စည်းမျဉ်းစည်းကမ်းအတိုင်း ကိုင်တွယ်ရမည့် ရန်ကုန်မြို့က ပရမ်းပတာ တက္ကစီတွေ - လင်းကိုကို

    လူနေမှုဘ၀ တစ်စထက် တစ်စ တိုးတက်ပြောင်းလဲလာသည့်နည်းတူ ကျွန်တော်တို့မြန်မာလူမျိုးများ၏ လူနေမှုဘ၀တွင်လည်း သယ်ယူပို့ဆောင်ရေးကဏ္ဍသည် တစ်စထက်တစ်စ တိုးတက်ပြောင်းလဲလာခဲ့ပါသည်။ ရှေးပဝေသဏီက လူဖြင့် အငှားလိုက် ထမ်းပိုးပေးခြင်း၊ ဆင်၊ မြင်း စသည်တို့ဖြင့် အငှားလိုက်သယ်ယူပို့ဆောင် ပေးခြင်း၊ လှည်းအငှားလိုက်ခြင်းတို့ဖြင့် စတင်ခဲ့သည့် သယ်ယူ ပို့ဆောင်ရေးကဏ္ဍမှာ ခေတ်နှင့်အတူ ပြောင်းလဲ လာခဲ့ပါသည်။

မြန်မာတို့ အင်္ဂလိပ်လက်အောက်သို့ ကျရောက်ချိန်မှစ၍ အိနိ်္ဒယနိုင်ငံမှ အငှားလိုက်သယ်ယူ ပို့ဆောင်ပေးသော လန်ခြားယာဉ်မှာ မြန်မာနိုင်ငံသို့ ရောက်ရှိလာခဲ့ပါသည်။ နောက်ပိုင်းတွင် မြင်းလှည်းနှင့်ဆိုက်ကားများ မြို့တွင်း အငှားလိုက်သယ်ယူပို့ဆောင်ရေးကဏ္ဍ၌ နေရာယူလာခဲ့ပါသည်။လွတ်လပ်ရေးရပြီး ခေတ်တွင် အခပေးစင်းလုံး အငှားယာဉ်အဖြစ်ဂျပန်နိုင်ငံမှသုံးဘီးယာဉ်များ မြန်မာနိုင်ငံသို့ရောက်လာခဲ့ပါသည်။ မာဇဒါနှင့်ဟန်ဘီး (သုံးဘီး) ယာဉ်များ ရန်ကုန်တွင် အလုပ်ဖြစ်    လာေ သာအခါ မန္တလေးနှင့် ပဲခူးမြို့ကြီးများသို့ပါ ခြေဆန့်လာခဲ့ပါသည်။ သို့ရာ တွင် ပဲခူးမြို့မှ ဆိုက်ကားဆရာများနှင့် မြင်းလှည်းဆရာများက လက်မခံဘဲ  ၀ိုင်းဝန်းရိုက်နှက်လေ့ရှိသဖြင့် သုံးဘီးယာဉ်များ ပဲခူးမြို့မှ ပြန်လည်ဆုတ်ခွာခဲ့ရသည်ကို    မှတ်မိလျက်ရှိပါသည်။

၁၉၇၀ ပြည့်နှစ်ကာလများ တွင် မြန်မာနိုင်ငံ(ကစလ) နှင့် ဂျပန်မာဇဒါကုမ္ပဏီတို့ပူးပေါင်း ထုတ်လုပ်သော      ဘီ ၆၀၀ လေးဘီးယာဉ်များနှင့် ဖယ်မလီယာ ပစ်ကပ်ယာဉ်များ တက္ကစီယာဉ် များအဖြစ် ပေါ်လာခဲ့ပါသည်။ ဖယ်မလီယာ ပစ်ကပ်ကားများ၏ ငှားရမ်းခမှာ ဈေးကြီးသဖြင့် (လေးဘီးယာဉ်ထက် နှစ်ဆမျှပေး ရသဖြင့်) ဘိုးဘိုးအောင်ဟု ခေါ်ခဲ့ကြပါသည်။ တက္ကစီများ၏ ရှေ့ ပြေးသုံးဘီးခေတ်မှ လေးဘီးနှင့် ဘိုးဘိုးအောင်ခေတ် အထိ ယာဉ်စီးခများကို အစိုးရက သတ်မှတ်ပေးပြီး  မီတြာ ဖင့် မောင်းနှင် အခကြေးငွေတောင်းခံသော နည်း လမ်းကို အသုံးပြုခဲ့ကြပါသည်။

