတွက် ကျွန်တော်တို့ဘက်က တင်ပြတဲ့ကိစ္စတွေကိုတော့ ပြောလို့ရပါတယ်။ တပ်မတော်ဘက်က ပြောတဲ့စကားတွေကိုတော့ ထုတ်ပြောလို့ မရပါဘူး။ ကျွန်တော်တို့ပြောခဲ့တဲ့အကြောင်း အရာတွေကတော့ ရခိုင်ပြည်နယ် တည်ငြိမ်အေးချမ်းပြီး ဖွံ့ဖြိုး တိုးတက်တဲ့ ဒေသဖြစ်ဖို့လိုတယ်။ အဲဒီမှာလုံခြုံရေးလိုပါတယ်။ အဲဒီမှာနေထိုင်တဲ့သူတွေ ရခိုင်မျိုးနွယ်စုဝင်တွေ ဖြစ်တဲ့ မြို၊ သက်၊ ခမီ၊ ဒိုင်းနက်တို့က အထူးသဖြင့် တောင်ယာလုပ်စားကြပါတယ်။ သူတို့ရွာတွေကလည်း မြို့ပြနဲ့ အလွန်လှမ်းပါတယ်။ ဘင်္ဂါလီ ရွာလောက်တောင်မှ စည်စည်ကားကားမရှိပါဘူး။ ဒါကြောင့် လူနည်းစုလည်းဖြစ် မြို့စွန်မှာလည်း နေရတဲ့အတွက် သူတို့ရဲ့ လုံခြုံမှုမရှိတော့ဘူးဆိုတာကို ယုံကြည် လာကြတယ်။ ဒါကြောင့် ရွာကို စွန့်ခွာထွက်ပြေးတဲ့အထိဖြစ်လာကြတယ်။ အဲဒီလို စွန့်ပြေးတော့ သူတို့မှာရှိတဲ့ လယ်ယာလုပ်ငန်းတွေ ကျွဲနွားတွေကိုလည်း အကုန်လုံး ထားခဲ့ရတယ်။ ဒီလို ဌာနေတိုင်းရင်းသားတွေ စွန့်ခွာသွားခြင်းသည် ကိုယ့်လူမျိုးတွေ ဆုံးရှုံးရတယ်။ ဒါကြောင့် ဒီနယ်မြေ ဒီဒေသမှာ ဒီလူတွေမရှိရင် ပိုပြီး ဆုံးရှုံးသွားမယ်ဆိုပြီး ကျွန်တော်တို့ ခံယူခဲ့တယ်။ ဒါကြောင့် သူတို့ မစွန့်ခွာအောင် ဘယ်လိုလုပ်ရင် ကောင်းမလဲ။ ဘယ်လိုလုပ်ဆောင်ပေးရမလဲဆိုတာကို စဉ်းစားတော့ လုံခြုံရေးကဏ္ဍ စဉ်းစားမိတယ်။ မလုံခြုံလို့ သူတို့ စွန့်ခွာတာပါ။ ဒါကြောင့် သူတို့ လုံခြုံဖို့အတွက်ကို ခြံစည်းရိုးကာတာတို့ လုံခြုံရေးဝန်ထမ်း အင်အားတိုးချဲ့တာတို့ ပင်လယ်ပြင် လုံခြုံရေးချတာတို့ ခေတ်မီလက်နက်တပ်ဆင်တာတို့လုပ်ဖို့အတွက် တောင်းဆိုဖို့ စဉ်းစားတယ်။ လက်ရှိမှာလည်း ခြံစည်းရိုးက မိုင် ၄၀ လောက်ခတ်ဖို့ ကျန်ပါသေးတယ်။ ကာပြီးသား ခြံစည်ရိုးကလည်း မလုံခြုံဘူး ဖြစ်နေတယ်။ ဒါတွေကို ပြန်သုံးသပ်ဖို့ အကြံပြုခဲ့တယ်။ ပြီးတော့ နယ်မြေလုံခြုံရေးအတွက် အချို့ဒေသခံတွေက လုံခြုံရေးဆောင်ရွက်နေတဲ့သူတွေကို မယုံကြည်ဘူး ဖြစ်နေတယ်။ ဘယ်သူ့ကို မယုံကြည်တာလဲဆိုတာ မသိဘူး။ ဥပမာ - ရဲတပ်ဖွဲ့ဝင်လား၊ တပ်မတော်လား ဆိုတာကိုပေါ့။ ဒါကြောင့် ဒေသမှာရှိတဲ့သူတွေကလည်း လုံခြုံရေးလုပ်ဖို့ ကိုယ့်ဟာကိုယ် ကင်းစောင့်၊ လုပ်ငန်းခွင်သွားရင်လည်း လုပ်ငန်းခွင်မှာ ကင်းစောင့်မယ်ဆိုရင်ရော ဒါမျိုးအထိ ခွင့်ပြုနိုင်မှာလားဆိုတာကို ကျွန်တော်တို့ဘက်က ဆွေးနွေးဖြစ်ခဲ့ပါတယ်။

