နိုင်ငံနှင့် ပြည်သူနစ်နာခဲ့ရသော ဘင်္ဂါလီအကြမ်းဖက်မှုများ - ကိုလူသစ်

ရခိုင်ပြည်နယ် မြောက်ပိုင်းရှိ မောင်တောခရိုင်၊ ကိုင်းကြီးကျေးရွာဒေသခံ မြိုတိုင်းရင်းသား ခြောက်ဦးအား ဘင်္ဂါလီအကြမ်းဖက်သမားက အကြမ်းဖက်သတ်ဖြတ်မှုများ ပြုလုပ်ခဲ့ပြီး နောက်ပိုင်းတွင် နိုင်ငံတော်သမ္မတက ဖွဲ့စည်းပေးထားသည့် မောင်တောဒေသ စုံစမ်းစစ်ဆေးရေးကော်မရှင်က မောင်တောဒေသ အခြေအနေများအား နိုင်ငံတော်သမ္မတထံသို့ အစီရင်ခံစာတင်သွင်းမှုများ ပြုလုပ်ခဲ့သည်။

ထို့အပြင် လွှတ်တော်ကိုယ်စားလှယ်များကလည်း နိုင်ငံတော်အနေဖြင့် ၄င်းဘင်္ဂါလီအကြမ်းဖက်အဖွဲ့အား အကြမ်းဖက်အဖွဲ့အဖြစ် သတ်မှတ်ပေးရန်နှင့် ၄င်းအကြမ်းဖက်အဖွဲ့တွင် ပါဝင်သူများအား အကြမ်ဖက်မှု တိုက်ဖျက်ရေးဥပဒေအရ အရေးယူပေးရန် အမျိုးသားလွှတ်တော်နှင့် ပြည်သူ့လွှတ်တော်တို့တွင် အဆိုတင်သွင်းမှုများ ပြုလုပ်ခဲ့ပြီးနောက် ပြီးခဲ့သည့် သြဂုတ် ၂၄ ရက်တွင် မစ္စတာကိုဖီအာနန်ဥက္ကဋ္ဌအဖြစ် ဦးဆောင်သည့် ရခိုင်ပြည်နယ် အကြံပေးကော်မရှင်၏ အပြီးသတ်အစီရင်ခံစာအား နိုင်ငံတော်သမ္မတထံ တင်သွင်းမှုများ ပြုလုပ်ခဲ့ရာ မောင်တောဒေသတွင် ထပ်မံအကြမ်းဖက် တိုက်ခိုက်မှုများ ပြုလုပ်လာနိုင်ဖွယ်ရှိသည်ဆိုသည့် ကော်မရှင်၏ အစီရင်ခံစာပါ ထည့်သွင်းဖော်ပြမှုများနည်းတူ သြဂုတ် ၂၅ ရက်တွင် မောင်တောဒေသ၌ အကြမ်းဖက်တိုက်ခိုက်မှုများ ထပ်မံ ဖြစ်ပွားလာခဲ့သည်။

မောင်တောခရိုင်ရှိ ရဲကင်းစခန်း ၃၀ ကို တစ်ပြိုင်တည်း အကြမ်းဖက်တိုက်ခိုက်
ရခိုင်ပြည်နယ်၊ မောင်တောခရိုင်တွင် ပြီးခဲ့သည့် သြဂုတ် ၂၅ ရက်က ဘင်္ဂါလီအကြမ်းဖက်သမားများက ရဲကင်းစခန်း ၃၀ ကို အကြမ်းဖက် ၀င်ရောက် တိုက်ခိုက်မှုများ ပြုလုပ်ခဲ့ကြောင်းသိရသည်။

