နိုင်ငံကူးလက်မှတ်ရုံး ဒါတွေပြင်ပါ - လင်းသီပာ

ပြည်ပခရီးစဉ် အတွေ့အကြုံ များကို အခြေခံပြီး နိုင်ငံအကျိုးပြု ဆောင်းပါးများအား ရေးသားလိုစိတ် ပြင်းပြနေချိန်တွင် ပြည်ပရောက် သူငယ်ချင်းများထံမှ သူတို့ဆီသို့ အလည်အပတ် လာရောက်ရန် ကမ်းလှမ်းချက်ကိုရရှိခဲ့ပါသည်။ ထို့ကြောင့် ပြည်ပသို့ ထွက်ခွာရာတွင် အဓိကကျသည့် နိုင်ငံကူးလက်မှတ် ပြုလုပ်ရန်အတွက် ဆရာစံလမ်းနှင့် စက်မှု (၁)လမ်းထောင့်ရှိ မြန်မာနိုင်ငံကူး လက်မှတ်ထုတ်ပေးရေးအဖွဲ့ရုံးသို့ ၂၀၁၇ ခုနှစ် စက်တင်ဘာ ၂၆ ရက်တွင် ရောက်ရှိခဲ့ပါသည်။

နိုင်ငံကူးလက်မှတ်ထုတ်ပေးရေးအဖွဲ့ရုံးသို့ ယင်းနေ့ ၇ နာရီခွဲ ခန့်တွင် ရောက်ရှိခဲ့ရာ အဖွဲ့ရုံး ၀င်ပေါက်၏ ဘေးဘယ်ညာတွင် နှစ်ဖွဲ့ခွဲ၍ တန်းစီနေသော လူစုလူဝေးကို တွေ့ရှိရပါသည်။ ဘယ်ဘက်အခြမ်း စက်မှု(၁)လမ်းပေါ် တွင်တန်းစီနေသူများမှာ ရက်ချိန်းစေ့၍ နိုင်ငံကူးလက်မှတ်(စာအုပ်) ထုတ်မည့်သူများ ဖြစ်ကြောင်းနှင့် ညာဘက်အခြမ်း တယ်လီနောရုံးဘေးရှိ လမ်းပေါ်သို့ ရောက်ရှိ နေသည့်တိုင်အောင် တန်းစီနေသူများမှာ ယခုမှစ၍စာအုပ်အသစ် လျှောက်မည့်သူများ၊ စာအုပ်သက် တမ်းတိုးမည့်သူများဖြစ်ကြောင်း သိရပါသည်။ တန်းစီသူများတွင် ပြည်ပသို့ သွားရောက်ပြီး အလုပ် သွားလုပ်မည့်သူများ၊ အလည် အပတ်သွားမည့်သူများ၊ ကျန်းမာ ရေးအတွက် ဆေးသွားကုမည့်သူများ၊ မှီခိုသူအဖြစ် သွားရောက်မည့်သူများ၊ ပညာသင်သွားမည့်သူများ အစုံပါရှိသည်ကို တွေ့ရှိရပါသည်။

လာရောက်တန်းစီသူအများစုတွင် အလုပ်အကိုင်ရှာဖွေရေး အေဂျင်စီ (ကုမ်္ပဏီ)များ၏ အစီအစဉ်ဖြင့် ပြည်ပသို့ အလုပ်သွားရောက် လုပ်ကိုင်ကြမည့် အမျိုးသားများနှင့် အမျိုးသမီးငယ်များမှာ အများစုဖြစ်ပါသည်။ ၄င်းတို့ ၏ လည်ပင်းတွင် အေဂျင်စီများ၏ အမည်နာမပါသော ကတ်ပြားများကိုချိတ်ဆွဲထားသည်ကို တွေ့ရှိရပါသည်။

