နိုင်ငံတော် အတိုင်ပင်ခံထံ အခွင့်အရေးယူပြီး ၀န်ကြီးရာထူးများ ရယူရန် ခရိုနီများ ကြိုးစားနေပြီလော - လက်စောင်းထက်

နိုင်ငံတော်အတိုင်ပင်ခံ ဒေါ်အောင်ဆန်းစုကြည်နှင့် ခရိုနီကြီးများသည် ရခိုင်အရေးအခင်းကို အကြောင်းပြုပြီး ရွှေလမ်းငွေလမ်း ဖောက်ခဲ့ကြသည်။ ခရိုနီဆိုသော ဝေါဟာရမှာ အနုတ်သဘောဆောင်သဖြင့် နိုင်ငံတော် အတိုင်ပင်ခံက ခရိုနီအစား စီးပွားရေး လုပ်ငန်းရှင်ကြီးများဟု အနက်ရသည့် တိုင်ကွန်းကြီးများဟုပင် အမည်ပြောင်းပေးခဲ့သည်။ ထိုအထဲမှ ခရိုနီအများစုမှာ ရခိုင်ကိစ္စတွင် ရိုးသားစွာ ငွေကြေးလှူဒါန်းခဲ့ပြီး အစိုးရထံမှ မည်သည့် အခွင့်အရေးမှ မယူခဲ့ကြသော်လည်း အချို့မှာ ငွေကြေးလှူဒါန်းမှုကို အကြောင်းပြုပြီး ကိုယ်ကျိုးစီးပွားများ ရှာဖွေခဲ့ကြသလို အချို့မှာ ဒေါ်အောင်ဆန်းစုကြည်ထံ ချဉ်းကပ်ကာ အဖွဲ့အစည်းအချို့တွင် တာဝန်များ ယူခဲ့ကြသည်။ ထို့အပြင် ခရိုနီများသည် သူတို့နှင့် ကျေးဇူးမကင်းသော အစိုးရအရာရှိကြီးအချို့ကို အစိုးရ၀န်ကြီးဌာနများတွင် ၀န်ကြီးရာထူးနှင့် ဒုဝန်ကြီးရာထူးများ ခန့်အပ်ပေးရန် ကြိုးစားမှုများ ရှိနေကြောင်း အစိုးရနှင့် နီးစပ်သူများထံ သိရသလို ခရိုနီ အသိုင်းအ၀ိုင်းတွင်လည်း မည်သူကတော့ မည်သည့်အကွက်ခင်း နေပြန်ပြီဟူသော စကားများ ကြားနေရပါသည်။

အမည်မဖော်လိုသော အစိုးရ အရာရှိကြီးတစ်ဦးက “ကျွန်တော်တို့ဌာနမှာ အရင်ခေတ်က ခရိုနီတွေနဲ့ ပေါင်းပြီး ခုန်ပျံကျော်လွှား ရာထူးတွေ တက်သွားတဲ့သူရှိတယ်။ အခုလည်း ခရိုနီတစ်ယောက်တဆင့်သူ့ကို ဒုဝန်ကြီးပေးဖို့ နိုင်ငံတော်အတိုင်ပင်ခံကို ချဉ်းကပ်နေတယ်။ အစိုးရဌာနမှာ ဘယ်လောက်တောင် စားထား ၀ါးထားသလဲဆိုတာ ဌာနတစ်ခုလုံးက သိနေတယ်။ ခရီးသွားရင်တောင် အောက်ခြေက သူ့အတွက် ရေမီးအစုံ အကုန်စီစဉ်ပေးရတယ်။ အစိုးရအလုပ်ကနေ ဘယ်လောက်တောင် ချမ်းသာသွားသလဲဆိုတာလည်း လူတိုင်းသိတယ်။ ကိုယ်တိုင်ကလည်း ကျန်းမာရေး မကောင်းလို့ ခဏခဏ ဆေးကုနေရပေမယ့် သူ့ဆရာခရိုနီကြီးက တစ်ဆင့် ဒုဝန်ကြီးရဖို့ ကြိုးပမ်းနေတယ်။ အဓိက,ကတော့ ကျွန်တော်တို့ဌာနမှာ မြေပေါတယ်။ သူ့ဆရာ ခရိုနီကလည်းမြေနဲ့ ပတ်သက်ရင် နာမည်ကြီးဆိုတော့ သူ့တပည့် ကို ဒုဝန်ကြီးဖြစ်အောင်ကြံပြီး ဌာနပိုင်မြေတွေကို နိုင်ငံတော်အတွက် ဟိုဟာလုပ်ပေးပါမယ်။ ဒီလိုလုပ်ပေးပါမယ်လို့ ပြောပြီး တစ်ဖက်လှည့်နဲ့ ရယူဖို့ကြိုးပမ်းနေတာ ဖြစ်တယ်” ဟု ပြောပြသည်။
 
