ရခိုင်ပြည်နယ်အရေးသည် လ၀ကပြဿနာဖြစ်ပြီး ခိုးဝင်သည့်အတိုင်း ကိုင်တွယ်ရန်လိုဟု ဦးသိန်းညွန့်ပြော

ရခိုင်ပြည်နယ်အရေး သည် လ၀ကပြဿနာဖြစ်ပြီး ခိုးဝင်ဘင်္ဂါလီများကို ခိုးဝင်သည့်အတိုင်း ကိုင်တွယ်ရန် အမျိုးသားဒီမိုကရေစီပါတီသစ်ဥက္ကဋ္ဌဦးသိန်းညွန့်က သြဂုတ်လ ၂၆ ရက်က ပြောကြားလိုက်သည်။

“အရင်ဆုံးပြောရရင် ရခိုင်ပြည်နယ်အရေးမှာ အမြင်က အရေးကြီးတယ်။ ပြဿနာက လ၀ကပြဿနာ ဖြစ်တယ်။ တစ်ဖက်နိုင်ငံက သူတို့ဆီမှာ လူဦးရေ ပေါက်ဖွားမှုများလာလို့ နယ်မြေကျဉ်းပြီး ရခိုင်ပြည်နယ်ကို ခိုးဝင်လာတာဖြစ်တယ်။ ကျူးကျော်လာတာဖြစ်တယ်။ ခိုးဝင်လာတဲ့ သူတွေကို ခိုးဝင်လာတဲ့သူတွေ ကိုင်တွယ်တဲ့အတိုင်း ကိုင်တွယ်ရမှာဖြစ်တယ်”ဟု ၄င်းက ပြောကြားခဲ့သည်။

အမျိုးသားဒီမိုကရေစီ ပါတီသစ်၏ ဥက္ကဋ္ဌဖြစ်သူ ဦးသိန်းညွန့်သည် ယခင်အမျိုးသားဒီမိုကရေစီအဖွဲ့ချုပ် ဥပဒေအထောက်အကူပြုအဖွဲ့တွင် ပါဝင်ဆောင်ရွက်ခဲ့သူလည်းဖြစ်သည်။

ပြီးခဲ့သည့် ပြည်သူ့လွှတ်တော်အစည်းအဝေးတွင် ပြည်သူ့လွှတ်တော် ကိုယ်စားလှယ် ဒေါ်ခင်စောဝေ၏ ရခိုင်ပြည်နယ်၊ မြောက်ပိုင်းဒေသ မောင်တော၊ ဘူးသီးတောင်နှင့် ရသေ့တောင် မြို့နယ်များတွင် ဖြစ်ပေါ်လျက် ရှိသော ဘင်္ဂါလီလူမျိုးအစွန်းရောက် အဖွဲ့အစည်းများ၏ ရာဇ၀တ်မှုများ ကျူးလွန်နေကြခြင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ နယ်မြေတည်တံ့ခိုင်မြဲရေးနှင့် အသက်အိုးအိမ်လုံခြုံရေးတို့ကို များစွာ ထိပါး နှောင့်ယှက်လာသည်ဖြစ်၍ ဒေသတွင်း ပိုမိုကောင်းမွန်သည့် အုပ်ချုပ်ရေး၊ လုံခြုံရေး အစီအမံများ ချမှတ်ကာ အမြန်ဆုံး အကောင်အထည်ဖော်ဆောင်ရွက်ရန် နိုင်ငံတော်အစိုးရအား တိုက်တွန်းကြောင်း အဆိုကို သြဂုတ် ၂၄ ရက် လွှတ်တော်အစည်းအဝေးတွင် ကိုယ်စားလှယ် ၁၂ ဦးက ဆွေးနွေးခဲ့ရာ ယင်းအဆိုအပေါ် ပျော်ဘွယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသောင်းအေးက ကာလုံအစည်းအဝေး ခေါ်ယူကာ ဆွေးနွေးရန် ထောက်ပြဆွေးနွေးခဲ့ခြင်းအား လွှတ်တော်ဥက္ကဋ္ဌက ရုပ်သိမ်းလိုက်ကြောင်း ကြေညာခဲ့သည်။

မင်းသီဟန်

Category: 

Share