နံနက်ပိုင်းတွင်ရုံးတံခါးမဖွင့် သေးဘဲ လာရောက်တန်းစီနေသူ များအား “ ဘယ်ညာခွဲပြီး တန်းစီရန် “ လည်ဆွဲကတ်ပြား တပ်ထား ပြီး စွပ်ကျယ်နှင့် ပုဆိုးစိမ်းအကွက် ၀တ်ဆင်ထားသူတစ်ဦးက ညွှန် ပြနေပါသည်။ ၀င်ပေါက်ပတ်ဝန်းကျင်တွင် လူကုန်ကူးခြင်းမခံရရန် အတွက် ဆောင်ရန်၊ ရှောင်ရန် အချက်များကို အသိပေးဖော်ပြထားသည်ကို တွေ့ရှိရပါသည်။ စာအုပ်ပြုလုပ်သူများ အနေဖြင့် စာအုပ်ဖိုး၊ အွန်လိုင်းဝန်ဆောင်ခ၊ ဓာတ်ပုံဖိုး၊ ဆေးဖိုး၊ မင်ဖိုးနှင့် ပြုပြင်ထိန်းသိမ်းခ၊ လျှောက်လွှာ ပုံစံ၊ စက်ပစ္စည်းနှင့် ၀န်ဆောင်ခ အဖြစ် စုစုပေါင်း ကျပ် ၂၅၀၀၀ ကုန်ကျမည်ဖြစ်ကြောင်း ရေးသား ဖော်ပြထားပါသည်။ ထို့အပြင် ရဟန်းသံဃာများ၊ ကျန်းမာရေး မကောင်းသူများ၊ ကလေးသူငယ် များနှင့် အသက် ၆၀ ကျော်များ အနေဖြင့် တန်းစီစရာ မလိုဘဲ အတွင်းသို့ ၀င်ရောက်ပြီး နိုင်ငံကူးလက်မှတ် လျှောက်ထားနိုင် ကြောင်းနှင့် ကျန်းမာရေးမကောင်းသူများနှင့် အသက်အရွယ်အိုမင်းသူများကိုမူ အိမ်တိုင်ရာရောက် လုပ်ပေးလျက်ရှိကြောင်း ကြေညာထားပါသည်။

နံနက် ၈ နာရီခွဲခန့်တွင် လူအုပ်မှာ ပို၍များလာသည်ကိုတွေ့ ရှိရပါသည်။ သို့နှင့် အသက် ၆၀ ကျော်သူများအနေဖြင့် မည်သည့် ၀င်ပေါက်မှဝင်ရမည်ကို မေးမြန်းရာ လည်ဆွဲနှင့် စွပ်ကျယ်ဝတ်ထားသူမှ အသစ်ပြုလုပ်ပါက တယ်လီနောဘက်အခြမ်းတွင် ၀င်ပြီး တန်းစီရန်ပြောပါသည်။ နံနက် ၉ နာရီခွဲခန့်တွင် ဘယ်ဘက်အခြမ်းနှင့် ညာဘက်အခြမ်းတို့အား တစ်ကြိမ်လျှင် လူ ၃၀ ခန့်ဖြင့် တစ်လှည့်စီ လွှတ်ပေး နေခဲ့ပါသည်။ သို့နှင့် မိမိလည်း ထိုအပေါက်ဝသို့သွား၍ အသက် ၆၀ ကျော်သူများ တန်းစီစရာမလို ဟုရေးထားကြောင်း၊ ထို့ကြောင့် ဘယ်ဝင်ပေါက်မှ ၀င်ရမလဲဟု မေးရာ ရာထူးအပွင့် တပ်ဆင်ထားသော ရဲဝန်ထမ်းတစ်ဦးက ယခု လူများနေကြောင်း၊ နောက်မှ သွင်းပေးမည် ဖြစ်ကြောင်း၊ ပလက်ဖောင်းပေါ်မှဆင်း၍ လမ်းဘေးတွင် စောင့်နေကြရန် ပြောသဖြင့် အခြားအသက်ကြီးသူများ နှင့်အတူ စောင့်နေကြရပါသည်။ သံဃာတော်တစ်ပါးစ၊ နှစ်ပါးစမှာမူ အတားအဆီးမရှိဘဲတန်းဝင် သွားကြပါသည်။