ယင်းသို့ ရဲကင်းစခန်းများ လာရောက်တိုက်ခိုက်မှုများတွင် နံနက် ၀၀း၅၀ နာရီအချိန်ခန့်တွင် နယ်မြေ (၇) ရှိ ပဒင်းခေါင်းတကာ ရဲကင်းစခန်းအားလည်းကောင်း၊ နယ်မြေ (၆) ရှိ မောင်းနီ ရဲကင်းစခန်းအား နံနက် ၁ နာရီတွင်လည်းကောင်း၊ နယ်မြေ (၇) ရှိ ပညောင်ပင်ကြီး ရဲကင်းစခန်းအား နံနက် ၁ နာရီ မိနစ် ၂၀ အချိန်တွင်  လည်းကောင်း ဘင်္ဂါလီအကြမ်းဖက်သမားများက လာရောက်ဝိုင်းဝန်းကာ သေနတ်ဖြင့် ပစ်ခတ်တိုက်ခိုက်မှုများ ပြုလုပ်ခဲ့ပြီး နယ်မြေ (၅) ရှိ လောင်းဒုံစခန်းအား ဘင်္ဂါလီအကြမ်းဖက်သမားများက နံနက် ၃ နာရီ၊ ၂၅ မိနစ် အချိန်တွင် လာရောက်ပစ်ခတ်တိုက်ခိုက်ခဲ့မှုကြောင့် လုံခြုံရေး ရဲတပ်ဖွဲ့များက ပြန်လည်ပစ်ခတ် တိုက်ခဲ့ရသည့်အပြင် နယ်မြေ (၄) ရှိ နတ်ချောင်းရဲကင်းစခန်းကိုလည်း အကြမ်းဖက်တိုက်ခိုက်မှုများ ပြုလုပ်ခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ၏ သတင်းထုတ်ပြန်ချက်များအရ သိရသည်။

ထို့အပြင် ဘင်္ဂါလီအကြမ်းဖက်သမားများသည် နယ်မြေ (၃) ရှိ နံ့သာတောင်စခန်းအား နံနက် ၃ နာရီ ၃၅ မိနစ်တွင်လည်းကောင်း၊ နယ်မြေ (၁၀) ရှိ တောင်ဘဇာ ရဲကင်းစခန်းအား နံနက် ၃ နာရီ မိနစ် ၄၀ တွင် လည်းကောင်း၊ နယ်မြေ (၃) ရှိ သင်္ဘောကွေ့စခန်းအား နံနက် ၃ နာရီ ၄၅ မိနစ်တွင်လည်းကောင်း၊ နယ်မြေ (၇) ရှိ ရွှေရင်အေးစခန်းအား နံနက် ၄ နာရီတွင် လူအုပ်ဖြင့်လည်းကောင်း၊ နယ်မြေ (၈) ရှိ ချိန်ခါလီစခန်းအား နံနက် ၄ နာရီတွင်လည်းကောင်း၊ နံနက် ၄ နာရီ ၅ မိနစ်တွင် နယ်မြေ (၆) ရှိ သီဟိုဠ်ကင်းစခန်းအား လည်းကောင်း၊ နံနက် ၄ နာရီ ၁၀ မိနစ်တွင် နယ်မြေ (၆) ရှိ ဇင်ပိုင်ညာ စခန်းအားလည်းကောင်း၊ နံနက် ၄ နာရီ၊ မိနစ် ၂၀ တွင် နယ်မြေ (၃) ရှိ မီးတိုက်ချောင်းဝ ကင်းစခန်းအားလည်းကောင်း၊ နံနက် ၄ နာရီ ၂၅ မိနစ်တွင် နယ်မြေ (၁၀) ရှိ ဖောင်တော်ပြင်စခန်းနှင့် နံနက် ၄ နာရီခွဲတွင် နယ်မြေ (၂) ရှိ တမန်းသား စခန်းအား လည်းကောင်း၊ နံနက် ၄ နာရီခွဲတွင် နယ်မြေ (၄) ရှိ ဇီးပင်ချောင်းစခန်းအား လည်းကောင်း၊ နံနက် ၄ နာရီ ၄၅ မိနစ်တွင် နယ်မြေ (၈) ရှိ မြင်းလွတ်စခန်းတို့အား အလစ်အငိုက် ၀င်ရောက်တိုက်ခိုက်များ ပြုလုပ်ခဲ့ကြောင်း သိရသည်။

