လစဉ်ချီးမြှင့်ငွေ ရှစ်သောင်းကျပ်သာရသည့် အုပ်ချုပ်ရေးမှူးနေရာ အံ့သြဖွယ်ပြိုင်ဆိုင် မုန်တိုင်းထန် - ကိုလူသစ်

ပြီးခဲ့သည့် နိုဝင်ဘာလအတွင်းက လွှတ်တော်မှ ပြင်ဆင်ပြဋ္ဌာန်းခဲ့သည့်ရပ်ကွက်(သို့မဟုတ် ) ကျေးရွာအုပ်ချုပ်ရေး ဥပဒေထွက်ပေါ်လာပြီးနောက် ၄င်းရပ်ကွက်/ကျေးရွာအုပ် 

ချုပ်ရေးမှူးများအား အသစ်ပြန်လည်ရွေးကောက်တင်မြှောက်ရန် တိုင်းဒေသကြီးနှင့် ပြည်နယ်များတွင် ရွေးကောက်ပွဲများပြုလုပ်ရန် စတင်လုပ်ဆောင်ခဲ့သည်။

မြန်မာနိုင်ငံတွင် တိုင်းဒေသကြီးနှင့်ပြည်နယ် ၁၄ ခုရှိ သည့်အနက် ခရိုင် ၆၆ခု၊မြို့နယ် ၃၂၅မြို့နယ်၊ မြို့နယ်ခွဲ ၆၄ ခု၊မြို့ ၃၇၂ မြို့၊ ရပ်ကွက် ၂၈၂၇ ရပ်ကွက်၊ ကျေးရွာအုပ်စု ၁၃၇၀၈ အုပ်စုနှင့် ကျေးရွာ ၆၄၁၈၅၃ ကျေးရွာ ရှိသည့်အတွက် နိုင်ငံတော်အစိုးရအနေဖြင့် ရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေးမှူးစုစုပေါင်း ၁၆၅၃၅ဦးအား       အမျာြး ပည်သူရွေးချယ်တင်မြှောက်မှုအရ ခန့်အပ်ရမည်ဖြစ်ကြောင်း သိရသည်။

ထို့ကြောင့် တိုင်းဒေသကြီး နှင့် ပြည်နယ်များရှိ ရပ်ကွက် (သို့မဟုတ်) ကျေးရွာအုပ်စုအသီးသီးတွင် ဆယ်အိမ်စုမှူး၊ ယာအိမ်စုမှူးတို့မှတစ်ဆင့် ရပ်ကွက် (သို့မဟုတ်)ကျေးရွာအုပ်စုအုပ်ချုပ် ရေးမှူးများအား အသစ်ပြန်လည် ရွေးချယ်နိုင်ရန် ဥပဒေပါပြဋ္ဌာန်း ချက်ပါအတိုင်း ရပ်မိရပ်ဖငါးဦး ပါဝင်သည့်  ကြီးကြပ်ရေးအဖွဲ့အား သက်ဆိုင်ရာမြို့နယ်အထွေထွေ အုပ်ချုပ်ရေးဦးစီးဌာနမှ ဖွဲ့စည်း ပေးလျက်ရှိကြောင်းလည်း သိရသည်။

ထိုသို့ မြို့နယ်အထွေ ထွေ အုပ်ချုပ်ရေးဦးစီးဌာနမှ ၄င်း ရပ်ကွက်/ကျေးရွာအုပ်ချုပ်ရေးမှူးများအား ရွေးချယ်ရာတွင် ကြီးကြပ်နိုင်ရန်အတွက် ကြီးကြပ်ရေးအဖွဲ့အား ပြီးခဲ့သည့် နိုဝင်ဘာ အတွင်းပိုင်းမှ စတင်လုပ်ဆောင် ခဲ့သည်။