ထိုအချိန်တွင် ပွဲစားဟုယူဆရသူတစ်ဦးက ငွေ ကျပ် ၄၇၀၀၀ ပေးပါက တန်းစီစရာမလိုကြောင်း လာပြောပါသည်။ တန်းစီနေသူ အမျိုးသမီးတစ်ဦးက သဘောတူ ကြောင်းပြောရာ ထိုသူက ငွေ ကျပ် ၄၇၀၀၀ နှင့် မှတ်ပုံတင်၊ သန်းခေါင်စာရင်းတို့ကို ပေးရန် ပြောရာ အငြိမ်းစားဝန်ထမ်းဟု ယူဆရသူ ထိုအမျိုးသမီးက အထဲ ရောက်မှပေးနိုင်မည်ဟု ပြောသ ဖြင့် ဈေးမတည့်ဘဲ ဖြစ်သွားခဲ့ရ ပါသည်။ အလုပ်အကိုင်အေဂျင်စီ လည်ဆွဲ ဆွဲထားသူအချို့မှာ အတွင်းသို့ ၀င်လိုက်ထွက်လိုက်လုပ် နေပြီး တန်းစီသူများထဲသို့ ၄င်း တို့၏လူများကို ကြားဖြတ်သွင်းနေ သည်ကိုလည်း တွေ့ရပါသည်။ အသက် ၆၀ ကျော်တစ်သိုက်လည်း ၀င်၍ မရသေးဘူးလားဟု ထပ်မေးမှ တစ်ပြုံလုံး ၀င်ခွင့်ရသွားခဲ့ ပါသည်။

ဂိတ်ဝကြီးမှ ၀င်လာပြီးနောက် ပေ ၃၀ ခန့်တွင် ယောက်ျားနှင့် မိန်းမ ခွဲထားသော စစ်ဆေးရေး ၀င်ပေါက်ငယ်နှစ်ခုကို တွေ့ရ သော်လည်း ယောက်ျား၊ မိန်းမ မခွဲတော့ဘဲ မိမိကျရာအခြမ်းမှ ၀င်ပေါက်ကို ဖြတ်သန်း ၀င်ရောက်ကြရပါသည်။ အထဲတွင် မှတ်ပုံတင်ကို စက်ထဲသို့ထည့်၍ အစစ်ခံပြီး စားပွဲခုံငယ်နှစ်လုံးချ ပြီး လျှောက်လွှာပုံစံများ ပေးနေသော ၀န်ထမ်း၏စားပွဲသို့ သွား ကြရပါသည်။ လျှောက်လွှာပုံစံ တစ်စောင်စီကို အလွယ်တကူရရှိ ပြီး လွတ်နေသော စားပွဲများသို့ သွားပြီး ပုံစံဖြည့်ကြရပါသည်။ ပြီးနောက် အမျိုးသမီးကြီးတစ်ဦး အား ပုံစံဖြည့်ပေးနေသော အမျိုး သမီး ရဲဝန်ထမ်းတစ်ဦးအား ပုံစံ ဖြည့်ပြီး ဘာဆက်လုပ်ရမည်ကို မေးရာ နောက်ထပ် ၀င်ပေါက် တစ်ခုကိုဝင်ပြီး အိမ်ထောင်စုစာ ရင်းနှင့် မှတ်ပုံတင်တို့ကို လ၀က ကောင်တာ၌ အစစ်ခံရမည်ဖြစ် ကြောင်းပြောသဖြင့် အသက် ၆၀ ကျော်များ မည်သည့်အပေါက်မှ ၀င်ရမည်ကိုမေးရာ ယောက်ျား မိန်းမ ရောနေသည့် လူ ၇၀ ခန့် တန်းစီနေသာ လူအုပ်ကြီးနောက် တွင် တန်းစီရန်ပြောပါသည်။ လူ အုပ်ကြီး ထိပ်ဆုံးတွင် ရဲတပ်ကြပ် ကြီးတစ်ဦးက PVC ပိုက် တစ် ချောင်းဖြင့်တားကာ လူနှစ်ဆယ်၊ အစိတ်ခန့်ကို တစ်သုတ်စီပြုကာ ၀င်ပေါက်အထဲရှိ လ၀က ကောင်တာများသို့ လွှတ်ပေးနေပါသည်။

