၂၀၂၀ မှာ NLD နှင့် ၈၈ နိုင်ငံရေး အပေးအယူ မလုပ်ခဲ့လျှင် - လက်စောင်းထက်

ပြည်သူလူထု တစ်ခဲနက်ရွေးချယ်တင်မြှောက်လိုက် သော NLDအစိုးရအနေဖြင့် တာဝန်ယူထား သော သက်တမ်း၏ သုံးပုံတစ်ပုံကို ကျော်လွန်လာပြီဖြစ်သော်လည်း သိသာထင်ရှားသော အပေါင်းလက္ခဏာ ရလဒ်များကို ပြသနိုင်ခြင်းမရှိသေးပေ။ မကြာသေးမီက မြန်မာနိုင်ငံ၌ရှိသော လက်တစ်ဆုပ်စာ စီးပွားရေး ပါရဂူများအနက် ဂုဏ်သိက္ခာနှင့် သြဇာအာဏာကြီးသောစီးပွားရေးပညာရှင်ဒေါက်တာဦးမြင့်၏လက်ရှိအစိုးရ ၏ပကတိစီးပွားရေးအခြေအနေအပေါ်သုံးသပ်မှုကြောင့်နိုင်ငံသားအတော်များများမှာ ဆွံအသွားခဲ့ရသည်။

ဒေါက်တာဦးမြင့်က တိုင်းပြည်စီးပွားရေးအတွက် အကြံပြုသည့်အချက်လေးချက်မှာ ကျယ်ပြန့်ပြည့်စုံပြီး ယင်းအချက်များကို ရှင်းရှင်းလင်းလင်းပယ်ချနိုင်သည့် အကြောင်းပြချက်များ ရှာဖွေပေးနိုင်မည့်သူ ပေါ်ပေါက် မလာသေးပါ။ နောင်လေးငါးလခန့်ကြာလျှင် မြန်မာ့စီးပွားရေးနယ်ပယ်ထဲမှ ကဏ္ဍတချို့မှာ ရပ်တည်ရန် ခက်ခဲသည့် အခြေအနေကို ရောက်ရှိလာနိုင်သည်ဖြစ်ရာ ထိုအခါကျမှ အစိုးရကကုစားနိုင်မည့် နည်းလမ်းများကိုရှာနေလျှင်အခါနှောင်းပါလိမ့်မည်။ ထိုအခါကျမှ နိုင်ငံတစ်ခု၏ စီးပွားရေး လျင်မြန်စွာဦးမော့လာရန်အတွက် လပေါင်း ၃၀ သည် မလုံလောက်ဟု အကြောင်းပြလျှင်လည်း လက်ခံနိုင်သူ နည်းပါလိမ့်မည်။ ဒေါက်တာဦးမြင့်၏ အကြံပြုချက်များအနက် မရှိမဖြစ် ဂရုပြုရမည့်အချက်များမှာ ငြိမ်းချမ်းရေးဆောင်ရွက်မှုကဲ့သို့ စီးပွားရေးကဏ္ဍကို ဦးစားပေးအဖြစ် သတ်မှတ်ကြောင်းအစိုးရက ရှင်းလင်း ပြတ်သားစွာ ထုတ်ပြန်ပေးရန်နှင့် စီးပွားရေးကျွမ်းကျင်သူများ၊ ပညာရှင်များနှင့် နိုင်ငံတော်အတိုင်ပင်ခံ ပုဂိ်္ဂုလ်တွေ့ဆုံပြီး ပြောစကားများကို နားထောင်ကာ ရင်ဆိုင်နေရသည့်အခက်အခဲများကို မှတ်သားပြီး ၄င်းတို့၏ အကြံဉာဏ်များကိုရယူကာ အတိုင်ပင်ခံ၏ ဦးဆောင်မှုဖြင့် စီးပွားရေးပြန်လည် တိုးတက်စေရန် အတွက် လက်တွေ့အစီအစဉ်များစနစ်တကျလုပ်ဆောင်ရန်မှာ အရေးအကြီးဆုံးဟု ယုံကြည်ပါသည်။

