ဆူနေတဲ့ ဖားအုပ်ထဲက တစ်ကောင် နှစ်ကောင်ရိုက်လိုက်ရင် တိုင်းပြည်စီးပွားရေးတက်မှာလား - လက်စောင်းထက်

       နိုင်ငံတော် အတိုင်ပင်ခံပုဂ္ဂိုလ်နှင့် အစိုးရတာဝန်ရှိသူများက တိုင်းပြည်စီးပွားရေးတိုးတက်နေပါသည်ဟု ပြောနေချိန်တွင် တိုင်းပြည်စီးပွားရေးကျနေကြောင်း ဆောင်းပါးရေးသည့်အတွက် ကနကောစလုပ်ခြင်းလောဟု ပြောချင်သူများရှိပါလိမ့် မည်။ သို့သော် ဤဆောင်းပါးရေးရန် အတွက် ဘဏ်လုပ်ငန်ပညာရှင်များ၊ ဆောက်လုပ် ရေး ကုမ္ပဏီများ စီးပွားရေးလုပ်ငန်းရှင်များကို တွေ့ဆုံဆွေးနွေးပြီးမှ ရေးခြင်းသာဖြစ်ကြောင်း ပဏာမပြောလိုပါ သည်။

        ၂၀၁၇ ခုနှစ် ဇူလိုင် ၇ ရက်တွင် ဗဟိုဘဏ်က ကြေညာချက်တစ်ခုထုတ်လိုက်သည်။ ထိုကြေညာချက်မှာ ဘဏ်များလိုက်နာ ဆောင်ရွက်ရန် ငွေကြေးလွယ်ကူမှု အချိုးဖြစ်ပြီး ဘဏ်များအနေဖြင့် ငွေကြေး လွယ်ကူမှု အချိုး ကို ၂၀ ရာခိုင်နှုန်းထားရမည်ဖြစ်ကြောင်း၊ ထို့အပြင် ဘဏ်များသည် ငွေကြေးလွယ်ကူမှုအချိုးကို နေ့စဉ် တွက်ချက်ပြီး သီတင်းပတ်အလိုက်ပျမ်းမျှအချိုးကို ဗဟိုဘဏ်ကို တင်ပြရမည်ဖြစ်ကြောင်း၊ အနည်းဆုံးငွေကြေး လွယ်ကူမှုအချိုးကို လိုက်နာရန်ပျက်ကွက်သည့် ဘဏ်ကို ဗဟိုဘဏ်က အရေးယူမည်ဖြစ်ကြောင်းတို့ပါဝင်  သည်။   ဤစည်းကမ်းများသည် ကောင်းသော်လည်း  ပြုပြင်ပြောင်းလဲရန် သတ်မှတ်ထားသည့် အချိန်ကာလ တိုတောင်းနေသည်။ ကမ္ဘောဒီယားတွင် ဘဏ်များ စနစ်တကျဖြစ်ရန် ၁၀နှစ် အချိန်ယူခဲ့သော်လည်း မြန်မာ နိုင်ငံကမူ ခြောက်လဖြင့် အပြီး အကောင်အထည်ဖော်ချင်နေကြသည်။

      ထို့အပြင်  OD Loan (Over Draft Loan ) ခေါ် စာရင်းပိုထုတ်ချေးငွေများကို ချက်ချင်းရပ်ခိုင်းလိုက် သည်။ OD Loan တွေကို တစ်နှစ်သက်တမ်းသတ်မှတ်ပြီး တစ်နှစ်ပြည့်က အကုန်ပြန်ဆပ်ပြီး နှစ်ပတ်ကြာမှ ပြန်ချေးရမည်ဆိုသောအခါ လုပ်ငန်းများရပ်တန့်ကုန်လိမ့်သည်။ ပုဂ္ဂလိကဘဏ်များဘက်က မဖြစ်နိုင်ပါဘူး ပြောသော်လည်း တစ်နှစ်အတွင်း အကောင်အထည်မဖော်လျှင် အရေးယူမည်ဆိုပြန်သည်။ အချို့ဘဏ်များ တွင် တိုင်းပြည်စီးပွား ရေးမကောင်းသဖြင့် အရင်းမဆပ်နိုင်ဘဲအတိုးသာ ဆပ်နေရသည့် စီးပွားရေးသမား များစွာရှိနေသည်။

