စားသောက်ဆိုင်များ အခွန်ပြေစာအမှတ်တံဆိပ်အပြည့်အဝ ကပ်နှိပ်ထားသော ပြေစာများထုတ်ပေးနိုင်ရေး

စားသောက်ဆိုင် လုပ်ငန်းရှင်များသည် တည်ဆဲကုန်သွယ် လုပ်ငန်းခွန် ဥပဒေပုဒ်မ ၅(ခ) နှင့် ကုန်သွယ်လုပ်ငန်းခွန်စည်း မျဉ်း ၄ဝ (က) (၃) ပါ ပြဋ္ဌာန်းချက်နှင့်အညီ ရောင်းရငွေနှင့်အတူ ကုန်သွယ်လုပ်ငန်းခွန်ကို စားသုံးသူထံမှ တစ်ပါတည်း ကောက်ခံပေးရန် တာဝန်ရှိသကဲ့သို့ ကျသင့်ငွေ ပေးချေချိန်တွင် ကုန်သွယ်လုပ်ငန်းခွန် ၅ ရာခိုင်နှုန်းနှင့်ညီမျှသော အခွန်အမှတ် တံဆိပ်များကပ်နှိပ်ထားသည့် ပြေစာကို စားသုံးသူထံသို့ ထုတ်ပေးရမည် ဖြစ်ပါသည်။

၂။ ရန်ကုန်တိုင်းဒေသကြီး အတွင်းရှိ ၂ဝ၁၇-၂ဝ၁၈ ဘဏ္ဍာနှစ် သြဂုတ်လနှင့် စက်တင်ဘာလများ အတွင်း ကွင်းဆင်းစစ် ဆေးရာ အောက်ဖော်ပြပါ စားသောက်ဆိုင်များသည် ကျသင့်ငွေ ပေးချေချိန်တွင် စားသုံးသူများသို့ အခွန် အမှတ်တံဆိပ် အပြည့်အဝ ကပ်နှိပ်ထားသော ပြေစာများထုတ်ပေးရန် ပျက်ကွက်ခဲ့ကြောင်း စိစစ်တွေ့ရှိရပါသည်။ တိုင်းဒေသကြီး အခွန်ဦးစီးဌာနမှူးရုံးမှ စိစစ်ရေးအဖွဲ့များဖြင့် ဖွဲ့စည်း ဆောင်ရွက်လျက်ရှိပါသည်။
၁။ ယမ်းယမ်း ဖက်ထုပ်ဆိုင်၊ စမ်းချောင်းမြို့နယ်။
၂။ နှင်းပွင့်ဖြူ စားသောက်ဆိုင်၊ စမ်းချောင်းမြို့နယ်။
၃။ Nice Star KTV၊ သင်္ဃန်းကျွန်းမြို့နယ်။
၎။ Family ကြေးအိုးဆီချက်၊ သင်္ဃန်းကျွန်းမြို့နယ်။
၅။ မြိတ်ခေါင်းဖြူ၊ သင်္ဃန်း ကျွန်းမြို့နယ်။
၆။ ချောင်းသာစားသောက် ဆိုင်၊ လှိုင်သာယာမြို့နယ်။
၇။ Wa Wa Cafe ၊ ဗိုလ် တစ်ထောင်မြို့နယ်။
၈။ ရွှေစတားစားသောက် ဆိုင်၊ သာကေတမြို့နယ်။
၉။ Food Center ၊ လမ်းမတော်မြို့နယ်။
၁ဝ။ ရွှေယုန်လေး ကြေးအိုး ဆီချက်ဆိုင်၊ တောင်ဥက္ကလာပမြို့ နယ်။

၃။ သို့ဖြစ်ပါ၍ စားသောက် ဆိုင်လုပ်ငန်းရှင်များအနေဖြင့် အခွန်ဘဏ္ဍာငွေများ အပြည့်အဝ ရရှိရေးအတွက် ဥပဒေနှင့်အညီ တိကျစွာလိုက်နာဆောင်ရွက်ပေးနိုင်ရန်နှင့် စားသုံးသူပြည်သူများမှလည်း ပြေစာအမှတ်တံဆိပ် အပြည့်အဝကပ်နှိပ်ထားသောပြေစာများကို တောင်းယူခြင်းဖြင့် ကူညီဆောင်ရွက်ပေးနိုင်ပါရန်။

 

Category: 

Share