အထွေထွေဖိအားများအောက်က နိုင်ငံတော် အတိုင်ပင်ခံနှင့်အတူ ရပ်တည်ကြ - ဇော်သက်ထွေး

ရခိုင်ပြည်နယ်တွင် ဖြစ်ပွားခဲ့သော ပဋိပက္ခဖြစ်စဉ်များသည် ဘာသာရေးအရမဟုတ်ဘဲ အစွန်းရောက် အကြမ်းဖက်မှုကြောင့်သာ ဖြစ်ပွားခဲ့ခြင်းဖြစ်သည်။ သြဂုတ်လ ၂၅ ရက်နေ့မှ ဖြစ်ပွားခဲ့သော အကြမ်းဖက်မှု ဖြစ်စဉ်သည် နယ်စပ်လုံခြုံရေးကင်းစခန်းများကို အစွန်းရောက် ဘင်္ဂါလီများက ၀င်ရောက် တိုက်ခိုက်သောကြောင့် စတင်ဖြစ်ပွားခဲ့ခြင်းဖြစ်ပြီး မြန်မာနိုင်ငံအနေဖြင့် အချုပ်အခြာအာဏာ မဆုံးရှုံးစေရေးအတွက် တုံ့ပြန်ခဲ့ခြင်းသာ ဖြစ်သည်။

သို့သော် နယ်စပ်ရှိ ဘင်္ဂါလီ လူမျိုးတချို့မှာ စိုးရိမ်စိတ်များကြောင့် ရွာများကို စွန့်ခွာကာ ဘင်္ဂလားဒေ့ရှ် ဒုက္ခသည်စခန်းများသို့ ထွက်ပြေးခိုလှုံခဲ့ကြသည်။ ဘင်္ဂလားဒေ့ရ်ှမှ ထုတ်ပြန်သော စာရင်းအရ စုစုပေါင်း ၁၆၄,၀၀၀ ရောက်ရှိသွားပြီဟုဆိုသည်။ ထို့ နောက်တွင် မူစလင်ဘာသာ ကိုးကွယ်သောနိုင်ငံများက ရခိုင်ပြည် နယ်တွင် ဖြစ်ပွားသော အကြမ်းဖက်မှု ဖြစ်စဉ်ကို လူမျိုးတုံးသတ်ဖြတ်မှုများအဖြစ် ပုံဖော်လာကြသည်။ အရှေ့အလယ်ပိုင်းမှ ငွေကြေးထောက်ပံ့နေသော နိုင်ငံတကာ မီဒီယာတချို့ကလည်း ရခိုင်ပြည်နယ်ဖြစ်စဉ်တွင် ဘင်္ဂါလီများဘက်မှ သိသိသာသာ ဘက်လိုက်ပြီး ရေးသားဖော်ပြလာကြသည်။ မြန်မာနိုင်ငံအနေဖြင့် ကမ္ဘာကို လွှမ်းခြုံနိုင်သော မီဒီယာလက်တံများ မရှိသည့်အပြင် မီဒီယာများကို စောင့်ကြည့် လေ့လာသုတေသနပြုသော ဌာနကြီးများလည်း အစိုးရ၌ မရှိပေ။ ပြဿနာဖြစ်မှသာ မျက်စိရှေ့တွင်တွေ့သောလူများကို ကောက်စုစည်းပြီး ကော်မတီတစ်ရပ်ဖွဲ့ ဆောင်ရွက်ခြင်းမျိုးသာရှိသည်။ ထို့ကြောင့် Media Counter သဘောကို ချက်ချင်း တုံ့ပြန်လုပ်ဆောင်နိုင်စွမ်းမရှိပေ။ ထိုအချက်က ရခိုင်ပြည်နယ်ရှိ ပဋိပက္ခတွင် အမှားကို အမှန်ဖြစ်သွားစေခဲ့ခြင်း ဖြစ်သည်။

