တနိုင်းတွင် ကောင်းကင်မှ ကျလာသောပစ္စည်းသည် ဂြိုဟ်တုပျက်အပိုင်းအစတစ်ခု ဖြစ်နိုင်ဟုဆို

         တနိုင်းမြို့နယ်၊ ဖားကန့်နှင့် တနိုင်းကြားတွင် ဇန်န၀ါရီ ၂၀ ရက်နေ့က ကောင်းကင်မှ ပေါက်ကွဲသံဖြင့် ပစ္စည်းအပိုင်းအစများ ကျလာခဲ့ခြင်းမှာ အိမ်နီးချင်းနိုင်ငံများမှ ဂြိုဟ်တုပျက်တစ်ခု ဖြစ်နိုင်ကြောင်း သိရသည်။

     ထိုသတင်းအပေါ် ပြည်သူများက တပ်မတော်မှ လေယာဉ်ပစ်ချခံရသည်ဟု သတင်းများ ထွက်ပေါ်နေ သဖြင့် တပ်မတော် (လေ)မှ အရာရှိကြီး တစ်ဦးကို မေးမြန်းရာ “ တပ်မတော်မှ လေယာဉ်ပစ်ချခံရခြင်း မဟုတ် ကြောင်း၊ ထိုပစ္စည်းများကျစဉ်   မိုင် ၅၀ပတ်လည်မှ ဆူညံသံများ ကြားရသည့်အတွက် ဥက္ကာခဲ သို့မဟုတ် သက်တမ်းကုန်ဆုံးသွားသော ဂြိုဟ်တုတစ်စီး ကမ္ဘာပတ်လမ်းကြောင်းထဲ ၀င်ရောက်ပြီးလေထုပွတ်တိုက်အား ကြောင့် ပေါက်ကွဲ မီးလောင်ကာ အပိုင်းအစများကျလာခြင်းသာ  ဖြစ်နိုင်ကြောင်း တည်ဆောက်ထားသော သတ္တုပစ္စည်းများဖြစ်သည့်အတွက် ဥက္ကာခဲကျခြင်းမဖြစ်နိုင်ကြောင်း၊ ဖြစ်နိုင်သည်မှာ ဘေးပတ်ဝန်းကျင် အိမ်နီးနားချင်း တရုတ် (သို့မဟုတ်) အိန်္ဒိယမှ သက်တမ်းကုန်သွားပြီး ထိန်းကျောင်းမှုမဲ့ သွားသည့် ဂြိုဟ်တု တစ်စီးဖြစ်နိုင်ကြောင်း”  ဖြေကြားသွားသည်။

   ဖြစ်စဉ်မှာ ဇန်န၀ါရီ ၂၀ ရက် နံနက် ၁၀နာရီခန့်က  ဖြစ်ပွားခဲ့ခြင်းဖြစ်ပြီး တနိုင်းမြို့နယ် မိုင်းခွန်ကျေးရွာ ပေါ်သို့ ကောင်းကင်မှ ပေါက်ကွဲသံနှင့်အတူ သတ္တုပစ္စည်းများ ကျလာခဲ့ခြင်းဖြစ်ကာ သံထည်အစိတ်အပိုင်း တစ်ခုဆိုလျှင် အရှည်ငါးပေရှိပြီး     အကျယ် သုံးပေခန့်အထိရှိကြောင်း သိရသည်။ ယင်းကဲ့သို့ပင် ၂၀၁၆ ခုနှစ် နိုဝင်ဘာ ၁၀ ရက်ကလည်း ဖားကန့်မြို့နယ် ဆီဇာကျေးရွာအနီးတွင် ကောင်းကင်မှ သတ္တုပစ္စည်းများ ပြုတ်ကျခဲ့ဖူးကြောင်း သိရသည်။

PHoto ; Ye Lin Aung ( FB)

Category: 

Share