ယခင်အစိုးရ လက်ထက်တွင် တရားမ၀င် လာဘ်ပေးလာဘ်ယူမှုများရှိခဲ့သော်လည်း ပြည်တွင်း၌ အောက်ခြေ လူတန်းစားအတွက် အလုပ်အကိုင်များ ကို ဖန်တီးပေးနိုင်ခဲ့သလို စီးပွားရေးရလဒ် တချို့မှာလည်း အကောင်းဘက်သို့ ရောက်ရှိခဲ့သည်။ ထို့ကြောင့်NLD အစိုးရလက်ထက်တွင် ကျိုးကြောင်းမဆီလျော်သော ဥပဒေများ၊ နည်းဥပဒေများကို       လွှတ်တော်များတွင် အလျင်အမြန်ပယ်ဖျက်၍ ကြိုးနီစနစ် ပပျောက်သော အစိုးရယန္တရားတစ်ရပ် ပေါ်ထွက်လာမည်ဟု အများက မျှော်လင့်ခဲ့သည်။ သို့သော် အစိုးရသစ်က လုပ်ငန်း ရလဒ်ကောင်းဖို့ထက် ခြိုးခြံချွေတာရေးကို ဦးစားပေးခဲ့ပြီး တချို့ဝန်ကြီးဌာနများကို ချုံ့ပစ်ခဲ့သည်။ စီးပွားရေးလုပ်ငန်းရှင်အများစုသည် ယခင်အစိုးရ လက်ထက်တွင် အပေးအယူသဘောမျိုးဖြင့် ကြီးပွားချမ်းသာ လာသည့်အတွက် အစိုးရသစ်က ယုံယုံကြည်ကြည် လက်ကမ်းရန်လည်း နှောင့်နှေးခဲ့သည်။ တစ်ယောက် နှင့်တစ်ယောက်၊ တစ်စုနှင့်တစ်စုလေ့လာစောင့်ကြည့် အကဲခတ်နေ သောကာလမှာ အတန်ငယ် ကြာသွားပြီး သည့်နောက် စီးပွားရေးအခြေအနေကသောင်းက နင်းဖြစ်မှ “ ငါတို့ လက်တွဲဆောင်ရွက်မှရမယ်” ဟူသော Concept  ကို ရရှိသွားကြသည်။ ထိုအဖြေရရှိဖို့ လပေါင်းတစ်ဒါဇင်ခန့် အချည်းနှီးဖြစ် သွားခဲ့ရသည်။ ယခင်လုပ်ငန်းများ ကောင်းစဉ်က ဘဏ်တိုးနှုန်း ၁၃ ရာခိုင်နှုန်းဖြင့် ချေးယူအလုပ်လုပ်နေသွေှာTycon များမှာ ယခုအလုပ်မကောင်းသည့် အချိန်တွင် အကြွေးလည်ပင်းနစ်လျက်ရှိသည်။ ထိုအခြေအနေတွင် အစိုးရက အခွန်ကောက်ယူရေး ကိစ်္စသက်သက်ကိုသာ အာရုံစိုက်လုပ်ဆောင်ခဲ့သောအခါ  စီးပွားရေးနယ်ပယ်မှာ ချည့်နဲ့သွားရသည်။ လက်ရှိရန်ကုန်မြို့တွင် ဆောက်လုပ်ရေးလုပ်ငန်းများ ကျဆင်းလျက်ရှိပြီး အိမ်    ခြံမြေတိုက်ခန်းဈေးနှုန်းများမှာလည်း လေးလံထိုင်းမှိုင်းလျက်ရှိသည်။ လေကြောင်းလိုင်းများအနက် သုံးလိုင်းမှာလည်း ပိတ်သိမ်းသွားပြီဖြစ်သည်။ ဒေါက်တာဦးမြင့်က မြန်မာနိုင်ငံ၏ စီးပွားရေးမှာ နာမကျန်းဖြစ်နေသည် ဟု အတိအလင်းဝေဖန်သွားခဲ့သည်။ မြန်မာနိုင်ငံ၏ စီးပွားရေးလုပ်ငန်းအများစုမှာ ဘဏ်များအပေါ် မှီခိုပြီး လုပ်ကိုင်ဆောင်ရွက်နေရသော်လည်း ဘဏ်လုပ်ငန်း နှင့်ဆက်စပ်သော ဥပဒေများ၊ စည်းမျဉ်း စည်းကမ်းများမှာ နိုင်ငံတကာစံချိန်နှင့် များစွာကွာ ဟလျက် ရှိသည်။ လက်ရှိ မြန်မာနိုင်ငံ ဘဏ်များ တွင် လည်ပတ်နေသော ဒေါ်လာငွေပမာဏမှာ ၅ ဘီလီယံရှိပြီး ၇၀ ရာခိုင်နှုန်းကို စီးပွားရေးလုပ်ငန်းရှင်များက ချေးယူထားသည်။ ၂၀၀၀ ပြည့်နှစ်တွင် မြန်မာနိုင်ငံသား တစ်ဦးချင်း GDP မှာ ၁၉၃. ၂ ဒေါ်လာရှိခဲ့ပြီး လက်ရှိတွင် ၁၃၀၀ ဒေါ်လာ ခန့်ဖြစ်သည်။ သို့သော် ၂၀၁၅ ခုနှစ်တွင် လာအိုနိုင်ငံ၏ တစ်ဦးချင်း  GDP မှာ ၁၈၃၂ ဒေါ်လာ ဖြစ်နေသည့် အတွက် မြန်မာနိုင်ငံအနေဖြင့် လာအိုကိုပင် မမီ သည့် သဘောသက်ရောက် နေသည်ဟု ဒေါက်တာ ဦးမြင့်က ဆိုသည်။

