ဆိုရှယ်မီဒီယာကို အစိုးရက ထိန်းဖို့ အချိန်ရောက်နေပြီ - လက်စောင်းထက်

တစ်ရှိန်ထိုး ပြောင်းလဲလာသော နည်းပညာများ၏ရလဒ်အဖြစ် မြန်မာနိုင်ငံတွင် ပြည်သူအများစုသည်  လက်ကိုင်ဖုန်းများ ကိုင်တွယ်လာနိုင်ပြီဖြစ်သလို ဖုန်းကိုင်ဆောင်သူအားလုံးကလည်း အင်တာနက်သုံးစွဲ လာကြပြီဖြစ်သည်။ သို့သော်လည်း မြန်မာနိုင်ငံတွင် အင်တာနက်သုံးစွဲသူအများစုမှာ ဆိုရှယ်မီဒီယာကိုသာ အဓိကထားသုံးစွဲကြပြီး ဆိုရှယ်မီဒီယာတွင်လည်း ဖေ့စ်ဘွတ်ခ်ကိုသာ အများဆုံးသုံးစွဲနေကြသည်။ ဖေ့စ် ဘွတ်ခ်နှင့် ဆိုရှယ်မီဒီယာများကြောင့် ကောင်းကျိုး ကျေးဇူးရသူများရှိသလို ဆိုရှယ်မီဒီယာကြောင့် ဘ၀ပျက် သွားသူများကလည်း မြန်မာနိုင်ငံတွင် မနည်းလှသည်ကို တွေ့မြင်နေရသည်။

ထို့အပြင် မြန်မာတို့ သုံးစွဲနေသော ဆိုရှယ်မီဒီယာပေါ်တွင် လူအများဆုံးဖတ်ရှုသော၊ ကူးယူပြီး ပြန်လည် မျှဝေသော သတင်းများကိုကြည့်ပါက ဖျော်ဖြေရေးသတင်းများ၊ အတင်းအဖျင်းသတင်းများနှင့် လူမျိုးရေး၊    ဘာသာရေး၊ နိုင်ငံရေး ထိခိုက်   လွယ်သော သတင်းများက အများစုဖြစ်နေသည်။ မြန်မာလူမျိုးတို့ တယ်လီဖုန်း (အထူးသဖြင့် လက်ကိုင်ဖုန်း) ပြောခြင်း၊ အင်တာနက် ကြည့်ခြင်းအတွက် သုံးစွဲသည့် ငွေပမာဏမှာ ကြောက် ခမန်းလိလိ များပြားလျက်ရှိသည်။ ယမန်နှစ်က ထုတ်ပြန်သော စာရင်းများအရ တယ်လီဖုန်းပြောခငွေပေါ်တွင် အစိုးရက ဖြတ်တောက်ရယူသော ကုန်သွယ်ခွန် ၅ ရာခိုင်နှုန်း၏ ငွေပမာဏမှာ တစ်လလျှင် အများဆုံး ကျပ်သန်း ၉၀၀၀ နှင့် အနည်းဆုံး ကျပ်သန်း ၆၀၀၀ ရှိပေရာ တစ်လအတွက် မြန်မာလူမျိုးတို့ တယ်လီဖုန်း ပြောသည့်အပေါ်မှ ပျမ်းမျှကုန်သွယ်ခွန် တစ်လ ကျပ်သန်း ၇၅၀၀ ခန့် ရရှိနေသည်။ ထို့ကြောင့် တစ်လလျှင် တယ်လီဖုန်း ဘေလ်အတွက် ပျမ်းမျှသုံးစွဲငွေမှာ တစ်လလျှင် ကျပ်သန်းပေါင်း ၁၅၀၀၀၀ (ကျပ် ၁၅၀ ဘီလီယံ) ရှိသည်ကို တွေ့ရသည်။ တစ်နှစ်ဆိုပါက မြန်မာလူမျိုးများသုံးစွဲသည့် တယ်လီဖုန်းပြောခ မှာ ပျမ်းမျှ ကျပ်သန်း ထောင်ပေါင်း ၁၈၀၀ (ကျပ် ၁၈၀၀ ဘီလီယံ) ရှိသည်ကို တွေ့ရသည်။