     ပုဂ္ဂလိကဘဏ်များအနေ ဖြင့် နိုင်ငံတော်မှ စီမံကိန်းချေးငွေများမရှိခဲ့သည့်ကဏ္ဍတွင် စာရင်းပိုထုတ်ချေး ငွေအဖြစ် ပါဝင်ဆောင်ရွက်ခဲ့ရခြင်းဖြစ်ပြီး နိုင်ငံတော်ကိုယ်စားဝင်ဖြည့်ပေး ခဲ့ရ ခြင်းဖြစ်သည်။ Developers အနေဖြင့် အသေးစားစီမံကိန်း တစ်ခုလုပ်ကိုင်လျှင်ပင် အနည်းဆုံးနှစ်နှစ်ခန့် ဆောင်ရွက်ရပြီး အလတ်စား လုပ်ငန်းတစ်ခုမှာ ငါးနှစ်ခန့်၊ အကြီးစားစီမံကိန်းမှာ ၁၀နှစ်ခန့်၊ ဆောင်ရွက်ရသည်။ ထို့ကြောင့် Over Draft ကို သုံးနှစ်ထက် မပိုသော ကာလဖြင့် Term Loans ကာလ  သတ်မှတ် ချေးငွေသတ်မှတ်ခဲ့ခြင်းမှာ အခက်အခဲများ ကို ဖြစ်ပေါ်စေခဲ့ခြင်း ဖြစ်သည်။

       ၂၀၁၇ နိုဝင်ဘာလတွင် ဗဟိုဘဏ်က ညွှန်ကြားချက် အမှတ် (၇) ထွက်လာသည်။ တစ်နှစ်အတွင်း ပြန်မဆပ်နိုင်သည့် OD စာရင်းပိုထုတ်ချေးငွေများကို သတ်မှတ်ချက်နှင့် ကိုက်ညီပါက သုံးနှစ်ထက်မပိုသည့် ကာလသတ်မှတ်ချက်ချေး ငွေ Term Loans အဖြစ် ချေးခွင့်ပြုခြင်းဖြစ်သည်။ သို့သော် အတိုးရော အရင်းပါ ပြန်မဆပ်နိုင်သည့် စာရင်းပိုထုတ်ချေးငွေများကိုမူ ကာလသတ်မှတ်ချက်ချေးငွေ အဖြစ် မပြောင်းရန် ကန့်သတ် ထားသည်။ ဘဏ်နှင့် ဆက်နွှယ်နေသည့် စာရင်းပိုထုတ်  ချေးငွေ များကိုမူ ကာလသတ်မှတ်ချက် ချေးငွေအဖြစ် ပြောင်းခွင့်ပြုသော်လည်း ထိုချေးငွေများကို ဘဏ်၏ မတည်ငွေရင်းမှ နုတ်ရမည်ဟု ပါလာသည်။ ကာလသတ် မှတ်ချေးငွေတွင် Grace Period ဆိုသည့် ဆိုင်းငံ့ကာလပါမလာသ ဖြင့် ကုန်သွယ်မှုလုပ်ငန်းအတွက်  ချေးသူ များ အဆင်ပြေသော်လည်း ရင်းနှီးမြှုပ်နှံမှုလုပ်ငန်းသမားများ အတွက် ချေးဖို့အဆင်မပြေဖြစ်ရ ပြန်သည်။ ထိုအတိုင်းဆိုပါက ရင်းနှီးမြှုပ်နှံသူများဒုက္ခရောက်ပြီး တိုင်းပြည်စီးပွားရေးယိုင်နိုင်ကြောင်း ပုဂ္ဂလိကဘဏ်များ   ဘက်က ထောက်ပြခဲ့သည်။ ဗဟိုဘဏ်ကမူ ပုဂ္ဂလိကဘဏ်များ တွင် NPL ဆိုသည့် ပြန်မဆပ်နိုင်သော ချေးငွေများလွန်စွာများနေသည်။ အရင်အစိုးရရော ပုဂ္ဂလိကဘဏ်များကပါ လိုက်လျောလွန်း၍ ယခုလိုဖြစ် နေခြင်းဟု တုံ့ပြန်သည်။ မြန်မာနိုင်ငံရှိ စီးပွားရေးအဖွဲ့အစည်းအသီးသီးကမူ ယခုချမှတ်လိုက်သော မူဝါဒါများ သည် တိုင်းပြည်စီးပွားရေးကို ယိုင်သထက်ယိုင်သွားစေမည် ဟု အကြံပြုထားသည်။