ယခင်အစိုးရများ လက်ထက်တွင် ခရိုနီများသည် အစိုးရပိုင်မြေများကို အလွန်ချိုသာသော သူခိုးဈေးဖြင့် နှစ်ရှည်ငှားရမ်းခွင့်များ ရခဲ့ကြသည်။ ယခုအစိုးရ၏ နောက်ကြောင်း ပြန်မလှန်ရေးမူအရ အဆိုပါမြေများကို ပြန်လည် မသိမ်းဆည်းသလို ဈေးတိုးလျှင်လည်း အဆိုပါစာချုပ်များအရ နှစ်စဉ်ကြေးတိုးလျှင် ၅ ရာခိုင်နှုန်းမှ ၁၅ ရာခိုင်နှုန်းထက် ပိုမတိုးရဖြစ်နေသည်။ အနီးကပ်ဆုံး ဥပမာပြရလျှင် အများပြည်သူ အပန်းဖြေရန် နေရာကောင်းတစ်ခုဖြစ်သော ကန်တော်ကြီးဥယျာဉ်ကို တစ်စတုရန်းပေ တစ်ပေလျှင် ခြောက်ကျပ်နှုန်း (ခြောက်ကျပ်မှာ ယခု အစိုးရလက်ထက်တွင်မှ တိုးမြှင့်လိုက်ခြင်းဖြစ်ပြီး ယခင်အစိုးရ လက်ထက်က တစ်ကျပ်ပင် မပြည့်ခဲ့ပေ) ဖြင့် ငှားရမ်းခွင့် စာချုပ်ချုပ်သွားသည့်အတွက် အများပြည်သူမှာ အပန်းဖြေရန် တစ်ခါဝင်လျှင် ကျပ် ၂၀၀ ပေးပြီး ၀င်နေရသည်။ အကယ်၍သာ အဆိုပါမြေနေရာကို ရန်ကုန်မြို့တော် စည်ပင်သာယာရေး ကော်မတီမှ ထိန်းသိမ်းထားပါက အဆိုပါ ၀င်ကြေးများသည် ရန်ကုန်မြို့နေ ပြည်သူများအတွက် ၀န်ဆောင်မှု လုပ်ငန်းများကောင်းစွာ လုပ်ကိုင်နိုင်မည့် ငွေကြေးပမာဏဖြစ်သည်။ ကန်တော်ကြီး တစ်ခုတည်းမှပင် နိုင်ငံတော်အတွက် နှစ်စဉ်ကျပ် သန်းထောင်ချီ ဆုံးရှုံးနေပြီးအဆိုပါ ဆုံးရှုံးနေသော ငွေများမှာ ခရိုနီတစ်ဦးတည်း၏ အိတ်ကပ်ထဲသို့ နှစ်စဉ်ဝင်ရောက်လျက်ရှိသည်။ အလားတူ ရန်ကုန်မြို့လယ်မှ ရုပ်ရှင်ရုံများကိုလည်း တစ်ရုံလျှင် တစ်လလျှင် ငါးသိန်းဖြင့် ငှားသွားခဲ့သလို ရန်ကုန်မြို့လယ် အချက်အချာကျသော ပြန်ကြားရေးဝန်ကြီး ဌာနပိုင် အဆောက်အအုံများကိုလည်း သူခိုးဈေးဖြင့် နှစ်သုံးဆယ် ငှားရမ်းသွားခဲ့သည်။

ထို့အတွက်ထိုစဉ်က ပြန်ကြားရေးဝန်ကြီးဌာန တာဝန်ရှိသူအချို့မှာ နင့်အောင် ငွေကြေးဥစ္စာများ ရရှိသွားခဲ့သည်။ ထိုစာချုပ်များမှာလည်း ရှေ့နေချုပ်ရုံးဖြင့် စနစ်တကျ ချုပ်ဆိုသွားသည့်အတွက် ဖျက်သိမ်းရန် မဖြစ်နိုင်ဘဲ လက်ရှိအစိုးရမှာ ဒီအတိုင်းလက်ပိုက်ကြည့်နေရပြန်သည်။