ထို့ကြောင့် မြန်မာလူမျိုးများ၏တယ်လီဖုန်း ပြောဆိုမှုနှင့် အင်တာနက်သုံးစွဲမှုမှာ လွန်စွာများ ပြားသည်ကို တွေ့ရသည်။ အူရီဒူးကုမ္ပဏီ၏ စီအီးအိုဖြစ်သူက  “ အူရီဒူးတယ်လီဖုန်းများ စတင်သုံးစွဲနိုင်သည့်အချိန်တွင် မြို့တွင်း တာဝါတိုင်တစ်ခုကိုအသုံးပြု၍ တစ်ညအတွင်း တယ်လီဖုန်းခေါ်ဆိုမှုမှာ သိန်းဂဏန်းများစွာရှိကြောင်း” အံ့သြစွာ ထုတ်ဖော်ပြောကြားခဲ့ဖူးသည်။ တယ်လီဖုန်းသုံးစွဲရာတွင် ယခုအခါ တယ်လီဖုန်းပြော ခြင်းထက် အင်တာနက်ဖြင့် ဆိုရှယ်မီဒီယာများ သုံးစွဲခြင်း၊ သီချင်းများ၊ ရုပ်ရှင်များကြည့်ခြင်းက ပိုမိုများပြားလာကြောင်း လည်း သိရသည်။ ထို့အပြင် အလယ်တန်းအဆင့် ကျောင်းသားကျောင်းသူများ၏ ဖုန်းထဲတွင်ပင် လိင်ဆက်ဆံ သည့် ဗီဒီယိုများ ရောက်ရှိနေပြီဖြစ်ကြောင်းလည်း သိရသည်။

 တံခါးဖွင့်လျှင် လေရသလို ပြင်ပမှ အမှိုက်သရိုက်များလည်း ပါဝင်လာစမြဲဖြစ်ရာ မြန်မာနိုင်ငံတွင် ယခုအခါ ဆိုရှယ်မီဒီယာ အသုံးပြုပြီး ခြိမ်းခြောက်မှုများ၊ ငွေကြေးတောင်းယူမှုများ၊ လိင်အရောင်းအ၀ယ်များ၊ လိမ်ညာ ကာမရယူမှုများမှသည် လု   ယက်မှု၊ လူသတ်မှုများအထိ ကျူးလွန်လာကြပြီဖြစ်သည်။ ပြည့်တန်ဆာလုပ်ငန်းမှာ မြန်မာနိုင်ငံတွင် တရားမ၀င်လုပ်ငန်းဖြစ်ပြီး ဖမ်းဆီးရမိပါက ထောင်ဒဏ်ချမှတ်ခံရသည့် ဥပဒေ ပြဋ္ဌာန်းထား သော်လည်း ယခုအခါ ပြည့်တန်ဆာခေါင်းများသည် ဆိုရှယ်မီဒီယာပေါ်တွင် အကောင့်များစွာ အသုံးပြု၍ ပြည့်တန်ဆာလုပ်ငန်းကို တရားဝင် ကြော်ငြာလုပ်ကိုင်နေကြသည်။ သူတို့သည် မော်ဒယ်များ၊ သရုပ်ဆောင် များ၏ ပုံကို သူတို့စာမျက်နှာများတွင် အသုံးပြုပြီး မြှူဆွယ်လျက်ရှိရာ အဆိုပါပုံ အသုံးအပြုခံရသည့် အမျိုးသမီး များအတွက် များစွာနစ်နာလျက်ရှိသည်။ နှစ်လုံးထီ၊ သုံးလုံးထီမှာ တရားမ၀င် လောင်းကစားနည်းဖြစ်ပြီး ဥပဒေ အရ ထောင်ဒဏ်ချမှတ်နိုင်သော်လည်း ဆိုရှယ်မီဒီယာပေါ်တွင်နှစ်လုံးထီ၊ သုံးလုံးထီသမားများသည်အချိန်နှင့် တစ်ပြေးညီ လုပ်ကိုင်စားသောက်နေကြသည်။ ဘောလုံးလောင်းကစားခြင်းသည်လည်း ဥပဒေအရ တရားမ၀င် သော်လည်း ဆိုရှယ်မီဒီယာပေါ်တွင် တရားဝင်သဖွယ် ဆောင်ရွက်နေ ကြသည်။ထို့အပြင်ဘိုးတော်ဆိုသူများ၊ လောင်းကစား တစ်ပေးသူများကလည်း ဆိုရှယ်မီဒီယာပေါ်တွင် အခကြေးငွေရယူပြီး မန်ဘာများ ခေါ်ယူကာ အတိတ်ဂဏန်းများကို ပေးလျက်ရှိသည်။အချို့အမျိုးသမီးများကလည်းအခကြေးငွေ (ဖုန်းဘေလ်) ရယူပြီးဆိုရှယ်မီဒီယာပေါ်တွင် ကိုယ်လုံးတီးချွတ်ပြခြင်း၊ လိင်စကားများ လက်ခံပြောဆိုခြင်းများ ပြုလုပ်လျက်ရှိသည်။