နိုင်ငံရေးမျက်နှာစာတွင် ပြည်သူလူထု ထောက်ခံမှုအား ကောင်းခဲ့သော NLD ပါတီ၏ ငြိမ်းချမ်းရေး လုပ်ငန်းစဉ်သည် မျှော်မှန်းသလောက် ခရီးမရောက်သေးဘဲ ဖြစ်နေသည်။ တရုတ်နိုင်ငံ၏ အကူအညီကိုရယူ ကာ တရုတ်လွှမ်းမိုးမှုရှိသော တိုင်းရင်းသားလက်နက်ကိုင် အင်အားစုများနှင့် ငြိမ်းချမ်းရေးရရှိခဲ့လျှင်လည်း အနှစ်သာ ရမပါသော ပြည်ထောင်စုစနစ်သာ ဖြစ်ပေါ်လာပါလိမ့်မည်။

ထို့အပြင် ကိုယ်ကျိုးစီးပွားရှိနေသော တိုင်းရင်းသားလက်နက်ကိုင်အင်အားစုများ၏ Mindset ကို လျင်မြန်စွာ ပြောင်းလဲပစ်ရန် မလွယ်ကူသေးပေ။ ပြည်သူလူထုမှာလည်း အစိုးရသစ် လက်ထက်အတွင်း မခိုမကတ် အလုပ်ကြိုးစားရမည်လော၊ ချမှတ်ထားသည့် ဥပဒေ များကို အတိအကျ လိုက်နာရ မည်လော၊ အရာရာ အတွက် အစိုးရကို နားပူနားဆာလုပ်မနေဘဲ ကိုယ့်ခြေထောက်ပေါ် ကိုယ ရပ်တည်ပြီး ကြိုးစားရမည်လော ဆိုသည့် ဝေခွဲမရသည့် ရည်မှန်းချက်တွေထဲတွင် စားဝတ်နေရေး အတွက် ပိုမိုရုန်းကန်လာရသည်။    ကိုယ်တိုင် လက်သန်းမှင်အစွန်းခံကာ မဲပေးခဲ့သည့် ပါတီအုပ်စိုးမှုအောက်တွင် အခွန်အကောက်များ တိုးမြှင့်ကောက်ခံ လာမည့်ကိစ္စ ၊ လျှပ်စစ်မီတာခများ တိုးမြှင့် လာမည့်ကိစ္စ၊ ကုန်ဈေးနှုန်းများ လျင်မြန်စွာကြီးမြင့်လာသည့် ကိစ္စများကို မခံချိမခံသာ ဖြစ်နေ ကြသည်။ တချို့ကတော့NLD နိုင်ငံရေးစန်းသည် ၂၀၁၅ နိုဝင်ဘာသည်သာ အမြင့်ဆုံး ဖြစ်ခဲ့သည်ဟု ယူဆပြီး ၂၀၂၀ တွင် အားကောင်းလာမည့် တိုင်းရင်းသားပါတီများနှင့် မဟာမိတ် လုပ်မထားလျှင် အစိုးရတစ်ရပ် ဖွဲ့စည်းရန်ပင် မလွယ်ကူဟု ဆိုနေကြပေသည်။ လာမည့် ၂၀၂၀ ရွေး ကောက်ပွဲတွင် ပြည်ခိုင်ဖြိုးပါတီအနေဖြင့် အလုံးအရင်းဖြင့် ပြန်လည်အနိုင်ရရှိရန် မမျှော်လင့်နိုင်သော်လည်း ရှမ်းပြည်နယ်တွင် ရှမ်းတိုင်းရင်းသားများ ဒီမိုကရေစီအဖွဲ့ချုပ် (ကျားခေါင်းပါတီ)၊ ရခိုင်ပြည်နယ်တွင် ရခိုင်အမျိုး သားပါတီ (ANP) များကိုကျော်ဖြတ်၍ NLD အနိုင်ရရှိရန်မှာ လွန်စွာခဲယဉ်းသွားပြီဖြစ်သည်။ ယင်းပါတီများနှင့် မဟာမိတ်ဆက်ဆံရေး ပျက်စီးခဲ့ရခြင်း၏ အကြောင်းတရားများထဲတွင် ၂၀၁၆ ခုနှစ် သက်ဆိုင်ရာ ပြည်နယ် အစိုးရများ ဖွဲ့စည်းစဉ်ကယင်းပြိုင်ဘက်တိုင်းရင်းသားပါတီနှစ်ခုအားဥပက္ခပြု    ၍ NLD ကိုယ်စားလှယ်အများစုကိုသာ အစိုးရအဖွဲ့တွင် တာဝန်ပေးခဲ့ခြင်းက အဓိက ဖြစ်နေသည်။ ယင်းအခြေအနေကို ကုစားရန်မှာ ၂၀၂၀ ရွေးကောက်ပွဲတွင် တိုင်းရင်းသား ပါတီများနှင့် မဟာမိတ်ဆက်ဆံရေး မဟာဗျူဟာ တစ်ရပ်ရေးဆွဲ ထားရန် လိုပေသည်။