မိမိလည်း လူအုပ်ကြီးနှင့် အတူ တန်းစီရာ ပိုက်လုံးတား ထားရာနေရာနှင့် ခြောက်ပေခန့် အကွာနေရာသို့ အရောက်တွင် အမျိုးသမီးရဲဝန်ထမ်းတစ်ဦး ခေါ် လာသော အမျိုးသမီးကြီးတစ်ဦးအား ရဲတပ်ကြပ်ကြီးက တန်း စီရန်မလိုဘဲ လ၀ကကောင်တာ ၀င်ပေါက်သို့ ၀င်ခွင့်ပြုလိုက်သည်ကို တွေ့ရပါသည်။ ထို့ကြောင့် လူအချို့မှာ စူးစမ်းသည့်အကြည့် ဖြင့် ၀ိုင်းကြည့်ကြရာ “ အသက် ၆၀ ကျော်ဖြစ်၍ တန်းစီစရာ မလိုဘဲ ၀င်ခွင့်ပြုလိုက်ကြောင်း “ မည်သူကမှ မမေးဘဲ ရှင်းပြပါသည်။ ဤတွင် အသက် ၆၀ ကျော် တန်းစီသူများက စောစော ကတော့ မပြောဘူး ဆရာကြီးရာ ဟုပြောရာ “ ၆၀ ကျော်သူများ၊ ရဟန်းသံဃာနှင့် မကျန်းမာသူ များ တန်းစီစရာ မလိုကြောင်း၊ လ၀ကကောင်တာ နံပါတ် ၈ ကို သီးသန့် ထားပေးထားကြောင်း၊ ပြီးလျှင် ဘဏ်ကောင်တာတွင် ငွေသွင်းပြီး အပေါ်၌ ဓာတ်ပုံရိုက် ရန် သီးသန့်နေရာများ စီစဉ်ထား ကြောင်း” ပြောပါသည်။

ထို့ကြောင့် တန်းစီနေသော လူအုပ်များထဲ အသက် ၆၀ ကျော် တစ်သိုက်လည်း ပိုက်တားထားသည့် လူအုပ်ထဲမှ ပြန်ထွက်ကာ လ၀ကကောင်တာများဆီသို့ ၀င် ပေါက်ကိုဖြတ်ပြီး ၀င်ခဲ့ကြပါသည်။ ရဲတပ်ကြပ်ကြီး ပြောလိုက်သော ကောင်တာနံပါတ် ၈ ကို ကြည့် ရာ အသက်နှစ်ဆယ်၊ အစိတ်ဝန်း ကျင် လူငယ်များပါ လည်ဆွဲများ ကိုယ်စီဖြင့် တန်းစီနေကြသည်ကို တွေ့ရပါသည်။ မိမိတို့ အသက် ၆၀ ကျော် တစ်သိုက်လည်း ဒါ အသက် ၆၀ ကျော်တွေအတွက် ကောင်တာမဟုတ်လားဟုမေးရာ လူငယ်တစ်ဦးက ဘယ်ကောင်တာ ဖြစ်ဖြစ် ခွဲမထားဘူး။ ဒီအတိုင်း ၀င်စီလို့ရတယ်ဟုပြောသဖြင့် ၄င်း တို့၏ အနောက်ဘက်တွင်ဝင်၍ တန်းစီရပါသည်။ လ၀က ကောင်တာတွင် မှတ်ပုံတင်၊ အိမ်ထောင်စု စာရင်းတို့ကိုပြသပြီး မိတ္တူတစ်စုံ နှင့်အတူ ငွေကျပ် ၂၀၀၀ အား ပေးလိုက်ပြီးနောက်တွင် ငွေသွင်း ရန် စာရွက်ရပါသည်။ ထို့နောက် ငွေသွင်းရန် ကောင်တာသို့သွား ပြီး ငွေကျပ်၂၅၀၀၀ အား တန်းစီ ပြီး ပေးသွင်းရပါသည်။ ငွေသွင်း သည့်ကောင်တာတစ်ခုတွင် လည်ဆွဲပါသူ အမျိုးသမီးငယ်တစ်ဦးက ငွေသွင်းစာရွက်တစ်ထပ်ကြီးကိုင် ပြီး ငွေသွင်းနေသည်ကိုလည်း တွေ့ရပါသည်။ ငွေသွင်းပြီးနောက် တွင် ဓာတ်ပုံရိုက်သည့် အခန်း ငယ်များသို့သွားရန် တန်းစီနေသူ များ စုပြုံနေသည်ကို တွေ့ရှိရပါ သည်။ ဓာတ်ပုံရိုက်ခန်းများအား အပေါ်ထပ်တွင်ပါ ဖွင့်ထားသော် လည်း ဓာတ်ပုံရိုက်သူများနှင့် ပြည့်ကျပ်နေပါသည်။ ဓာတ်ပုံရိုက် ခန်းတွင် လက်ဗွေနှိပ်၊ ဓာတ်ပုံ ရိုက်၊ ဓာတ်ပုံရိုက်ခ ကျပ် ၃၀၀၀ ပေးပြီးနောက်တွင် နောက် ၁၀ ရက်အကြာ ၆-၁၀-၂၀၁၇ ရက် နေ့တွင် နိုင်ငံကူးလက်မှတ် လာထုတ်ရန် စလစ်ကို ထုတ်ပေးပါ သည်။ ထို့ကြောင့်