သို့သော် လက်ရှိပြုလုပ်လျက်ရှိသည့် ကြီးကြပ်ရေးမှူးများအား ရွေးချယ်တင်မြှောက်မှုတွင်မူ အာဏာရပါတီ၊တိုင်းဒေသကြီး အစိုးရအဖွဲ့ဝင်၊ အရွေးချယ်ခံမည့် ပုဂ်္ဂိုလ်နှင့်ဒေသ   ခံပြည်သူအကြား သဘောထားကွဲမှုများကြောင့် ပဋိပက္ခများဖြစ်ပွားကာ အချို့သော ဒေသများတွင် ရွေးချယ်တင် မြှောက်ပွဲများပျက်သည် အထိဖြစ်ခဲ့ရသည့်အပြင် အပြန်အလှန်အမှုဖွင့်တိုင်ကြားသည် အထိဖြစ်ပေါ် လျက်ရှိကြောင်း သိရသည်။

ပဋိပက္ခများစတင်

ယင်းအခြေအနေများသည် ရပ်ကွက်(သို့မဟုတ်) ကျေးရွာအုပ်စုအတွင်း နေထုိုင်သည့် ရပ်မိရပ်ဖများထဲမှ ဒေသခံများ၏ ရွေးချယ်ပေးရသည့် ရပ်မိရပ်ဖငါး ဦးရွေးချယ်မှုများ ပြုရာတွင်ပင် စတင်ပဋိပက္ခများစွာ ဖြစ်ပေါ်ခဲ့ သည့်အပြင် ရပ်ကွက် (သို့မဟုတ်) ကျေးရွာအုပ်စုအုပ်ချုပ်ရေးမှူးရွေး ချယ်ရာတွင်ပါ ပဋိပက္ခများ ဖြစ် ပေါ်ခဲ့ကြောင်း သိရသည်။ 

ရွေးချယ်ပွဲများပျက်

ထိုသို့ အုပ်ချုပ်ရေးမှူးများ ရွေးချယ်ရာ၌ ဖြစ်ပွားလျက်ရှသော ပြဿနာများတွင် ပြီးခဲ့သည့် နိုဝင်ဘာ ၂၆ ရက်က မကွေးတိုင်းဒေသကြီး၊ မင်းဘူး ခရိုင်၊ ပွင့်ဖြူမြို့နယ်၊ ကျောင်း  ကုန်းကြီးကျေးရွာ၌ ပြုလုပ်ခဲ့သော ကြီးကြပ်ရေးမှူး ငါးဦးအား ရွေးချယ်ရာတွင် ဒေသခံအများစုမှ  ရွေးချယ်ခဲ့သည့် ကြီးကြပ်ရေး မှူး ငါးဦးအား အချို့သောဒေသခံ များမှ ကန့်   ကွက်ခဲ့သည့်အတွက်  ၄င်း နိုဝင်ဘာ ၂၆ ရက်တွင် မကွေးတိုင်းဝန်ကြီးချုပ်မှ ကိုယ်တိုင် လာရောက် ကာ ဒေသခံ အများစုရွေးချယ်ထားသည့် ကြီး ကြပ်ရေးမှူး ငါးဦးအား ကန့်ကွက်ကာ အခြားငါးဦးအား ခန့်အပ်မှု အပေါ် ဒေသခံများက ကျေနပ်မှု မရှိသည့်အတွက် အစိုးရအဖွဲ့နှင့် ဒေသခံပြည်သူများအကြားပဋိပက္ခ ဖြစ်ပွားမှု ကြောင့် ကြီးကြပ်ရေးမှူး ရွေးချယ်ပွဲအစီအစဉ်ကို ဖျက်သိမ်း ခဲ့ရကြောင်း သိရသည်။

ထိုသို့ကြီးကြပ်ရေးမှူး ရွေးချယ်ပွဲကို တိုင်းဒေသကြီးဝန်ကြီးချုပ်က ၀င်ရောက်ဆောင်ရွက်မှု အပေါ်  အရပ်ဘက်အဖွဲ့အစည်း များနှင့် ပြည်သူတချို့ကဝေဖန်ခဲ့ သည်။

