ပျောက်ဆုံးနေသော ပြည်တွင်း ငြိမ်းချမ်းရေး မျှော်လင့်ချက်များ - လက်စောင်းထက်

လွန်ခဲ့သော ခြောက်နှစ်ကျော်က နိုင်ငံတော်သမ္မတဦးသိန်းစိန်က တိုင်းရင်းသားလက်နက်ကိုင် အဖွဲ့အစည်းများထံ ငြိမ်းချမ်းရေး တည်ဆောက်ရန် ဖိတ်ခေါ်ခဲ့ရာ ၂၀၁၅ ခု သြဂုတ်လ ၇ ရက်နေ့တွင် Nationwide Ceasefire Agreement (NCA) စာချုပ်ကို အတည်ပြုပြီး တိုင်းရင်းသားလက်နက်ကိုင်အဖွဲ့ ရှစ်ဖွဲ့က လက်မှတ်ရေးထိုးခဲ့သည်။ ထိုအချိန်တွင် မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန (Myanmar Peace Center) ဥက္ကဋ္ဌ ဦးအောင်မင်းက ပစ်ခတ်တိုက်ခိုက်မှုရပ်စဲရေး သဘောတူစာချုပ် (MPC) ကို တစ်ခန်းချင်း၊ စာပိုဒ်တစ်ပိုဒ်ချင်း၊ ပုဒ်မတစ်ခုချင်း၊ စာလုံး အသုံးအနှုန်း တစ်ခုချင်းများကို နှစ်နှစ်နီးနီးခန့် အကျေအလည် ဆွေးနွေးပြီးမှ ချုပ်ဆိုခဲ့သည့် စာချုပ်ဖြစ်သည့်အတွက် ငြိမ်းချမ်းရေးတန်ဖိုး အလွန်မြင့်မားခဲ့ကြောင်း ကြွေးကြော်ခဲ့သည်။ ထိုသို့ ကြွေးကြော်ခဲ့ပြီးသည့်နောက် နှစ်နှစ်အကြာတွင် မြန်မာနိုင်ငံအတွက် ငြိမ်းချမ်းရေး မျှော်လင့်ချက်များမှာ ရှေ့ဆက်မတက်နိုင်ဘဲ အငြင်းပွားမှု သံသရာထဲတွင် ၀ဲလည်လျက်ရှိသည်။

၂၀၁၅ ခုနှစ်တွင် ကျင်းပခဲ့သော အထွေထွေရွေးကောက်ပွဲ၌ ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီအဖွဲ့ချုပ်က သောင်ပြိုကမ်းပြို အနိုင်ရရှိပြီးသည့်နောက်တွင် အစိုးရဖြစ်လာသည်။ NLD အစိုးရ၏ အမြင့်မားဆုံးကြွေးကြော်သံမှာလည်း “ပြည်တွင်း ငြိမ်းချမ်းရေး” ဖြစ်လာသည်။ သို့သော် မြန်မာ နိုင်ငံတွင် ကမ္ဘာပေါ်၌ အကြာမြင့်ဆုံးပြည်တွင်းစစ်ကို ရပ်စဲရန် ဒေါ်အောင်ဆန်းစုကြည် ကြိုးစားခြင်းသည် နိုင်ငံရေးအရ ကိုယ့်ကိုယ်ကိုယ် ချောင်ပိတ်ခြင်းဖြစ်သည်ဟု နိုင်ငံရေးအကဲခတ်သူများကဝေဖန်ကြသည်။ ဆင်းရဲတွင်းနက်နေသော တိုင်းပြည်ကို ကယ်တင်ရေးအတွက် အခြေခံလူတန်းစားများ စားဝတ်နေရေးချောင် လည်အောင် အရင်ဆုံး လုပ်ဆောင်ပေးသင့်သည်ဟု စီးပွားရေးသမားအများစုကလည်း ဝေဖန်ကြပြန်သည်။ ထို့ကြောင့် အစိုးရသစ်လက်ထက်အတွင်း ပြည်ထောင်စုနိုင်ငံအတွက် ငြိမ်းချမ်းရေးကို ဦးစားပေးသင့်သလော၊ စီးပွားရေးကို ဦးစားပေးသင့်သလောဆိုသည့် မေးခွန်းမှာ ကျယ်ကျယ်ပြန့်ပြန့်ထွက်ပေါ်လာသည်။ နိုင်ငံတော် အတိုင်ပင်ခံပုဂိ်္ဂုလ်ကမူ ငြိမ်းချမ်းရေးကိုပစ်ပယ်ပြီး စီးပွားရေးလုပ်၍ မရသလို၊ စီးပွားရေးကို ပစ်ပယ်ပြီး ငြိမ်းချမ်းရေးလုပ်၍ မရကြောင်း တုံ့ပြန်ပြောကြားခဲ့သည်။ ထို့ကြောင့် NLD အစိုးရအနေဖြင့် ၄င်း၏ငါးနှစ်တာ သက်တမ်းအတွင်း ပြည်တွင်းငြိမ်းချမ်းရေး အရယူရန် သန်္နိဋ္ဌာန်ချထားပုံပေါ်သည်။