ပြည်သူလူထုက အစိုးရ အပေါ် အဓိကအားမရသည့် အချက်မှာ ပြည်သူများကို စီးပွားရေး အဆင်ပြေ ချောမွေ့လာအောင် ဆောင်ရွက်မပေးနိုင်ခြင်းဖြစ်သည်။ ၂၀၁၅ နိုဝင်ဘာ လ ၈ ရက်နေ့တွင် ကျင်းပခဲ့ သော ရွေးကောက်ပွဲတွင် အမျိုးသားလွှတ်တော်၊ ပြည်သူ့လွှတ်တော်နှင့် တိုင်းဒေသကြီး လွှတ် တော်များတွင် NLD က ၇၂ ရာ ခိုင်နှုန်းအထိ အနိုင်ရရှိခဲ့သည်။ ထိုအချက်က တပ်မတော်၏ ၂၅ ရာခိုင်နှုန်းရှိသော်လည်း  ပြည်ခိုင်ဖြိုး ပါတီမှ အနိုင်ရရှိသည့် ရာခိုင်နှုန်းမှာ ၇ ရာခိုင်နှုန်းရှိသည့် အတွက် NLD အနေဖြင့် ပြည်ထောင်စုလွှတ်တော်တွင်ရော အစိုးရဖွဲ့စည်းရေးတွင်ပါ စိတ်ကြိုက်ဖွဲ့စည်းနိုင်ခဲ့ခြင်းဖြစ်သည်။

အကယ်၍ ၂၀၂၀ တွင် နိုင်ငံရေးပါရာဒိုင်းများ ပြောင်းလဲလာဦးမည်ဖြစ်ရာ ၈၈ မျိုး ဆက်ကျောင်းသားများ ဦးဆောင်သော ပါတီတစ်ရပ် သေချာ ပေါက် ပေါ်ထွန်းလာမည်ဖြစ်သလို အစုအဖွဲ့ အမျိုးမျိုးကွဲနေသော တိုင်းရင်းသားပါတီမျာ မှာလည်း တစုတစည်းတည်း ပေါင်းစည်းပြီး ယှဉ်ပြိုင်လာဖွယ်ရှိသည်။ ထို့ကြောင့် ၂၀၂၀ နိုင်ငံရေး ရွေးကောက်ပွဲ      မျက်နှာစာ တွင် NLDအနေဖြင့် အမာခံနယ်မြေများတွင် ပြည်ခိုင်ဖြိုးအား ရှုံးနိမ့်မည်ကို စိတ်မပူရသော်လည်း သက်ဆိုင်ရာ တိုင်းရင်းသားပြည်နယ်များတွင် အနိုင်ရရှိရန် ပြင်း   ထန်သော စိန်ခေါ် မှုများ နှင့် ကြုံတွေ့ရပေလိမ့်မည်။ အကယ်၍ အနိုင်ရ တိုင်းရင်းသား ပါတီများအပေါ် ပါတီကြီးဝါဒ ဖြင့် ဆက်ဆံလျှင် လည်း မဟာမိတ်ပြုလုပ်ရန် မလွယ် ကူပေ။ထို့ကြောင့် ၁၉၈၈ ခုနှစ်ကတည်းက တစ်အိုးတည်းချက်ဖြစ်ခဲ့သော ၈၈ မျိုးဆက် ကျောင်းသားများ၏ ပေါ်ထွက်လာမည့်ပါတီ နှင့် မဟာမိတ်ဆက်ဆံရေးတည် ဆောက်ပြီး အမျိုးသားစည်းလုံး ညီညွတ်ရေးအတွက် နိုင်ငံရေး အပေးအယူမလုပ်လျှင် နောက်ထပ်အစိုးရသက်တမ်းကို စိတ်တိုင်းကျ ဖွဲ့စည်းနိုင်ရန် ခက်ခဲလိမ့်မည် ဖြစ်ကြောင်း အကြံပြု  အပ်ပါသည်။

Category: 

Share