ယခုအခါ နိုင်ငံတကာ မီဒီယာများ၏ ဘေးတီးမှုများကြောင့် ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်၏ ဆုတံဆိပ်ကို ပြန်ရုပ်သိမ်းရန် အင်တာနက်မှ တစ်ဆင့် တောင်းဆိုမှုများပင် ရှိလာသည်။ သို့သော် နော်ဝေနိုင်ငံရှိ နိုဗယ်ကော်မတီက နိုင်ငံတော် အတိုင်ပင်ခံ ဒေါ်အောင်ဆန်းစုကြည်အား နေအိမ်အကျယ်ချုပ်ခံရစဉ်အတွင်း ငြိမ်းချမ်းရေးနိုဗယ်ဆုကို ၁၉၉၁ ခုနှစ်တွင် ချီးမြှင့်ခဲ့ကြောင်း၊ ဆုရွေးချယ်ပေးအပ်ရာတွင် မပေးအပ်မီကာလက လုပ်ဆောင်ခဲ့သည့်ကိစ္စရပ်များအတွက် ပေးအပ်ခြင်းသာဖြစ်သောကြောင့် ပြန်လည်ရုပ်သိမ်းနိုင်မည် မဟုတ်ကြောင်း ကြေညာချက် ထုတ်ပြန်ခဲ့သည်။ တစ်ဆက်တည်း အာဖရိကတိုက်မှ ငြိမ်းချမ်းရေးနိုဗယ်ဆုရှင် ဘုန်းတော်ကြီး ဒက်စ်မွန်တူးတူးကလည်း မြန်မာနိုင်ငံရှိ ဘင်္ဂါလီမွတ်စလင် လူနည်းစုအပေါ် အကြမ်းဖက်မှုများ အမြန်ဆုံး အဆုံးသတ်ရေးအတွက် ဒေါ်အောင်ဆန်းစုကြည်ထံ စာရေးသားတောင်းဆိုခဲ့သည်။ ဒက်စ်မွန်တူးတူးက ဒေါ်အောင်ဆန်းစုကြည်အား မြန်မာတစ်ဦးအဖြစ် သတ်မှတ်ထားသော်လည်း ရခိုင်ပဋိပက္ခအရေးတွင် အစိုးရကိုင်တွယ်ဆောင်ရွက်မှုနှင့် ပတ်သက်၍ ဒေါ်အောင်ဆန်းစုကြည် ကာကွယ် ပြောကြားနေမှုကြောင့် အသံတိတ်နေဖို့မဖြစ်နိုင်ကြောင်း ဖော်ပြခဲ့သည်။ ဘုန်းတော်ကြီးက ဆက်လက်ပြီး ဒေါ်အောင်ဆန်းစုကြည်သည် တရားမျှတမှု၏သင်္ကေတဖြစ်ပြီး ယင်းလိုလူမျိုး ခေါင်းဆောင်နေသည့်နိုင်ငံတွင် ယခုလိုမျိုးမဖြစ်သင့်ကြောင်း ပြောကြားခဲ့သည်။ ပုဂိ်္ဂုလ်ရေးအရ အခြားငြိမ်းချမ်းရေးနိုဗယ်ဆုရှင် ဖြစ်သော မာလာလာက ဒေါ်အောင်ဆန်းစုကြည်အား စတင်ဝေဖန်ခဲ့ပြီးနောက် ဒက်စ်မွန်တူးတူးသည်လည်း ဆက်လက်ပါဝင်လာခြင်းဖြစ်သည်။ လူပုဂိ်္ဂုလ်များနည်းတူ အနောက်နိုင်ငံများရှိ အဖွဲ့အစည်းများကလည်း ဒေါ်အောင်ဆန်းစုကြည်ကို အဆက်မပြတ် ဖိအားပေးလျက်ရှိသည်။