“ လက်ရှိပြဋ္ဌာန်းထားတဲ့ ဒီ ရပ်/ကျေးဥပဒေထဲမှာကိုက ကြီး ကြပ်ရေးမှူးတွေကို မြို့နယ်အထွေ ထွေအုပ်ချုပ်ရေးမှူးက ဖွဲ့စည်း ပေးရမယ်လို့ပါပေမယ့် ဒေသခံ ပြည်သူတွေရဲ့ရွေးချယ်မှုနဲ့ရွေး ချယ်ရမှာဖြစ်တဲ့အတွက်ကြောင့် အခုလို အစိုးရအဖွဲ့ဝင်တွေက ၀င်ရောက်စွက်ဖက်တာတွေက မဖြစ် သင့်ဘူးလို့မြင်တယ်။ သူ့အနေနဲ့ တားမြစ်လို့မရဘူး။ ဒါက  ပြည်သူ ကရွေးကောက်တင် မြှောက်တာ ဖြစ်တဲ့အတွက် ရွေးကောက်ပုံနည်း လမ်းမှန်၊ မမှန်ကိုဘဲ ပြောလို့ရတယ် “ ဟုရပ်ကွက် အုပ်ချုပ်ရေးမှူး ရွေးကောက်ပွဲ စောင့်ကြည့်လေ့လာရေး ဆောင်ရွက်နေသည့် “ စေ ”  အရပ် ဘက်အဖွဲ့အစည်းမှ ဦးအေးထွေး ကပြောသည်။

ထို့ပြင် ပဲခူးတိုင်းဒေသကြီး၊ ဝေါမြို့နယ်တွင်လည်း ပြီးခဲ့သည့် အောက်တိုဘာလအတွင်းက အုပ် ချုပ်ရေးမှူးရွေးချယ်ရာတွင် ကျေး ရွာအုပ်စုခုနစ်ခုမှ ကျေးရွာအုပ် ချုပ်ရေးမှူးများအား တိုင်းဒေသ ကြီးအစိုးရအဖွဲ့က တိုင်ကြားခံရ ခြင်း၊ ခံဝန်လက်မှတ်ရေးထိုးမှုရှိ ခြင်းစသည့် အကြောင်းပြချက်ဖြင့် အုပ်ချုပ် ရေးမှူးရွေးချယ်ရာတွင် ၀င်ရောက်အရွေးချယ်ခံ     ခြင်းမပြုရန် တားမြစ်စာထုတ်ပြန်ခဲ့သည့် အတွက် မြို့နယ်အထွေထွေအုပ်ချုပ်ရေးဦးစီးဌာနက တားမြစ်မှုများ  ပြုလုပ်ခဲ့ကြောင်း  သိရသည်။

ထိုသို့ အုပ်ချုပ်ရေးမှူး ခုနစ်ဦးအား အသစ်ပြန်လည်ရွေးချယ်ခန့်အပ်မည့် အုပ်ချုပ်ရေးမှူး အဖြစ် အရွေးချယ်ခံရန် တားမြစ်မှုကြောင့် ၄င်းအုပ်ချုပ်ရေးမှူး ခုနစ် ဦးက ဝေါမြို့နယ်၊   မြစ်ကျိုးရွာ၊ ရာဇ၀ိဟာရဘုန်းတော်ကြီး ကျောင်းတွင် တားမြစ်ခံရမှုနှင့် ပတ်သက်၍ သတင်း စာရှင်းလင်းပွဲတစ်ရပ် ပြုလုပ်ခဲ့ရကြောင်း သိရသည်။

သို့သော် ၄င်းအုပ်ချုပ်ရေး မှူး ခုနစ်ဦးအနက် တချို့သည် ကျေးရွာနေဒေသခံများ က အုပ်ချုပ်ရေးမှူးတာဝန် ဆက်လက်လုပ်ဆောင်ပေးရန်ထောက်ခံပေးထားသူများဖြစ်ကြောင်း သိရသည်။