နံနက်၁၁ နာရီ သာသာတွင် နိုင်ငံကူးလက်မှတ် ထုတ်ပေးရေးအဖွဲ့ရုံးမှ ပြန်လည် ထွက်ခွာလာနိုင်ခဲ့ပါသည်။

နိုင်ငံကူးလက်မှတ်ပြန်လည် ထုတ်ယူရန် ရက်စေ့သော ၆- ၁၀-၂၀၁၇ ရက်နေ့မှာ သီတင်း ကျွတ်လပြည့် ရုံးပိတ်ရက်အတွင်း ကျရောက်နေသဖြင့် ရုံးများ ပြန် လည်ဖွင့်လှစ်သောနေ့ ၉-၁၀-၂၀၁၇ ရက်နေ့တွင် သွားရောက် ထုတ်ယူခဲ့ပါသည်။ ရုံးသို့ ၁၀ နာရီ  သာသာတွင် ရောက်ရှိသွားခဲ့ပြီး ဒီတစ်ခါတွင်တော့ အသက် ၆၀ ကျော် အခွင့်အရေးကိုရယူကာ ပထမဂိတ်ပေါက်အား အလွယ်တကူ ဖြတ်ကျော်နိုင်ခဲ့ပါသည်။ အပေါ်ထပ် နိုင်ငံကူးလက်မှတ် ထုတ်ပေးသက်တမ်းတိုးသည့် ကောင်တာတွင် စလစ်စာရွက်ကို ထပ်ပြီး မိမိအလှည့်ကို စောင့်ရပါ သည်။ နာရီဝက်ခန့်အကြာတွင် မိမိ၏အမည်ကို ခေါ်သဖြင့် ငွေ ကျပ် ၃၀၀၀ ပေး၊ နိုင်ငံကူးလက်မှတ်နှင့် နိုင်ငံကူးလက်မှတ်စာအုပ် အဖုံးအနီရောင်တစ်ခုအားရယူကာ ၁၁ နာရီသာသာတွင် ပြန်လည်ထွက်ခွာနိုင်ခဲ့ပါသည်။

ဖြစ်ကြောင်းရယ်ကုန်စင်ကို သူငယ်ချင်းတစ်ဦးနှင့် မျှဝေသော အခါတွင် ယခင်က နိုင်ငံကူးလက်မှတ်ရဖို့ လနှင့် နှစ်နှင့်ချီ စောင့်ရ ကြောင်း၊ ယခု ၁၀ ရက်နှင့် ရသည်ကို ကျေးဇူးတင်ရမည်ဖြစ် ကြောင်း ပြောပါသည်။ သို့သော် စာရေးသူအနေဖြင့်မူ အများပြည် သူအပေါင်း နိုင်ငံကူးလက်မှတ် အလွယ်တကူ ထုတ်ယူစေနိုင်ရေး အတွက် အောက်ပါ အဖုအထစ် လေးများကို ဖြေလျှော့ပေးနိုင်မည် ဆိုပါက ပို၍ကောင်းမည်ဟု ထင် မြင်မိပါသည်။