     ထို့နောက် ဗဟိုဘဏ်က ညွှန်ကြားချက် ၂/၂၀၁၈ ကို ၂၀၁၈ ဇန်န၀ါရီလတွင် ထုတ်ပြန်လိုက်ပြန်သည်။ ယင်းထုတ်ပြန်ချက်မှာ ပုဂ္ဂလိကဘဏ်များနှင့် ဆောက်လုပ်ရေးလုပ်ငန်းရှင်များထံမှ အလုပ်မဖြစ်နိုင်ကြောင်း ဆူညံပွက်လောရိုက်မှုများ        ကြောင့် ဖြစ်သည်။ ယင်းကြေညာချက်မှာ ဘဏ်များ၏ ပမာဏကြီးမားသော ကြွေးမြေများကို ကာလသတ်မှတ်ချက် ချေးငွေသက်တမ်း သုံးနှစ်အတွင်း လျှော့ချမည့်အစီ အစဉ်ကို ဗဟိုဘဏ်သို့ ၂၀၁၈ မတ်လ ၃၁ ရက်နေ့ နောက်ဆုံး ထားပြီး     တင်ပြညှိနှိုင်းဆောင်ရွက်ရန်ဖြစ်သည်။ ယခုညွှန်ကြားချက်သည် ၂၀၁၇ နိုဝင်ဘာ ၂၄ ရက်နေ့တွင် ထုတ်ပြန်ကြေညာခဲ့သည့် ညွှန်ကြားချက်အမှတ် ၇/၂၀၁၇ ၏ အပိုင်း ၃(စ)(၁) အား ယခုညွှန်ကြားချက်ဖြင့် အစားထိုးလိုက်ပြန်သည်။ ယခုကဲ့သို့  ရက်ပိုင်း လပိုင်းများအတွင်း ဘဏ္ဍာရေးဆိုင်ရာစည်းမျဉ်း စည်းကမ်းများ၊ အမိန့်ကြော်ငြာစာများ ကို ရှေ့နောက်မညီဘဲ အကြိမ်ကြိမ်ထုတ်ပြန်နေခြင်းသည် ဗဟိုဘဏ်၏ ကြိုတင်ပြင်ဆင်မှုနှင့် ဘဏ္ဍာရေးဆိုင်ရာ အင်စတီကျူး ရှင်းအပေါ်တွင် အား  နည်းမှုပြင် ဆင်မှုများအတွက် မေးခွန်းထုတ် စရာရှိနေကြောင်း စီးပွားရေး ပညာရှင် ဆရာခင်မောင်ညို (ဘောဂဗေဒ)က ဝေဖန်ထောက်ပြသည်။ ဗဟိုဘဏ်အနေဖြင့် ပြည်တွင်းဘဏ်များတွင် ချေးငွေ ထုတ်ပေးမှုများ အလွန်အကျွံဖြစ်နေခြင်းနှင့် ခန့်မှန်းထားသည်ထက် ပိုများနေမည်ကို စိုးရိမ်နေပုံရ သည့်အတွက် အဆိုပါစည်းမျဉ်းစည်းကမ်းများကို အပြည်ပြည်ဆိုင်ရာ ငွေကြေးရန်ပုံငွေ အဖွဲ့၏ အကူအညီဖြင့် ချမှတ်နေခြင်းဖြစ်သည်။