မသိနားမလည်သော အမျိုးသမီးငယ်များကိုလည်း လိင်မုဆိုးများက ဆိုရှယ်မီဒီယာပေါ်မှ တစ်ဆင့် အမဲလိုက် လျက်ရှိရာ ဘ၀ပျက်သွားသော အမျိုးကောင်းသမီးလေးများ၊ လင်ကောင် မပေါ်ဘဲ ကလေးမွေးလိုက်ရသော အမျိုးသမီးလေးများ များစွာရှိနေပြီဖြစ်သည်။ ထို့ထက်ဆိုးသည်မှာ ကာမကိုရယူရုံသာမက တယ်လီဖုန်းဖြင့် လိင်ဆက်ဆံနေသည့် ပုံများကို ရိုက်ယူထားပြီး ဆိုရှယ်မီဒီယာတွင်တင်ကာ အရှက်ခွဲမည်ဟု ခြိမ်းခြောက်ပြီး ငွေကြေးပါ အဓမ္မတောင်းခံနေသည့် အမှုအခင်းများ ရှိလာနေပြီဖြစ်သည်။

ဖန်သားပြင်ပေါ်တွင် လူတစ်ဦးသည် သူ့စိတ်ကူးအတိုင်း ယောက်ျားလည်း ဖြစ်နိုင်သည်။ အမျိုးသမီးလည်း ဖြစ်နိုင်သည်။ သူဌေးသူကြွယ်လုပ်ငန်းရှင်လည်း ဖြစ်နိုင်သည်။ အသက်လည်း ကြီး နိုင်၊ ငယ်နိုင်သည်။ အိမ်ထောင်ရှိသော်လည်း လူပျိုလူလွတ်ဟုလည်း အယောင်ဆောင်နိုင်သည်။ နောက်ပိုင်း ချစ်သူရည်းစား     ဖြစ်ကြသူအများစုသည် အင်တာနက် ဆိုရှယ်မီဒီယာပေါ်တွင် တွေ့ဆုံ အသိဖြစ်ရာမှ ချစ်ကြိုက်သူများ ပိုများ လာသည်ဟု လေ့လာသူတစ်ဦးထံမှ သိရသည်။

အထက်ပါ တင်ပြချက်များမှာ ပုဂ္ဂလိကဆိုင်ရာကိစ္စများ ဖြစ်သော်လည်း နိုင်ငံရေး၊ လူမျိုးရေး၊ ဘာသာရေး နှင့်ဆိုင်သော ထိလွယ် ကွဲလွယ်သည့် ကိစ္စများမှာလည်း ဆိုရှယ်မီဒီယာကတစ်ဆင့် နိုင်ငံကို မီးလောင်တိုက် သွင်းလျက်ရှိသည်။ မြန်မာနိုင်ငံကဲ့သို့ စနစ် တစ်ခုမှတစ်ခုသို့ ကူးပြောင်းနေသည့် အချိန်၊ လူမျိုးရေး၊ ဘာသာ ရေး ပြဿနာများစွာ ရှိနေချိန်၊ ပြည်တွင်းလက်နက်ကိုင်အင်အားစုများဖြင့် ငြိမ်းချမ်းရေး အလှမ်း ဝေးနေဆဲ အချိန်၊ ပထ၀ီနိုင်ငံရေးအရ အင်အားကြီးနိုင်ငံများ၏ မဟာဗျူဟာကစားရာ သတ်ကွင်း ဖြစ်နေချိန်တွင် အဘယ် ကြောင့် အစိုးရက ဆိုရှယ်မီဒီယာများကို မထိန်းကျောင်းဘဲ လွှတ်ထားပါသနည်းဟု မေးစရာရှိလာသည်။