ထို့နောက် ဘင်္ဂါလီအကြမ်းဖက်သမားများသည် နံနက် ၄ နာရီ ၅၀ မိနစ်တွင် နယ်မြေ (၈) ရှိ အလယ်သံကျော်စခန်းအားလည်းကောင်း၊ နံနက် ၄ နာရီ မိနစ် ၅၀ တွင် နယ်မြေ (၉) ရှိ သ၀န်ချောင်း စခန်းအားလည်းကောင်း၊ နံနက် ၄ နာရီ မိနစ် ၅၀ တွင် နယ်မြေ (၉) ရှိ ကိုးတန်ကောက်စခန်းအား လည်းကောင်း၊ နံနက် ၅ နာရီ ၁၀ မိနစ်တွင် နယ်မြေ (၈) ရှိ ဥဒေါင်း (နတလ) စခန်းအားလည်းကောင်း၊ နံနက် ၅ နာရီ ၁၅ မိနစ်တွင် နယ်မြေ (၇) ရှိ သရေကုန်းဘောင်ကင်းစခန်းနှင့်၊ နံနက် ၅ နာရီ ၂၅ မိနစ် တွင် နယ်မြေ (၃) ရှိ ကျီးကန်းကင်းစခန်း၊ နံနက် ၇ နာရီ ၂၅ မိနစ် တွင် နယ်မြေ (၈) ရှိ နှာခေါင်းတို ချောင်းဝကင်းစခန်း၊ နံနက် ၇ နာရီ ၃၅ မိနစ်တွင် နယ်မြေ (၆) ရှိ ကျောက်ပြင်ဆိပ် ကင်းစခန်းတို့အား တစ်ပြိုင်နက် လာရောက် တိုက်ခိုက်မှုများ ပြုလုပ်ခဲ့သည့်အပြင် ရပ်ကွက် (၅) ရဲကင်းစခန်း၊ ရွာသစ်ကေ ရဲကင်းစခန်း၊ မြို့ဝင်ရဲကင်းစခန်း၊ နတလရဲကင်းတို့အား တိုက်ခိုက်မှုများ ပြုလုပ်ခဲ့ကြောင်းလည်း နိုင်ငံတော်အတိုင်ပင်ခံရုံး သတင်း ထုတ်ပြန်မှုများအရ သိရသည်။

ထို့အပြင် ဘင်္ဂါလီအကြမ်းဖက်သမားများသည် သြဂုတ် ၂၅ ရက်၊ နံနက် ၃ နာရီခန့်အချိန်တွင် ဘူးသီးတောင်မြို့နယ်၊ တောင်ဘဇာကျေးရွာရှိ နယ်မြေခံတပ်ဌာနချုပ်အား အင်အား ၁၅၀ ခန့်ဖြင့် နှစ်ဖွဲ့ခွဲကာ ၀င်ရောက်တိုက်ခိုက်မှုများ ပြုလုပ်ခဲ့ကြောင်းလည်း သိရသည်။

ဘင်္ဂါလီအကြမ်းဖက်သမားကြောင့် လုံခြုံရေးတပ်ဖွဲ့ဝင် ၁၁ ဦးနှင့် ဒုလ၀ကမှူးတစ်ဦး သေဆုံး
ထိုသို့ ရဲကင်းစခန်းများအား ဘင်္ဂါလီအကြမ်းဖက်သမားများက သေနတ်ဖြင့် လာရောက်ပစ်ခတ် တိုက်ခိုက်ခဲ့မှုကြောင့် နံ့သာတောင်စခန်းမှ ရဲတပ်သား ညီညီလွင်၊ မီးတိုက်ချောင်းဝကင်းစခန်းအတွင်း ထိဝင်ရောက်ကာ ဓားဖြင့် ၀ိုင်းဝန်းတိုက်ခိုက်မှုကြောင့် ရဲတပ်ကြပ်ရဲမြင့်နှင့် ရဲဒုတပ်ကြပ်သက်နိုင်ထွန်းနှင့် ဇီးပင်ချောင်းစခန်းမှ ရဲတပ်သား မင်းသူရနိုင်တို့ကျဆုံးခဲ့၊ နယ်မြေ (၈)ရှိ မြင်းလွတ်စခန်းမှ ရဲမှူး ဟိန်းထက်ကျော်၊ ရဲတပ်သားဝင်းထိုက်တို့အပြင် အလယ်သံကျော်စခန်းမှ ဒုလ၀ကမှူး ဇာမောင်၊ ဖောင်တော်ပြင်စခန်းမှ ဒုရဲအုပ်အောင်မြင့်ဦး၊ ဒုတပ်ကြပ်စိုးဝင်း အပါအ၀င် တပ်မတော်သားတစ်ဦး၊ ရဲတပ်ဖွဲ့ဝင် ၁၀ ဦးနှင့် ဒုလ၀ကမှူး တစ်ဦးကျဆုံးခဲ့ပြီး တပ်ဖွဲ့ဝင် ၁၁ ဦး ဒဏ်ရာရရှိကာ သုံးဦးမှာ စိုးရိမ်ရကြောင်းနှင့် ဘူးသီးတောင်မြို့နယ်၊ ဖောင်တော်ပြင်ကင်းစခန်းရှိ ကျေးလက်ကျန်းမာရေးဦးစီးဌာန ၀န်ထမ်း ဦးကျော်မျိုးအောင်တို့ ဒဏ်ရာရရှိခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ၏ သတင်းထုတ်ပြန်ချက်အရ သိရသည်။

