ဂေါက်ရိုက်လွန်းသဖြင့် ခင်ပွန်း၏ငယ်ပါကိုဖြတ်ခဲ့သော ဇနီး

တောင်ကိုရီးယားနိုင်ငံတွင် အမျိုးသမီးတစ်ဦးသည် ဂေါက်ရိုက်လွန်းသော ခင်ပွန်းဖြစ်သူ၏ငယ်ပါကို ဖြတ်ပြီး နောက်အိမ်သာထဲထည့်ကာ ရေဆွဲချခဲ့သည်။ ဇနီးဖြစ်သူသည် အသက် ၅၀ အရွယ်ခင်ပွန်း အိပ်ပျော်နေစဉ် သူ၏ငယ်ပါကို ကတ်ကြေးဖြင့်ဖြတ်တောက်ခဲ့ခြင်းဖြစ်သည်။ အိမ်နီးချင်းများက အဆိုပါ လင်မယားသည် တစ်ဦးနှင့်တစ်ဦးအလွန်ချစ်ခင်ကြသဖြင့် ယခုကဲ့သို့ဖြစ်သွားခြင်းမှာ အံ့သြထိတ်လန့်ဖွယ် ကောင်းကြောင်းပြောကြားခဲ့သည်။ သို့သော် အသက် ၅၄ နှစ်အရွယ်ဇနီးဖြစ်သူ ကင်မ်ကမူ သူမ၏ ယောက်ျားသည် သူမကို မသိကျိုးကျွံပြုနေသည်မှာကြာပြီဖြစ်ကြောင်း၊ သူမအပေါ်တွင်လည်း ကိုယ်ထိ လက်ရောက်ကျူးလွန်ခဲ့ဖူးကြောင်း ရဲတပ်ဖွဲ့က သူမအားစစ်ဆေးသည့်အခါ ပြောကြားခဲ့သည်။

ထို့အပြင် ကင်မ်က သူမ၏ ခင်ပွန်းသည် သူမအား ငွေတစ်ပြားတစ်ချပ်မှမပေးကြောင်း၊ သူမအနေဖြင့် ဖြစ်သလိုနေထိုင်စား သောက်နေရသည်မှာလည်းကြာပြီဖြစ်ကြောင်း၊ ခင်ပွန်းအနေဖြင့် သူ၏အချိန် အများစုကို ဂေါက်ရိုက်ခြင်းဖြင့်ကုန်လွန်စေခဲ့ကြောင်းပြောကြားခဲ့သည်။ ထို့ကြောင့် နောက်ဆုံးတွင် ကင်မ်သည် ခင်ပွန်း၏ သူမအပေါ် လုပ်ရပ်ကို သည်းမခံနိုင်တော့သဖြင့် သူ၏ငယ်ပါကို ကတ်ကြေးဖြင့် ဖြတ်ခဲ့ခြင်းဖြစ်ကြောင်း ရဲစခန်း၌ ၀န်ခံထွက်ဆိုခဲ့သည်။ ခင်ပွန်းသည်မှာ ဆေးရုံတွင်တက်ရောက်ကုသမှု ခံနေရပြီး အသက်အန်္တရာယ်စိုးရိမ်စရာမရှိတော့ပေ။

 

Category: 

Share