နံပါတ်တစ်ကတော့ နိုင်ငံကူးလက်မှတ် လာရောက်ပြုလုပ်သူများပြားတိုးဝှေ့နေရခြင်းကို ဖြေရှင်းပေးရန်ဖြစ်ပါသည်။ နံနက် ၉ နာရီခန့်၌ နိုင်ငံကူးလက်မှတ် ပြုလုပ်ရန် တန်းစီနေသူများမှာ စက်မှု(၁)လမ်းပေါ်ရှိ ၀င်ပေါက်မှ စတင်ပြီး ၄င်းရုံးနှင့် တယ်လီနော ကုမ်္ပဏီ အဆောက်အအုံကြားရှိ လမ်းသွယ်ထဲအထိ တစ်မျှော် တစ်ခေါ် တန်းစီနေကြရသည်ကို တွေ့မြင်နေရပါသည်။ ထို့အတူ ပင် နိုင်ငံကူးလက်မှတ်ထုတ်ယူ မည့်သူများမှာလည်း စက်မှု(၁)လမ်းမကြီးဘေး ပလက်ဖောင်း ပေါ်တွင် လူစုလူဝေးနှင့် တန်းစီ နေကြရပါသည်။ အချို့ဆိုလျှင် နံနက် ၆ နာရီခန့်မှ စတင်ပြီး တန်းစီကြရပါသည်။ တန်းစီရင်း လူစုလူဝေးနှင့် တိုးဝှေ့နေကြသူ များ၊ ကြားဖြတ်ဝင်ရောက်သူများ အလုပ်သမားအေးဂျင့် (ပွဲစား)များဖြင့် ရှုပ်ထွေးနေလေ့ ရှိပါ သည်။ ထိုကဲ့သို့ ၀ရုန်းသုန်းကား ဖြစ်နေခြင်းကို ရှောင်ရှားနိုင်ရန် အတွက် နံနက် ၆ နာရီမှစတင်ပြီး အရင်ရောက်သူ အရင်ယူစနစ် ဖြင့် ကြိုတင်ပြီး တိုကင်ထုတ်ပေး သည့် စနစ်ကို ကျင့်သုံးသင့်ပါ သည်။ ရုံးခန်းထဲရှိ လုပ်ငန်းဆောင် ရွက်ပေးနိုင်သည့် ကောင်တာ အရေအတွက်ကိုလိုက်၍ အလှည့် ကျ တိုကင်နံပါတ်ခေါ်ပြီး ကောင် တာများဆီသို့ ၀င်ခွင့်ပြုသင့်ပါ သည်။ နိုင်ငံကူးလက်မှတ်လုပ်သူ အားလုံးအတွက် မိုးဒဏ်လေဒဏ် ကာကွယ်ပေးနိုင်သည့် နေရာထိုင် ခင်း စီစဉ်ပေးရန် လိုအပ်သလို လည်ပင်းတွင် ကတ်ပြားမျာဆွဲ ထားသော ပွဲစားများအား ဥဒဟို ၀င်ထွက်ခွင့်ပြုနေခြင်းကိုလည်း ကန့်သတ်ရမည်ဖြစ်ပါသည်။