“ ကျွန်တော်တို့သိချင်တာက ဥပဒေမှာ ဒီလိုတိုင်းဒေသကြီး အစိုးရအဖွဲ့ရဲ့အစည်းအဝေးဆုံး ဖြတ်ချက်နဲ့ဆိုပြီးကန့်ကွက်လို့ရ သလား။ ဒါကအများပြည်သူရဲ့ ဆန္ဒမဲပေးရွေး        ကောက်တင်မြှောက်ရမှာလေ။ ဥပဒေမှာ ဒီ ရပ်ကွက်အုပ်ချုပ်ရေးမှူးအဖြစ် ၀င်ရောက်အရွေးချယ်ခံတဲ့ပုဂ်္ဂိုလ်ဟာ ဘယ်လိုအရည်အချင်း သတ်မှတ်ချက်နဲ့ပြည့်စုံရမယ်လို့ပါပြီးသား။ ဒါကို တိုင်ကြားခံရတဲ့အတွက် ၀င်ရွေးချယ်လို့ မရဘူး ဆိုပြီးတားမြစ်တာတွေကို ကျွန်တော်တို့အနေနဲ့လက်မခံနိုင် ဘူး။ ပြည်သူကကျွန်တော့်ကို မကြိုက်ရင် သူတို့မဲကို  ကျွန်တော် ရစရာအကြောင်းမရှိဘူး။ပြည်သူက ရွေးချယ်တယ်၊ သတ်မှတ် အရည်အချင်းနဲ့ပြည့်စုံတယ်ဆိုရင် သူတို့လက်မခံနိုင်စရာအကြောင်း မရှိဘူး။ ဒါကိုတားမြစ်တယ်ဆို   တော့ ဘယ်လိုမှကိုနားမလည် နိုင်တော့ဘူး” ဟု ပဲခူးတိုင်းအစိုးရ၏ တားမြစ်ခြင်းခံရသည့် အုပ်ချုပ်ရေးမှူးတစ်ဦးက ပြောသည်။

တချို့အရိုက်ခံရ

ထို့ပြင် မန္တလေးတိုင်းဒေသ ကြီး၊ အမရပူရမြို့နယ်၊ ယဉ်တော် ကျေးရွာ၊ ရွာဦးဓမ္မာရုံတွင် ပြီးခဲ့သည့် နိုဝင်ဘာ ၂၂ ရက်က  ပြုလုပ်သည့်ရပ်ကွက်အုပ်ချုပ်ရေးမှူး ရွေးချယ်ရန်အတွက် ကြီးကြပ်ရေး မှူးငါးဦးအား ရွေးချယ်ရာတွင် မဲပေးသည့် ၂၅၀ ဦးရှိပြီး မဲပေးရန် ကျန်ရှိသူ ၂၅ ဦးတွင် ဒေသခံတစ် ဦးက မဲမသမာမှုများရှိကြောင်း ပြောဆိုရာမှတစ်ဆင့် ပဋိပက္ခဖြစ်ပွားခဲ့သည့်အတွက် ၄င်းမဲမသမာမှု ရှိကြောင်း ပြောဆိုသည့် အမျိုးသမီးမှာ ရိုက်နှက်ခြင်းခံခဲ့ရသည့်အပြင် ၄င်းကြီးကြပ်ရေးမှူးရွေးချယ် ပွဲအစီအစဉ်ပျက စီးခဲ့ရကြောင်းနှင့် ယင်းသို့ ပဋိပက္ခဖြစ်မှုကြောင့်လည်း အမရပူရမြို့မရဲစခန်းတွင် ပုဒ်မ ၂၉၄၊ ၃၅၄၊ ၃၂၅၊ ၁၁၄၊ ၅၀၆ တို့ဖြင့် ရိုက်နှက်ခြင်းခံရသူ အမျိုးသမီးက အမှုဖွင့်လှစ်ထား ကြောင်း သိရသည်။ထို့ပြင် ရန်ကုန်တိုင်းဒေသ ကြီး၊ လှည်းကူးမြို့နယ်၊ ၀ိုင်းစံပြ ကျေးရွာတွင်လည်း ပြီးခဲ့သည့် နိုဝင်ဘာလ ၂၁ ရက်က ကြီးကြပ် ရေးမှူးရွေးချယ်ပွဲအား ပြု လုပ်ရာ၌ တချို့သော ဒေသခံများက အိမ်ထောင်စုစာရင်းမရှိဘဲ မဲပေးမှု များကြောင့် အိမ်ထောင်စုစာရင်း (၆၆/၆) ဖြင့် မဲပေးသူများက ကန့်ကွက်မှုများ ပြုလုပ်ခဲ့ကြောင်း သိရသည်။