ယင်းအကြမ်းဖက်မှုတွင် ဘင်္ဂါလီအကြမ်းဖက်သမား အလောင်း ၅၉ လောင်းရရှိခဲ့ပြီး တစ်ဦး အရှင် ဖမ်းမိခဲ့ကြောင်းလည်း သတင်းထုတ်ပြန်ချက်များအရ သိရသည်။

ထိုသို့ အကြမ်းဖက်တိုက်ခိုက်မှုများကြောင့် မောင်တောမြို့နယ်၊ ဘူးသီးတောင်မြို့နယ်နှင့် ရသေ့တောင်မြို့နယ်တို့ရှိ ဌာနဆိုင်ရာရုံးများ၊ ဘဏ်များ၊ ကျောင်းများနှင့် မြို့မဈေးကြီးအပြင် ဈေးဆိုင်များ ပိတ်ခဲ့ရကြောင်းလည်း မောင်တောဒေသခံများက ဆိုသည်။

“အခု ကျောင်းတွေရော၊ ရုံးတွေရော၊ ဈေးတွေရော အကုန်လုံးပိတ်ထားတယ်။ မနက်ဈေးဖွင့်တဲ့ အချိန်ကတော့ အလုအယက် ၀ယ်လိုက်ရသေးတယ်။ အခုတော့ ဘယ်ဆိုင်မှ မဖွင့်တော့ဘူး။ အားလုံးက ကြောက်နေကြတယ်” ဟု မောင်တောဒေသခံတစ်ဦးက ပြောကြားသည်။

ထို့နောက် မွန်းလွဲ ၁ နာရီအချိန်တွင် ရသေ့တောင်မြို့နယ်ရှိ ချိန်ခါလီဘင်္ဂါလီကျေးရွာတွင် နေထိုင်ကြသည့် ဘင်္ဂါလီများက ၄င်းတို့၏နေအိမ်များအား မီးရှို့ဖျက်ဆီးမှုများ ပြုလုပ်ပြီး မြစ်နားဘင်္ဂါလီကျေးရွာနှင့် မေယုတောင်ကြောဘက်သို့ တက်သွားကြောင်းနှင့် စေတီပြင်ဘင်္ဂါလီကျေးရွာနေ ဘင်္ဂါလီများကလည်း ၄င်းတို့၏ နေအိမ်များအား မီးရှို့ဖျက်ဆီးမှုများ ပြုလုပ်ခဲ့ကြောင်းလည်း သိရသည်။

ထို့ပြင် ဘင်္ဂါလီအကြမ်းဖက်သမားများသည် ရဲကင်းစခန်းများအား ၀င်ရောက်တိုက်ခိုက်မှုများ ပြုလုပ်ခဲ့သည့်အပြင် ယာဉ်ထိန်းရဲရုံးနှင့် မူးယစ်ရဲတပ်ဖွဲ့ရုံးများအား ဓာတ်ဆီပုလင်း(လက်လုပ်ဗုံး)များ အသုံးပြုကာ တိုက်ခိုက်မှုကြောင့် ယာဉ်ထိန်းရဲရုံးအရှေ့ မြက်ခင်းပြင် မီးလောင်မှုများဖြစ်ပွားခဲ့ပြီး ကျောက်ပန္တုရွာ အနီးရှိ အရှည် ၈ ပေ၊ အကျယ် ၁၀ ပေရှိ ကွန်ကရစ်တံတားဟောင်းအား မိုင်းခွဲဖျက်ဆီးမှုများ ပြုလုပ်ခဲ့ကြောင်း လည်း သိရသည်။

ဘုန်းကြီးကျောင်းတွင် ခိုလှုံ
“မောင်တောမြို့ပေါ်က ဘုန်းကြီးကျောင်းမှာ ဒေသခံအချို့ခိုလှုံနေကြတယ်။ မနေ့က (၂၅ ရက်) က စပြီး ခိုလှုံတာပေါ့။ စုစုပေါင်းဆိုရင် ၃၀၀ လောက်ရှိတယ်” ဟု မောင်တောမဲဆန္ဒနယ်မှ ပြည်နယ် လွှတ်တော်ကိုယ်စားလှယ် ဦးကျော်ကျော်ဝင်းက ပြောသည်။