သို့သော် NLD အစိုးရ၏မူအတိုင်း ယခင်အထိုင်များကို ဖျက်၍ အသစ်များနှင့် အစားထိုးရာတွင် Myanmar peace Center လည်း ပါသွားခဲ့သည်။ ဦးသိန်းစိန်အစိုးရလက်ထက်က ဘယ်လက်ရုံး၊ ညာလက်ရုံးသဖွယ် ဖြစ်ခဲ့သော ဦးစိုးသိန်းနှင့် ဦးအောင်မင်းကို ဖယ်ထုတ်လိုက်ပြီး ဒေါ်အောင်ဆန်းစုကြည်၏ အယုံကြည်ရဆုံး ပုဂိ်္ဂုလ်များထဲမှ ပြည်တွင်းငြိမ်းချမ်းရေးလုပ်ငန်းစဉ်တွင် အတွေ့အကြုံမရှိသော ဒေါက်တာတင်မျိုးဝင်းကို ဥက္ကဋ္ဌအဖြစ် တာဝန်ပေးအပ်ခဲ့သည်။ ထို့ပြင် လုပ်ငန်းကော်မတီအသီးသီး၏ ပုံသဏ္ဍာန်များနှင့် လူပုဂိ်္ဂုလ်များကိုလည်း ပြောင်းလဲခဲ့သည်။ Myanmar peace Center ဟူသည့်အမည်ကိုလည်း ဖျက်လိုက်ပြီး အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (National Reconciliation and Pece Center) ဟု အသစ်ပြန်ဖွဲ့လိုက်သည်။ သို့သော် နှစ်ပေါင်းများစွာ ပြဿနာပေါင်းသောင်းခြောက်ထောင် အမြစ်တွယ်နေသော ပြည်တွင်းငြိမ်းချမ်းရေးအတွက် ရလဒ်ကောင်းရရှိအောင် စွမ်းဆောင်မှုများမှာ ဆောင်းအိပ်မက်များလို မပီဝိုးတ၀ါးနိုင်လွန်းလှသည်။ ယခုအစိုးရလက်ထက်တွင် NCA လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့ရှစ်ဖွဲ့မှ အသစ်ထပ်မံ တိုးမလာဘဲရှိရင်း စွဲအဖွဲ့များမှာပင် အသံအမျိုးမျိုး ထွက်နေသည်။ အထူးသဖြင့် တိုင်းရင်းသားလက်နက်ကိုင်အဖွဲ့ပေါင်းစုံ ပါဝင်ခဲ့သော ချင်းမိုင်တွင် အခြေစိုက်သည့် UNFC မှာ “၀” တိုင်းရင်းသား လက်နက်ကိုင်အဖွဲ့လုပ်ရပ်ကြောင့် အခြေအနေ ယိမ်းယိုင်သွားရသည်။       

