အပြီးသတ်ဆွေးနွေးချက်ရလဒ်များကို ခေါင်းဆောင်များထံ တင်ပြပြီးပါကNCA ရေးထိုး နိုင်မည်ဟုယုံကြည်ကြောင်း DPNအဖွဲ့မှ ဦးခူဦးရယ်ဆို

ငြိမ်းချမ်းရေး ကော်မရှင်နှင့် ညီညွတ်သော တိုင်းရင်းသားများ ဖက်ဒရယ်ကောင်စီ(UNFC) ၏ နိုင်ငံရေး ဆွေးနွေးမှုဆိုင်ရာ ညှိနှိုင်းရေးကိုယ်စားလှယ်အဖွဲ့ (DPN)တို့၏ သတ္တမအကြိမ် အစည်းဝေး မှ ရရှိသော ရလဒ်ကောင်းများနှင့် နောက်ဆုံးဆွေးနွေးမှုအား နှစ် ဖက်ခေါင်းဆောင်များထံ ပြန်လည် တင်ပြပြီးပါကNCA လက်မှတ် ရေးထိုးနိုင်မည်ဟု ယုံကြည် ကြောင်း DPNအဖွဲ့မှ ခေါင်းဆောင် ဦးခူဦးရယ်က နိုဝင်ဘာ ၉ ရက်က သတင်းစာရှင်းလင်းပွဲ တွင် ပြောကြားခဲ့သည်။

ငြိမ်းချမ်းရေးကော်မရှင်နှင့်  DPN တို့အကြား အကြံပြုချက် ၈ ချက်ကို နိုဝင်ဘာ ၈ရက်နှင့် ၉ ရက်တို့တွင် ရန်ကုန်မြို့၊ ရွှေလီလမ်းရှိ NRPC တွင်  ၂ ရက်ကြာ ဆွေးနွေးခဲ့ရာ (UNFC) ၏ အဆို ပြုချက် ၈ ချက်နှင့် ပတ်သက်၍ ရင်းနှီးပွင့်လင်းစွာ ဆွေးနွေးခဲ့ပြီး အထူးသဖြင့် စစ်ဘက်ဆိုင်ရာကိစ္စ များအပေါ် အကျေအလည် ဆွေး နွေးခဲ့ရာ လက်ရှိအချိန်တွင် နှစ်ဖက်ခေါင်းဆောင်များထံ တင်ပြ ဆွေးနွေး ဆုံးဖြတ်မည့် အခြေအနေအထိ ရောက်ရှိနေပြီဖြစ်ကြောင်းနှင့် ဆွေးနွေးပွဲ အောင်မြင်မှုရရှိခဲ့ကြောင်း ၄င်းက ထပ်မံပြောကြားခဲ့သည်။

“ကျွန်တော်တို့ကတော့ အခု ဆွေးနွေးပွဲမှာ ဝေါဟာရလေးတွေ၊ အသုံးအနှုန်းလေးတွေနဲ့ပတ်သက်ပြီး ဆွေးနွေးသဘောတူခဲ့ပါ တယ်။ နှစ်ဖက်ခေါင်းဆောင်တွေကိုလည်း အခုသဘောတူညီချက်တွေ ပြန်လည်တင်ပြမှာပါ။ အခု ကျွန်တော်တို့ဆွေးနွေးတာ ခေါင်း ဆောင်တွေ တင်ပြဖို့အတွက် နောက်ဆုံးအဆင့်ကို ရောက်ရှိ သွားပါပြီ။ လောလောဆယ်အခြေ အနေမှာတော့ ကျွန်တော့်အနေ နဲ့ အများကြီးပြောစရာမရှိပါဘူး။ ဆွေးနွေးပွဲ ပုံစံကတော့ အားလုံး ကောင်းကောင်းမွန်မွန် ဖြစ်ခဲ့ပါ တယ်။ ကျွန်တော်တို့ တင်ပြချက် ၈ ချက်နဲ့ ပတ်သက်လို့ မကြာခင် ထပ်မံဆွေးနွေးမှာပါ”ဟု DPN အဖွဲ့ခေါင်းဆောင် ဦးခူဦးရယ်က ပြောသည်။

ယင်းအပြင် နောက်ဆုံးဆွေး နွေးမှုများ၏ အဆုံးသတ်များနှင့် ဆွေးနွေးချက်များအား နှစ်ဖက် ခေါင်းဆောင်များထံ ပြန်လည် တင်ပြပြီးပါက NCA လက်မှတ် ရေးထိုးနိုင်မယ်ဟု ယုံကြည် ကြောင်းလည်း ဦးခူဦးရယ်က ဆက်လက် ပြောကြားခဲ့သည်။

ငြိမ်းချမ်းရေးကော်မရှင်နှင့် DPNတို့ နှစ်ဖက်ခေါင်းဆောင် များတင်ပြပြီး အပြီးသတ်သဘော တူညီမှု ရရှိစေရေးအတွက် နိုဝင် ဘာလ တတိယအပတ်(သို့မဟုတ်) စတုတ္ထအပတ်တို့တွင် ထပ်မံတွေ့ ဆုံမည်ဖြစ်ကြောင်းကို ၄င်းက ထပ်မံပြောကြားခဲ့ သည်။

ပိုင်လေး

Category: 

Share