ထိုသို့ ဘင်္ဂါလီအကြမ်းဖက်သမားများ၏ အကြမ်းဖက်တိုက်ခိုက်မှုကြောင့် မောင်တောမြို့နယ်၊ ခမောင်းဆိပ်မြို့ရှိ ထွေ/အုပ်ဝန်ထမ်း ခြောက်ဦးနှင့် ပညာရေးဝန်ထမ်း ၁၀ ဦးတို့အား မင်းခမောင်းတိုင်းရင်းသားကျေးရွာသို့ လည်းကောင်း၊ တောင်ပြိုလက်ဝဲမြို့နယ်ရှိ ထွေအုပ်ဝန်ထမ်း ၁၁ ဦးနှင့် မိသားစုဝင်ငါးဦး၊ နလတ၀န်ထမ်း  တစ်ဦးနှင့် မိသားစုဝင်ခုနစ်ဦး၊ လမ်းဦးစီးဝန်ထမ်းနှစ်ဦးတို့အား နယ်ခြားစောင့်ရဲတပ်ရင်း၊ နယ်မြေ (၁) ရဲစခန်းသို့ လည်းကောင်း၊ မြင်းလွတ်မြို့ရှိ ထွေအုပ်ဝန်ထမ်း ၁၇ ဦးအား မောင်တောထွေအုပ်ရုံးနှင့် ပညာရေးဝန်ထမ်း ၁၂ ဦးအား မောရ၀တီစခန်းသို့ လုံခြုံရေး အစောင့်အရှောက်ဖြင့် ပြောင်းရွှေ့မှုများ ပြုလုပ်ပေးနေရသည်။ နံ့သာ တောင်ပရဟိတကျောင်းမှ ကလေးများ၊ အမျိုးသမီးများနှင့် ကျေးရွာသား စုစုပေါင်း ၄၀၀ တို့အား တောင်ပြိုအထက်တန်းကျောင်းသို့လည်းကောင်း ပြောင်းရွှေ့ပေးခဲ့ရကြောင်း သိရသည်။

ထို့ပြင် အောင်ဗလကျေးရွာမှ ဒေသခံ ၁၅၀ ဦးအား သာသနာ့ဗိမာန်ကြီးသို့လည်းကောင်း၊ တောင်ဘဇာ ကျေးရွာနှင့် ပီရွက်ကျေးရွာမှ ဒေသခံများနှင့် ဌာနဆိုင်ရာ ၀န်ထမ်းများအား တပ်မတော် ၅၅၂ တပ်ရင်းသို့ ပြောင်းရွှေ့ပေးခဲ့ရကြောင်းလည်း သိရသည်။

ထို့အပြင် ယင်းနေ့မွန်းလွဲ ၁ နာရီခွဲခန့်အချိန်တွင် နယ်မြေစိုးမိုးရေးဆောင်ရွက်နေသည့် လုံခြုံရေးတပ်ဖွဲ့ဝင်များ စီးလာသော မော်တော်ယာဉ်သုံးစီးအား နယ်မြေ ၆ အတွင်းရှိ မောင်နှမကျေးရွာ၊ ရွာလယ်လမ်းမပေါ် အရောက်၌ အကြမ်းဖက်သမားများက ရှော့တိုက်မိုင်းဖြင့် ဖောက်ခွဲမှုများပြုလုပ်ခဲ့ပြီး လုပ်သေနတ်များဖြင့် ပစ်ခတ်တိုက်ခိုက်သဖြင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်ခဲ့ပြီး အနီးဝန်းကျင်နေရာများအား ရှင်းလင်းရာ ပြောင်းဝကျယ် လုပ်သေနတ်တစ်လက်နှင့် အနီ၊ အနက် ၀ါယာကြိုးနှင့် ဘက်ထရီအိုးအသေး တစ်လုံးတို့ကိုလည်း သိမ်းဆည်းရမိခဲ့ကြောင်း သိရသည်။

ညမထွက်ရအမိန့်ထုတ်ပြန်
ထိုသို့ ဘင်္ဂါလီအကြမ်းဖက်မှုကြောင့် သြဂုတ်လ ၂၅ ရက်၊ ညနေပိုင်းတွင် မောင်တောခရိုင်အား နံနက် ၆ နာရီမှ ညနေ ၆ နာရီအထိ ညမထွက်ရအမိန့် ပုဒ်မ ၁၄၄ ကို ထုတ်ပြန်ခဲ့သည့်အပြင် အများပြည်သူသွားရာ လမ်းမကြီး၊ လမ်းသွယ်၊ လမ်းကြား၊ ဥယျာဉ်နှင့် အများပြည်သူနှင့် သက်ဆိုင်သော နေရာများတွင် ငါးဦးထက်ပို၍ လူမစုရန် မောင်တောခရိုင် အထွေထွေအုပ်ချုပ်ရေးမှူးက လက်မှတ်ထိုးကာ ထုတ်ပြန်ခဲ့ကြောင်းလည်း သိရသည်။