၁၉၉၆ ခုနှစ်ဝန်းကျင်၌ စင်ကာပူနိုင်ငံမှ တက္ကစီ အကျ (Confort) များ မြန်မာနိုင်ငံသို့ ရောက်ရှိလာပါသည်။ အငှားယာဉ်အက္ခရာဖြင့် ချပေးခြင်း၊ အခွန်လျှော့ပေါ့ပေးခြင်းတို့ ကြောင့် အငှားယာဉ်လုပ်ငန်းလုပ် ကိုင်သူ များအပြင် အိမ်စီးကား အဖြစ် အသုံးပြုသူများကပါ ၀ယ်ယူခဲ့ကြပါသည်။ အက္ခရာနံပါတ် မှာ (ကက)၊ (ခခ) တို့ဖြစ်ပါသည်။ ယာဉ်စီးနှုန်းထားများမှာ ယနေ့ ပုံစံအတိုင်း ကြိုက်ဈေးသာဖြစ်ပါ သည်။ နိုင်ငံတကာတွင် တက္ကစီ ဆိုသည်မှာ တက္ကစီစတန်း (Taxi Stand) နှင့် မီတာနှင့်       ဖြစ်ပါသည်။ ထိုစနစ်နှစ်ခုလုံးကို မြန်မာနိုင်ငံ၌ ယနေ့ တိုင် မကျင့်သုံးနိုင်သေးသဖြင့် ယာဉ်ကြောပိတ်ဆို့မှုများ၊ အဆမတန်ဈေးဆိုသဖြင့် အငြင်းပွား ခိုက်ရန်ဖြစ် ပွားရမှုများနှင့် တက်္ကစီကို အသုံး ပြုပြီး ဒုစရိုက်မှု ကျူးလွန်နေမှု များကို တွေ့ကြုံနေ  ရခြင်းဖြစ်ပါ သည်။ ထိုစနစ်နှစ်ခုစလုံးကို အကောင်အထည် ဖော်ပေးရမည့် တာဝန်မှာ အစိုးရ၏ တာဝန်သာ ဖြစ်ပါသည်။

ယခင်အစိုးရလက်ထက်များ တွင် မီတာစနစ် အကောင်အထည်ဖော်မည်ဆိုပြီး တက္ကစီ များတွင် မီတာများ အတင်းအကျပ် တပ်ဆင်ခိုင်းခဲ့ပါသည်။ သို့ သော်လည်း  နောက်ပိုင်းတွင် တက္ကစီခကို မီတာဖြင့် တောင်း ခံရေးထက် မီတာတပ်ဆင်ခအ   ပေါ်မှရရှိမည့် ကော်မရှင်ကိုသာ အလေးထားခဲ့သဖြင့် အောင်မြင် ခြင်းမရှိခဲ့ပေ။ စီးပွားရေးသမားများနှင့် ပေါင်းသင်းပြီး မီတာများ အတင်းအကျပ် ၀ယ်ယူစေခဲ့သဖြင့် ယာဉ်ပိုင်ရှင်များကလည်း မီတာတပ်ဆင်ရန် စီမံတိုင်း ငြင်းပယ်နေခဲ့သည်မှာ ယနေ့အထိ ဖြစ်ပါသည်။