   ဗဟိုဘဏ်ကို အကြံပေးနေသည်မှာ အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF နှင့် ကမ္ဘာ့ဘဏ် တို့ဖြစ်သည်။ သူတို့ သည် မြန်မာ့စီးပွားရေးအခြေ အနေကို မသိသူများဖြစ်သည်။ အခြားနိုင်ငံများတွင် ယခုကဲ့သို့ ပြောင်းရန်နှစ်နှင့်ချီပြီး အချိန်ယူရသော်လည်း မြန်မာနိုင်ငံတွင်မူ အချိန်တိုအတွင်း ပြောင်းပြချင် နေကြသည်။ ထိုသို့ လုပ်လိုက် ခြင်းသည် တိုင်းပြည်စီးပွားရေးကို ချောက်ထဲကျအောင် လုပ်ခြင်းပင်ဖြစ်သည်။ ပို၍ကြောက်စရာကောင်းသည်မှာ IMF နှင့် World Bank တို့က ဗဟိုဘဏ်၏ ငွေပေးငွေယူစာရင်းကိုအချိန်နှင့် အမျှသိနေခြင်းဖြစ်သည်။ ထို့ ကြောင့် တိုင်းပြည်လုံခြုံရေး အတွက် မည်သည့်နိုင်ငံကမည်သည့်စစ်လက်နက် ပစ္စည်းကို မည်သည့်ဈေးနှင့်ဝယ်သည်က အစသိနေသဖြင့် တိုင်းပြည်လုံ ခြုံရေးအတွက် လွန်စွာအန္တရာယ် ကြီးသည်။ ထိုအဖွဲ့အစည်းများသည် ကမ္ဘာလုံးဆိုင်ရာအဖွဲ့အစည်းများဖြစ်သော်လည်း ၀န်ထမ်းတွေကို မည်မျှစိတ်ချရပါသနည်းဟု မေးစရာရှိလာသည်။ ကုလသမဂ္ဂအကြီးတန်းဝန်ထမ်းဖြစ်ပြီး မြန်မာနိုင်ငံကို မမှန်မကန်ချောက်ချပြောဆိုနေသည့် ယန်ဟီးလီလို လူများရှိနေသည်ကို အားလုံး အသိပင်ဖြစ်သည်။

          ဒီဇင်ဘာလအတွင်း မြန်မာနိုင်ငံကုန်သည်ကြီးများနှင့် စက်မှုလုပ်ငန်းရှင်များအစည်းအဝေးခန်းမ၌ အစိုးရတာဝန်ရှိသူများ၊ ကုန်သည်များ၊ လုပ်ငန်းရှင်များ၊ ဗဟိုဘဏ်တာဝန်ရှိသူများ၊ ပုဂ္ဂလိကဘဏ်တာဝန်ရှိ သူများတွေ့ကြသည်။ ထိုတွေ့ဆုံပွဲတွင် ဗဟိုဘဏ်တာဝန်ရှိသူများနှင့် ပုဂ္ဂလိက ဘဏ်တာဝန်ရှိသူများအကြား အကြီးအကျယ်အချင်းများခဲ့ကြောင်း သိရသည်။ ထိုတွေ့ဆုံပွဲမှ နိုင်ငံတော်အတိုင်ပင်ခံထံသို့ ဘဏ်များ ပြုပြင်ပြောင်းလဲရေးကိစ္စကို ဆက်လက်တင်ပြရန် ဆုံး ဖြတ်ခဲ့ကြသော်လည်း ယခုအချိန်အထိ တွေ့ဆုံ ခွင့်မရကြသေးပေ။ မြန်မာနိုင်ငံရှိဆောက်လုပ်ရေးလုပ်ငန်းများကို ရပ်တန့်ခိုင်းလိုက်သည့် ဒိုမီနိုအကျိုးဆက် အဖြစ် တစ်ခုပြီးတစ်ခုကဏ္ဍ တစ်ခုချင်းပြိုလဲလာနေသည်မှာ  မြန်မာ့စီးပွားရေးသည် Recession  ဟုခေါ်သော စီးပွားရေးအကျပ်အတည်းထဲဝင်နေပြီဖြစ်သည်။