လွှတ်တော်ကိုယ်စားလှယ် ကြောင့်လည်း ပွဲပျက်

သို့သော် လှည်းကူးမဲဆန္ဒနယ်မှ တိုင်းဒေသကြီးလွှတ်တော် ကိုယ်စားလှယ်တစ်ဦးဖြစ်သူ ဒေါ်မြတ်မာလာထွန်းက ယင်းသို့ မဲပေးရာတွင် အိမ်ထောင်စု စာရင်းမရှိဘဲ မဲပေးခွင့် ရှိကြောင်း ၀င်ရောက်ပြောကြားခဲ့သည်ဟုဆိုကာ ဒေသခံများက တိုင်းဒေသ ကြီးဝန်ကြီးချုပ်နှင့် သက်ဆိုင်ရာ အစိုးရများထံသို့ စာရေးသား ပေးပို့ကာ တိုင်ကြားမှုများ ပြုလုပ်ခဲ့သည့်အပြင် ၄င်းကြီးကြပ်ရေးမှူး ရွေးချယ်ပွဲအစီအစဉ်သည်လည်း ပျက်ခဲ့ရကြောင်း သိရသည်။

ထို့နောက် ၄င်းမြို့နယ်၌ပင် အောက်တိုဘာ ၂၇ ရက်တွင် ကြီးကြပ်ရေးမှူးများအား ရွေးချယ်ရန် ဒုတိယအကြိမ်ပြုလုပ်ခဲ့သော်လည်း အာဏာရပါတီကအိမ်ထောင်စုစာရင်း     အမြန်ပြုလုပ်ရန် ဖိအားပေး ခြင်းများနှင့် တချို့သောမိသားစုများမှာ ပုံစံ ၁၀ မပါရှိဘဲ အိမ်ထောင်စုစာရင်းပြုလုပ်ကာ မဲပေး ခြင်းများရှိခဲ့သည့်အတွက်ဟုဆိုကာ ကျေးရွာနေဒေသခံများက ၄င်းရွေးချယ်တင်မြှောက်ပွဲအား ယုံမှားသံသယဖြစ်ပွားမှုကြောင့် ဒုတိယအကြိမ် ပြုလုပ်ခဲ့ရသော ကြီးကြပ်ရေးမှူးရွေး ချယ်ပွဲမှလည်း ပျက်ခဲ့ရကြောင်း သိရသည်။

ထိုသို့ ရပ်ကွက်အုပ်ချုပ်ရေးမှူးရွေးချယ်ရာတွင်ဖြစ်ပွားလျက်ရှိသည့် အစိုးရအဖွဲ့၏တားမြစ်မှုများ၊ ဆန္ဒမဲပေးမှုအငြင်းပွားမှုများ၊ အာဏာရပါတီဝင်အချို့မှ ၀င်ရောက်စွက်ဖက်မှုများရှိသည် ဆိုသည့် ဖြစ်ရပ်များကြောင့်လည်း အချို့သောနိုင်ငံရေးတက်ကြွလှုပ်ရှားသူများနှင့်ဒေသခံပြည်သူ အချို့ကမူ အုပ်ချုပ်ရေးမှူးရွေး ချယ်ပွဲများအပေါ် ထိန်းကျောင်းနိုင်ခြင်းမရှိသည့် အစိုးရအပေါ် ဝေဖန်မှုများ  ပြုလုပ်လျက်ရှိ သည်။ယင်းအခြေအနေ များကြောင့် ရပ်ကွက်အုပ်ချုပ်ရေးမှူး ရွေး ကောက်ပွဲအား လေ့လာစောင့် ကြည့်လျက်ရှိသည့် အရပ်ဘက်လူ မှုအဖွဲ့အစည်းများက ယင်းသို့ရွေးကောက်တင် မြှောက်မှုနှင့် ပတ်သက်၍ ရွေးကောက်ပွဲအသိပညာပေး လက်ကမ်းစာစောင်များဖြန့်ဝေ ခြင်း၊ အုပ်ချုပ်ရေးမှူးများအား  ရွေးချယ်တင်မြှောက်ပုံများနှင့် ဟောပြောမှုများလုပ်ဆောင်ပေး နေရကြောင်း သိရသည်။