ယခုအခါတွင် ရန်ကုန်တိုင်း ဒေသကြီးအတွင်း အငှားယာဉ် အဖြစ် မှတ်ပုံတင်ထားသော မော်တော်ယာဉ်များ အားလုံး ဒီဇင်ဘာလ ၃၁ ရက်နေ့ နောက်ဆုံးထား၍  City Taxi မှတ်ပုံတင် ပြုလုပ်ရန်နှင့် မှတ်ပုံတင်သက် တမ်း တိုးရန် ညွှန်ကြား  ထားပြီး သတ်မှတ်ရက်အထိ မှတ်ပုံတင်လာရောက် ပြုလုပ်ခြင်းမရှိပါက အငှားယာဉ်ပြေးဆွဲခွင့် ရပ်ဆိုင်း သွားမည်ဖြစ်ကြောင်း ကြေညာချက်ထွက်ပေါ်လာခဲ့ပါသည်။ ထိုကြေညာချက်နှင့် ပတ်သက်ပြီး ထောက်ခံသူရော၊ ကန့်ကွက်သူပါ သောသာညံနေခဲ့ပါသည်။ အချို့ ကလည်း ပေးထားသော အချိန် ကာလတို တောင်း၍ တိုးဝှေ့ပြီး  မှတ်ပုံတင်နေကြရကြောင်း၊ ရန်ကုန်တိုင်းဒေသကြီး သယ်ယူ ပို့ဆောင်ရေး ကြီးကြပ် ကွပ်ကဲမှု အာဏာပိုင်အဖွဲ့ (YRTA) ရုံး အနီးတွင် ယာဉ်ကြောပိတ်ဆို့မှု များ    ဖြစ်ပေါ်နေရကြောင်း စ သဖြင့် ကန့်ကွက်ပြောဆိုကြပါ သည်။ ထို့ကြောင့် ၀ိုင်အာတီအေ အဖွဲ့အနေဖြင့် မှတ်ပုံတင်ရန်အ တွက် အင်းစိန်မြို့ နယ်ရှိ ၀ိုင်အာတီအေ မြောက်ပိုင်းခရိုင်ရုံး၌ နိုဝင်ဘာလ ၂၂ ရက်နေ့မှစတင်၍ လက်ခံဆောင်ရွက်ပေးခဲ့ပါသည်။ မှတ်ပုံတင်အသစ် ပြုလုပ်ခြင်း အတွက် ငွေကျပ် ၁၂၅၀၀ နှင့် သက်တမ်းတိုးအတွက် ငွေကျပ် ၆၅၀၀ ကျသင့် ကြောင်း သိရှိရပါသည်။

အမှန်တကယ်တော့ City Taxi အဖြစ် မှတ်ပုံတင်ရန်တာဝန်မှာ မူလကတည်းကရှိနှင့်ပြီး ဖြစ်ပါသည်။ အရေး ယူမှုလုံးဝမရှိသလောက် အားနည်းခဲ့သဖြင့် မှတ်ပုံမတင်ခဲ့ကြခြင်းပါသည်။ ယခုအရေးယူမည်ဆိုမှ စုပြုံပြီး လုပ်ကြသဖြင့် ယာဉ်ကြော    ပိတ်မှုများ၊ ကြန့်ကြာမှုများကို ကြုံရ ခြင်းဖြစ်ပါသည်။