ဒုတိယအချက်မှာ အပြင်တွင် တိုးဝှေ့တန်းစီပြီး လုံခြုံရေး ၀င်ပေါက်ကိုဖြတ်၊ အတွင်းရောက်မှ ပုံစံများဖြည့်နေရသည့်စနစ်ကို ပြင်ဆင်သင့်ပါသည်။ နံနက်ရုံး ရောက်ချိန် တိုကင်ပြီးသည်နှင့် ဖြည့်ရမည့်လျှောက်လွှာကို တစ် ပြိုင်နက်တည်းထုတ်ပေးပြီး ပုံစံ ရေးဖြည့်ရမည့်နေရာ (စားပွဲများ) ကိုလည်း စီစဉ်ပေးထားသင့်ပါ သည်။ သို့မှသာ တိုကင်နံပါတ် ခေါ်သည်နှင့် လ၀ကတွင် အသင့် ဖြည့်ပြီးသော ပုံစံဖြင့် တန်းပြီး အစစ်ဆေးခံနိုင်မည်ဖြစ်ပါသည်။ အခုတော့ နံနက်အစောကြီးလာ အထဲကိုရောက်ဖို့ စုပြုံတိုးကြ၊ အထဲရောက်တော့ လုံခြုံရေးဝင် ပေါက်ကိုဖြတ်၊ ပုံစံထုတ်၊ ဖြည့်စရာ နေရာလု၊ ပုံစံဖြည့်ပြီး အတွင်း တံခါးကို ၀င်ခွင့်ရရန် ဒုတိယအ ကြိမ် စုပြုံတိုး၊ ပါလာသည့်စာရွက် စာတမ်းတွေကြေမွ၊ ဒုတိယအကြိမ် အတွင်း တံခါးကိုဖြတ်ပြီး လ၀က ကောင်တာများဆီ အလုအယက် သွားနေရာဦး၊ လ၀ကပြီးတော့ ငွေသွင်းခန်းမှာ ထပ်ပြီးတန်းစီ၊ ပြီး ငွေသွင်း၊ ဓာတ်ပုံရိုက်မယ့် ကောင်တာတွေဘက်မှာ ထပ်တိုး၊ တန်းစီ၊ ဓာတ်ပုံရိုက်နဲ့ တိုးဝှေ့ သံသရာလည်နေရခြင်းကို ပြောင်း လဲပေးရန် လိုအပ်နေပြီ ဖြစ်ပါသည်။

တတိယအချက်ကတော့ နိုင်ငံကူးလက်မှတ် ပြုလုပ်လျှင် ပေးသွင်းရမည့် ကုန်ကျစရိတ်ကို ကျပ် ၂၅၀၀၀ ဟု ရေးသားထား သော်လည်း ပထမနေ့တွင် လ၀က ကောင်တာတွင် စိစစ်ခ ကျပ် ၂၀၀၀၊ ငွေသွင်းခန်းတွင် ပေးသွင်း ရငွေ ကျပ် ၂၅၀၀၀၊ ဓာတ်ပုံ ရိုက်ခ ကျပ် ၃၀၀၀ ကုန်ကျခဲ့ပြီး စာအုပ်ရွေးမည့်နေ့တွင် (စာအုပ် အဖုံးဖိုးလားမသိ) ကျပ် ၃၀၀၀ ပေးနေရမှုဖြစ်ပါသည်။ ထို့ကြောင့် ပေးရသည့်ငွေ (ငွေ ၃၃၀၀၀)ကို ပွင့်လင်းမြင်သာစွာ တစ်ခါတည်း ရေသားချိတ်ဆွဲ ဖော်ပြထားပါက ငွေပေးဆောင်ရသူ ပြည်သူများ စိတ်ထဲတွင် ရှင်းလင်းသွားမည် ဖြစ်ပါသည်။

သို့ပါ၍ နိုင်ငံကူးလက်မှတ် အသစ်ပြုလုပ်မည့်သူများ၊ သက် တမ်းတိုးမည့်သူများ ယခုထက်ပို ပြီး အဆင်ပြေစေရေးအတွက် အထက်ဖော်ပြပါ အချက်သုံးချက် ကို ဖြည့်ဆည်းဆောင်ရွက်ပေး မည်ဆိုပါက ပို၍ကောင်းမည် ဖြစ်ကြောင်း စာရေးသူကိုယ်တိုင် နိုင်ငံကူးလက်မှတ် ပြုလုပ်စဉ်က တွေ့ကြုံခဲ့ရမှုအပေါ် အခြေခံပြီး အကြံပြုတင်ပြလိုက်ပါသည်။

Category: 

Share