စက်တင်ဘာလ ၆ ရက်နေ့တွင် ဥရောပသမဂ္ဂ (EU) မှ အဆင့်မြင့် ကိုယ်စားလှယ် မောက်ဟာရီနီက ရခိုင်ပြည်နယ်ရှိ စစ်ဆင်ရေးများတွင် ဆောင်ရွက်နေသော လုံခြုံရေးတပ်ဖွဲ့ဝင်များ အနေဖြင့် လက်နက်မဲ့ပြည်သူများကို ကာကွယ်စောင့်ရှောက်ရန် တိုက်တွန်းခဲ့သည်။ ထိုကြေညာချက်ထဲ၌ ရခိုင်ပြည်နယ် မြောက်ပိုင်း၏ အခြေအနေမှာ ပိုမိုဆိုးရွားလာသည့်အတွက် ပြဿနာများကို ဖြေရှင်းရာတွင် ဥရောပသမဂ္ဂမှ ကူညီပံ့ပိုးသွားမည်ဖြစ်ကြောင်း၊ လုံခြုံရေးတပ်ဖွဲ့ဝင်များ အနေဖြင့် အတတ်နိုင်ဆုံး သည်းခံ ကိုင်တွယ် ဖြေရှင်းရန်နှင့် နိုင်ငံတကာ လူ့အခွင့်အရေးဥပဒေကို လိုက်နာကျင့်သုံးရန် လိုအပ်ကြောင်း၊ အရေးပေါ် အခြေအနေ ကြုံတွေ့နေရသူများကို လူသားချင်း စာနာမှု အထောက်အပံ့များ ရရှိစေရေးအတွက် ကယ်ဆယ်ရေးလုပ်သားများအား ကန့်သတ်တားမြစ်ချက် မရှိစေရေးမှာ အရေးကြီးကြောင်း ထုတ်ပြန်ချက်တွင် ဖော်ပြခဲ့သည်။ ထိုအချက်မှာ ရခိုင်ပြည်နယ်တွင်းသို့ INGO များ NGOs များ ပြန်လည် ၀င်ရောက်လာနိုင်ရန် သွယ်ဝိုက်၍ ဖိအားပေးမှုတစ်ရပ် ဖြစ်ပုံရသည်။ သို့သော် မောင်တောမြို့နယ်အတွင်း အကြမ်းဖက် တိုက်ခိုက်မှုကြောင့် တိမ်းရှောင်နေရသော ရခိုင်တိုင်းရင်းသားများ၏ ကယ်ဆယ်ရေးစခန်းများတွင် UNHCR၊ WFP၊ INGO များ၏ ထောက်ပံ့ကူညီမှုများကို လုံးဝလက်မခံကြောင်း ပိုစတာများ ချိတ်ဆွဲထားခဲ့သည်။ အဘယ် ကြောင့်ဆိုသော် ရခိုင်ပြည်နယ်ရှိ NGOs အများစုမှာ ရခိုင်လူမျိုးများထက် ဘင်္ဂါလီလူမျိုးများကိုသာ ဦးစားပေးထောက်ပံ့သောကြောင့်ဖြစ်သည်။ ယခုအခါ ဒေါ်အောင်ဆန်းစုကြည်အား ဖိအားပေးရာတွင် အမေရိကန်အစိုးရလည်း ပါဝင်လာခဲ့ပြီ ဖြစ်သည်။ အမေရိကန်က မြန်မာအာဏာပိုင်များအနေဖြင့် ရခိုင်ပြည်နယ်သို့ လူသားချင်း စာနာထောက်ထားမှုဆိုင်ရာ အကူအညီများ ၀င်ရောက်ခွင့်ပေးရန် တိုက်တွန်းသည့် ကြေညာချက်ကို စက်တင်ဘာလ ၇ ရက်နေ့တွင် ထုတ်ပြန်ခဲ့ပြန်သည်။ တစ်ဖက်တွင် ပြီးခဲ့သည့် ပဋိပက္ခ ဖြစ်စဉ်အတွင်း INGOများမှ လူတချို့ ပါဝင်ပတ်သက်ခဲ့သည့် သက်သေသာဓကများကို နိုင်ငံတော်အစိုးရက ရရှိထားပြီ ဖြစ်သဖြင့် နိုင်ငံတကာအဖွဲ့အစည်းများကို ရခိုင်ပြည်နယ်အတွင်းသို့ တံခါးမရှိ ဓားမရှိ ၀င်ရောက်ခွင့်ပေးရန် အခက်အခဲများရှိနိုင်သည်။

နိုင်ငံတော်အတိုင်ပင်ခံပုဂိ်္ဂုလ်အား ဖိအားပေးခြင်းဖြင့် မြန်မာနိုင်ငံအစိုးရအတွင်း ညီညွတ်မှု ကွဲပြားသွားစေရန် ရည်ရွယ်လုပ်ဆောင်မှုများမှာလည်း လူမှုကွန်ရက်စာမျက်နှာတွင် အများအပြား တွေ့မြင်နေရသည်။ ထို့အပြင် မလေးရှား နိုင်ငံခြားရေးဝန်ကြီးဌာနမှ မြန်မာသံအမတ်ကြီး ဦးစိန်ဦးအားဆင့်ခေါ်၍ ရခိုင်ဒေသရှိ ပဋိပက္ခများအတွက် မလေးရှားအစိုးရ အနေဖြင့် စိုးရိမ်ပူပန်ကြောင်း၊ အာဆီယံအဖွဲ့ဝင်နိုင်ငံ တစ်နိုင်ငံအနေဖြင့် မြန်မာနိုင်ငံအား လူ့အခွင့်အရေး ကာကွယ်စောင့်ရှောက်ရေးနှင့် နိုင်ငံတကာ ဥပဒေသများကို လိုက်နာရန်လည်း တိုက်တွန်းခဲ့သည်။ တစ်ဆက်တည်း မလေးရှားနိုင်ငံခြားရေးဝန်ကြီးက အီရန်နိုင်ငံခြားရေးဝန်ကြီး၊ တူရကီနိုင်ငံခြားရေးဝန်ကြီးတို့နှင့် ဖုန်းဆက်သွယ်ပြောဆိုခဲ့ပြီး မြန်မာနိုင်ငံရှိ ရိုဟင်ဂျာအရေးနှင့် ပတ်သက်ပြီး OIC တွင် အထူးအစည်းအဝေးတစ်ရပ် ပြုလုပ်ရန်လည်း ဆုံးဖြတ်ခဲ့သည်ဟု ဆိုသည်။ မလေးရှားကမ်းခြေစောင့် တပ်ဖွဲ့အနေဖြင့် မြန်မာနိုင်ငံမှ ထွက်ပြေးလာသည့် မွတ်စလင်များအတွက် ယာယီနားခိုစရာ ပေးသွားမည်ဟုလည်း ရေကြောင်းဆိုင်ရာ အေဂျင်စီအကြီးအကဲက ပြောကြားခဲ့သည်။