Tomorrow  ။   ။ လက်ရှိ ရခိုင်ပြည်မှာဖြစ်နေတဲ့ ပြဿနာတွေနဲ့ ပတ်သက်ပြီး ရခိုင်အမျိုးသားပါတီအနေနဲ့ လက်ရှိအစိုးရနဲ့ တပ်မတော်တို့ကို ပြောဆိုရာမှာ ဘယ်သူကပိုပြီး အဆင်ပြေသလဲ။
အေး ။    ။ ဒါကတော့ လက်ရှိအစိုးရအုပ်ချုပ်တဲ့ တစ်နှစ်ခွဲကျော်ကာလမှာ အစိုးရနဲ့ သိပ်အဆင်မပြေပါဘူး။ သူက ရွေးကောက်ပွဲမတိုင်ခင်တုန်းက အပြောကတော့ သိပ်ကြီးတာ။ ရွေးကောက်ပွဲပြီးတဲ့အခါမှာ ဒီမိုကရေစီသဘောထားတွေရော ဘယ်ရောက်သွားမှန်းမသိတော့ဘူး။ ဖွဲ့စည်းပုံအခြေခံဥပဒေကိုလည်း မကြိုက်ဘူးလို့လည်း သူတို့ပြောပါတယ်။ ပြီးတော့ ဒီဥပဒေကိုပဲ အခြေခံပြီးတော့ ပြည်နယ်အစိုးရဖွဲ့တာ ကိုလည်း သူတို့ဘာ သူတို့လုပ်သွားတာပဲ။ လက်ရှိ ပြည်ထောင် စုလွှတ်တော်မှာလည်း အခုအချိန်ထိ ဘာမှန်းမသိဘဲနဲ့ ရမ်းသန်းပြီး ဒန်းစီးနေတာပဲ တွေ့နေရတယ်။ ဒါကြောင့်အားမရဘူး။ လက်ရှိအစိုးရကို ကျွန်တော်ပြောခဲ့တဲ့ ဇွန် ၂၉ ရက် နေ့မှာဖြစ်တဲ့ သတ်ခံရတဲ့ကိစ္စဆိုရင် စာပြန်ပြင်ရတာနဲ့ ပြန်တင်ရတာနဲ့ဆိုရင် ဇူလိုင်တစ်လလုံး ဘာမှဖြစ်မလာဘူး။ သြဂုတ် ၃ ရက်မှာ တစ်ခါထပ် အသတ်ခံရတယ်။ အဲဒီမှာ ကျွန်တော်တို့ ဘာလုပ်ရမှာလဲ။ လွှတ်တော်ကို အားကိုးလို့မရဘူး။ ပြည်ထောင်စုအစိုးရကို တင်လို့လည်း မရဘူး။ ဒါကြောင့် ကျွန်တော်တို့အမြန်ဆုံးနဲ့ အထိရောက်ဆုံးဖြစ်မယ့်လမ်းကြောင်းကို ရွေးချယ်ခဲ့တယ်။ ဒါကြောင့် မြန်မာနိုင်ငံမှာ ကာကွယ်ရေးနဲ့ လုံခြုံရေးကို ဆောင်ရွက်နေတဲ့ ကာကွယ်ရေးဦးစီးချုပ်နဲ့တွေ့ဖို့ ဆုံးဖြတ်လိုက်တဲ့အပေါ်မှာ ချက်ခြင်းပဲ တွေ့ဆုံပြီး ရခိုင်ဒေသကို လုံခြုံရေးဆောင်ရွက်ပေးခဲ့တယ်။ ဒါကို ကြည့်ခြင်းအားဖြင့်  ဘယ်သူက ရခိုင်ပြည်နယ်လုံခြုံရေးနဲ့ ပတ်သက်ပြီး ပိုပြီးအဆင်ပြေလဲဆိုတာ ပြောပြစရာတောင် မလိုတော့ပါဘူး။ စဉ်းစားကြည့်ရင် အဖြေရပါတယ်။

Tomorrow  ။   ။ လက်ရှိ တပ်မတော်ကာကွယ်ရေးဦးစီးချုပ်နဲ့ အန်ကယ်တို့ ANP အဖွဲ့တွေ တွေ့ပြီးတဲ့နောက်ရက်မှာပဲ ရခိုင်ပြည်နယ်ကို စစ်တပ်နှစ်တပ် ပို့လိုက်တယ်။ အဲ့ဒီအပေါ်မှာရော အန်ကယ့်အနေနဲ့ ဘာများပြောချင်ပါသလဲ။
အေး ။   ။ ကျွန်တော်တို့ လိုချင်တာက အချုပ်အခြာ အာဏာတည်တံ့ခိုင်မြဲရေး၊ တခြားနိုင်ငံကနေ အထောက်အပံ့တွေနဲ့ ကျွန်တော်တို့ဆီလာပြီး အကြမ်းဖက်နယ်မြေလုနေတာတွေကို ကျွန်တော်တို့က ကိုယ့်နယ်မြေတစ်လက်မမှ မပါနိုင်အောင်၊ တိုင်းရင်းသားလက်နက်ကိုင်အဖွဲ့တွေမှာလည်း တာဝန်ရှိသလို အစိုးရတပ်မတော်မှာလည်း တာဝန်ရှိပါတယ်။ ဒါကြောင့် အခုကိစ္စမှာလည်း ရခိုင်ပြည်နယ်ရဲ့လုံခြုံရေးကို အရေးတကြီးဆောင်ရွက်ပေးတဲ့ တပ်မတော်ကို ကျွန်တော်တို့အနေနဲ့ အထူးကျေးဇူးတင်ပါတယ်။ အဲ့ဒီလိုပဲ ကျွန်တော်တို့ရခိုင်မှာရှိတဲ့ ဒေသခံရခိုင်လူမျိုးတွေ၊ ရခိုင်မျိုးနွယ်စုဝင်တွေ၊ ရခိုင်လက်နက်ကိုင်အဖွဲ့တွေက လည်း ကျွန်တော်လိုပဲ ကျေးဇူးတင်ကြမှာပါ။
Tomorrow  ။   ။ အခုလို ဖြေကြားပေးတဲ့ အန်ကယ်ကို ကျေးဇူးတင်ပါတယ်။
အေး ။     ။ ကျွန်တော်က ပြန်ပြီး ကျေးဇူးတင်ပါတယ်။
ဆက်သွယ်မေးမြန်းသူ - ပိုင်လေး

Category: 

Share