အမှန်ပြောရပါက ရန်ကုန် မြို့၏ တက္ကစီလောက ပရမ်းပတာ ဖြစ်နေသည်မှာ ကြာပြီဖြစ်ပါ သည်။ ယာဉ်ပိုင်ရှင် စာအုပ်ပါ အမည်နှင့် လက်ရှိပိုင်ရှင် မကိုက်ညီမှု၊ တက်္ကစီအက်္ခရာယာဉ်များ ကို အိမ်ကားများအဖြစ် အသုံး ပြု နေမှု၊ တက်္ကစီယာဉ်များကို အသုံးပြု၍ လုယက်မှု၊ လူသတ် မှုများ ကျူးလွန်မှု၊ တက္ကစီယာဉ် မောင်းများအား ခရီးသည်ဟန်ဆောင်ပြီး လုယက်သတ်ဖြတ်မှု စသဖြင့် ဖြစ်ချင်တိုင်းဖြစ်နေခဲ့ ပါသည်။ ထို့အပြင် အဝေးပြေး ကားဝင်းများတွင် တက္ကစီများမှာ ယာဉ်မရပ်ရနေရာတွင်   ရပ်ခြင်း၊ လမ်းပြောင်းပြန် ၀င်ထွက်မောင်း နှင်ခြင်း၊ ခရီးသည် အဆမတန် တင်ဆောင်ခြင်းများ ပြုလုပ်နေ သဖြင့် အောင်မင်္ဂလာနှင့် ဒဂုံ ဧရာ အဝေးပြေးကား ၀င်းများ တွင် အငှားယာဉ်များကြီးကြပ်မှုကော်မတီကို သီးခြားဖွဲ့စည်းပြီး စည်းကမ်း       ကြပ်မတ်သွားမည်ဖြစ် ကြောင်း ရန်ကုန်တိုင်းဒေသကြီး အစိုးရအဖွဲ့ဝင် ၀န်ကြီးဒေါ်နီလာကျော်က နိုဝင်ဘာလ ၂၀ ရက် နေ့တွင် ကျင်းပသည့် ရန်ကုန်တိုင်းဒေသကြီးလွှတ်တော် အစည်းအဝေးတွင် ပြောကြားခဲ့ပါသည်။

ဝန်ကြီး၏ ပြောဆိုချက်ကို စာရေးသူအနေဖြင့် ကန့်ကွက်ရန်မရှိသော်လည်း အောင်မင်္ဂလာနှင့် ဒဂုံဧရာ အဝေးပြေးဝင်းနှစ်ခုတွင်သာ ကွက်ပြီး စည်းကမ်းကြပ်မတ်မည်ဆိုခြင်းကိုမူ ကန့်ကွက်လိုပါသည်။ အမှန်အားဖြင့် စည်းကမ်းပျက်နေသော တက္ကစီ ယာဉ်အားလုံးကို တစ်မြို့လုံးအနှံ့ စည်းကမ်းကြပ်မတ်အရေးယူရန် လိုအပ်ပါ သည်။ ထိုသို့ အရေးယူရာတွင် ခရီးသွားပြည်သူများ၏ ပါဝင်ကူညီမှုလည်း လိုအပ်မည် ဖြစ်ပါသည်။ ခရီးသွားပြည်သူများက မသိနားမလည်၍ (တချို့ လည်းနားလည်လျက်နှင့်) လမ်းဆုံ လမ်းခွနေရာများ၊ ဘတ်စ်ကားမှတ်တိုင်များ၊ လူသွားလူလာရှုတ် ထွေးသောဈေးများ၊ ဖြူနီကျား ယာဉ် မရပ်ရ သတ်မှတ်ထား သောနေရာများမှ တက္ကစီကားကို တားနေကြပါသည်။ ထိုသို့တားပါ က တက္ကစီဆရာကလည်း ယာဉ် ကြော ရှင်း/မရှင်း၊ နောက်ကား လွတ်/မလွတ် မကြည့်ဘဲ လမ်း ဘေးခေါင်းထိုး၊ လမ်းမပေါ် ဖင်တစ်ခြမ်းတင်ကာ ခရီးသည်တင် လေ့ရှိပါသည်။ ခရီးသည်နှင့် တစ်ခါတည်း ဈေးတည့်ပါက တော်ပါသေးသည်။ ဈေးမတည့်ပါက ခရီးသည်နှင့် ငြင်း  ခုံဈေး ဆစ်၊ နောက်တက္ကစီ တစ်စီးက ထပ်ပြီးရပ်နှင့် တစ်လမ်းလုံးယာဉ် ကြောပိတ်ဆို့မှုများ ဖြစ်ကုန်တော့သည်ကို တွေ့နေရပါသည်။ အထူးသဖြင့် မာလာဆောင်မှတ်တိုင်မှ အင်းလျားကန်ပေါင်တစ် လျှောက် အေဒီမီးပွိုင့်အထိ ပြည်လမ်းတစ်လျှောက်လုံး ဖြူနီကျား ဆေးရောင် ခြယ်ထားသော်လည်း တက္ကစီများက ရပ်ချင်သည့်နေရာ ရပ်၊ ခရီးသည် ချ၊ တင်၊ ဈေးဆစ် လုပ်နေသောကြောင့် ယာဉ်ကြော များ ပိတ်ဆို့ကုန်သည်ကို ရုံးဖွင့် ရက် ညနေ ၄ နာရီနောက်ပိုင်းတွင် တွေ့ကြုံနေရပါ သည်။