မြန်မာနိုင်ငံရှိ ရခိုင်ပြည်နယ်တွင် ဖြစ်ပွားခဲ့သော အကြမ်းဖက်မှု ဖြစ်စဉ်များတွင် စစ်သွေးကြွ ၃၈၇ ဦး သေဆုံးပြီး အကြမ်းဖက်သမား ၅၀ ကို ဖမ်းဆီးရမိသည်ဟု မြန်မာ့တပ်မတော်က ဆိုထားသော်လည်း ကုလသမဂ္ဂအထူးကိုယ်စားလှယ် ယန်ဟီးလီက အစိုးရဖော်ပြချက်ထက် သေဆုံးသူမှာ နှစ်ဆကျော် များကြောင်း၊ အကြမ်းဖက်မှု ဖြစ်စဉ်များကို လေ့လာ၍ လူပေါင်း ၁၀၀၀ ထက်မနည်း သေဆုံးခဲ့နိုင်ကြောင်း ပြောဆိုပြန်သည်။ နိုင်ငံတော် အတိုင်ပင်ခံပုဂိ်္ဂုလ် ဒေါ်အောင်ဆန်းစုကြည်အနေဖြင့် ယင်းကိစ္စကို ထုတ်ဖော်ပြောကြားခြင်းပြုရန်လည်း တောင်းဆိုခဲ့သည်။ ထိုအခြေအနေတွင် တူရကီ သမ္မတ အာဒိုဂန်၏ဇနီး အီမိုင်းအာဒိုဂန်က မြန်မာနိုင်ငံဘက်မှ ဘင်္ဂလားဒေ့ရ်ှဘက်သို့ ထွက်ပြေးခဲ့သည့် ဘင်္ဂါလီဒုက္ခသည်များကို ကော့ဘဇား၌ သွားရောက်တွေ့ဆုံခဲ့ပြီး ဘင်္ဂါလီဒုက္ခသည်များဘက်မှ အမြဲတမ်းရပ်တည်မည်ဟု ပြောဆိုခဲ့ပြန်သည်။ ထို့အပြင် တူရကီသမ္မတအနေဖြင့် ဘင်္ဂါလီပြဿနာ ချက်ချင်းအဖြေရှာရန် ကုလသမဂ္ဂ အထွေထွေညီလာခံတွင် တင်ပြမည်ဟု ပြောကြားခဲ့သည်။ ပြည်တွင်း၌ ယခုပြဿနာ၏ ဂယက်အဖြစ် မြန်မာအမျိုးသားဖူဆယ် အသင်းနည်းပြချုပ် အီရန်လူမျိုးရီဇာမှာ ရာထူးမှ နုတ်ထွက်သွားသလို မြန်မာအစိုးရကလည်း အမေရိကန်တွင်နေထိုင်၍ ဘင်္ဂါလီများ အရေးကိုလှုံ့ဆော်နေသော ယခင် ပြည်ခိုင်ဖြိုး ပြည်သူ့လွှတ်တော် ကိုယ်စားလှယ်ဟောင်း ဦးရွှေမောင်ကို အကြမ်းဖက်တိုက်ဖျက်ရေးဥပဒေဖြင့် အမှုဖွင့်ခဲ့သည်။

ယခုလို ပြည်ထောင်စုနိုင်ငံတော်၌ ဘာသာရေးပဋိပက္ခ မဟုတ်သော အစွန်းရောက်အကြမ်းဖက်မှုများကြောင့် နိုင်ငံတော်အတိုင်ပင်ခံပုဂိ်္ဂုလ် အပါအ၀င် အကျပ်အတည်း ကျရောက်နေချိန်၌  ပြည်သူ၊ နိုင်ငံတော်အစိုးရ၊ မီဒီ ယာနှင့် တပ်မတော်ပါ ကျောချင်းကပ်ပြီး ဒေါ်အောင်ဆန်းစုကြည်နောက်မှ ကြံ့ကြံ့ခံ ရပ်တည်ရန် တိုက်တွန်းလိုက်ပါသည်။
ဇော်သက်ထွေး

Category: 

Share