ဆိုရှယ်မီဒီယာ တည်ထောင်သူများသည် ကျင့်ဝတ်များ လိုက်နာရမည့် စည်းမျဉ်းဥပဒေများဖြင့် တည်ထောင် ထားခြင်းဖြစ်သည်။ ထို့ကြောင့် အဆိုပါ ဆိုရှယ်မီဒီယာ တည်ထောင်သည့် အဖွဲ့အစည်းများနှင့်ချိတ်ဆက်ပြီး ဆိုရှယ်မီဒီယာကို ပြည်သူများ စနစ်တကျ ကျင့်ဝတ်နှင့်အညီ သုံးစွဲတတ်ရန် ထိန်းကျောင်းရမည့်အချိန် ဖြစ်နေ ပြီကို မြန်မာနိုင်ငံအတွင်း ဆိုရှယ်မီဒီယာ အသုံးပြုဖြစ်ပွားနေသည့် အမှုအခင်းများ၊ ဆူပူမှုများက သက်သေပြ လျက်ရှိသည်။ ဒီမိုကရေစီအစိုးရဖြစ်သဖြင့် ပြည်သူတို့၏ လွတ်လပ်စွာ သုံးစွဲခွင့်ကို ထိန်းကျောင်းရန်မလို ဟူသော ခပ်တိမ်တိမ်အတွေးကို မတွေးကြစေလိုပါ။ မြန်မာနိုင်ငံထက် ဒီမိုကရေစီသက်ရင့်သော နိုင်ငံများတွင် ဆိုရှယ်မီဒီယာကိုထိန်းကျောင်းသည့် အစီအမံများ ရှိပါသည်။ ထို့အပြင် မြန်မာနိုင်ငံတွင် လိင်ဝက်ဘ်ဆိုက် (အပြာရောင်ဝက်ဘ်ဆိုက်)များကို အဆီးအတားမရှိ ခွင့်ပြုထားသော်လည်း အချို့ ဒီမိုကရေစီနိုင်ငံများတွင် တားမြစ် ပိတ်ပင်ထားပါသည်။ အလားတူ လောင်းကစားဝက်ဘ်ဆိုက်များကိုလည်း ဂျပန်ကဲ့သို့သော နိုင်ငံ ကြီးများ၊ အိမ်နီးနားချင်း ထိုင်းနိုင်ငံတို့တွင် ပိတ်ပင်ထားသော်လည်း မြန်မာနိုင်ငံတွင် တံခါးမရှိ ဓားမရှိ ကြည့် နိုင်နေပါသည်။ အင်တာနက်ဝက်ဘ်ဆိုက်တစ်ခုပေါ်မှ အမှိုက်တစ်စ၊ ဆိုရှယ်မီဒီယာပေါ်ရှိ အမှိုက်တစ်စမှ တိုင်းပြည် မီးလောင်စေသည်အထိ ပြဿနာ ကြီးထွားတတ်သည်ကို အစိုးရ တာဝန်ရှိသူများ သတိမူသင့်ချိန် လည်းရောက်နေပြီဖြစ်သည်။

ယခုအခါ မှုခင်းတပ်ဖွဲ့ (CID) အောက်တွင် ဆိုက်ဘာမှုခင်းတပ်ဖွဲ့ကို ထည့်သွင်းဖွဲ့စည်းထားပြီး ဖြစ်သော် လည်း ထိုရဲတပ်ဖွဲ့၏ ပြောင်မြောက်သော လုပ်ဆောင်ချက်များ၊ ရာဇ၀တ်မှု ကြိုတင်ကာကွယ်သည့် သတင်း များ လုံးဝမကြားရသေးပါ။ အကယ်၍သာ အစိုးရအနေဖြင့် ဆိုရှယ်မီဒီယာများကို တရားဝင်မှတ်ပုံတင်သုံးစွဲရန် အမိန့်တစ်ခုသာ ထုတ်လိုက်ပါက ဆိုရှယ်မီဒီယာပေါ်တွင် လူမျိုးရေး၊ ဘာသာရေး၊ နိုင်ငံရေး သွေးကွဲရန် လှုံ့ ဆော်နေသည့် အကောင့်အတုများ အားလုံးနီးပါး ပပျောက်သွားပါလိမ့်မည်။ အလားတူ ပြည့်တန်ဆာ အကောင့် များ၊ လောင်းကစား အခါတော်ပေး အကောင့်များလည်း ပပျောက် သွားပါလိမ့်မည်။ အမျိုးကောင်း သမီးလေး များ လိမ်ညာကာမရယူ ခံရနေခြင်းများ ပပျောက်သွားပါလိမ့်မည်။ မီဒီယာ၏ တာဝန်မှာ ထောက်ပြအကြံပြု ရန်သာဖြစ်ပြီး အမှန်အကောင်အထည်ဖော်ရမည်မှာ အစိုးရဖြစ်သဖြင့် ဆိုရှယ်မီဒီယာများ၊ ကောင်းကျိုးမပေး သည့် ရာဇ၀တ်မှုအားပေး အင်တာနက် ၀က်ဘ်ဆိုက်များအပေါ် မည်သို့ကိုင်တွယ်ဆုံးဖြတ်မည်မှာ အစိုးရ၏ ဆင်ခြင်တုံတရားပေါ်တွင်သာ တည်မှီပါကြောင်း ..။

Category: 

Share