နောက်တစ်မျိုးမှာ ဆောက်လုပ်ရေး စီမံကိန်းလုပ်ရန်၊ စက်ရုံများတည်ဆောက်ရန်ဟု အကြောင်းပြပြီး ရိုးသားစွာ ဓားမဦးချ လုပ်ကိုင်စားသောက်နေသော လယ်သမားများထံမှ လယ်မြေများကို တစ်ဧကလျှင် ကျပ်သောင်းဂဏန်း ပေးပြီး အဓမ္မသိမ်းယူခြင်းဖြစ်သည်။ ဥပဒေအရ အဆိုပါ မြေများပေါ်တွင် လေးနှစ်အတွင်း စီမံကိန်း မစတင်နိုင်ပါက နိုင်ငံတော်မှ ပြန်လည် သိမ်းဆည်းရမည်ဖြစ်သော်လည်း ထိုခရိုနီများသည် အဆိုပါ မြေများကို ဂရန်ဖောက်ထားပြီး ဆယ်နှစ်ကျော်သည်အထိ မည်သည့်စီမံကိန်းမှ ဆောင်ရွက်ခြင်း မရှိခဲ့ပေ။ ထိုစဉ်က အစိုးရကလည်း အဆိုပါခရိုနီများဖြင့် လင်မယားလို ဖြစ်နေသည့်အတွက် ပြန်လည်သိမ်းဆည်းခြင်း မပြုခဲ့ပေ။ ယခုအခါ နိုင်ငံခြားရင်းနှီးမြှုပ်နှံသူများက မြေလိုသည့် အချိန်ရောက်မှ ယခင်ကပစ်ထားသော မြေများကို ဂရန်အားကိုးဖြင့် ပြန်လည်သိမ်းဆည်းနေကြသည်။ အမှန်မှာ ဂရန်ကိုထည့်သွင်းစဉ် စားရန်မလိုဘဲ မူလသိမ်းဆည်းပြီး လေးနှစ်အထိ မည်သည့်စီမံကိန်းမှ မလုပ်သည့် တစ်ချက်တည်းနှင့်ပင် အဆိုပါမြေများကို နိုင်ငံတော် အစိုးရမှပြန်လည်သိမ်းယူခွင့် ရှိနေပြီဖြစ်သည်။ ထိုကဲ့သို့ စတင်သိမ်းယူပြီး လေးနှစ်အတွင်း မည်သည့် စီမံကိန်းမှမလုပ်သော မြေများကို လက်ရှိအစိုးရ အနေဖြင့်စာရင်း ပြန်လည်ကောက်ယူပြီး ပြန်လည်သိမ်းဆည်းရန်ကိုလည်း  တိုင်းပြည်အကျိုးငှာဤနေရာမှ အကြံပြုလိုပါသည်။

ယခုအခါ တစ်ခါစားမိ သာအိတစိုစိုဟူသော စကားလို၊ စားဖူးသည့်ကလေး ပိုငတ်သည်ဟူသော စကားလို နိုင်ငံပိုင်မြေကို သူခိုးဈေးဖြင့် ရယူရာတွင် လက်ယဉ်နေသော၊ မြေသိမ်းရာတွင် အလွန် ဉာဏ်နီဉဏ်နက်များသော ခရိုနီများသည် နိုင်ငံတော် အတိုင်ပင်ခံထံ ချဉ်းကပ်ကာ မည့်သည် ကိစ္စအတွက် ငွေမည်မျှ စိုက်ထုတ်သုံးစွဲပေးပါမည်ဟူသော အကွက်သစ်တစ်မျိုးကိုထွင်ကာ ကျန်ရှိနေသော နိုင်ငံတော် ပိုင်မြေများကို လက်ဝယ်ရရှိရန် ကြံစည်လာကြပြန်သည်။ သို့သော် ယခင်ကကဲ့သို့ ဌာနဆိုင်ရာများက လွယ်ကူစွာ စွန့်လွှတ်မည့်သဘော မရှိသည့်အတွက် သူတို့နှင့် အမြီးစားဖက် ခေါင်းစားဖက်များကို အဆိုပါဌာနများတွင် ရာထူးများရရှိရန် ကြံစည်လျက်ရှိကြသည်။

နိုင်ငံတော် အတိုင်ပင်ခံ ပုဂိ်္ဂုလ်နှင့် လက်ရှိ NLD အစိုးရသည် လာဘ်ပေးလာဘ်ယူ ကင်းရှင်းပြီး ပြည်သူနှင့် နိုင်ငံအကျိုးကို စွမ်းစွမ်းတမံ ဆောင်ရွက်နေသည်ကို ပြည်သူများ သိရှိပြီးဖြစ်သည်။ သို့သော်လည်း စဉ်းလဲ ကောက်ကျစ်ပြီး အရှက်သိက္ခာ မရှိသော ခရိုနီအချို့၏ ထွင်လုံးများ၊ အပြောချိုသည့်စကားများ၊ ဇာတ်ညွှန်းများကို ယုံကြည်သွားမည်ကို စိုးရိမ်မိပါသည်။ ခရိုနီအချို့သည် ကြမ်းပိုးကိုလိပ်ဖြစ်အောင် ပြောတတ်ပြီး တစ်ကျပ်ပေးပြီး ငါးကျပ်ပြန်ယူတတ်ပါသည်။ ထိုခရိုနီအချို့၏ တိုင်းပြည်အတွက် လုပ်ပေးလိုလှပါသည် ဟူသော အချိုစကားမှာ ဓားသွားပေါ်တွင် တင်ထားသော ပျားရည်သာဖြစ်သဖြင့် နိုင်ငံတော် အတိုင်ပင်ခံအနေဖြင့် သတိကြီးစွာထား၍ ဆက်ဆံသင့်ပါကြောင်း အကြံပြုတင်ပြအပ်ပါသည်။

လက်စောင်းထက်

 

Category: 

Share