အကြမ်းဖက်မှုကို ရှုတ်ချ
ထိုသို့ အကြမ်းဖက်တိုက်ခိုက်မှုများအား ပြင်းထန်စွာရှုတ်ချကြောင်းကို  ကုလသမဂ္ဂအဖွဲ့၊ အမေရိကန်သံရုံးနှင့် ဗြိတိသျှသံရုံးတို့က အသီးသီး ထုတ်ပြန်ခဲ့သည့်အပြင် ရခိုင်ပြည်နယ်ဆိုင်ရာ အကြံပေးကော်မရှင်အဖွဲ့ဥက္ကဋ္ဌ ကိုဖီအာနန်ကလည်း ယင်းတိုက်ခိုက်မှုနှင့် ပတ်သက်၍ အထူးစိုးရိမ်ကြောင်းနှင့် ပြင်းထန်စွာ ရှုတ်ချကြောင်း၊ လုံခြုံရေးတပ်ဖွဲ့ဝင်များ အသက်ဆုံးရှုံးခဲ့ရကြောင်း ကြားသိခဲ့ရသည့်အပေါ် ၀မ်းနည်းကြောင်း ထုတ်ပြန်ချက်ကိုလည်း ထုတ်ပြန်ခဲ့ကြောင်း သိရသည်။

ထိုသို့ အကြမ်းဖက်မှုများ ဖြစ်ပွားနေသည့်အပေါ် မြန်မာနိုင်ငံအနေဖြင့် နိုင်ငံတော်အကြီးအကဲများ ကိုယ်တိုင် ကြီးကြပ်ဆောင်ရွက်မှုများပြုလုပ်လျက်ရှိကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ၏ သတင်းထုတ်ပြန်မှုများအရ သိရသည်။

အကြမ်းဖက်မှုကို ကိုင်တွယ်
ထို့ပြင် ရခိုင်ပြည်နယ်၊ မောင်တောခရိုင်အတွင်း အကြမ်းဖက်တိုက်ခိုက်မှုများနှင့် ပတ်သက်၍ နေပြည်တော်ရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (နေပြည်တော်)၌ နိုင်ငံတော်အတိုင်ပင်ခံပုဂိ်္ဂုလ် ဒေါ်အောင်ဆန်းစုကြည်က ပြည်ထဲရေးဝန်ကြီးဌာန ကာကွယ်ရေးဝန်ကြီးဌာန၊ နယ်စပ်ရေးရာဝန်ကြီးဌာနနှင့် နိုင်ငံတော်အတိုင်ပင်ခံရုံး ၀န်ကြီးဌာနတို့မှ ပြည်ထောင်စုဝန်ကြီးများအပြင် အမျိုးသားလုံခြုံရေးဆိုင်ရာ အကြံပေးပုဂိ်္ဂုလ်၊ နိုင်ငံတော်သမ္မတရုံးဝန်ကြီးဌာန ဒုတိယ၀န်ကြီးတို့ ပါဝင်သည့် အစည်းအဝေးတစ်ရပ်ကို သြဂုတ် ၂၅ ရက် ညနေ ၃ နာရီခွဲအချိန်တွင် ခေါ်ယူကျင်းပခဲ့ကြောင်း သိရသည်။

ထို့ပြင် နိုင်ငံတော်သမ္မတရုံးအနေဖြင့် တပ်မတော်ကာကွယ်ရေး ဦးစီးချုပ်ရုံး (ကြည်း)နှင့် ဆက်သွယ်ကာ ရခိုင်ပြည်နယ်အရေးနှင့် ပတ်သက်၍ လိုအပ်သည့် လုံခြုံရေးတပ်များ ထပ်မံဖြည့်တင်းရေး၊  ရဟတ်ယာဉ်များအား သုံးစွဲရေးတို့ကို ညှိနှိုင်းဆောင်ရွက်မှုများ ပြုလုပ်ခဲ့ကြောင်းလည်း သိရသည်။

ထို့နောက် ယင်းနေ့ ည ၈ နာရီခန့်အချိန်တွင် ယင်းအကြမ်းဖက်မှုဖြစ်စဉ်နှင့် ပတ်သက်၍ ပြင်းထန်စွာ ရှုတ်ချကြောင်း အစွန်းရောက် အကြမ်းဖက်သမားများ၏ ရက်စက်ပြင်းထန်သည့် လုပ်ရပ်ကြောင့် အစိုးရအဖွဲ့ လုပ်ငန်းများ ယိမ်းယိုင်သွားမည်မဟုတ်ကြောင်း နိုင်ငံတော်အတိုင်ပင်ခံပုဂိ်္ဂုလ်၏ သတင်းထုတ်ပြန်ချက်အရ သိရသည်။