“၀” လက်နက်ကိုင်အဖွဲ့အနေဖြင့် NCA တွင် လက်မှတ်မရေးထိုးဘဲသူနှင့် မဟာမိတ်ဖြစ်သော တိုင်းရင်းသား အဖွဲ့အစည်းအချို့နှင့် ပူးပေါင်းကာ မြောက်ပိုင်းမဟာမိတ်အဖွဲ့အဖြစ် ယခင်က ဖွဲ့စည်းခဲ့သည်။ သို့သော် ယင်းအဖွဲ့ထဲတွင် တပ်မတော်က လက်မခံသည့် ကိုးကန့်အဖွဲ့ (RCSS/SSA)၊ ရခိုင်တပ်မတော် (AA)၊ တအာင်းအဖွဲ့ (TNLA)တို့ ပါဝင်နေသည့်အတွက် ငြိမ်းချမ်းရေးမှာ အလှမ်းဝေးနေခဲ့သည်။ ထိုအခါမြောက်ပိုင်း မဟာမိတ်အဖွဲ့များကလည်း အစိုးရနှင့်တပ်မတော်က အလျှော့ပေးစေ့စပ်နိုင်စေရန် ပြည်ထောင်စု လမ်းမကြီးအား စစ်ရေးဖြင့် ခြိမ်းခြောက်ပြီး အားစမ်းခဲ့သည်။ သို့သော် တပ်မတော်ဘက်မှ မလျှော့သည့်အပြင် ပို၍ တင်းမာသွားသည်။ ထိုအခြေအနေတွင် “၀” အဖွဲ့က နိုင်ငံရေးကစားကွက် အသစ်တစ်ခု ဖန်တီးပြန်သည်။ “၀”က အဖွဲ့သစ်တစ်ခု ဖွဲ့စည်းလိုက်ပြီးသောအခါ UNFC အဖွဲ့အတွင်း၌ မုန်တိုင်းထန်သွားပြီး တချို့တိုင်းရင်းသားလက်နက်ကိုင်အဖွဲ့များမှာ UNFC မှ နုတ်ထွက်၍ မြောက်ပိုင်းမဟာမိတ်အုပ်စုသို့ သွားရောက်ပူးပေါင်းခဲ့သည်။ ထိုအထဲတွင် KIA နှင့် မွန်ပြည်သစ်ပါတီတို့ ပါသွားသည်။ မြန်မာအစိုးရဘက်ကမူ နဂိုလမ်းကြောင်းအတိုင်း UNFC နှင့်သာ ဆက်လက်ဆွေးနွေးသွားမည့် သဘောရှိသည်။ ပို၍ ရှုပ်ထွေးလာသည်မှာ အစိုးရနှင့် အပစ်အခတ်ရပ်စဲထားသည့် ရှမ်းပြည် ပြန်လည်ထူထောင်ရေးကောင်စီ (RCSS/SSA) နှင့် တပ်မတော်ကြားတိုက်ပွဲများ ပြန်ဖြစ်လာခြင်းဖြစ်သည်။ မြောက်ပိုင်းမဟာမိတ်အဖွဲ့များက တရုတ်နိုင်ငံ၏ သြဇာအရှိန်အ၀ါကို အားကိုးပြီး နိုင်ငံရေးကျားကွက်ရွှေ့နေချိန်တွင် အစိုးရအနေဖြင့် ရှမ်းနှင့်ပြေ လည်စေရန် နိုင်ငံတော်အတိုင်ပင်ခံပုဂိ်္ဂုလ်က RCSS/SSA ဥက္ကဋ္ဌဦးယွက်စစ်ကို နေပြည်တော်သို့ ဖိတ်ခေါ် တွေ့ဆုံခဲ့သည်။ RCSS အနေဖြင့် ဦးသိန်းစိန် အစိုးရ လက်ထက်က မူးယစ်ဆေးဝါး ပူးတွဲနှိမ်နင်းရေး၊ RCSSကို မတရားအသင်းမှ ပယ်ဖျက်ပေးရေး၊ စီးပွားရေးလုပ်ငန်းများ ဖော်ဆောင်ပေးရေး၊ တပ်ဖွဲ့ဝင်များအား နေရာချထားပေးရေး အပါအ၀င်အချက် ၁၂ ချက်ကို သဘောတူခဲ့သော်လည်း ယခုအခါ တပ်မတော်နှင့် တိုက်ပွဲများ ဖြစ်ပွားနေပြီး ရေစုန်မျောလျက်ရှိသည်။