ရပ်ကွက် (သို့မဟုတ်) ကျေးရွာအုပ်စုအုပ်ချုပ်ရေးဥပဒေ

အဆိုပါ ရပ်ကွက်(သို့မဟုတ်) ကျေးရွာအုပ်စု အုပ်ချုပ်ရေး ဥပဒေကို သမ္မတဦးသိန်းစိန် ဦးဆောင်သည့် အရပ်သားအစိုးရတက်လာပြီးနောက် နိုင်ငံတော်အေးချမ်းသာယာရေးနှင့် ဖွံ့ဖြိုး ရေးကောင်စီလက်ထက်က ခန့်အပ်ထားသည့် ရပ်ကွက်ဥက္ကဌများနေ ရာတွင် အစားထိုးပြန်လည်ခန့်အပ် နိုင်ရန် ၂၀၁၂ ခုနှစ်အတွင်း ကျင်းပပြုလုပ်သည့် လွှတ်တော်၌   ရပ်ကွက် (သို့မဟုတ်) ကျေးရွာ အုပ်စုအုပ်ချုပ်ရေး ဥပဒေအား ပြဋ္ဌာန်းခဲ့ပြီး၂၀၁၂ ခုနှစ် မတ်လ တွင် ပထမအကြိမ် ပြင်ဆင်ခြင်းနှင့် လက်ရှိအစိုးရ တက်လာပြီးနောက်  ၂၀၁၆ ခုနှစ် ဇန်န၀ါရီလတွင် ဒုတိယအကြိမ် ထပ်မံပြင်ဆင်ခြင်း၊ ၂၀၁၆ ခုနှစ် ဒီဇင်ဘာလ ၂ ရက် တွင်မူ ၄င်းဥပဒေအား တတိယအကြိမ်အဖြစ် လွှတ်တော်က ပြန်လည်ပြင်ဆင်ခဲ့   သဖြင့် ၄င်း ဥပဒေသည် သုံးကြိမ်မြောက် ပြင်ဆင်ထားသည့် ဥပဒေဖြစ် ကြောင်း သိရသည်။

ဥပဒေပါလုပ်ငန်းစဉ်များ

၎င်းတတိယအကြိမ်ပြင်ဆင်ခဲ့သည့် ရပ်ကွက်(သို့မဟုတ်)ကျေးရွာဥပဒေတွင် ရပ်ကွက်( သို့မဟုတ်) ကျေးရွာအုပ်စု အုပ်ချုပ်ရေးမှူးများအား ရွေးချယ်ရာတွင် ကြီးကြပ်နိုင်ရန်    အတွက် ဖွဲ့စည်းခြင်းဖြစ်ပြီး ရပ်ကွက် (သို့မဟုတ်)ကျေးရွာအတွင်း နေထိုင်သူများက  ရွေးချယ်သည့်အပြင်  ၄င်းတာဝန်အားထမ်း ဆောင်ရန်ဆန္ဒရှိသည့်ရပ်မိ၊ရပ်ဖ ငါးဦးအား  သက်ဆိုင်ရာမြို့နယ် အုပ်ချုပ်ရေးမှူးက ကြီးကြပ်ရေး အဖွဲ့အဖြစ် ဖွဲ့စည်းတာဝန်ပေး အပ်ရမည်ဖြစ်ကြောင်း ၄င်းဥပ ဒေတွင်ဖော်ပြချက်အရ သိရသည်။

ထို့အပြင် ၄င်းကြီးကြပ်ရေး အဖွဲ့များသည်ဆယ်အိမ်စုမှူးနှင့်ရာအိမ်စုမှူးအစုအဖွဲ့များအား ဖွဲ့စည်းရ မည်ဖြစ်ကြောင်းလည်း ၄င်းဥပဒေတွင်ဖော်ပြထားသည်။