ထို့နောက် သြဂုတ်လ ၂၅ ရက်၊ ည ၉ နာရီခန့်အချိန်တွင် အကြမ်းဖက်မှုဖြစ်စဉ်တွင် ပါဝင်သည့် အစွန်းရောက် ဘင်္ဂါလီအကြမ်းဖက်သမားများနှင့် အကြမ်းဖက်သမားများအတွက် တာဝန်ရှိသော Arakan Rohingya Salvation Army (ARSA) တို့ကို အကြမ်းဖက်တိုက်ဖျက်ရေး ဥပဒေပုဒ်မ ၆၊ ပုဒ်မခွဲ ၅ ပါ လုပ်ပိုင်ခွင့်အား ကျင့်သုံး၍ ၄င်းအဖွဲ့ကို အကြမ်းဖက်အုပ်စုအဖြစ် ပြည်ထောင်စုအစိုးရအဖွဲ့၏ အတည်ပြုချက်ဖြင့် အကြမ်းဖက်မှုတိုက်ဖျက်ရေး ဗဟိုအဖွဲ့က အမိန့်ကြေညာစာ အမှတ် ၁/ ၂၀၁၇ ဖြင့် ထုတ်ပြန် ကြေညာခဲ့ကြောင်း သိရသည်။

“ဘင်္ဂါလီတွေက UN၊ WFA အဲ့လိုရုံးတွေမှာ နေရာယူပြီး လုံခြုံရေးတပ်ဖွဲ့ဝင်တွေ ရှိတဲ့နေရာကို အခု မောင်တောမြို့ပေါ်မှာဆိုရင် ဘယ်လောက်ပျက်စီးတယ်ဆိုတဲ့ အနေအထားကို မသိရသေးဘူး။ ကျွန်တော်တို့ သိရသလောက်ဆိုရင် သက်ဆိုင်ရာဌာနဖြစ်တဲ့ မြေစာရင်းရုံး၊ မြို့နယ်ရုံး၊ ခရိုင်ရုံးကို ဘင်္ဂါလီတွေက ၀င်ပြီးဖျက်ဆီးတဲ့အပြင် စာရွက်စာတမ်းတွေကိုလည်း မီးရှို့ဖျက်ဆီးပစ်တယ်”ဟု မောင်တောမဲဆန္ဒနယ်မှ ပြည်နယ်လွှတ်တော် ကိုယ်စားလှယ် ဦးကျော်ကျော်ဝင်းက ပြောကြားသည်။

ထပ်မံသတ်ဖြတ်
ထိုသို့ ၄င်း ဘင်္ဂါလီအစွန်းရောက်အဖွဲ့အား အကြမ်းဖက်အုပ်စုအဖြစ် ကြေညာပြီးနောက် ယင်းနေ့ညတွင် ခေတ္တကျေးရွာ အုပ်ချုပ်ရေးမှူး ဆွေတာလောင်၊ ရာအိမ်မှူးဆိုက်ကူလာ၊ ကျေးရွာ အုပ်ချုပ်ရေးမှူးရုံးအကူ ဖော်တာတူလာနှင့် အစိုးရသတင်းပေးသူဟု သံသယရှိသူ အလယ်သံကျော် ကျေးရွာနေ ဇာဟိတ်တူဆောင်းတို့ လေးဦးအား ဘင်္ဂါလီအကြမ်းဖက်သမားများက သတ်ဖြတ်မှုများ ပြုလုပ်ခဲ့ကြောင်းလည်း သိရသည်။

