နိုင်ငံတော် ဖိအားများကို တွန်းလှန်ရန် သံတမန်နည်းလမ်းများကို အသုံးပြုပါ - လက်စောင်းထက်

မြန်မာနိုင်ငံ၏ လုံခြုံရေးတပ်ဖွဲ့များက ရဲကင်းစခန်းများကို တိုက်ခိုက်ခဲ့သည့် အကြမ်းဖက်သမားများအား တုံ့ပြန်တိုက်ခိုက်ခဲ့မှုကို နိုင်ငံတကာရှိ မီဒီယာများနှင့် မွတ်စလင်ဘာသာ ကိုးကွယ်သော တိုင်းပြည်များက လူမျိုးတုံး သတ်ဖြတ်မှုအဖြစ် ချဲ့ကားသတင်းလွှင့်ခဲ့ကြသည်။ ထိုသတင်းများကို မြန်မာနိုင်ငံရှိ အကြီးမားဆုံးသော Institution များဖြစ်သည့် အစိုးရ၊ တပ်မတော်နှင့် နိုင်ငံပိုင်မီဒီယာများက တုံ့ပြန်ရန် အလွန်နှေးကွေးခဲ့ကြသည်။ နိုင်ငံတကာတွင် တစ်ဖက်သတ် ၀ါဒဖြန့်ချိခြင်းခံရပြီးသည့်နောက် သီတင်းနှစ်ပတ်ကြာအတွင်း မြန်မာနိုင်ငံသည် လူနည်းစု ဘင်္ဂါလီများကို ဥပဒေမဲ့ နှိပ်ကွပ်နေသော တိုင်းပြည်တစ်ပြည်အဖြစ် ဖန်တီးခံရလိုက်ရသည်။ စက်တင်ဘာလ ၈ ရက်နေ့တွင် ရခိုင်ပြည်နယ်ရှိ ဘင်္ဂါလီအရေးအခင်းနှင့် ပတ်သက်ပြီး မြန်မာအစိုးရအား မွတ်စလင် ထောင်ပေါင်းများစွာက အဓိကမြို့ကြီးများတွင် ဆန္ဒပြရှုတ်ချခဲ့ကြသည်။ မြန်မာနိုင်ငံအား ရှုတ်ချမှုများကို မလေးရှား၊ အင်ဒိုနီးရှား၊ ဖိလစ်ပိုင်၊ အီရန်၊ အိန္ဒိယ၊ အာဖဂန်နစ္စတန်၊ ဘင်္ဂလားဒေ့ရှ်၊ ပါကစ္စတန်၊ ရုရှား၊ ဂျပန်နိုင်ငံများတွင် ဆန္ဒပြခဲ့ခြင်း ဖြစ်သည်။ အထူးသဖြင့် ရုရှားတောင်ပိုင်း ချေချင်းညာဒေသတွင် လူတစ်သန်းခန့်စုဝေးပြီး မြန်မာနိုင်ငံကို ဆန္ဒပြခဲ့ကြသည်။ ဆန္ဒပြသည့်ရည်ရွယ်ချက်မှာ ဘင်္ဂါလီများကို အကြမ်းဖက်မှု အဆုံးသတ်ရေးဟု တောင်းဆိုခဲ့ကြသည့်အတွက် သတင်းမှားများကို နိုင်ငံတကာရှိ မွတ်စလင်အသိုင်းအ၀ိုင်းက ယုံကြည်လက်ခံနေခြင်းမှာ ထင်ရှားလျက်ရှိသည်။ ထို့အပြင် အမေရိကန်ပြည်ထောင်စု ၀ါရှင်တန်ရှိ မြန်မာသံရုံးရှေ့တွင် လူ ၁၀၀ ခန့်က ဆန္ဒပြခဲ့ကြသည်။

