၈၈၈၈ သမိုင်းပြတိုက် ယူနက်စကို အသိအမှတ်ပြုစာရင်းဝင်ရေး ကူညီရန် တောင်ကိုရီးယားလူမျိုးနှစ်ဦး ရောက်ရှိ

၂၀၁၃ ခုနှစ် ရှစ်လေးလုံး ငွေရတု ပွဲအပြီး ပေါ်ထွက်လာသည့် ရှစ်လေးလုံးသမိုင်း ပြတိုက် ကို ၂၀၁၅ ခု သြဂုတ်လ ၈ ရက် နှစ်ပတ်လည်နေ့တွင် ရန်ကုန်မြို့ သင်္ဃန်းကျွန်းမြို့နယ်၌ စတင် ဖွင့်လှစ်ပြသခဲ့သည်။

ယင်းပြတိုက်တွင် ၁၉၈၈ ခုနှစ် ဒီမိုကရေစီအရေးတော်ပုံ အတွင်း ကျဆုံးသွားသော ကျောင်းသား၊ ရဟန်း၊ ပြည်သူများ၏ ဓာတ်ပုံများ၊ ဒီမိုကရေစီ ဆန္ဒပြပွဲ သမိုင်းမှတ်တမ်းများ၊ ထိုကာလအတွင်းက ရိုက်နှိပ်ထုတ် ဝေခဲ့သော သတင်းစာ၊ ဂျာနယ်များ၊ အလံအမျိုးမျိုး၊ လက်ပတ်အမျိုးမျိုးနှင့် နဖူးစည်းများ၊ အာဏာရှင်အစိုးရ လက်ထက်တွင်တိတ်တဆိတ် ဖြန့်ဝေ ခဲ့သော စာရွက်စာတမ်းများအား ရိုက်နှိပ်သည့် လက်နှိပ်စက်၊ ဂတ်စတာနာများကို ပြသထားသည်။

ယင်း ရှစ်လေးလုံး သမိုင်း ပြတိုက်ကို ဒီမိုကရေစီအရေး တော်ပုံကာလက တစ်ပါတီစနစ် ပြုတ်ကျရေး လှုပ်ရှား ဆောင်ရွက်ခဲ့ကြသည့် မှတ်တမ်းများကို နောင်လာနောက်သား     မျိုးဆက်များ လေ့လာကြည့်ရှုနိုင်ရန် ရည်ရွယ်၍ ဖွင့်လှစ်ခဲ့ကြောင်း သိရသည်။

 ယခုအခါ ယင်းပြတိုက်ကို Memory  of the World Register ပြုလုပ်ပြီး ရှစ်လေးလုံး လူထုအရေးတော်ပုံကို ကမ္ဘာ့အသိအမှတ်ပြု သမိုင်းဝင်ဖြစ်ရပ်အဖြစ် ယူနက်စကိုက အသိအမှတ်ပြုရေးအတွက် အကူအညီပေးရန် တောင်ကိုရီးယားနိုင်ငံ ဂွမ်ဂျူးမြို့တော်မှ သုတေသနသမားနှစ်ဦး ရောက်ရှိနေသည်။

ယင်းပုဂိ်္ဂုလ်နှစ်ဦးမှာ တောင်ကိုရီးယားနိုင်ငံတွင် ချန်ဒူးဝါ အစိုးရလက်ထက် ဒီမိုကရေစီ လှုပ်ရှားမှု အရေး တော်ပုံကို နှိမ်နင်းသည့် ဖြစ်ရပ်မှတ်တမ်းအား ပြသထားသည့်              ဂွမ်ဂျိုးပြတိုက် ပေါ်ပေါက်လာစေရန်အတွက် ဆောင်ရွက်ခဲ့သောသူများ ဖြစ်ကြောင်း သိရသည်။

Mr. Lee  Duk Jae အပါ အ၀င် ကိုရီးယားနိုင်ငံသားနှစ်ဦးနှင့် ရှစ်လေးလုံးပြတိုက်မှ အဖွဲ့ဝင်များဖြစ်သော ဦးရဲနိုင်အောင်၊ ဦးခင်အောင်ရွှေ၊ ကိုဝဏ္ဏမြတ်ကို၊ကိုအောင်မော်၊       ကိုဇော်သက်ထွေး တို့ တွေ့ဆုံဆွေးနွေး ခဲ့ကြောင်း သိရသည်။

Category: 

Share