ငြိမ်းချမ်းရေးလုပ်ငန်းစဉ်အတွက် NLD မှ အားထားခဲ့သော ဥက္ကဋ္ဌဖြစ်သူ ဒေါက်တာတင်မျိုးဝင်းမှာလည်း နှလုံးရောဂါကြောင့် စင်ကာပူနိုင်ငံတွင် ခွဲစိတ်မှု ခံယူခဲ့ရသည်။ ထို့ကြောင့် ရှုပ်ထွေးလှသော ငြိမ်းချမ်းရေး လုပ်ငန်းစဉ်များကို ကိုင်တွယ်ဆောင်ရွက်ရန်မှာ ကျန်းမာရေး အခြေအနေအရ အခက်အခဲများ ရှိနေသည်။ မြန်မာနိုင်ငံ ငြိမ်းချမ်းရေးအတွက် တရုတ်နိုင်ငံမှ တာဝန်ပေးထားသော အထူးကိုယ်စားလှယ် မစ္စတာ ဆွန်ကော့ရှန်ကလည်း မြောက်ပိုင်းတိုင်းရင်းသား လက်နက်ကိုင်အဖွဲ့များနှင့် အစိုးရအကြား ညှိနှိုင်း ဆောင်ရွက်ပေးလျက်ရှိသည်။ သို့သော်မြောက်ပိုင်းအဖွဲ့များက NCA စာချုပ်ကို လက်မခံသည့်အတွက် ရှေ့တိုးမရဖြစ်နေသည်။ ထို့ကြောင့် ဆွန်ကော့ရှန်က NCA စာချုပ် ဖြစ်မြောက်ရန် ဦးဆောင်ခဲ့သည့် KNU နှင့် RCSS တို့ကို ယခုနှစ်တွင် တရုတ်နိုင်ငံသို့ ဖိတ်ခေါ်ကာ ဆွေးနွေးခဲ့သေးသည်။ သို့သော် အဖြေကားမထွက်။ ရှမ်းပြည် ပြန်လည်ထူထောင်ရေးကောင်စီဥက္ကဋ္ဌ ဦးယွက်စစ်က ရန်ကုန်မြို့သို့ ရောက်ရှိနေစဉ်အတွင်း တရုတ်နိုင်ငံအနေဖြင့် မြန်မာနိုင်ငံ၏ ငြိမ်းချမ်းရေးဖြစ်စဉ်ကို ကူညီလိုလျှင် တရုတ်အနေဖြင့် ဘက်မလိုက်ဘဲ ကြားနေရန်လိုကြောင်း ထုတ်ဖော်ပြောဆိုခဲ့ပြန်သည်။

ထို့ကြောင့် ပြည်တွင်းငြိမ်းချမ်းရေးရရှိရန် NRPC အနေဖြင့် တရုတ်သြဇာသက်ရောက်လျက်ရှိသော မြောက်ပိုင်းမဟာမိတ်အဖွဲ့၊ RCSS/SSA၊ NCA စာချုပ်အား တက်တက်ကြွကြွ လက်မှတ်ရေးထိုးထားသည့် KNU ပါဝင်သော UNFC တို့နှင့် သဘောတူညီမှုရရန် ဆွေးနွေးညှိနှိုင်းရမည်ဖြစ်သည်။ တစ်ဖက်တွင်လည်း တပ်မတော်က ငြိမ်းချမ်းရေးမူ (၆) ချက်ကို ဆက်လက်ကိုင်စွဲထားခြင်းကြောင့် ဆွေးနွေးမှုများမှာ အရာမထင် ဖြစ်နေသည်။ ယခုနှစ်အတွင်း နေပြည်တော်၌ ၂၁ ရာစု ပင်လုံညီလာခံ ကျင်းပရန် လျာထားခဲ့သော်လည်း ရခိုင်ပြည်နယ် ပြဿနာမှာ တိုင်းပြည်၏ အရေးအကြီးဆုံး အမျိုးသားရေး အန္တရာယ်ဖြစ်လာသည့်အတွက် ပြည်တွင်းငြိမ်းချမ်းရေး ဆွေးနွေးပွဲများမှာ အရှိန်လျော့သွားပြန်သည်။ ပြည်တွင်းမှာလည်း လက်ရှိအစိုးရ အနေဖြင့် တပ်မတော်အား အမျိုးသား ပြန်လည်သင့်မြတ်ရေး ခေါင်းစဉ်အောက်တွင် ယုံကြည်မှုရရှိအောင် တည်ဆောက်နိုင်ခြင်း မရှိသေးသည်မှာလည်း ပကတိ အရှိတရားပင်ဖြစ်သည်။

ထို့ကြောင့် လက်ရှိ မြန်မာနိုင်ငံ၏ ပြည်တွင်းငြိမ်းချမ်းရေးဖြစ်စဉ်အား ဘက်မလိုက်ဘဲ သုံးသပ်ရမည်ဆိုပါက မျှော်လင့်ချက်များ မှေးမှိန်ဖျော့တော့လျက်ရှိကြောင်း ဖော်ပြလိုက်ပါသည်။
လက်စောင်းထက်

 

Category: 

Share