ထို့ကြောင့် ဗိုလ်ချုပ်ဈေးအ၀င် ၀တွင် ရေးထားသကဲ့သို့ “ ဤ နေရာတွင် တက္ကစီယာဉ် မငှားကြ ပါရန် မေတ်္တာရပ်ခံပါသည်” ဟူ သောဆိုင်းဘုတ်များ တပ်ဆင်ရန် လိုအပ်နေပါသည်။ လူစည်ကား သောနေရာများနှင့် ဘူတာရုံ၊ ယာဉ်ရပ်နားဝင်း၊ လေဆိပ် စသည်တို့တွင် တက္ကစီစတန်းနေရာများ သတ်မှတ်ပေးပြီး City Taxi မှတ် ပုံတင်ပြီးသော ယာဉ်များကိုသာ အလှည့်ကျ တန်းစီပြီး ခရီးသည် တင်ဆောင်စေခြင်း၊ တက္ကစီစတန်း တိုင်းတွင် မှတ်တမ်းတင်လုံခြုံရေး ကင်မရာများ တပ်ဆင်ပေးခြင်း၊ ခရီးသည်များကလည်း တက္ကစီ စတန်းများတွင် တန်း စီ စနစ်ဖြင့် စီးနင်းခြင်းတို့ကို ဆောင်ရွက်ပါက ခရီးသည်များရော တက္ကစီယာဉ် မောင်းများပါ တစ်ဦးအပေါ်တစ်ဦး သံသယကင်းကာ လုံခြုံရေးစိတ်ချစွာ ခရီးသွားနိုင်ကြမည် ဖြစ်ပါ သည်။

တက္ကစီနှင့် ပတ်သက်၍ သတ်သတ်မှတ်မှတ်မရှိဘဲ ကြိုက်ဈေးညှိနေရ၍ အချိန်ကုန်ခြင်း၊  လမ်းပိတ်ဆို့ခြင်းများ ဖြစ်ပွားနေ မှုကိုလည်း မီတာစနစ်ဖြင့် အမြန်ဆုံး ဖြေရှင်းသင့်နေပြီဖြစ်ပါသည်။ ယခုအခါတွင် Uber  Grabစ သော ကုမ္ပဏီများ      ၀င်ရောက်လာ နေပြီဖြစ်သဖြင့် ပြည်တွင်းမှ နိုင်ငံသားတက္ကစီများ လုပ်ငန်းရှင် များ၏ အခွင့်အရေး ကို ကာကွယ်ပေးရန်လည်း လိုအပ်နေပါသည်။ ထို့ကြောင့် တက္ကစီယာဉ်များကိုလည်း တစ်ပြေးညီ အရောင်အသွေးတူဆေးများခြယ်သပြီး (ဥပမာ- Yellow Cab ၊ White Cab၊ Blue Cab စသဖြင့်) အုပ်စု သုံးစု (သို့) လေးစုခွဲပြီး စည်းကမ်းထိန်းသိမ်းကြပ်မတ်သင့်ပါသည်။