           မကြာခင် အလုပ်သမား ၁၀၀၀၀ နှင့် ၅၀၀၀ ကြားရှိသော ဆောက်လုပ်ရေးလုပ်ငန်းခွင်များ မှ အလုပ် သမားများကို အလုပ်ဖြုတ် လျှော့ချရန် ပြင်ဆင်နေကြ ပြီဖြစ်သည်။ ဆက်လက်၍ နောက်ဆုံးခံစစ်စည်းဖြစ်သည့် ပုဂ္ဂလိက ဘဏ်များသာပြိုလဲကုန်လျှင် တိုင်းပြည်သည် Crisis ဟုခေါ်သော စီးပွားပျက်ကပ် အထဲရောက်သွား တော့မည်ဖြစ်သည်။ ထိုသို့ ဖြစ်လာပါက တိုင်းပြည်၏ နိုင်ငံရေးစနစ်များပါ အကုန်ဒုက္ခ ရောက်သွားမည်ဖြစ် သည်။ ဗဟိုဘဏ်မှပြောသည့်အတိုင်း ပြောင်းလဲမှုကိုတော့ လုပ်ရမည်ဖြစ်သည်။ သို့သော်ပြောင်းလဲရန်အတွက် လုံလောက်သည့် အချိန်ပေးရန်လိုသည်။ ယခုရေတွင်းတူး ယခုရေကြည် သောက်ချင်၍မရ နိုင်။ လက်ရှိတွင် တိုင်းပြည်သည် စီးပွားရေးမည်သူမှ မကောင်းသည့် အခြေအနေသို့  ဆိုက်ရောက်သည်။ ထို့ကြောင့် ဗဟိုဘဏ် ၏ ထုတ်ပြန်မှုများသည် မည်သည့်ရည်ရွယ်ချက်ဖြင့် ထုတ်ပြန်နေသနည်းဆိုသည်ကို စဉ်းစားရန်လိုလာသည်။

   “ ဖားအုပ်က အရမ်းဆူညံ နေတယ်။ အဲဒီအထဲက ဖားနှစ်ကောင်သုံးကောင်ရိုက်လိုက်ရင် အသံငြိမ်သွားမှာပါ” ဟု သဘောထားရှိသူတစ်ဦးမှာ မြန်မာနိုင်ငံဘဏ္ဍာရေးစီမံခန့်ခွဲမှုကဏ္ဍတွင် အရေးပါသောနေရာ၌ ရောက် နေခြင်းမှာ အလွန်အန္တ ရာယ်ကြီး လှသည်။ လက်ရှိဗဟိုဘဏ်တွင် ပါဝင်နေသူတချို့မှာ အမျိုးသားဒီမိုကရေစီ အဖွဲ့ချုပ် ဗဟိုစီးပွားရေးကော်မတီ၏ ထောက်ခံမှုဖြင့် ရောက်ရှိနေခြင်းဖြစ်ကြောင်းကိုလည်း ကောလဟလ တစ်ခုအဖြစ် ကြားရပြန်သည်။ နိုင်ငံခြားမှ ဘဏ်ပညာရှင်များကမူ မြန်မာ့စီးပွားရေးကောင်းမွန်လာစေရန် အတွက် (Shock Therapy ) ကုထုံးများမသုံးရန်လည်း အကြံပြုထားပြီးဖြစ်သည်။

       အမှန်တကယ်အားဖြင့် ဗဟို ဘဏ်အနေဖြင့် စီးပွားရေး လုပ်ငန်းရှင်များ၊ ပုဂ္ဂလိကဘဏ်များအား ဖိတ်ခေါ်ကာသုံးဦး သုံးဖလှယ်ခေါ်ယူတွေ့ဆုံကာ  Win Win Solution ပေါ်တွင် ညှိနှိုင်း ဆောင်ရွက်ခဲ့မည် ဆိုလျှင် မကြာခင်ဖြစ်ပေါ်လာမည့် လုပ်ငန်းများ ပြိုလဲခြင်း၊ အခြေခံ အလုပ်သမားများအလုပ်ဆုံးရှုံးရခြင်း၊ နိုင်ငံတော်စီးပွားရေးဖွံ့ဖြိုးတိုးတက်မှု နှေးကွေး၍ Gross National  Product  ကျဆင်းခြင်းများကို ရှောင်လွှား နိုင်မည်ဖြစ်သည့် အပြင် ၂၀၁၈ ခုနှစ်အတွင်း နိုင်ငံတော်အစိုးရ၏စီးပွားရေး ရည်မှန်းချက် ဖြစ်သည့် အသေးစား အလတ်စား စီးပွားရေးလုပ်ငန်းများ (SME) များရပ်ဆိုင်းခြင်းမှ ကာကွယ်နိုင်မည်ဖြစ်ကြောင်း အကြံပြုရေးသား လိုက်ပါသည်။

Category: 

Share