ထို့နောက် ဘင်္ဂါလီအကြမ်းဖက်အဖွဲ့အား အကြမ်းဖက်အုပ်စုအဖြစ် နိုင်ငံတော်က ကြေညာပြီးနောက် အကြမ်းဖက်သမားများသည် သြဂုတ်လ ၂၆ ရက်တွင်လည်း အကြမ်းဖက်မှုများအား ထပ်မံလုပ်ဆောင်ခဲ့ရာ နံနက် ၁၁ နာရီအချိန်ခန့်တွင် မြို့သူကြီးကျေးရွာအတွင်း နယ်မြေစိုးမိုးရေးလုပ်ငန်းများ လုပ်ဆောင်ရန် ထွက်ခွာလာသည့် လုံခြုံရေးတပ်ဖွဲ့ဝင်များအား ချောင်းမြောင်းပစ်ခတ်ခြင်း၊ ဆွဲမိုင်းဖြင့် အဝေးမှ မိုင်းထောင် ဖောက်ခွဲခြင်းများ ပြုလုပ်ခဲ့သည့်အပြင် နယ်မြေ ၄ ရှိ ကျွန်းပေါက် ပြုစု၊ ချောင်းဝ၊ ရဲကင်းစခန်းကိုလည်း အကြမ်းဖက်သမား ၃၀၀ ခန့် ၀ိုင်းဝန်းမှုများ ပြုလုပ်ခဲ့ကာ မွန်းလွဲ ၁၂ နာရီခွဲခန့်တွင် သီဟိုဠ်ခြံအလွန် နွားယုန်တောင်ကျေးရွာအ၀င် ကားလမ်းတွင်လည်း လက်လုပ်မိုင်းဖြင့် အကြမ်းဖက်ဖောက်ခွဲပြီး ပစ်ခတ်မှုများကြောင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်မှုများ ပြုလုပ်ခဲ့ရကြောင်း သိရသည်။

“လက်ရှိအခြေအနေကတော့ တိုက်ပွဲတွေဆက်ဖြစ်နေတယ်။ ဘင်္ဂါလီအကြမ်းဖက်သမားတွေက လုံခြုံရေးအဖွဲ့တွေရှိတဲ့နေရာကို ဦးတည်ပြီးတော့ တိုက်ခိုက်မှုတွေ ပြုလုပ်နေတယ်။ ဒီနေ့ဆိုရင် နံနက် ၁၁ နာရီလောက်ကတည်းက မြို့သူကြီးကျေးရွာဘက်မှာ လုံခြုံရေးအဖွဲ့တွေနဲ့ တိုက်ပွဲဖြစ်တာ ၄ နာရီ နီးပါးလောက်ကြာတယ်။ စောစောကမှ နည်းနည်းပြန်ငြိမ်သွားတာ” ဟု မောင်တောဒေသခံတစ်ဦးက ပြောကြားသည်။

ထို့အပြင် သြဂုတ်လ ၂၆ ရက်၊ နံနက် ၁ နာရီခန့်တွင် မောင်တောမြို့မတောင်ရပ်ကွက်နေ ဆယ်အိမ်မှူး အဗူခေါ်ဘီဘီအား အကြမ်းဖက်သမားများက နေအိမ်အတွင်း ၀င်ရောက်သတ်ဖြတ်မှုများ ပြုလုပ်ခဲ့သည့်အပြင် မောင်တောဆေးရုံအရှေ့ ဇောတိကာရုံဘုန်းတော်ကြီးကျောင်းအနီးရှိ ဟိန္ဒူဘာသာဝင်များ နေထိုင်သည့် နေအိမ်အတွင်းသို့ လက်နက်ငယ်ဖြင့် ၀င်ရောက်ပစ်ခတ်မှုကြောင့် အမျိုးသားတစ်ဦး သေဆုံးခဲ့ကြောင်းလည်း သိရသည်။

“ဘယ်လောက်ပျက်စီးသလဲဆိုတဲ့ အနေအထားကို မသိရသေးဘူး။ ဇောတိကာရုံဘုန်းကြီးကျောင်းကို ဘင်္ဂါလီတွေက ၀င်စီးလိုက်တယ်။ ဘုန်းကြီးကျောင်းမှာရှိတဲ့ ဘုရားဆင်းတုတွေပါ အကုန်လုံး ပျက်စီးသွားတယ်လို့တော့ သိရတယ်” ဟု ၄င်းမောင်တောဒေသခံက ဆက်လက်ပြောကြားသည်။

ထိုသို့ အကြမ်းဖက်အုပ်စုအဖြစ် ကြေညာပြီးနောက် ဘင်္ဂါလီအကြမ်းဖက်သမားများက လက်လုပ်မိုင်းများဖြင့် ဖောက်ခွဲမှုများ ဆက်လက်ပြုလုပ်ခဲ့ရာ သြဂုတ် ၂၆ ရက် တစ်ရက်တည်းတွင် စုစုပေါင်းမိုင်း ၁၄ လုံးကို မောင်တောဒေသတွင် ဖောက်ခွဲခဲ့ကြောင်း သိရသည်။

ကိုလူသစ်

 

Category: 

Share