သရက်သီးသနပ်အနံ့နှင့်ကွန်ဒုံး လူကြိုက်များ

အိန်္ဒိယကုမ္ပဏီတစ်ခုက သရက်သီးသနပ် (ကုလားဒယ်)အနံ့ အရသာရှိသည့် ကွန်ဒုံးကို စတင်ထုတ်လုပ်လိုက် သည်။

“လွန်စွာအိန်္ဒိယဆန်ပြီး စူးစူးရှရှ မချင့်မရဲဖြစ်စေသည့် အနံ့အရသာရှိသော ကွန်ဒုံးက သင်၏ ချစ်ဗျူဟာ ခင်းခြင်းကို ဆန်းကြယ်စွာ လိင်ဆွဲဆောင်မှုရှိစေမည်ဟူ၍ ယင်းကိုထုတ်လုပ်သော Manforce ကုမ္ပဏီက ထုတ်ကုန်အသစ်ကို ကြော်ငြာလိုက်ရာ လူမှုကွန်ရက်တွင် အထူးကြိုက်နှစ်သက်သူများပြားလျက်ရှိကြောင်း သိရသည်။

သို့ရာတွင် ယင်းထက်ထူးခြားဆန်းသစ်သော အနံ့အရသာရှိသည့် ကွန်ဒုံးများထုတ်လုပ်ပေးရန် တောင်းဆိုကြသူများလည်းရှိသည်ဆို၏။

အာဂျေးဆိုသူအမျိုးသားတစ်ဦးက “ကျွန်တော်နဲ့ ကျွန်တော့်ကောင်မလေးဟာ ဆန်ပြုတ်ကို အရမ်းကြိုက်ကြ ပါတယ်။ ဒီတော့ ဆန်ပြုတ်အနံ့အရသာရှိတဲ့ ကွန်ဒုံးလေးအသစ်လုပ်ပေးနိုင်မလား”ဟုလည်းကောင်း၊ ရပ်ဂ်ျဂို့ရ်ှဆိုသူက “မနက်ပိုင်းလှုပ်ရှားဖို့အတွက် လက်ဖက်ရည်အနံ့အရသာ ကွန်ဒုံးလေးလုပ်ပေးရင် ပိုကောင်းမလားလို့”ဟူ၍လည်းကောင်း၊ ဆနူးဆိုသူက “ဒန်ပေါက်အနံ့အရသာ ကွန်ဒုံးလေးကို စောင့်နေတယ်ဗျို့”ဟူ၍လည်းကောင်း အမျိုးမျိုးအဖုံဖုံ တောင်းဆိုကြသူများရှိသည်ဟု Monforce ကုမ္ပဏီမှ တာဝန်ရှိသူက ပြောသည်။

 

Category: 

Share