နယ်လိုင်စင် တက္ကစီများ အနေဖြင့် ခရီးသည်က ငှားရမ်းလာပါက ရန်ကုန်မြို့တွင်းသို့ ၀င်ရမည်ဖြစ်သကဲ့သို့ ရန်ကုန်လိုင်စင်တက္ကစီများကလည်း ခရီးသည်ကငှားပါက နယ်သို့ လိုက်ရမည်ဖြစ်ပါသည်။ နယ် လိုင်စင် တက္ကစီများအား ရန်ကုန် မြို့    တွင်းဝင်ကြေး၊ ညအိပ်ခွန် စသည်တို့ကို ထိုက်ထိုက်တန်တန် ကောက် ခံခြင်း အားဖြင့် ထိန်းချုပ်ရမည်ဖြစ်ပါသည်။ သို့မှသာ နယ်လိုင်စင်ဖြင့် ဈေးသက်သာစွာ ၀ယ်ထားပြီး ရန်ကုန်မြို့တွင်း၌ ကိုယ်ပိုင်ယာဉ်အဖြစ် အသုံးပြု နေမှုများကိုလည်း လျှော့  ချနိုင် မည်ဖြစ်ပါသည်။ ထို့အတူပင် တက္ကစီအက္ခရာတပ် ယာဉ်အား လုံး (AA BB GG ..) အများ ပြည်သူပိုင်လမ်းပေါ်တွင် ရောက်ရှိနေချိန်တွင် ယာဉ်ပေါ်တွင် လိုက်ပါ စီးနင်းသည့် ခရီးသည် မပါရှိပါက ခရီးသည်များ၏ ငှား ရမ်းမှုကို မပျက်မကွက် လက်ခံရ မည်ဟူသော စည်းကမ်း ချက်ကို လည်း ချမှတ်ရမည်ဖြစ်ပါသည်။ စင်္ကာပူနိုင်ငံတွင် တက္ကစီယာဉ် များသည် ခရီးသည်ပါရှိပါက ခေါင်မိုးပေါ်ရှိ (Taxi ) ဆိုင်းဘုတ် ကို အ၀ါရောင်ဖြင့်လည်းကောင်း၊ ခရီးသည်မပါရှိပါက (အားနေပါက)    အစိမ်းရောင်ဖြင့်လည်းကောင်း မီးထွန်းပြထားသည်ကို အတုယူရမည်ဖြစ်ပါသည်။ (ညဘက်တွင် တက္ကစီ အား/ မအား အလွယ်တကူသိနိုင်ရန် ဖြစ်ပါသည်။)

(က) CCTV များ တပ်ဆင် ထားသော တက္ကစီ စတန်းများ အား လူစည်ကားသော နေရာ များ၌ ပြုလုပ်ပေးရန် (ဥပမာ- အဝေးပြေးကားဝင်းများ၊ ဘူတာရုံများ၊ ဈေးများ)

(ခ) တက္ကစီစတန်းတွင် စီး နင်းပါက တက္ကစီယာဉ်၊ ယာဉ် မောင်းနှင့် ခရီးသည်များအားလုံး ကို CCTV ဖြင့် မှတ်တမ်းတင် ပြီးဖြစ်သဖြင့် တက္ကစီစီးနင်းသူ များအတွက် စိတ်ချလုံခြုံမှုကို ရရှိစေမည်ဖြစ်ကြောင်း မီဒီယာ များတွင် ကြေညာပေးရန်