ဥပဒေပါ အရည်အချင်းများ

ထို့အပြင် ၄င်းရပ်ကွက်(သို့ မဟုတ်)ကျေးရွာအုပ်စု အုပ်ချုပ်ရေးဥပဒေ၊အခန်း(၃)၊ပုဒ်မ ၅ တွင် ရပ်ကွက်(သို့မဟုတ်)ကျေး ရွာအုပ်စု အုပ်ချုပ်ရေးမှူး၊ကျေးရွာတာဝန်ခံ၊ ရာအိမ်မှူး၊ဆယ်အိမ်မှူးများ အဖြစ်ဝင်ရောက်အရွေး ချယ်ခံမည့်ပုဂ်္ဂိုလ်များသည် နိုင်ငံသားမိဘနှစ်ပါးမှမွေးဖွားသော နိုင်ငံသားဖြစ်ခြင်း၊အသက် ၂၅ နှစ်ပြည့်ပြီးသူဖြစ်ရမည်ဖြစ်ကြောင်း ပြဋ္ဌာန်းထားသည့်အ ပြင် ပုဒ်မ၅၊ ပုဒ်မခွဲ(င) အရ ၀င် ရောက်အရွေးချယ်ခံမည့်ပုဂ်္ဂိုလ်များအနေဖြင့် သက်ဆိုင်ရာရပ် ကွက်(သို့မဟုတ်)ကျေးရွာအုပ်စု တွင် တစ်ဆက်တည်း အနည်းဆုံး ငါးနှစ်နေထိုင်သူဖြစ်ပြီး ၀င်ရောက် အရွေးချယ်ခံမည့် ရပ်ကွက်၊ ကျေးရွာတွင် နေထိုင်မည့်သူဖြစ်ရ မည်ဖြစ်ကြောင်းနှင့် ရပ်ရွာမှ ကြည်ညိုလေးစားပြီး သိက္ခာသမာဓိရှိ  သူဖြစ်ခြင်း၊ ပေးအပ် သည့်တာဝန်အား ထမ်းဆောင်နိုင်သူဖြစ်ခြင်းနှင့် နိုင်ငံတော်နှင့်ရပ်ရွာဒေသ၏အကျိုးအား စေတနာ ထက်သန်စွာဖြင့် တာဝန်ထမ်းဆောင်ရန်ဆန်္ဒရှိသူဖြစ်ရမည့်အပြင် အတူနေမိသာ စုဝင်များသည်လည်း အကျင့်စာရိတ္တကာင်းမွန်ကာ ရိုးသား ဖြောင့်မတ်သူများဖြစ်ခြင်း၊ တာဝန်ထမ်းဆောင်ဆဲနိုင်ငံ့ဝန်ထမ်း မဟုတ် ခြင်း၊ လက်နက်ကိုင်အဖွဲ့အစည်းဝင်မဟုတ်ခြင်း၊ မတရားအသင်းအဖွဲ့များ၌ပါဝင်သူ၊ ဆက်သွယ်သူ မဟုတ်သူများ ဖြစ်ရမည်ဖြစ် ကြောင်းလည်း ပြဋ္ဌာန်းထာ ကြောင်း သိရသည်။

ထို့အပြင်အုပ်ချုပ်ရေးမှူး အဖြစ်ရွေးကောက်တင်မြှောက ခြင်းခံရပါက လုပ်ပိုင်ခွင့်အား အလွဲသုံးစားပြုခြင်း၊ အရှိန်အ၀ါ ကို အသုံးပြုခြင်း၊ မသမာမှုပြုခြင်း၊ မလျော်သြဇာသုံးခြင်းများကို ရှောင်ကြဉ်ရမည်ဖြစ်သည့် အပြင် ဥပဒေနှင့်အညီပေးအပ်သည့် လုပ် ငန်းတာဝန်များအား ကျေပွန် စွာထမ်းဆောင်ရမည်ဖြစ်သည်ဆို သည့်ကျင့်ဝတ်များ အားစောင့် ထိန်းရမည့်အပြင် လုပ်ငန်းတာဝန် စုစုပေါင်း ၁၃၀ ခန့်အား ဆောင်ရွက်ရမည်ဖြစ်ကြောင်း သိရသည်။