တစ်ဆက်တည်းမှာပင် မြန်မာနိုင်ငံအဖွဲ့ဝင်အဖြစ် ပါဝင်ထားသော အာဆီယံအတွင်း၌လည်း ရခိုင်ပြည်နယ် ပြဿနာကို အာဆီယံပဋိညာဉ်မှုနှင့်အညီ ဖြေရှင်းရန် ဖိအားပေးမှုများလည်း ရှိလာသည်။ အာဆီယံအဖွဲ့ဝင်အတွင်း ပါရှိသော အစ္စလာမ်မစ် နိုင်ငံသုံးနိုင်ငံအနက် မလေးရှားနိုင်ငံ၏ တုံ့ပြန်မှုများမှာ ပြင်းထန်လျက်ရှိသည်။ ကမ္ဘာပေါ်၌ အစ္စလာမ်လူဦးရေ အများဆုံးရှိသော ဒီမိုကရေစီနိုင်ငံဖြစ်သည့် အင်ဒိုနီးရှားနိုင်ငံကမူ ရခိုင်ပြည်နယ် ကိစ္စအရေးဖြေရှင်းရာတွင် နိုင်ငံခြားရေးဝန်ကြီးကိုယ်တိုင် လာရောက်၍ နိုင်ငံတော်အစိုးရနှင့် ပူးပေါင်းကူညီမှုများရှိသည်။ ဘရူနိုင်းနိုင်ငံအနေဖြင့် ယခုအချိန်အထိ မည်သည့်ဖိအားမှ မြန်မာနိုင်ငံကို ပေးခြင်းမရှိပေ။ အာဆီယံအဖွဲ့အတွင်းမှ စင်ကာပူနိုင်ငံကမူ စက်တင်ဘာလ ၈ ရက်နေ့တွင် ရခိုင်ပြည်နယ်အရေးနှင့် ပတ်သက်ပြီး ကြေညာချက်တစ်စောင် ထုတ်ပြန်ခဲ့သည်။ ထိုကြေညာချက်ထဲတွင် ရခိုင်ပြည်နယ် ငြိမ်းချမ်းရေးနှင့် တည်ငြိမ်ရေး ပြန်လည်ဆောင်ကြဉ်းရန်အတွက် မြန်မာနှင့်အတူ ပူးပေါင်းဆောင်ရွက်ရန် ဖော်ပြထားသည်။ ယင်းကြေညာ ချက်ထဲတွင် ရခိုင်ပြည်နယ်ရှိ ထိခိုက်သူများကို လူသားချင်းစာနာထောက်ထားမှု အကူအညီပေးနိုင်ရန် လုပ်ထုံးလုပ်နည်းများကို ထိရောက်စွာသုံးပြီး ဆောင်ရွက်သွားမည်ဟုဆိုသည့်အတွက် စင်ကာပူနိုင်ငံအတွင်းမှ အစ္စလာမ်မစ်အဖွဲ့အစည်းများက ဖိအား ပေးလျက်ရှိသည်မှာ ထင်ရှားသည်။ မြန်မာနိုင်ငံအနေဖြင့် အာဆီယံပဋိညာဉ်အရ အာဆီယံ အဖွဲ့ဝင်နိုင်ငံများမှ အကူအညီပေးရေး တောင်းဆိုလာလျှင် ခွင့်ပြုလိုက်လျောရပေလိမ့်မည်။ သို့သော် ရခိုင်ပြည်သို့ လူသားချင်း စာနာထောက်ထားသည့် အကူအညီများသည် လူ့အဖွဲ့အစည်း နှစ်ရပ်လုံးအား ဘက်မလိုက်ဘဲ မျှမျှတတ ဆောင်ရွက်ရန်မှာ သက်ဆိုင်ရာအလှူရှင်နိုင်ငံများ၏ တာဝန်ဖြစ်သလို မြန်မာနိုင်ငံ အစိုးရကလည်း လိုအပ်သလို ကြီးကြပ်ဆောင်ရွက်ပေးရပေလိမ့်မည်။ မြန်မာနိုင်ငံ၏ ခေါင်းဆောင်ဖြစ်သူ ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်မှာလည်း နိုင်ငံတကာ၏ ဖိအားများအောက်တွင် ကျရောက်လျက်ရှိသည်။ နိုင်ငံတော် အတိုင်ပင်ခံပုဂိ်္ဂုလ်သည် ယခင် ကုလသမဂ္ဂအထွေထွေအတွင်းရေးမှူးချုပ်ဟောင်း ကိုဖီအာနန် ခေါင်းဆောင်သော ရခိုင်ကော်မရှင်ကို ဖွဲ့စည်းပေးပြီး နိုင်ငံတကာမှ အမြင်ရှင်းလင်းရန် ကြိုးပမ်းဆောင်ရွက်မှုကို မှေးမှိန်စေလိုသော အစ္စလာမ်မစ် အစွန်းရောက်များက ဖျက်ဆီးလိုက်ခြင်း ဖြစ်သည်။ ကိုဖီအာနန်၏ အစီရင်ခံစာ ထွက်ရှိလာသည့်နေ့တွင် ရည်ရွယ်ချက်ရှိရှိ မြန်မာရဲကင်းစခန်းများကို မီးရှို့ပြီး လုံခြုံရေး တပ်ဖွဲ့ဝင်များကို တိုက်ခိုက်သတ်ဖြတ်ခဲ့မှုဖြင့် ကမ္ဘာမှ မူစလင်အသိုင်းအ၀ိုင်းများက အာရုံစိုက်အောင် ဆောင်ရွက်ခဲ့သည်။ ထို့အပြင် ရခိုင်ပြည်နယ်ရှိ ဘင်္ဂါလီများကို သနားစရာကောင်းသော လူနည်းစု ရိုဟင်ဂျာများအဖြစ် ပုံဖော်ပြီး အိမ်များကိုမီးရှို့ကာ တစ်ကမ္ဘာလုံး၏ကရုဏာကို လှည့်ဖြားရယူခဲ့သည်။ ဘူးသီးတောင် မောင်တောသို့ သွားရောက်ခဲ့သူများ၏ ပြောကြားချက်များအရ ရခိုင်ပြည်နယ်သို့ လာရောက်လေ့လာသော လူသားချင်းစာနာထောက်ထားမှုဆိုင်ရာ နိုင်ငံတကာအဖွဲ့အစည်းများနှင့် မတွေ့ဆုံခင် မိခင်များသည် ၄င်းတို့၏ သားသမီးများကို ပိန်ချုံးနေစေရန်အတွက် ထမင်းမကျွေးဘဲ သုံးလေးရက်ခန့် အငတ်ထားပြီးမှ တွေ့ဆုံပေးတာမျိုးပင် ပြုလုပ်ခဲ့ကြကြောင်း သိရှိရသည်။ ရောဂါမရှိသော ကလေးငယ်များ၏ ခံတွင်းထဲသို့ ရောဂါရှိသောသူ၏ တံတွေးကို ငုံခိုင်းကာ ဆေးခန်းပြသမှုများလည်း ရှိခဲ့သည်။ ထိုအခြေအနေများကြောင့် အကူအညီပေးရေး ကိစ္စများကို ရှင်းလင်းတိကျစွာ ကိုင်တွယ်ဆောင်ရွက်သွားရမည် ဖြစ်သည်။

ယခုလို နိုင်ငံတကာမှ လူပေါင်းသန်းချီ ဆန္ဒပြနေချိန်တွင် မြန်မာအစိုးရအနေဖြင့် သံခင်းတမန်ခင်းနည်းအားလုံးကို လိမ္မာပါးနပ်စွာအသုံးပြုပြီး မြန်မာနိုင်ငံဆိုသည်မှာ လွတ်လပ်စွာ ဘာသာရေးကိုးကွယ်ခွင့်ရှိပြီး လူနည်းစုများကို လူများစုများက အနိုင်ကျင့်နေသည့် အရပ်ဒေသမဟုတ်ကြောင်း ဖော်ပြသွားရန်ဖြစ်သည်။ အကူအညီပေးလိုသည့် မည်သည့်နိုင်ငံ၊ မည်သည့်အဖွဲ့အစည်းမဆို “No” ဟု မပြောဘဲ မြန်မာနိုင်ငံသို့ လာရောက်လိုလျှင် ချမှတ်ထားသည့် စည်းကမ်းဥပဒေများကို လိုက်နာပါက အချိန်မရွေး “Welcome” လုပ်ရမည်သာဖြစ်သည်။ အထူးသဖြင့် မြန်မာနိုင်ငံကို ပြင်းပြင်းထန်ထန် ဝေဖန်လျက်ရှိသော တူရကီနိုင်ငံ၊ မလေးရှားနိုင်ငံနှင့် ဗြိတိန်နိုင်ငံများ အသံတိတ်သွားစေရန်အတွက် သူတို့၏ အကူအညီများကို အရင်ဆုံးရယူကာ ရခိုင်ဒေသတွင် နိုင်ငံတော်အစိုးရမှ ကြီးကြပ်ဆောင်ရွက်စေခြင်းဖြင့် ယခုဖိအားများ တဖြည်းဖြည်း လျော့ကျသွားစေရေး ဖြစ်သည်။ အထူးသဖြင့် အိမ်နီးချင်းဖြစ်သော ဘင်္ဂလားဒေ့ရှ် တပ်မတော်နှင့် ပူးပေါင်း၍ နယ်စပ်တွင်လှုပ်ရှားနေသော အစွန်းရောက် အကြမ်းဖက် အဖွဲ့ဖြစ်သည့် (ARSA) ကို ခြေကုပ်မယူစေရန် အတူစစ်ဆင်ရေး ပြုလုပ်ခြင်းဖြင့် ယုံကြည်မှုတည်ဆောက်ရန် လိုအပ်လာသည်။
စက်တင်ဘာလ ၈ ရက်နေ့က လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ပြည်ထောင်စုဝန်ကြီး ဒေါက်တာဝင်းမြတ်အေးသည် တူရကီနိုင်ငံ သံအမတ်ကြီး H.E Mr.Kerem Divanlioglu အား နေပြည်တော်တွင် လက်ခံတွေ့ဆုံပြီး ရခိုင်ပြည်နယ် အခြေအနေကို ရှင်းပြပြီးသည့်နောက် သံအမတ်ကြီးကလည်း အစွန်းရောက်မူဝါဒကို လက်မခံဘဲ ရခိုင်ပြည်နယ်တွင် လူသားချင်း စာနာထောက်ထားမှု အကူအညီများကို ဘာသာလူမျိုး မခွဲခြားဘဲ ထောက်ပံ့လိုကြောင်း မြန်မာနိုင်ငံအနေဖြင့် ဒုက္ခခံစားရသူများကို ကူညီပေးရန်ဆောင်ရွက်မှုများကို ကြိုဆို၍ ပူးပေါင်းဆောင်ရွက်သွားမည်ဖြစ်ကြောင်း ပြောဆိုခဲ့ခြင်းကြောင့် သံတမန်နည်းလမ်းအရ အောင်မြင်မှုလမ်းစတချို့ကို တွေ့မြင်နိုင်ပြီဖြစ်သည်။ ဒေါက်တာဝင်းမြတ်အေးနည်းတူ နိုင်ငံတော်အစိုးရနှင့် တပ်မတော်ကပါ သံခင်းတမန်ခင်း နည်းလမ်းများကို လိမ္မာပါးနပ်စွာ ဆက်လက်အသုံးပြုပါက လက်ရှိ ကြုံတွေ့နေရသော နိုင်ငံတကာဖိအားများမှာ တစ်စတစ်စ လျော့ပါးသွားလိမ့်မည်ဖြစ်ကြောင်း အကြံပြုရေးသားလိုက်ပါသည်။
လက်စောင်းထက်

Category: 

Share