(ဂ) လမ်းဆုံ လမ်းခွများ၊ ဖြူနီကျားနေရာများတွင် တက္ကစီ မရပ်ရ/ မတားရဆိုင်းဘုတ်များ တပ်ဆင်တားမြစ်ပြီး မလိုက်နာပါက ယာဉ်မောင်းနှင့် ကားတား စီးသူ ခရီးသည်နှစ်ဦးစလုံးအား ယာဉ်ကြော ပိတ်ဆို့စေမှုဖြင့် အရေးယူရန်

(ဃ) ယာဉ်စီးခနှုန်းထားများ ပြန်လည်ညှိနှိုင်းသတ်မှတ်ပြီး မီတာ စနစ်ဖြင့် ယာဉ်စီးခ ကောက်ခံ သည့်စနစ်အား မဖြစ်မနေ အကောင်အထည်ဖော်ရန်

(င) တက္ကစီယာဉ်အက္ခရာ (AA BB ...) နံပါတ်တပ်ယာဉ် များအား အိမ်သုံးကိုယ်ပိုင်ယာဉ် များအဖြစ် အသုံးပြု နေခြင်းများကို ဖမ်းဆီးပြီး အရေးယူရန်

(စ) ကိုယ်ပိုင်ယာဉ် နံပါတ် အနက်ဖြင့် တက္ကစDဆွဲနေခြင်း များကို ထိရောက်စွာ ဖော်ထုတ် အရေးယူရန်

(ဆ) ပြည်နယ်နှင့် တိုင်း အလိုက် မှတ်ပုံတင်ထားသော ယာဉ်များ နယ်ကျော်ဝင်ရောက် လာပါက မြို့ဝင်ကြေး၊ ဘီးခွန်၊ ညအိပ်ခွန်များကို နေ့အလိုက် တွက်ပြီး ထိုက်တန်စွာကောက် ခံရန်

(ဇ) City Taxi အဖြစ် မှတ် ပုံတင်ပြီးနောက် ခိုင်လုံသော အကြောင်းပြချက်မရှိဘဲ ခရီးသည် များ၏ ငှားရမ်းခြင်း ကို ငြင်းဆန်ပါက လိုင်စင်ပိတ်သိမ်း အရေးယူရန်

(ဈ) တက္ကစီစတန်းများတွင် တက်္ကစီများကို ရှေ့နောက် တန်း စီစောင့်ဆိုင်းစေပြီး အလှည့်ကျ အရင်ရောက်သူ အရင်ထွက် စနစ်ဖြင့် ထွက်စေသကဲ့သို့ ခရီး သည်များကလည်း တန်းစီစောင့် ဆိုင်းပြီး အရင်ရောက်သူအရင် တက်စေသောစနစ်ကို ကျင့်သုံး ရန်(အလှည့်ကျသောယာဉ်သည် မိမိအလှည့်ကျသော ခရီးသည် သွားလိုသည့်နေရာသို့ ငြင်းပယ် ခွင့်မရှိဘဲ လိုက်ပို့စေရန်)

(ည) Uber ၊ Grab စသော အင်တာနက်လိုင်းသုံး တက္ကစီ ယာဉ်လိုင်းများကိုလည်း လိုအပ်သော စည်းမျဉ်း စည်းကမ်းများ ချမှတ်ကြပ်မတ်ပေးရန်

အထက်ပါ စည်းကမ်းချက် များအတိုင်း တက္ကစီများကို တာဝန်ရှိသူများမှ ကြပ်မတ်ဆောင်ရွက်သွားမည် ဆိုပါက ခရီးသွား ပြည်သူများအနေဖြင့် စိတ်ချလုံခြုံ ဘေးကင်းစွာဖြင့် နိုင်ငံတကာအဆင့်ရှိ တက္ကစီယာဉ် များကို စီးနင်း နိုင်သည့်အခွင့်အရေးများ ရရှိနိုင်လိမ့်မည်ဟု ယုံကြည်မိပါကြောင်း အကြံပြုတင်ပြလိုက်ပါသည်။

Category: 

Share