ထိုသို့ အများပြည်သူမှ ရွေးချယ်တင်မြှောက်ခြင်းခံရ သည့် ရပ်ကွက်အုပ်ချုပ်ရေးမှူးများ အနေဖြင့် လုပ်ငန်းတာဝန်ပေါင်း ၁၃၀ကျော်အား ထမ်းဆောင်ရမည်ဖြစ်သော်လည်း       ဥပဒေပြဋ္ဌာန်းချက်တွင်မူ ၄င်းအုပ်ချုပ်ရေးမှူးများအနေဖြင့် ပြည်ထောင်စု အစိုးရအဖွဲ့ပြည် ထဲရေးဝန်ကြီးဌာနသည် ပြည်ထောင်စုအစိုးရ အဖွဲ့၏သဘောတူညီချက်အရ လစဉ်ချီးမြှင့်ငွေနှင့်သက်တမ်းကာလအပြည့်တာဝန်အား ကျေပွန်စွာ ထမ်းဆောင်ပါက တစ်လုံး တစ်ခဲတည်း ချီးမြှင့်ငွေများကိုသာ ခံစားရရှိမည်ဖြစ်ပြီး လက်ရှိပြင်ပ၌ အုပ်ချုပ်ရေး မှူးများ၏ လစဉ်ခံစားခွင့်မှာ ငွေကျပ် ၈၀၀၀၀သာ ဖြစ်ကြောင်း သိရသည်။

၎င်းလစဉ် ချီးမြှင့်ငွေမှာမူ လက်ရှိမြန်မာနိုင်ငံအတွင်း အလုပ်သမားများအနက် အောက ခြေအဆင့် ၀န်ထမ်းလစာခန့်ပင်မရှိသည့် ငွေကြေးဖြစ်သည့် အတွက်လည်း              အချို့သောပြည်သူများကမူ အုပ်ချုပ်ရေးမှူးအဖြစ်လုပ်ကိုင်ဆောင်ရွက်သူများအား လာဘ်စားစေရန်ဖြစ်ပေါ်စေခြင်း၊ လုပ်ငန်းတာဝန်ပေါင်း ၁၃၀၏ လုပ်ပိုင်ခွင့် အခွင့်အ ဏာကိုအခြေခံကာ လုပ်ပိုင်ခွင့် အလွဲသုံးစားပြုခြင်း၊ အရှိန်အ၀ါ ကိုအသုံးပြုခြင်း၊ မသမာမှုပြုခြင်း နှင့်မလျော်သြဇာသုံးခြင်းစသည့် ကျင့်ဝတ်များအား ဖောက်ဖျက်နိုင်သည့်ဖြစ်စဉ်များ         ဖြစ်ပေါ်လာ နိုင်ကြောင်း ဝေဖန်မှုများရှိနေကြောင်း သိရသည်။

ယခုအခါအုပ်ချုပ်ရေးမှူးများ တရားဝင်ခံစားခွင့်ရရှိမည့် လစာသည်အခြေခံအလုပ်သမား ရရှိသည့် ၀င်ငွေပင်မရှိသော်လည်း အုပ်ချုပ်ရေးမှူးနေရာ အံ့သြဖွယ် ပြိုင်ဆိုင်မုန်တိုင်းထန်နေပြီဖြစ်သည်။ သို့သော် ၄င်းမုန်တိုင်းသည် ကျေးရွာအုပ်စုအတွင်း နေထိုင်သူ များ၏ အခွင့်အရေးများ၊ ခံစားရပိုင်ခွင့်များနှင့် လက်ရှိအစိုးရ၏အုပ်ချုပ်ရေးယန္တရား အထောက် အကူပြုနိုင်မည်လား ဆိုသည်မှာ စိတ်ဝင်စားဖွယ်ပင်ဖြစ်ပါတော့သည်။

Category: 

Share