သက်တမ်း နှစ်တစ်ရာရှိ ချင်းချောင်း နန်းတော်အား ပုဂ္ဂလိကသို့ ငှားရမ်းရန်စီစဉ်

သက်တမ်း နှစ်တစ်ရာရှိ ကမ္ဘောဇရိပ်သာ(ချင်းချောင်းနန်းတော်)အား ပုဂ္ဂလိကသို့ ငှားရမ်းရန်စီစဉ် လျက်ရှိကြောင်း သာသနာရေးဝန်ကြီးဌာန လက်အောက်ရှိ အနုပညာဦးစီးဌာန၏ ထုတ်ပြန်ချက်အရသိရသည်။ ပုဂ္ဂလိကသို့ ငှားရမ်းရန်စီစဉ်နေသည့်  ချင်းချောင်းနန်းတော်သည် ရန်ကုန်မြို့ ကမ္ဘာအေးဘုရား လမ်းပေါ်တွင် တည်ရှိပြီး အဆိုပါနန်းတော်၏ မြေညီထပ်နှင့် ပထမထပ်အပါအ၀င် နန်းတော်ရှိ အလျား ၃၀ပေ၊အနံ ၃၀ပေရှိ ပန်းပုဆောင်ဟောင်း မြေနေရာအား ပုဂ္ဂလိကသို့ ဌာရမ်းရန်စီ        စဉ်နေခြင်း ဖြစ်ကြောင်း သိရသည်။ အဆိုပါ နန်းတော်သည် အရှေ့တိုင်းနှင့် အနောက်တိုင်းလက်ရာများဖြင့် တည်ဆောက်ထားသည့် ငါးထပ် အဆောက်အဦဖြစ်ကာ လင်ချင်းချောင်းဆိုသည့် တရုတ်လုပ်ငန်းရှင်တစ်ဦးက၁၉၁၅ခုနှစ်တွင်တည်         ဆောက်ခဲ့ခြင်းဖြစ် ကြောင်းနှင့် ဒေါ်လာနှစ်သန်းခန့် ကုန်ကျခဲ့ကြောင်း သိရသည်။ အဆိုပါနန်းတော်ကို ဂျပန်ခေတ်က မြန်မာတစ်နိုင်ငံလုံးဆိုင်ရာ အသံလွှင့်ရုံအဖြစ် အသုံးပြုခဲ့ပြီး ၁၉၅၁ခုနှစ်တွင် ကမ္ဘောဇရိပ်သာဟု အမည်ပြောင်း လဲခဲ့ကာ ၁၉၈၈ ခုနှစ်အထိ လမ်းစဉ်လူငယ်စည်းရုံးရေး ဗဟိုဌာနချုပ်ဖွင့်လှစ်ခဲ့ပြီးနောက် သာသနာဝန်ကြီးဌာန လက်အောက်ရှိ အနုပညာဦးစီးဌာနပိုင် အဆာက်အဦအဖြစ်ထိမ်းသိမ်းခဲ့ခြင်းဖြစ်ကြောင်းနှင့် ယခုအခါအနုပညာကျောင်း ဖွင့်လှစ်ထားကြောင်း သိရသည်။

Photo : Myawaddy Daily 

Category: 

Share